Undarlegt að mest bólusettu þjóðirnar séu með flestu smitin núna, meira að segja ein 100% sprautuð.

Gíbraltar, Ísrael og Ísland eru hvað mest bólusettu ríki í heiminum, en samt víst með mikinn fjölda smita og veikinda, og Ísraelar eru farnir að undirbúa fjórðu sprautuna.

Gíbraltar

100% fullorðinna er fullbólusettur, en vegna gríðarlegrar fjölgunar smita hafa þau afturkallað jólaatburði, og ráða öllum frá því að standa fyrir samkomum næstu fjórar vikurnar.

Allar fyrirhugaðar jólasamkomur og allt sem leyfir fólki að hittast og gleðjast saman, hefur líka verið afturkallað. Fólk á líka að forðast allar samkomur og gleðskap.

Ekki skal snerta eða faðma ættingja og vini, og grímunotkun er ráðlögð. Byrjað er að "örva" þjóðina núna með þriðja skammtinum.

Hér sjáum við nýgengi smita hjá 100% fullbólusettu samfélagi.

1611h

Er hægt að kenna ósprautuðum um ástandið þar? Ef ekki, hverju/m þá?

Ísland

Hér á landi, sem er líka ein sprautaðasta þjóð í heimi er víst met fjöldi nýrra smita nánast á hverjum degi núna.

Bóluefnin virkuðu ekki "alveg eins vel og lofað var", og var það sóttvarnalækni mikið áhyggjuefni eftir að "ný smit" fóru að finnast hér á landi - eina ferðina enn.

Landinn var hvattur í sýnatökur ef minnstu "einkenni" fyndust, hann hlýddi og streymdi í þúsundavís í þær svona til öryggis þótt einkenni veikinda væru jafnvel lítil eða engin. Enda er einkennaleysi eitt einkenni veikinda í þessum "heimsfaraldri."

Svo voru "smitin" (sem fundust með PCR prófunum) orðin svo mörg, að það varð nauðsynlegt að grípa til aðgerða. Þær voru hertar og grímuskylda sett á eina ferðina enn. Og boðuð voru ný tíðindi.

Leiðin að hjarðónæmi (geysp)

"Sótt­varna­lækn­ir hef­ur sagt gögn benda til þess að þriðji skammt­ur bólu­efn­is geti gert út­slagið hvað varðar hjarðónæmi þjóðar­inn­ar gegn kór­ónu­veirunni. Tíu þúsund manns verða bólu­sett á dag, alla mánu­daga, þriðju­daga og miðviku­daga, næstu fjór­ar vik­urn­ar."

Eina ferðina enn segir sóttvarnalæknir að einhver gögn bendi til einhvers, en ekki biður blaðamaður hann um gögnin sem hann vísar í, frekar en fyrri daginn.

Eitt er þó svolítið sérstakt, ef þriðja sprautan á að gera útslagið hvað varðar hjarðónæmi, hvers vegna er þá strax farið að tala um þá fjórðu?

En þetta er allt víst okkur þeim ósprautuðu að kenna. Birt var frétt um að við værum þungur baggi á heilbrigðiskerfinu, og sagt að ....

"Við myndum mjög gjarnan vilja ræða við þennan hóp til að útskýra fyrir honum forsendur, þannig að menn taki nú upplýsta ákvörðun um það að fara í bólusetninguna".

En hvað segja opinberar tölur?

1511k

Heimild: Byggt á þessum gögnum.

Það virðist vera snertipunktur 2. nóvember þar sem sprautaðir og ósprautaðir voru jafn margir eins og sjá má á þessu línuriti, annars eru sprautaðir á bráðadeildum alltaf fleiri.

Vissulega má færa rök fyrir því að eðlilegt sé að hlutfall veikra sprautaðra sé hærra en þeirra ósprautuðu því þeir séu svo miklu fleiri.

En við skulum líka hafa í huga að við erum á þeim tíma ársins sem þessar árlegu haustpestir herja á fólk, og illa rekið heilbrigðiskerfið fer venjulega á hliðina þegar aukaálag verður, það er ekkert nýtt.

Og við skulum líka hafa í huga að öndunarfærasýkingar eru að jafnaði orsök milli 7-8% andláta á hverju einasta ári, það er hægt að finna í opinberum gögnum.

1511lÞað er alveg stórhættulegt hvernig umræðan er farin að snúast hér á landi. Sigmundur Ernir Rúnarsson fór með himinskautum í leiðara helgarinnar.

Fleiri hafa líka undanfarið birt opinberlega skoðun sína á því að þeir ósprautuðu eigi skilið að verða útskúfaðir frá samfélaginu ef þeir geta ekki sýnt fram á vottorð um að þeir séu sprautaðir, eða jafnvel merki sig sérstaklega. Þessi undiralda fer því miður stækkandi með hverjum deginum.

