Ætlar fólk að falla fyrir þessu eina ferðina enn?

Nú virðist sjaldgæfur sjúkdómur sem kallast apabóla hafa skotið upp kollinum í Bandaríkjunum og einhverjum Evrópulöndum.

Skyldi þetta vera "heimsfaraldur" númer tvö af tíu, er þetta næsti faraldur sem Bill Gates er búinn að boða? Næst verður það öðruvísi sýkill (pathogen) segir hann.

Spádómsgáfa og undirbúningur er fyrir öllu!

Sem stendur virðist mönnum engin hætta búin af þessum sjúkdómi segir Þórólfur, en "til allrar guðslukku" var haldin æfing í viðbrögðum apabólufaraldri í mars 2021, sem myndi brjótast út í maí 2022.

Rétt eins og Event 201 æfingin í heimsfaraldri kórónuveiru sem var haldin í október 2019, þrem mánuðum fyrir (nýafstaðinn?) "heimsfaraldur".

Þátttakendur í þessum æfingum eru meira og minna þeir sömu, Bill & Melinda Gates Foundation, WHO, kínverska CDC og fleiri.

Þessir sem vilja núna ná algjörum yfirráðum yfir viðbrögðum við "komandi heimsfaröldrum" í framtíðinni, og hafa áform um áframhaldandi faraldra smitsjúkdóma næstu 10 ár!

Ballið virðist vera að byrja aftur....

Hægt verður að beita PCR-skimun­um til þess að greina apa­bólu hér á landi eft­ir tvær til þrjár vik­ur, að sögn Guðrún­ar Svan­borg­ar Hauks­dótt­ur, yf­ir­lækn­is á sýkla- og veiru­fræðideild Land­spít­ala.

Land­spít­al­inn býr yfir próf­um sem geta greint veir­ur skyld­ar apa­bólu­veirunni og veitt þar með sterk­an grun um til­vist sjúk­dóms­ins, aft­ur á móti þyrfti að senda slík sýni til Svíþjóðar til staðfest­ing­ar, eins og staðan er núna. 

Og hvað ef einhverjir "greinist" með apabólu með PCR prófi, verða viðkomandi sendir í einangrun, og verður grímuskyldu skellt á okkur eina ferðina enn?

Hvað höfum við gert hingað til áður en þessi fölsku PCR próf voru kynnt til sögunnar?

Væri maður lasinn, þá hélt maður sig bara heima þangað til manni var batnað, punktur.

Undanfarin tvö ár hefur hluti þjóðarinnar, og sumir oftar en einu sinni farið í PCR próf án þess að finna til nokkurra einustu einkenna - svona til að athuga hvort þeir séu veikir.

Og sætt sig möglunarlaust við einangranir, sóttkvíar, spritt og grímur, og hlaupið í allar sprauturnar. Samt hafa þeir sprautuðu margir hverjir orðið hundveikir af pestinni sem sprauturnar áttu að verja þá gegn.

Og þeir sem hafa skaðast eða látist vegna þeirra, en það er önnur saga.

Ætlar fólk að falla fyrir þessum skipulagða hræðsluáróðri eina ferðina enn?

Misvísandi frétt

Í þessari frétt er sagt að fjölgun tilfella af apabólu valdi áhyggjum, og í sömu frétt segir:

Almenningi ekki talin stafa ógn af sjúkdómnum

Fyrstu ein­kenni apa­bólu líkj­ast venju­leg­um flensu­ein­kenn­um. Smitaðir fá hita, bein- og vöðva­verki og eitl­ar bólgna. Í fram­hald­inu mynd­ast svo út­brot sem svip­ar til hlaupa­bólu­ein­kenna á and­liti og lík­ama.

Ekki er talið að al­menn­ingi stafi mik­il ógn af apa­bólu en flest­ir jafna sig á nokkr­um vik­um. Aðeins er vitað um eitt til­felli þar sem apa­bóla hef­ur dregið sjúk­ling til dauða. Apa­bóla er þekkt í Mið- og Vest­ur-Afr­íku og á síðustu árum hafa þúsund­ir til­fella komið þar upp.

Svo hvað er málið eiginlega, til hvers þarf að finna "smit" með PCR prófum?

Smá húmor í restina

Sem betur fer er til fólk með húmor eins og höfundur þessarar myndar, sem er fyrir löngu búið að sjá í gegn um blekkingarnar í kringum (nýafstaðinn?) "heimsfaraldur".

Ætli Landspítalinn sé búinn að tryggja sér nægar birgðir af banönum?

Undirbúa PCR-skimanir fyrir apabólu

Athugasemdir

[Guðjón E. Hreinberg, 23.5.2022 kl. 03:29]

Hvaða fólk? Áttu við erfðabreyttar MannSkepnur?

[Kristín Inga Þormar, 23.5.2022 kl. 09:38]

Einmitt, er ekki stærstur hluti þjóðarinnar búinn að fara í eitursprauturnar, jafnvel oftar en einu sinni?

[Jóhann Elíasson, 23.5.2022 kl. 12:39]

Fyrst var það COVID-19 og þar var fullyrt í upphafi faraldursins að þetta smitaðist SENNILEGA ekki á milli manna, það sama er fullyrt með Apabóluna  En hvað á svo eftir að koma í ljós???????  Ég held að þeir sem létu blekkjast til að taka þessar sprautur á annað borð séu minnst "tvíbólsettir"......

[Kristín Inga Þormar, 23.5.2022 kl. 13:57]

Sæll Jóhann,

Við verðum að vera viðbúin öllu. Ég sá um helgina erlenda frétt um að Bandaríkin og Evrópa væru búin að kaupa milljónir skammta af bóluefni gegn apabólu, svo það er spurning hvort eitthvað af því komi hingað.

Ætli einhverjir þeirra sem létu glepja sig í Covid sprauturnar láti glepja sig í sprautur með nýrri tegund af bóluefni?

[Ásgrímur Hartmannsson, 23.5.2022 kl. 16:22]

Ef fólk bara sleppir því að njóta ásta með öpum, þá ætti þetta að sleppa.
Ég vissi ekki að zoophilian væri svona útbreidd ´Evrópu.  En hey... allir virðast hafa snappað.

[Loncexter, 23.5.2022 kl. 17:16]

Góðir þættir um heimsmálin á You Tube og öflin á bak við tjöldin eru t.d Whats up Prof. Má skifa í leitina þar; WUP 111 eða WUP 112. Ef þeir eru farnir þaðan má reyna bitchute.

[Kristín Inga Þormar, 23.5.2022 kl. 20:13]

Sæll Ásgrímur,

Haha, góður! Nú hefur Evrópuríkjum verið sagt að undirbúa bólusetningaáætlun gegn apabólunni, svo við getum "andað léttar"......

[Kristín Inga Þormar, 23.5.2022 kl. 20:14]

Sæll Loncexter,

Takk fyrir þetta, ég kíki á þetta á eftir.