Kristín Þormar

5.11.2021 | 16:38

Nú eru víst áður "fullbólusettir" bara með "grunnbólusetningu", og það er skimunarfaraldur í gangi!

Ég verð að viðurkenna að ég er alveg búin að fá upp í kok núna þótt ég sé hreint ekkert hissa á nýjustu fréttunum. Það er búið að setja hömlur, og gagnslausa grímuskyldu á okkur eina ferðina enn, og grímurnar gera ekkert nema gera framleiðendurna ríkari, og skapa meiri mengun í lífríkinu!

Það er búinn að vera gríðarlegur skimunarfaraldur undanfarið, og notuð til þess þessi fölsku PCR próf sem gefa allt að 97% falskar jákvæðar niðurstöður.

Auðvitað finnast fleiri "smit" með þessu, það gefur alveg augaleið! Og ekki er hægt að treysta þessum hraðprófum meira en svo að kuldi geti framkallað falskar jákvæðar niðurstöður!

Það hafa sko alveg áður komið erfiðir faraldrar hérna án þess að allt sé sett á hliðina trekk í trekk og fólk skikkað til að nota þessar súrefnisheftandi munnbleyjur.

Er þetta virkilega staðan hjá einna mest "bólusettu" þjóð í heimi?

"Fram kemur í minnisblaði sóttvarnalæknis að hann telji hertar takmarkanir innanlands nauðsynlegar til að forða því að neyðarástand skapist í heilbrigðiskerfinu með ófyrirséðum aðgerðum. Ná þurfi daglegum fjölda smita niður í 40 til 50 og viðhalda þeirri stöðu með takmörkunum þar til betra ónæmi næst í samfélaginu með örvunarbólusetningum og náttúrulegri sýkingu." (Áherslubreytingin er mín)

Hefði ekki verið nær að verja öllum þessum milljörðum sem hafa farið í þessi "bóluefni" og atvinnuleysisbætur í að byggja frekar upp heilbrigðiskerfið?

Nú er verið að magna upp hræðsluna hjá þeim sem áttu víst að vera fullbólusettir, þannig að þeir fari í "örvunar"sprautu (fyrstu af mörgum?).

Og takið eftir hvernig umræðunni er lævíslega breytt.

Í stað þess að segja fólki hreinskilnislega að ein sprauta af Janssen og tvær af hinum hafi ekki virkað eins og lofað var, þá var mildilega gefið í skyn að það þyrfti að örva ónæmiskerfin aðeins betur með þeirri þriðju (eða annarri hjá þeim sem fengu Janssen).

Og nú heitir það sem áður kallaðist full bólusetning, grunnbólusetning!

Sem þýðir hvað? Eitthvað hlýtur að þurfa að byggja ofan á grunninn ekki satt?

Grunaði ekki Gvend!

Í nýrri frétt á Mbl segir: 160.000 verða boðuð í örvunarbólusetningu fyrir áramót, og allir sem geta hvattir til að mæta.

"Bólusetningar við COVID-19 hafa skilað miklum árangri hér á landi. Framkvæmd bólusetninga gekk hratt og vel og almenn þátttaka var með því mesta sem þekkist meðal þjóða. Í nýrri samantekt embættis sóttvarnalæknis er fjallað um ávinning bólusetningar."

Árangri í hverju? 5.512 óþörfum og tilefnislausum aukaverkunum hjá áður heilbrigðu fólki?

Hérna sjáið þið arfleifð Þórólfs, Svandísar, Ölmu, Víðis, Kára og co, óafturkræfan skaða hjá jafnvel þúsundum manns, og að allra minnsta kosti 32 líf.

En einhvern veginn verður að koma út þessum 1,4 milljónum skammta af Pfizer sem við erum búin að skuldbinda okkur til að kaupa og nota!

Ballið er byrjað aftur með reglulegum hræðslufundum þríeykisins, þar sem þau munu gera allt til að magna upp veiruhræðsluna hjá þeim tví- og þrísprautuðu, sem taka undir allt sem þau segja.

