Það er gott að hægt sé að semja við veiruna skæðu um undanþágur.

Hún veit að hún má smita fólk meðan það gengur inn á veitingastað og pantar sér mat, en ekki meðan það situr (jafnvel þétt saman) og borðar.

Það er líka búið að semja við hana um að hún megi reyna að smita elítur heimsins þegar þær standa með grímur í myndatökum, en ekki þegar búið er að slökkva á myndavélunum og grímurnar komnar í rassvasann aftur.

Hún hlær líka að grímubrjálæðinu, því hún veit að grímur eru ekkert nema sýnilegt tákn um hlýðni og undirgefni, og til að minna fólk stöðugt á einhverja "ógn".

Í samfélagi þar sem yfir 90% þjóðar er tví- og þrísprautuð æðir veiran núna um og smitar ósprautaða - ekkert síður en sprautaða, þrátt fyrir allar sprauturnar, grímurnar, sprittið, einangranirnar, sóttkvíarnar, smitgátirnar, fjarlægðarmörkin og hvað þetta allt nú heitir.

Stærsti brandarinn - eða mesta hörmungin kannski frekar er, hvað þjóðin er búin að láta blekkja sig í tvö ár núna, og láta sprauta sig með einhverjum efnum sem eru greinilega ekkert að virka gegn veirunni, og margir fúsir í búst.

Og það sem verra er, fúsir að láta sprauta börnin sín.

Upp koma nýjar "bylgjur" í hvert skipti sem hátíðir eru framundan þar sem fólk kemur saman, þúsundir manna, kvenna og barna fara hlýðnar í endalaus PCR próf sem allir ættu að vita núna að voru aldrei hönnuð til að greina hvort maður væri veikur eða ekki.

Veiruskrattinn tók sér þó kærkomið frí í kosningabaráttunni, enda hafa ekki borist fregnir af stórkostlegu mannfalli eftir fjölmennar og grímulausar kosningavökur.

Eftir nokkrar mínútur mun verða haldinn enn einn hræðslufundur Almannavarna, þar sem gera má ráð fyrir að okkur verði sagt að veiran sé lúmskur skratti, þetta sé hreint ekkert búið og að við eigum áfram að vera hrædd.

Og veiruhrædd margsprautuð þjóðin mun trúa því og hlýða - eina ferðina enn.

Rúv með undanþágu frá sóttvarnareglum í kvöld

Athugasemdir

[Rúnar Már Bragason, 26.1.2022 kl. 12:13]

Nákvæmlega eins og þú segir um fundinn þá voru þetta skilaboðin:

"Það gæti tekið um einn og hálf­an til tvo mánuði að ná upp hjarðónæmi hér á landi miðað við for­send­ur um að 80% þjóðar­inn­ar þurfi að smit­ast af Covid-19 til að ná hjarðónæmi. Þetta sagði Þórólf­ur Guðna­son sótt­varna­lækn­ir á upp­lýs­inga­fundi al­manna­varna."

Enn og aftur hræðsluáróður um að allir smitast sem miðað við fyrr farsóttir gerðist alls ekki.

Hann getur heldur ekki sleppt takinu:

"Þórólf­ur kvaðst vongóður um að betri tíð sé inn­an seil­ing­ar en mik­il­vægt sé að halda vel á spil­un­um varðandi aflétt­ing­ar. Ekki skuli farið of hratt í þær held­ur í nokkr­um skref­um, ann­ars sé hætta á bak­slagi."

Já, enn eina ferðina!

[Kristín Inga Þormar, 26.1.2022 kl. 12:52]

Sæll Rúnar,

Já er það ekki? Ég þurfti ekki einu sinni að fylgjast með fundinum til að vita nokkurn veginn hver boðskapurinn yrði.

Svei þessu liði sem getur ekki sleppt þessum endalausa hræðsluáróðri og vill bara sprauta alla!

[Loncexter, 26.1.2022 kl. 19:32]

Lyfjarisar léku leik, og fólkið trúði og trúði. Nú er allt í svaka steik, og Biden líkur trúði.

Bara svona létt innlegg í umræðuna. Annars flott skrif hérna !

[Kristín Inga Þormar, 26.1.2022 kl. 20:45]

Sæll Loncexter,

Þakka þér fyrir, og takk fyrir þetta fína létta innlegg, ekki veitir af á meðan þessi "heimsfaraldur" æðir yfir landið og drepur ENGA nema örfáa aldraða og/eða veika sem hafa einhverja undirliggjandi sjúkdóma.

Það er óskiljanlegt ef ekki sé farið að kvikna á fleiri perum hér á landi!

[Loncexter, 27.1.2022 kl. 19:00]

Þegar heilaþvottur verður af heimsfaraldri, lætur rúv eins og ekkert sé.

Sorglegt til þess að hugsa að margar krónur úr mínum vasa og þínum fari í að halda þessu lygabákni uppi.

[Kristín Inga Þormar, 27.1.2022 kl. 20:18]

Sæll aftur Loncexter,

Ég hætti að horfa á RÚV haustið 2020 þegar mér varð endanlega ljóst hverslags óþverra miðill þetta er í fréttaflutningnum um þennan "heimsfaraldur".

Og já, það er skömm að því að vera neyddur til að borga í þessa hít.