Misræmi hjá Lyfjastofnun í uppgefnum fjölda andláta eftir sprauturnar.

Á tveggja vikna fresti gefur Lyfjastofnun út sundurliðun tilkynninga vegna gruns um alvarlega aukaverkun í kjölfar bólusetningar.

Ég fylgist vel með öllum tilkynningum sem stofnunin sendir frá sér og hef oftar en einu sinni rekist á misræmi hjá þeim, og gleymum því ekki að landlæknir lúrði á yfir 2.000 aukaverkunum í einhverjar vikur eða mánuði!

Eins og við vitum þá ríkir algjör þöggun um aukaverkanir og andlát í kjölfar sprautanna. Aldrei eru sendar tilkynningar til fjölmiðla eftir að einhver deyr "hugsanlega" eftir sprautu, en við fáum svo sannarlega að frétta það strax þegar gamalmenni á ní- og tíræðisaldri eiga víst að hafa dáið "úr" Covid.

Gamalmennin virðast ekki hafa þjáðst af neinum undirliggjandi sjúkdómum, bara þeir sem létust eftir sprauturnar, þá vantar ekki fyrirvarana.

Skoðum tvær fyrstu sundurliðanir ársins

Hér má sjá sundurliðun tilkynntra andláta þann 12. janúar s.l.

• Átta tilkynningar um andlát í kjölfar bólusetningar bárust í janúar 2021.
• Tvær tilkynningar um andlát í kjölfar bólusetningar bárust í febrúar 2021.
• Fimm tilkynningar um andlát í kjölfar bólusetningar bárust í mars 2021.
• Ein tilkynning um andlát í kjölfar bólusetningar barst í apríl 2021.
• Fjórar tilkynningar um andlát í kjölfar bólusetningar bárust í maí 2021.
• Sex tilkynningar um andlát í kjölfar bólusetningar bárust júní 2021.
• Ein tilkynning um andlát í kjölfar bólusetningar barst í júlí 2021.
• Fjórar tilkynningar um andlát í kjölfar bólusetningar bárust í ágúst 2021.
• Engin tilkynning um andlát í kjölfar bólusetningar barst í september 2021.
• Ein tilkynning um andlát í kjölfar bólusetningar barst í október 2021.
• Engin tilkynning um andlát í kjölfar bólusetningar barst í nóvember 2021.
• Tvær tilkynningar um andlát í kjölfar bólusetningar bárust í desember 2021.
• Ein tilkynning um andlát í kjölfar bólusetningar hefur borist í janúar 2022.

Samtals 35 andlát.

Og hér má sjá sundurliðun tilkynntra andláta þann 26. janúar s.l.

• Átta tilkynningar um andlát í kjölfar bólusetningar bárust í janúar 2021.
• Tvær tilkynningar um andlát í kjölfar bólusetningar bárust í febrúar 2021.
• Fimm tilkynningar um andlát í kjölfar bólusetningar bárust í mars 2021.
• Ein tilkynning um andlát í kjölfar bólusetningar barst í apríl 2021.
• Fjórar tilkynningar um andlát í kjölfar bólusetningar bárust í maí 2021.
• Sex tilkynningar um andlát í kjölfar bólusetningar bárust júní 2021.
• Ein tilkynning um andlát í kjölfar bólusetningar barst í júlí 2021.
• Fjórar tilkynningar um andlát í kjölfar bólusetningar bárust í ágúst 2021.
• Engin tilkynning um andlát í kjölfar bólusetningar barst í september 2021.
• Ein tilkynning um andlát í kjölfar bólusetningar barst í október 2021.
• Engin tilkynning um andlát í kjölfar bólusetningar barst í nóvember 2021.
• Tvær tilkynningar um andlát í kjölfar bólusetningar bárust í desember 2021.

Samtals 34 andlát.

Eins og sjá má, þá var ein tilkynning um andlát í janúar 2022 í sundurliðuninni þann 12. janúar, en er horfin út af sundurliðuninni 26. janúar.

Það er heldur ekki samræmi í sundurliðuninni 26. janúar ef maður rennir niður síðuna og leggur saman andlát eftir hvert bóluefni.

27 eftir Comirnaty (BioNTech/Pfizer)
 1 eftir Spikevax (Moderna)
 7 eftir Vaxzevria (AstraZeneca)
 1 eftir Vaccine Janssen

Samtals 36 andlát.

Þarna munar tveim andlátum, annað þeirra mætti skýra með því að janúar andlátið hefði "óvart dottið út". Spurningin er þá hvort það hafi orðið annað andlát vegna Pfizer á þessum tveim vikum núna í janúar 2022, enda bætist alltaf eitt nýtt við milli sundurliðana, sjá 7. desember hér, og 21. desember hér. Allt bendir til þess í rauninni.