Hundalógíkin er einhvern veginn svona:

Verjum hina vörðu frá þeim óvörðu, með því að neyða þá óvörðu til að fá sér vörnina sem varði ekki hina vörðu.

Til er hópur fólks hér á landi sem er búinn að reyna að fræða landann um að ekki sé allt sem sýnist þessi misserin, því hann vissi að það sem er að gerast í öðrum löndum myndi á endanum ná til okkar. Það er að raungerast núna.

Það er byrjað að búa til gjá milli þeirra sem hafa engan áhuga á að vera tilraunadýr lyfjarisanna, og þeirra sem því miður létu blekkjast af skefjalausum óttaáróðri.

Þeir sem vilja ekki sprauturnar núna eru orðnir blórabögglar fyrir misheppnuð bóluefni.

Tökum mig sem dæmi. Ég hef mjög gott meðfætt ónæmiskerfi sem hefur varið mig ákaflega vel allt mitt líf. Ég hef aldrei farið í flensusprautur en hef samt aldrei fengið flensur, og hef mjög lítið þurft að nýta mér þjónustu heilbrigðiskerfisins í áratugi.

Hvers vegna hefði ég átt að láta sprauta mig með einhverjum hraðsoðnum genabreytandi tilraunalyfjum sem ég hefði ekki hugmynd um hvað innihéldu? Getur einhver bent mér á rökin fyrir því?

Það sem er að gerast annars staðar er líka að byrja hérna

Ég er búin að fylgjast vel með sívaxandi og grimmu ofbeldi og ofstæki yfirvalda og lögreglu gegn þjóðum sínum í mörgum löndum, eins og til dæmis í Ástralíu.

Þessar þjóðir hafa risið upp og haldið mörg fjölmenn mótmæli gegn því að verið er að svipta það öllu frelsi og mannréttindum, en það sjáum við sjaldnast í fjölmiðlunum hér á landi.

Allt í einu er þetta komið upp í umræðunni hér á landi

Kynnið ykkur hvað er að gerast í löndunum í kringum okkur, og reynið að finna svar við spurningunni um hvers vegna mest bólusettu þjóðirnar eru með mestu smitin og veikindin.

Staðreyndin er nú bara sú, að það getur ekki verið óbólusettum að kenna, samanber Gíbraltar, þið hljótið að sjá það sjálf.

Haldiði enn að þetta snúist um baráttu gegn einhverri veiru, og hvers vegna liggur svona gríðarlega á að sprauta helst allt mannkynið núna með líftæknilyfjum sem eru í tilraunafasa til 2023?

Íslendingar eru upp til hópa afskaplega hlýðin þjóð sem sýnir mikla hjarðhegðun, og bregst gjarnan ókvæða við ef einhver vogar sér að setja spurningamerki við allar aðgerðir undanfarinna tæpra tveggja ára.

Því kemur það í rauninni ekkert á óvart að fólk skuli hópast í þriðju sprautuna núna, og svo þá fjórðu þegar það kemur í ljós að hún virkaði ekki nógu vel til að "ná hjarðónæminu".

Og svo koll af kolli...

Það stefnir allt í það að þjóðin sé hreint ekkert tilbúin til að vakna og spyrja hvað sé í alvörunni að gerast i heiminum í dag, því miður.

Það er fólk eins og þið sem haldið þjóðinni í herkví, ekki við.

 1711e


« Síðasta færsla | Næsta færsla »

Athugasemdir

1 Smámynd: Ásgrímur Hartmannsson

Það mætti halda að þessi lyf veiki ónæmiskerfið.

Þau eru ekki góð í því, en hey... virkar.

3. flokks alnæmi fyrir alla.

Ásgrímur Hartmannsson, 17.11.2021 kl. 21:00

2 Smámynd: Kristín Inga Þormar

Sæll Ásgrímur,

Já það mætti alveg halda að þau veiki ónæmiskerfið, og ég hef séð marga óháða og heiðarlega sérfræðinga sýna fram á það með góðum og gildum rökum og sönnunum, því ég finn mínar upplýsingar á öðrum miðlum en þeim sem eru ritskoðaðar í drasl.

Margir þeirra sögðu þegar sprautuherferðirnar hófust að þeir óttuðust að það myndi koma í ljós núna í haust og vetur þegar þessar hefðbundnu haustpestir kæmu, og það er greinilega að rætast núna.

Þau dýr sem voru notuð í tilraunaskyni fyrst og lifðu fyrstu sprauturnar af, drápust öll þegar þau komust í tæri við kórónaveirur, en það var að sjálfsögðu allt þaggað niður.

Það er ekki eðlilegt að svona mikið "verndaðar" þjóðir séu að veikjast svona mikið, og allir ættu að sjá að þessi genabreytandi líftæknilyf séu ekki að veita lofaðri vernd, enda höfum við engar upplýsingar um hvað raunverulega er í sprautunum.

