Hvað liggja margir þeirra veikir á sjúkrahúsi?

"Alls greind­ust tólf kór­ónu­veiru­smit inn­an­lands í gær og voru fimm í sótt­kví. Eins greind­ust 12 með veiruna á landa­mær­un­um. 

Fram kem­ur í til­kynn­ingu frá al­manna­vörn­um að ekki sé enn vitað hvert hlut­fall bólu­settra sé á meðal þeirra sem smituðust. 

Smitrakn­ing stend­ur nú yfir, en eft­ir smit gær­dags­ins eru alls 340 í sótt­kví og 97 í ein­angr­un."

Það kemur ekkert fram í þessari frétt hvort eitthvað af þessu fólki sé veikt, þótt það hafi víst "greinst" með þessa blessuðu veiru, eða af hvaða afbrigði.

Var það breska, brasilíska, nepalska, suðurafríska, H&M afbrigðið, Akranes afbrigðið, indverska afbrigðið sem heitir núna Delta, eða afbrigðið af því afbrigði sem er kallað Delta plús?

Uppáhalds afbrigðið mitt er hið breska tvíklofna Yorkshire Pudding afbrigði sem ég veit ekki til að hafi greinst hér á landi ennþá að minnsta kosti.

Fölsku PCR prófin

Veit einhver hvers vegna það þarf að reka pinna nánast upp í heilann á manni til að ná í sýni til greiningar?

Ég hef fengið það staðfest frá Landlæknisembættinu að við notum 40 snúninga á þessum PCR prófum, en hversu mikið er að marka niðurstöðurnar úr þeim?

Sjálf Alþjóðaheilbrigðismálastofnunin (WHO) viðurkenndi mistök í janúar á þessu ári, einu ári eftir að ákveðið var að þessi próf skyldu notuð til greininga á smitum.

Nú sögðu þau að nota skyldi færri en 35 snúninga og helst ekki fleiri en 25-30 og að allt yfir 35 snúningum gæfi falskar jákvæðar niðurstöður!

Meira að segja sjálfur Anthony Fauci hefur viðurkennt það:

"… if you get a cycle threshold of 35 or more, that the chances of it being replication competent are minuscule.

… you almost never can culture virus of a 37 threshold cycle … even 36 you gotta say, you know, it’s dead nucleotides, period."

Sjá vídeóið þar sem hann viðurkennir þetta hér.

Þetta vekur þá vissulega upp spurningar um hversu mörg raunveruleg "jákvæð smit" hafi í raun greinst hér á landi frá upphafi faraldursins?

Erlendir dómstólar dæma PCR prófin óhæf til greininga

Austurrískur dómstóll hefur nú í kjölfar portúgalskra, þýskra og hollenskra úrskurða dæmt þau óhæf til greininga á COVID-19 smitum og að útgöngubönn séu hvorki byggð á lagalegum né vísindalegum forsendum. Sjá má ítarlegri umfjöllun um PCR prófin hér.

Það má því velta fyrir sér hvers vegna enn séu notaðir 40 snúningar hér á landi þegar það liggur fyrir að ekki sé hægt að treysta niðurstöðum þessara prófa.

Þessar endalausu "smitfréttir" eru bara hræðsluáróður

Nú eru 437, líklega fullfrískir einstaklingar í sóttkví eða einangrun, og frá 28. febrúar 2020 hafa 6.628 lokið einangrun og 49.151 lokið sóttkví, samtals um 55.000 manns. Svo er fullbólusett fólk líka að "greinast" með veiruna!

Það á sko aldeilis ekki að láta okkur gleyma því eitt augnablik að það sé einhver heimsfaraldur í gangi, við eigum alltaf að vera hrædd við þennan ósýnilega óvin.

Endalaus þöggun um afleiðingar tilraunabólusetninganna

Hvers vegna fáum við ekki daglegar fréttir um hvað margir hafi greinst með aðra sjúkdóma, eða alla þá sem sannanlega þjást af afleiðingum þessara tilraunabólusetninga? Ég dáist að ungu konunni sem birt var viðtal við í gær, hún er enn með blæðingar 45 dögum eftir Pfizer!

Eftir að hún tjáði sig í Facebook grúppu stigu margar fram sem sem hafa glímt við alls konar veikindi og blæðingarugl eftir sprauturnar.

Hvers vegna fáum við ekki heldur að heyra um þá sem voru neyddir í sprauturnar? Og er það ekkert fréttnæmt að tilkynntar afleiðingar séu orðnar 2.234 frá áramótum?

Utan úr heimi

Fyrirgefiði, en á meðan ég er endalaust að sjá svona frásagnir í erlendum miðlum, þá er mér bara slétt sama hvað margir eru að "greinast" hér á landi með fölsku 40 snúninga prófunum!

Tólf greindust með veiruna innanlands