Við virðumst alltaf vera á sama stað í baráttunni við veiruna - þrátt fyrir allar sprauturnar. Er ekki kominn tími til að skipta um kaftein í brúnni?

Það er merkilegt að sjá hvað illa gengur að ná faraldrinum niður eftir allan þennan tíma, þrátt fyrir að búið sé að sprauta 90% landsmanna 12 ára og eldri gegn honum.

Hvað klikkaði eiginlega hjá heiðursorðuhöfunum?

Samt höfum við þurft að sæta samkomutakmörkunum og nota grímur í marga mánuði núna, (með stuttu hléi þó).

En ekkert virðist virka!

Tæplega 145.000 einstaklingar eru búnir að fá örvunarskammt, samt greindust 147 smit í gær.

Ætti kúrfan ekki að vera orðin nánast flöt núna?

Litlar forsendur fyrir tilslökunum fyrir jólin segir sóttvarnalæknir

Þetta kemur lítið á óvart:

„Ég myndi segja að við erum á mjög viðkvæmum tíma núna. Faraldurinn er ekki að fara niður hjá okkur núna. Staðan er heldur skárri á spítalanum og kúrfan er heldur að fara upp á við kannski ef við skoðum fjórtán daga nýgengi. Þannig að ég get ekki séð ef við horfum á það að það sé mikið pláss að rýmka mikið til,“ segir Þórólfur Guðnason sóttvarnalæknir.

Ef ég væri ekki orðin svona drepleið á þessum síendurtekna söng hans, þá hefði ég sprungið úr hlátri yfir þessu, að við séum á mjög viðkvæmum tíma núna.

Thor Aspelund prófessor í líftölfræði og formaður skimunarráðs Landspítala er á svipuðum nótum og segir að smittölur síðustu daga séu möguleg vísbending um að viðsnúningur sé að verða í fjölda tilfella, til verri vegar.

Magnús Gottfreðsson prófessor í smitsjúkdómum

„Ég held að það sé það mikilvægasta sem við getum gert til að halda samfélaginu gangandi og lágmarka veikindi að það sé góð þátttaka í þessum bólusetningum sem nú eru í fullum gangi. Þetta er í raun og veru langöflugasta forvörn sem við höfum, þannig að ég vil bara hvetja alla til að taka þátt í því,“ sagði Magnús Gottfreðsson, prófessor í smitsjúkdómum og yfirlæknir á Landspítala, í hádegisfréttum Bylgjunnar.

Er þetta merki um öfluga forvörn, er málið ekki frekar að bóluefnin virki ekki eins og lofað var?

Mér finnst ég stundum vera að upplifa það sama og veðurfréttamaðurinn í myndinni Groundhog Day, sem við sem eldri erum ættum að muna eftir:

A self-centered Pittsburgh weatherman finds himself inexplicably trapped in a small town as he lives the same day over and over again.

Ef fólk heldur að faraldurinn muni taka enda einhvern tímann á næstunni, þá er það misskilningur. Búið er að tryggja okkur 1,4 milljónir skammta af Pfizer fyrir næsta og þarnæsta ár, svo hægt verði að sprauta okkur enn meira.

Endurbólusetning, jafnvel nokkrum sinnum

Bergström segir þetta gert til þess að hægt verði að endurbólusetja fólk, jafnvel nokkrum sinnum, gegn hugsanlegum nýjum veiruafbrigðum sem gætu komið fram. Líta megi á samninginn sem tryggingarráðstöfun. Framleiðendur Pfizer-BioNTech hafa einmitt lýst því yfir að það sé auðvelt að breyta efninu lítillega þannig að það virki gegn nýjum afbrigðum. 

Ætli þessu fólki þyki það ekki hafa verið svikið?

Ég veit um fólk sem fór í Janssen sprautuna valdi það efni vegna þess að ein sprauta átti að duga.

Þeir sem fengu upphaflega bóluefnið frá Janssen og svo örvunarskammt, geta komið í þriðju bólusetninguna fimm mánuðum eftir örvunarskammtinn.

Nú telst ein sprauta ekki nóg, best að hafa þær bara þrjár!

Nú á að fara að sprauta litlu krakkana, og mælt með því að börn á aldrinum 6-12 ára sem þegar hafa fengið pestina, verði sprautuð.

Það er löngu kominn tími til að þjóðin fari að átta sig á að þetta hefur aldrei snúist um að verja heilbrigðiskerfið og bjarga ömmu gömlu, enda er hún núna þrísprautuð - og enn í stofufangelsi.