En Íslendingar standa því miður langt að baki þeim þjóðum sem eru löngu risnar upp og farnar að mótmæla öllum höftunum og skerðingunum á sjálfsögðum mannréttindum þeirra.

Að kenna heilbrigðum og ósprautuðum um þessi veikindi þeirra sprautuðu er alveg galið, en ég vissi upp á hár að það myndi gerast hér á landi, rétt eins og í hinum löndunum sem fylgja sama "handriti".

Við erum alltaf nokkrum skrefum á eftir, svo ég veit alltaf hvað gerist næst hér á landi. Og það hefur raungerst núna á síðustu dögum þegar umræðan um að útskúfa okkur og innleiða bóluefnapassa sem enginn hér á landi fattar enn hvað raunverulega snúast um, er því miður stígandi.

Nú "hefur komið í ljós" að við munum "þurfa" að fá fleiri og fleiri sprautur til að ná faraldrinum niður, því "bóluefnin" séu ekki að virka alveg nógu vel.

Og landinn gleypir við öllum lygunum sem okkur eru á borð bornar, og hefur líklega ekki hugmynd um hvað marga þessi eiturefni hafa skaðað og/eða drepið hér á landi, enda er aldrei fjallað um það í hinum ríkisstyrktu fjölmiðlum.

Kristín Inga Þormar, 17.11.2021 kl. 22:37

3 Smámynd: Geir Ágústsson

Börn og ferðamenn segir mér einn spekingur. Þessi börn þurfa kannski að fara í búr og ferðamenn að fara annað.

Geir Ágústsson, 17.11.2021 kl. 23:02

4 Smámynd: Helga Kristjánsdóttir

Takk fyrir allar upplýsingarnar sem nær fáir trúa mér ef reyni að skýra út. Bjarni Jónsson hefur verið iðinn við ap benda á það sem betur mætti fara. Hann er í dag með færslu eftir sir Bastian Rushwort sænskan vísinda mann. Þar kemur fram að sprautur eyðileggi ónæmiskerfið.

Helga Kristjánsdóttir, 18.11.2021 kl. 00:35

5 Smámynd: Ásgrímur Hartmannsson

Yfirvöld eru að reyna að etja fólki saman, tek ég eftir.

Virkar á suma.  Þetta er dáleiðzla, sjáðu til.  Svo margir eru móttækilegir.  Allir að hlusta á Radio Rwanda.  Sjáðu bara Sigmund Erni.  Hagar sér eins og andsteinn maður.

Mig grunar að við munum fljótt sjá hve vel hefur tekist til.

Ásgrímur Hartmannsson, 18.11.2021 kl. 01:00

6 Smámynd: Guðjón E. Hreinberg

Um leið og við verðum skyldusprautuð, hverjum á þá að kenna um?

Nei, við eigum RÉTTINDI og eigum að fá öryggisgettó þar sem við getum skapað okkar eigið heilbrigt samfélag, örugg frá genabreyttum grímudýrum.

Guðjón E. Hreinberg, 18.11.2021 kl. 01:08

7 Smámynd: Guðjón E. Hreinberg

Minni á Íslensk lög: " Virða skal rétt sjúklings til að ákveða sjálfur hvort hann þiggur meðferð. "

https://www.althingi.is/lagas/nuna/1997074.html#G7

Guðjón E. Hreinberg, 18.11.2021 kl. 01:10

8 Smámynd: Kristín Inga Þormar

Sæll Geir,

Jú um að gera, það er náttúrulega verið að setja upp einangrunarbúðir víða um heim fyrir þá sem hafa ekki "haft tök á" að komast í eitursprauturnar.

Kristín Inga Þormar, 18.11.2021 kl. 08:20

9 Smámynd: Kristín Inga Þormar

Sæl Helga,

Ég kannast við það, fólk harðneitar að trúa neinu nema það komi frá Þórólfi og co.

Skýringin á öllum þessum fjölda smita getur ekki verið önnur en að eitrið eyðileggi ónæmiskerfið, fyrir utan allt hitt sem það eyðileggur líka í líkömum fólks.

Kristín Inga Þormar, 18.11.2021 kl. 08:23

10 Smámynd: Kristín Inga Þormar

Sæll Ásgrímur,

Auðvitað eru þau að etja fólki saman, með dyggri aðstoð fjölmiðla og einhverra annarra, allt samkvæmt handritinu, og Sigmundur fór auðvitað yfir öll mörk með þessum leiðara sínum.

Ég var að heyra að yfirvöld í Austurríki séu í alvöru að hugleiða að nauðungarbólusetja alla fyrir jól, og það er skelfilegt ef satt er!

