Nú á að rannsaka 10 tilkynningar um andlát og myndun blóðtappa!

Hverjir verða þessir óháðu sérfræðingar í lyflækningum, verður hægt að treysta því að þeir séu óháðir í raun og veru?

Það er búinn að vera mikill þrýstingur á Lyfjastofnun og Landlæknisembættið að gefa upplýsingar um í hverju tilkynntar aukaverkanir felast, en án mikils árangurs.

Þöggunin er algjör hér á landi, og þá sjaldan að svör fást, er undantekningarlítið tekið fram að það séu líklega engin tengsl á milli bólusetninga og andláta eða aukaverkana.

Nú er búið að senda kvörtun til umboðsmanns Alþingis varðandi skort á þessari upplýsingagjöf, og hefur hann tekið hana til umfjöllunar.

Því er statt og stöðugt haldið fram að ávinningurinn af því að láta sprauta þessum tilraunaefnum í sig sé meiri en áhættan sem er í hæsta máta mjög einkennilegt.

Hvernig er hægt að lofa fyrirfram öryggi og virkni einhverra efna sem verða í tilraunafasa til ársins 2023?

Gleymum aldrei svínaflensubóluefnunum!

Gleymum því ekki að Þórólfur og Haraldur Briem þáverandi sóttvarnarlæknir hvöttu alla til að láta sprauta sig með svínaflensubóluefninu 2009 og fullyrtu að þau væru örugg og góð, en annað kom á daginn.

Nokkur íslensk ungmenni og einhver hundruð frá hinum Norðurlöndunum urðu öryrkjar fyrir lífstíð eftir þau.

Nú er fjöldi látinna kominn upp í 20, og tugir hafa orðið fyrir alvarlegum aukaverkunum sem eru skv. vefsíðu Lyfjastofnunar skilgreindar svona:

Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum og jafnframt aukaverkun eða óæskileg áhrif lyfs sem leiðir til dauða eða veldur ólæknandi eða langvarandi sjúkdómseinkennum hjá dýrum.

.

Fyrir utan alla hina sem hafa tilkynnt um aukaverkanir sem teljast ekki alvarlegar!

Það verður fróðlegt að sjá að hvaða niðurstöðum þessir óháðu sérfræðingar munu komast, enhvern veginn á maður ekki von á neinum sláandi niðurstöðum, frekar en þegar þeir rannsökuðu fyrstu andlátin í ársbyrjun!

Athugasemdir

[Jóhann Elíasson, 21.5.2021 kl. 08:07]

Ég hef alltaf haldið því fram að "HLUTLAUS" aðili sé ekki til (þó svo að um einhvers konar sérfræðing sé um að ræða og hann sé að rannsaka eitthvað eftir vísindalegum aðferðum) heldur eru ALLIR aðilar MISMUNANDI MIKIÐ hlutdrægir.  Ég tek það skýrt fram að þarna er einungis um mitt álit að ræða .........

[Kristín Inga Þormar, 21.5.2021 kl. 12:11]

Sæll Jóhann,

Takk fyrir þetta, á meðan pukrið og leyndin er yfir öllu sem viðkemur þessum tilraunabóluefnum, þá ætla ég að leyfa mér að vera hæfilega bjartsýn.

[Jóhann Elíasson, 21.5.2021 kl. 12:47]

Þar er ég algjörlega sammála...........

[Kristín Inga Þormar, 21.5.2021 kl. 13:18]

Það er búið að kæra þessa leyndarhyggju til umboðsmanns Alþingis, og hann ætlar að taka þetta til umfjöllunar, sem betur fer.

[Jóhann Elíasson, 21.5.2021 kl. 13:52]

Þetta voru bestu fréttir, sem ég hef fengið í dag....

[Kristín Inga Þormar, 21.5.2021 kl. 13:57]

Já þetta eru svo sannarlega góðar fréttir!