12. janúar "stemmir".

26 eftir Comirnaty (BioNTech/Pfizer)
 1 eftir Spikevax (Moderna)
 7 eftir Vaxzevria (AstraZeneca)
 1 eftir Vaccine Janssen

Samtals 35 andlát.

Fleiri misræmi

Þetta er ekki í fyrsta skipti sem ég rekst á misræmi hjá Lyfjastofunun. Ég fylgist daglega með síhækkandi fjölda tilkynntra aukaverkana og tek af þeim skjáskot.

Ég hef tekið eftir hringl með Janssen, tölurnar hafa stundum lækkað milli daga eða tímabila, eins og sjá má af þessum myndum:

Tilkynntar aukaverkanir 1. desember 2021

Tilkynntar aukaverkanir 11. janúar 2022

Svona til að skýra þetta nánar út:

Eins og fyrir einhverja töfra virðist aukaverkunum vegna Janssens hafa "fækkað" á þessu tímabili um 25, en staðan í dag 27. janúar er 1.390 skv. bókhaldi stofnunarinnar.

Trúverðugleiki þessarar stofnunar er - af marggefnu tilefni löngu kominn í ruslflokk, eins og meðal annars má sjá í hvítþvottargrein sem 3 starfsmenn hennar birtu í fjölmiðlunum í október s.l. og niðurstöðu "óháðrar rannsóknar" nokkrum dögum seinna.

Rúmlega þrefalt fleiri létust eftir sprauturnar en "úr" Covid árið 2021!

Árið 2020 áður en byrjað var að sprauta létust 29 úr Covid.

Árið 2021 voru þau 11, en 34 létust í kjölfar sprautanna.

Gerðuð þið ykkur grein fyrir þessu?

Ítarefni - og góð upprifjun

• Þöggunin um aukaverkanirnar og andlátin hér á landi eftir sprauturnar er ekkert annað en glæpsamleg!
• Er ekki bara best að sleppa þessum "örvunarbólusetningum"?
• Vekur það enga athygli að landlæknir hafi haldið eftir tilkynningum um aukaverkanir ríflega 2.000 "bólusettra" einstaklinga sem síðar greindust með "smit"?
• Hefur sóttvarnalæknir ekki frétt af 28.103 andlátum og 2.637.525 aukaverkunum eftir sprauturnar í Evrópu?
• Kann Lyfjastofnun ekki að telja?
• Var logið um raunverulega orsök andláts þessa manns?
• Tilkynntum aukaverkunum hefur fjölgað um 331 á einum mánuði, þar af 26 alvarlegum síðan "örvunarbólusetningarnar" hófust.

 

Athugasemdir

[Ásgrímur Hartmannsson, 27.1.2022 kl. 20:37]

Fyrir 2020 hefði ótt mikið ef 5-6 hefðu dáið í framhaldi af sprautu.

Ekki núna.  Nú er þetta normalt.

Smá kenning sem ég er að vinna með - byggð á gögnum: fylgstu með hagstofunni.  Þetta mun sjást þar einhverntíma.  (updeit á 3 mánaða fresti)

Í Mars mun hefjast bylgja dauðsfalla, sem stendur yfir þar til Maí-Júní.  Sama og í fyrra, bara aðrar tímasetningar.

Sjáum svo hverju verður um kennt.

[Kristín Inga Þormar, 27.1.2022 kl. 21:47]

Sæll Ásgrímur,

Já allt hefði orðið vitlaust og öllum bólusetningum að sjálfsögðu hætt hið snarasta. Ég bloggaði í sumar um að bólusetningum hefði verið hætt í USA á sjöunda eða áttunda áratugnum eftir að nokkur gamalmenni létust í kjölfarið.

Þótt þessar sprautur séu sannanlega búnar að stórskaða og/eða drepa milljónir kvenna, karla og barna, þá er bara slegið í klárinn og fólk narrað í fleiri sprautur.

Ísraelar eru byrjaðir á fjórðu sprautunni, og hver er staðan þar í landi núna?

Var Hagstofan ekki eitthvað að fiffa með tölur og færa andlát milli ára? Ég á einhvers staðar til excel skjal sem sýnir það.

Hefurðu tekið eftir því eða heyrt um sprautað fólk sem verður bráðkvatt þessa dagana, allt niður í ungt fólk?

Ég er búin að heyra af allt of mörgum slíkum óvæntum andlátum frá fólki sem ég umgengst, og ég er líka búin að heyra af frænku eins, konu á níræðisaldri sem var með marga undirliggjandi sjúkdóma og var búin að vera meira og minna á spítala undanfarin ár.

Hún dó nýlega, en banameinið hennar var víst drápsvírusinn....