Margir búnir að fá nóg

Hallur Hallsson sagnfræðingur og fyrrverandi fréttamaður birti harðorða færslu á Facebook síðu sinni í dag, sem hann veitti mér góðfúslegt leyfi til að birta hér.

SÓTTVARNALÆKNIR SEGI AF SÉR

 

Sóttvarnalæknir boðar á nýju ári bólusetningar 5-11 ára barna. Ég segi: Það er komið nóg. Heilbrigðiskerfið & fulltrúar Pfizer gera tilraunir á íslenskri þjóð & nú er komið að börnum. Það er komið að því að við öll stöndum upp & segjum: látið börnin í friði.

 

„Fyrst og fremst erum við bara að hugsa um hag barnanna sjálfra,“ segir Þórólfur. Veit hann? Auðvitað ekki. Hann segist vona að bólusetningar barna beri árangur. Hann lætur börnin okkar ekki njóta vafans. Aftur & aftur hefur Þórólfur veifað röngu tré & sagt þjóðinni hluti sem ekki standast.

 

Fullorðnir hafa tekið þrjár sprautur & það eru þúsundir aukaverkana. Bæði hér á landi & erlendis eru í undirbúningi víðtækar málshöfðanir. Vilt þú að Pfizer geri tilraunir á börnum okkar? Nú er Willum Þór nýr ráðherra með nýjar áherslur & tækifæri til að setja nýjan mann í brúnna & skipta um kúrs sóttvarna.

 

Út í hinum stóra heimi græða lyfjarisar trilljarða dollara; þúsundir milljarða króna á milljarða króna ofan. Aldrei í sögu heimsins hefur Elíta heimsins rakað saman jafnmiklu fé á jafn stuttum tíma. Vesturlönd eru að lenda í fátæktargildru.

 

Samningur við Pfizer er leyndarmál hér sem í öðrum vestrænum ríkjum. Íslensk stjórnvöld hafa fært vald sem setur sig ofar okkar þjóðlega valdi sem nú þegar beygir sig undir kómizara í Brussel & New York. Hinir ofsaríku kætast. Mannlíkaminn er bísniss fyrir lyfjarisa. Ég segi við ríkisstjórn & Alþingi. Stöðvið þessa leyndarhyggju sem hneppir fólkið í landinu í fjötra. Ennþá hefur enginn þingmaður risið upp gegn þessari geggjun.

 

Í Ameríku er börnum gefnar pizzur fyrir sprautur. Í Evrópu krefur lögregla fólk á götum úti um sprautupassa. Í Ástralíu er fólk hneppt í fangabúðir. Fólk um allan hinn vestræna heim er svipt lýðréttindum, framvísi það ekki bólupassa. Ekki er öld liðin frá því gyðingar báru gula stjörnu. Í okkar samtíma er fólk nú þegar útilokað hafni það sprautu. Fyrirtæki krefjast bólusetninga & falsmiðlar hamra rétttrúnaðinn.

 

Arnar Þór Jónsson varaþingmaður fórnaði dómaraembætti til að vara okkur við:

„Öllum má vera orðið ljóst að nú er að eiga sér stað háskaleg öfugþróun í samskiptum ríkis og borgara. Ástandið er víða um heim orðið svo alvarlegt að þessu leyti að engum ábyrgum manni leyfist lengur að líta undan.

 

Viðurkenna ber í hreinskilni að stærsta hættan sem nú steðjar að borgaralegu frelsi eru stjórnarfarslegar ófarir, þar sem frjáslyndi verður fasisma að bráð og lýðræði hopar fyrir alræði.“

 

Ríkisstjórn & Alþingi líta undan & þegja. Innan fárra missera verður spurt: Hvað gerðir þú fyrir börnin? ...

 

Færsluna sjálfa má finna hér.

 

Athugasemdir

[Ásgrímur Hartmannsson, 14.12.2021 kl. 21:45]

Skiftir ekki máli hver er fronturinn, þegar Pfizer virðist eiga Íslenska Ríkið núna.

Það ku vera í smáa letrinu.

[Kristín Inga Þormar, 14.12.2021 kl. 22:20]

Sæll Ásgrímur,

Það er löngu orðið ljóst þeim sem nenna að gera sínar eigin rannsóknir á því hvað er að gerast bæði hér á landinu og annars staðar, að við erum ekki lengur sjálfstæð þjóð.

[Geir Ágústsson, 14.12.2021 kl. 23:11]

Ég er með hugmynd! Sprautum fjórum sinnum og þá gengur allt yfir!

[Helga Kristjánsdóttir, 14.12.2021 kl. 23:19]

 Og hvert sem þú  ferð og hvar sem eg verð;þarf fólk eins og þig......

