30 nýjar og drepfyndnar orsakir hjartaáfalla samkvæmt "sérfræðingum".

Ég er búin að vera í hláturskasti síðan ég las snilldar samantekt á 30 nýjum mögulegum orsökum hjartaáfalla samkvæmt því sem víst einhverjir "sérfræðingar" segja í erlendum fjölmiðlum.

Að sjálfsögðu tengjast engar þeirra eitursprautunum, heldur eru það "loftslagbreytingarnar", hiti, kuldi, snjómokstur, sólstormar, hækkandi orkureikningar, og jafnvel hamingja sem geta verið alveg stórhættuleg fyrir hjartað.

Að sögn "sérfræðinganna" ...

Kíkjum hérna á nokkrar:

Ha, geta konur á virðulegum aldri eins og ég fengið hjartaáfall vegna einmanaleika?

Úffff, best að fara að skella sér á Tinder ....

Nei hættið nú alveg, hvers á ég að gjalda? Ég er hundrað áttatíu og þrír sentimetrar á hæð, er ég þá núna í áhættuhópi fyrir tauga- húð, og hjartasjúkdóma?

En jæja, nú get ég með góðri samvisku hætt í þessari bannsettu líkamsrækt, ég ætla sko ekkert að fara að detta dauð niður á hlaupabrettinu!

Og ég sem ætlaði að skella mér á Avatar um helgina! Hjúkk, eins gott að ég sá þessa viðvörun, það gæti bara hafa bjargað lífi mínu!

Að sjálfsögðu vita allir sem hafa eitthvað á milli eyrnanna að eggin geta verið stórhættuleg, við erum nú búin að sjá það í fjölmiðlunum í áratugi, þau eru jafn stórhættuleg og hreint smjör og rjómi!

Æi, núna þarf ég greinilega að fara að láta símann pípa á fimm mínútna fresti svo ég fari ekki að dotta yfir kvöldfréttunum á RÚV!

Það væri nú bara mátulegt á þessa snarklikkuðu álhattaberandi bólusetningarandstæðinga að fá hjartaáföll. Halló, treystir þetta fólk ekki vísindunum?

Þetta fólk er búið að vera að reyna að telja okkur trú um að þessi frábæru Covid bóluefni geti verið eitthvað hættuleg, hlustaði það ekkert á það sem Þórólfur, Kári og Ragnheiður sögðu?

Maður hristir bara hausinn yfir svona fólki og vorkennir því fyrir heimskuna.

Haha, gott á þetta kaldhæðna fólk sem gerir grín að öllum sköpuðum hlutum, auðvitað getur svona hegðun leitt til hjartaáfalls, það gefur augaleið!

Að lokum

Ég vona að það hafi ekki farið framhjá neinum að ég skrifaði þetta blogg í kaldhæðnistóni - sem getur víst leitt til hjartaáfalla að mati einhverra "sérfræðinga" sem aldrei eru nefndir á nafn.

Það sem ég veit um lífið fyrir víst er að ég mun ekki sleppa lifandi frá því, en skal þó deyja þegar minn tími er kominn án þess að hafa látið blekkja mig í einhverjar eitursprautur sem eru búnar að skaða og/eða drepa milljónir manna, kvenna og barna um allan heim.

Restina af þessum stórkostlega fáránlegu 30 hugsanlegu orsökum hjartaáfalla má lesa hér, og blogg á aðeins alvarlegri nótum sem ég skrifaði síðasta sumar má sjá hér.

Vonandi fer fólk loksins að sjá í gegnum blekkingarnar sem skipulega er búið að beita okkur síðastliðin þrjú ár.