Ég er búin að sjá núna margar erlendar auglýsingar og umfjallanir að þetta og hitt geti leitt til hjartaáfalla og haft aðrar hugsanlegar og jafnvel banvænar afleiðingar, eins og t.d. kuldi, eða langvarandi "streita" eftir "heimsfaraldurinn".

Og auglýsingar sem beint er gegn börnum sem segja að það að deyja sé bara hið eðlilegasta mál.

Meira að segja í einu landi er búið að skipta út þessum hefðbundnu aðvörunum á sígarettupökkum yfir í að eiturefnin í smóknum geti leitt til skyndilegra blóðtappa, hjartaáfalla og heilablóðfalla.

Næsta "afbrigði" sem mun væntanlega blossa upp kortéri í páska (var Björn Ingi ekki að spá því um daginn?) með tilheyrandi sýnatökumaníu mun að öllum líkindum verða hættulegt þeim sem búnir eru að eyðileggja ónæmiskerfin sín með öllum þessum sprautum.

En fáum mun detta í hug að eitursprauturnar hafi nokkuð með þetta að gera.

[Ásgrímur Hartmannsson, 27.1.2022 kl. 23:28]

Hagstofan breytti úr absolút tölum í hlutfall af 100K um daginn.

Línuritið var farið að líta mjög illa út þá.

Ananrs verða þeir að vera í takt við veruleikann að mestu leiti.  Einhverjum snilling gæti dottið í hug að fact-tékka þá. 

[Kristín Inga Þormar, 28.1.2022 kl. 07:59]

Sæll aftur Ásgrímur,

Vonandi mun einhver sem er vanur að lesa úr tölum og línuritum taka að sér að gera það.

Þorsteinn Siglaugsson hagfræðingur hefur verið duglegur að benda á leik með tölur til að fá fram niðurstöður sem eru hagstæðar þessum eina leyfða málstað hér á landi, nú síðast í grein sem hann birti á mbl.is undir yfirskriftinni "Furðulegt háttalag hlutfalls um nótt".

[Guðjón E. Hreinberg, 28.1.2022 kl. 11:33]

Frá þeim degi sem byrjað var að sprauta urðu allar opinberar tölur um Covid veikindi og Covid dánartölur rangsnúnar. Ekki ein einasta tala um Covid síðan í maí 2021 hefur neitt að gera með "farsóttina" og allt að gera með sprautuna. Þetta er aldrei viðurkennt. Allir sem eru taldir "óbólusettir" á spítulum eru þrátt fyrir það sprautaðir. Allt rangsnúið og ekki lengur neitt að marka neina opinbera tölfræði. Siðmenning okkar er í rúst.

Guðlaun fyrir að standa vaktina.

[Kristín Inga Þormar, 28.1.2022 kl. 16:06]

Sæll Guðjón,

Einhver verður að standa vaktina!  

Það er alveg klárt mál að það er ekkert að marka neina opinbera tölfræði varðandi þennan "faraldur". Það er alltaf gert lítið úr aukaverkunum og andlátum eftir sprauturnar og yfirleitt sagt að "að svo komnu máli" bendi ekkert til tenginga þar á milli.

Meira að segja var hálfpartinn gefið í skyn að á þriðja þúsund konur sem fengu aukaverkanir í móðurlífinu væru bara hysterískar, í fúsk rannsókn í haust.

Einn "rannsakendanna" var Björn Rúnar Lúðvíksson sem hefur verið ötul klappstýra "bóluefnanna", og hvers helsti leiðbeinandi á námsárum hans í Bandaríkjunum var glæpahundurinn Dr. Fauci!

Nákvæmlega sama taktík er notuð hér á landi við að fela og smætta aukaverkanirnar og andlátin hér á landi og í þeim löndum sem vinna eftir sama handritinu.

[Þorsteinn Siglaugsson, 28.1.2022 kl. 17:54]

Það að fólk sem deyr af sprautunum rísi upp frá dauðum skömmu seinna er auðvitað bara vísbending um að verið sé að fikta í gögnum. Annað og umfangsmeira dæmi var þegar vefurinn covid.is var "uppfærður" snemma í janúar og eftir uppfærsluna hafði smittíðni óbólusettra skyndilega stórhækkað. Þar var Þórólfur einfaldlega að falsa gögn til að styðja betur við eigin staðhæfingar um að bólusetningin fækkaði smitum.

[Kristín Inga Þormar, 28.1.2022 kl. 19:15]

Sæll Þorsteinn,

Já það fer ekkert á milli mála að verið er að fikta í gögnunum, og skyldi landlæknir geyma fleiri tilkynningar í skúffunni eins og hún gerði í haust?

Þetta með fölsunina á covid.is í janúar er grafalvarlegt mál, og í stíl við allar hinar blekkingarnar í þessum "heimsfaraldri".

Þú átt miklar þakkir skildar fyrir að benda á þetta opinberlega.