[Daníel Sigurðsson, 14.12.2021 kl. 23:45]

Hér varar Dr. Robert Malone, brautryðjandi innan mRN tækni og þróun bóluefna, heimsbyggðina við því að sprauta börn með þessum efnum, þó hann hafi sjálfur þegið Covid-sprautu.  

Geta valdið skemmdum á heila, taugakerf, hjarta, æðakerfi og æxlunarfærum barna:   

 

https://www.facebook.com/svalamagnea/videos/980345752562233

[Kristín Inga Þormar, 14.12.2021 kl. 23:53]

Sæll Geir,

þkka þér kærlega fyrir fyrir þetta, auðvitað vitum að því fleiri sprautur sem við fáum, því betra.

Það segir sig bara alveg sjálft!

[Kristín Inga Þormar, 14.12.2021 kl. 23:56]

Sæl Helga,

Við heyjum öll okkar baráttur hverjar sem þær eru á okkar hátt. Hvert okkar sem fær fólk til að hugsa út fyrir boxið og vera fúst til að skoða málefnin með opnum huga frá fleiri sjónarmiðum er hetja í mínum huga.

[Kristín Inga Þormar, 15.12.2021 kl. 00:00]

Sæll Daníel og kærar þakkir fyrir þetta.

Ég mun svo sannarlega horfa á þetta á morgun eftir að ég hef lokið minum "fegrunarsvefni".

[Geir Ágústsson, 15.12.2021 kl. 09:46]

Látið ekki svona krakkar. Þórólfur er mjög hughreystandi hérna:

Þórólfur sagði það skipta miklu máli hvernig bóluefnin væru kynnt. Ekki hefði verið greint frá miklum aukaverkunum hjá bæði Pfizer og Moderna og alvarlegar aukaverkanir af bóluefnum væru mjög fátíðar „kannski ein af nokkrum hundrað þúsund bólusetningum.“

En bíddu nú við, er hann að segja þetta núna? Verður þá allt í lagi með litlu börnin?

Nei, maðurinn sagði þetta í nóvember í fyrra þegar hann var að selja sprauturnar í fyrsta skipti. Hann tjáði sig þá eins og núna á grundvelli lítilla og gallaðra rannsókna, þunnrar tölfræði og í raun algjöru myrkri. Hann vissi ekkert um öryggi sprautuefnanna þá fyrir fullorðna og veit ekkert um það núna fyrir litlu krakkana.

Hann tjáir sig einfaldlega án þess að hafa hugmynd um hvað hann er að segja. 

Rangtúlkar og afbakar þar að auki, finnur töluna "0,6%" og býr til setninguna "0,6% barna sem smitast enda á spítala" á meðan upprunalega samhengið var "0,6% barna sem greinast smituð OG eru með einkenni enda á spítala" sem er bara lítið hlutfall allra smita.

Lygi, ólæsi eða leti? Dæmi hver fyrir sig.

[Kristín Inga Þormar, 15.12.2021 kl. 10:44]

Sæll Geir,

Ég tel þetta vera lygi út í eitt. Ég á skjáskot af viðtali sem var tekið við hann í byrjun "heimsfaraldursins" þegar umræðan um bóluefni var farin í gang.

Þar sagði hann orðrétt: Þarf að tryggja að nýtt bóluefni valdi ekki skaða.

Hann er búinn að fara í ótal hringi með lygarnar sínar, en fær alltaf að komast upp með þær í viðtölum. Hann vísar alltaf í einhverjar nýjar upplýsingar eða rannsóknir, en er aldrei beðinn um að sýna þær.

[Geir Ágústsson, 15.12.2021 kl. 10:50]

Kristín,

Og svo er það hitt sem er jafnvel verra: Hann benti á skýrslu á covid-blogginu sínu en endurskrifar hreinlega textann í henni, blákalt. Honum er alveg sama því hann veit að blaðamenn nenna ekki að lesa frumgögnin. Þeir bara nenna því ekki eða geta það ekki. 

Hann þarf að fara. Hætta. Vera rekinn. Fara á eftirlaun. En fyrst og fremst fara.

[Kristín Inga Þormar, 15.12.2021 kl. 12:06]

Sæll aftur Geir,

Fjölmiðlarnir - fjórða valdið bera alveg gríðarlega ábyrgð, og þeir hafa nánast allir brugðist skelfilega núna. Lepja bara gagnrýnislaust allar lygarnar sem hann lætur út úr sér.

Sammála, við þurfum að losna við hann sem allra fyrst, en þá er bara spurning hvern við fengjum í staðinn. Gæti samt varla orðið verri en hann.