Gleymum jólunum, og látum okkur ekki dreyma um að mega að bjóða stórfjölskyldunni og ömmu og afa í heimsókn um jólin - frekar enn í fyrra.

Ég segi bara aftur: Hvað ætlar fólk að láta blekkja sig lengi, eru Íslendingar bara sofandi sauðir?

P.s.

Lesið þetta frábæra opna bréf til heilbrigðisráðherra og sóttvarnalæknis!

"Nú hefur íslenska þjóðin búið við gríðarlegar samkomutakmarkanir og á tíðum þurft að sæta frelsisskerðingum og óþarfa inngripum af hálfu ríkisvaldssins í vel á annað ár. Ástæðan er öllum kunn - það mun vera kórónuveiran. Í upphafi átti þetta ástand að vara stutt og stefnt var að því að „fletja út kúrvuna”. Annað hefur komið á daginn og 18 mánuðum síðar eru hér enn höft og inngrip orðin hluti af daglegu lífi einkennalausra og ósmitaðra. "

Flokkur: Bloggar | Breytt s.d. kl. 16:47 | Facebook

Athugasemdir

Snilldar pistill. Nú er svo komið með hræðsluáróðurinn

að litlu börnin (litlu morðingjarnir) þora ekki að hitta

afa og ömmu, því þau gætu smitað þau og drepið.

Þetta segja þau og er engin lýgi. Þekki sjálfur til þess.

Er þetta ekki hámarkið í geðveikinni sem þetta lið er

að bjóða uppá..?

Geta þau sofnað á kvöldin yfir öllu þessu sem búið er að bjóða uppá.?

Þetta pakk er fyrir löngu búið að missa trúverðuleika og langt

síðan þau féllu í þann flokk að vera kölluð glæpamenn.

Sigurður Kristján Hjaltested, 6.11.2021 kl. 15:24

Sæll Sigurður,

Og kærar þakkir! Nú er einmitt verið að kynda undir enn meiri hræðslu hjá landanum, og er það því miður allt of auðvelt.

Ég get ekki frekar en þú ímyndað mér hvernig þetta fólk getur sofnað á kvöldin, vitandi að það er að kalla yfir þjóðina enn meiri skaða með þessum bölvuðu eiturefnum.

Og já, þetta eru allt harðsvíraðir glæpamenn- og konur!

Kristín Inga Þormar, 6.11.2021 kl. 16:00

Í minni vinnu er orðið "árangur" notað þegar markmiði er náð, verkefni er lokið eða það gengur vel að ná markmiðum þess.

Ég skil því ekki orðið "árangur" í þessari setningu:

"Bólusetningar við COVID-19 hafa skilað miklum árangri hér á landi."

Ennþá takmarkanir sem verið er að bæta í.

Landamærin enn fráhrindandi miðað við flest önnur ríki.

Enn verið að sprauta.

Enn verið að loka skólum.

Enn verið að þröngva grímum upp á fólk.

Er þetta ekki bara vorið 2020 upp á nýtt? Hvað er þá á við með "árangri"? Kannski árangur hringekjunnar: Hún komst heilan hring og nú hefst nýr hringur.

Geir Ágústsson, 6.11.2021 kl. 17:41

Sæll Geir,

Ég er þér hjartanlega sammála með skilgreininguna á "árangri", það mætti þó kannski "hrósa þeim" fyrir þann "árangur" að vera búin að blekkja stærstan hluta þjóðarinnar í sprauturnar.

Og nú er verið að boða fólk í þessar "örvunar"sprautur, það verður fróðlegt en jafnframt sorglegt að fylgjast með hverjir hlaupa í þær.

Já, þetta virðist eiga að verða endalaus hringekja, líklega að minnsta kosti þangað til búið verður að koma út öllu bóluefninu sem búið er að skuldbinda okkur til að kaupa.

Kristín Inga Þormar, 6.11.2021 kl. 18:05