Kristín Inga Þormar, 18.11.2021 kl. 08:30

11 Smámynd: Kristín Inga Þormar

Sæll Guðjón,

Já hverjum á að kenna um ef við verðum nauðungarsprautuð, og hverjir stjórna Íslandi í rauninni?

Það virðist vera í pípunum að svifta okkur rétti til umráða yfir eigin líkömum og lífum, alveg eins og verið er að gera í öðrum löndum.

Nú er ég ekki mjög vel að mér í lagamálum, ætli það sé auðvelt að breyta þeim með nýrri klausu í sóttvarnalögunum?

Þú manst nú eftir þessari miður geðslegu skilgreiningu í þeim:

"6. Inngrip: Götun eða skurður í húð eða ísetning áhalds eða framandi efnis í líkamann eða rannsókn á líkamsholi. Með inngripi er ekki átt við læknisrannsókn á eyra, nefi og munni, hitamælingu með eyrna-, munn- eða hörundshitamæli, eða hitamyndatöku, heilbrigðisskoðun, hlustun, ytri þreifingu, sjónuspeglun, töku þvag-, saur- eða munnvatnssýnis utan frá, mælingu blóðþrýstings utan frá eða hjartalínurit."

Fyrsta setningin er skelfileg, og má túlka hana á marga vegu.

Kristín Inga Þormar, 18.11.2021 kl. 08:45

12 Smámynd: Guðmundur Ásgeirsson

Þessi lagatexti fjallar ekki um neitt annað en skilgreiningu hugtaksins "inngrip". Hann kveður hvorki á um neinar skyldur eða réttindi né felur í sér fyrirmæli um að neitt skuli gert eða ekki gert.

Það er mjög mikilvægt þegar rætt er um viðkvæm eða alvarleg málefni að gæta þess að oftúlka ekki eitthvað sem stendur í einhverjum texta, heldur að skoða vandlega hvað það merkir í raun og veru.

Vissulega væri lítið mál fyrir Alþingi, hvenær sem það mun svo koma saman, að setja einhverja klausu í sóttvarnalög sem sviptir okkur umráðum yfir okkar eigin líkömum. En þar sem slíkt myndi brjóta gegn stjórnarskrá yrði sá lagabókstafur að vettugi virðandi og engu hafandi.

Guðmundur Ásgeirsson, 18.11.2021 kl. 16:50

13 Smámynd: Kristín Inga Þormar

Sæll Guðmundur,

Takk fyrir þetta, hvernig myndir þú túlka þennan texta:

Götun eða skurður í húð eða ísetning áhalds eða framandi efnis í líkamann eða rannsókn á líkamsholi.

Kristín Inga Þormar, 18.11.2021 kl. 21:19

14 Smámynd: Guðmundur Ásgeirsson

Að hann sé skilgreining á hugtakinu "inngrip".

Nánast allar læknisaðgerðir fela í sér einhverskonar "inngrip".

Sem dæmi þá fór ég til tannlæknis um daginn og þá voru göt gerð á húð (deyfing) og allskonar áhöld og framandi efni sett í líkama minn, á grundvelli rannsóknar á líkamsholi (þ.e. innihaldi munnhols).

Guðmundur Ásgeirsson, 18.11.2021 kl. 21:27

15 Smámynd: Kristín Inga Þormar

Sæll aftur Guðmundur,

Ég hef farið til tannlæknis með verk í tönn og fengið rótarfyllingu með tilheyrandi deyfingu, borun og innsetningu einhverra efna í tönnina, og það tókst fullkomlega. Og þetta var gert að minni ósk.

En á einhver að geta framkvæmt einhverja aðgerð á mér, fullkomlega heilbrigðri manneskju án nokkurs tilefnis og án míns samþykkis?

Kristín Inga Þormar, 18.11.2021 kl. 22:09

16 Smámynd: Guðmundur Ásgeirsson

Nei að sjálfsögðu ekki.

"Inngrip" af þessu tagi hefur sjúklingur alltaf rétt á að hafna skv. 8. gr. laga um réttindi sjúklinga nr. 74/1997.

Stjórnarskrá og mannréttindasáttmálar tryggja einnig grundvallarréttindi til mannhelgi og friðhelgi einkalífs. Svo eru sterk fordæmi fyrir því að ekki megi þvinga fólk í læknisfræðilegar aðgerðir eða tilraunir.

Auðvitað má ekki gera neitt slíkt án samþykkis.

Guðmundur Ásgeirsson, 19.11.2021 kl. 00:34

17 Smámynd: Kristín Inga Þormar

Sæll aftur Guðmundur,

Ég veit um gömul hjón hér á landi, annað með heilabilun sem voru tvísprautuð gegn vilja sínum, og ég veit líka um slatta af fólki sem hefur verið hótað atvinnumissi ef það léti ekki sprauta sig, svo það lét því miður undan.

Kristín Inga Þormar, 19.11.2021 kl. 08:20

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband