Hvað eiga allar þessar skipanir um að fara í bólusetningarnar að þýða? Sumir búnir að fá 6, þrátt fyrir að hafa afþakkað! Vinkona mín 10!

Ég fékk mitt fyrsta boð 29. apríl, sem í boðhætti sagði mér mæta sem fyrst í Höllina, þau væru með aukaskammta af AstraZeneka, og fyrirvarinn var rúmlega klukkustund.

Á sama tíma og ég átti að vera mætt, (ætlaði að sjálfsögðu ekkert að mæta), þá hringdi maður í mig annað hvort frá Heilsugæslunni eða Heilsuveru, og sagði að fyrir mistök hefði ég fengið boð í AstraZeneka, sem ég ætti alls ekki að fá því ég væri í áhættuhópi vegna blóðtappa.

Ég kom alveg af fjöllunum, er við góða heilsu, hef aldrei fengið blóðtappa svo ég ætti ekki að vera í neinum áhættuhópi.

Ég leiðrétti þennan misskilning snarlega, hann afsakaði mistökin og sagði mér bara að bíða eftir boðinu (skipuninni) í næsta efni. Ég tjáði honum að ég hefði hvorki áhuga á að fá þessu né neinu af hinum efnum sprautað í mig, og bað hann að láta taka mig af bólusetningarlistanum, og hann hét því.

Þann 26. maí fékk ég nýtt boð, það var reyndar sent 7 mínútum eftir að ég "átti að vera mætt". Í þetta skipti var boðið upp á aukskammt af Pfizer, og að þau gætu ekki lofað skammti.

Ég skal viðurkenna að það fauk í mig, enda hafði ég afþakkað fleiri svona boð, og sendi skilaboð í gegn um Heilsuveru. Mér var svarað um hæl og staðfest að búið væri að afskrá mig, og bent á að senda tölvupóst til [e-mail], sem ég og gerði með nokkrum vel völdum orðum.

Endaði ég á að biðja um staðfestingu á erindi mínu, sem ég hef aldrei fengið.

Og viti menn, 3ja boðið kom í dag, nú "á ég að mæta" 2. júní, og þetta skipti í Moderna!

Mér er eiginlega bara allri lokið, þýðir nei ekki nei?

Ætli hægt sé að senda kvörtun yfir þessu til einhvers embættis?

Og ég er svo sannarlega ekki sú eina sem hefur lent í þessu, margir sem ég þekki til hafa látið taka sig af listanum, en halda samt áfram að fá boðanir í sprauturnar, sumir allt að sex slíkar.

Og svo er annað, við fáum öll kennitölu við fæðingu, en fyrir þessar bólusetningar fáum við strikamerki. Til hvers eiginlega, ég hélt að þau væru bara notaðar á varning, ekki fólk.

Erum við mannfólkið orðin einhver söluvara?

Og hvers vegna er þetta verkefni á vegum Almannavarna en ekki Heilbrigðisyfirvalda?

Hafa Almannavarnir eitthvað haft með bólusetningar að gera hingað til? Ef ekki, hvers vegna núna?

Og hvers vegna fáum við ekki að sjá innihald bóluefnasamninganna?

Athugasemdir

[Agný, 1.6.2021 kl. 02:40]

Það er haldið áfram að senda á fólk " boðun" = skipun / herkvaðning í þeirri von að fólk gefist upp undan pressunni.. Og fólk gerir það því miður líka..Undan pressu frá ættingjum, vinum og vinnufélögum.. Láttu það ekki koma þér á óvart það verði farið að bjóða fólki x fríðindi í skiftum fyrir " skotið" Það er byrjað á því erlendis.. Þegar gengur ekki að hræða eða hóta fólki þá er farið að bjóða þeim borgun fyrir að vera tilraunakanína.. En eg veit um dæmi þar sem hefur verið mætt á vinnustaði og líka þar sem fólk sem býr á sambýli og vinnur á vernduðum vinnustað var látið koma saman í x tíma á dag vegna þess að vinnustöðunum var lokað af brunavarnar ástæðum.. Enginn var kominn á bólusetningar aldurinn en þetta var í Febrúar.  Ætla ekki að svo stöddu að opinbera hvar þetta var en sonur minn sem er öryrki ( býr ekki á sambýli en tengdist hópnum vegna vinnu).. Engin skilaboð send ..Bara mætt eins og þetta væri um árlega vinnustaða flensu " skotin."..  En svo fékk hann boðun í sprautu í sms fyrir rúmri viku síðan..Hann er fæddur 1984... 

[Kristín Inga Þormar, 1.6.2021 kl. 07:42]

Já einmitt, ég veit líka um fólk sem hefur farið vegna pressu frá ættingjum og annað sem hefur látið undan þrýstingi til að halda vinnu sinni.

Nú er byrjað að herja á ungt fólk að láta sprauta sig, ég sá t.d. mjög ógeðfellda herferð í Bandaríkjunum til að lokka ungt fólk í sprauturnar, miði á einhverja tónleika var $18 fyrir bólusett ungmenni, og $1.000 fyrir hin!

Sjá hér: https://abcnews.go.com/US/florida-concert-tickets-18-vaccinated-1000/story?id=77939060&cid

Svo segir ein FB vinkona mín þetta: "Vinkona mín búin að fá sjö hún er öryrki. Átti að fara í Pfeizer í dag og Moderna á morgun. Fékk bæði boðin sama dag."

Svo er endalaust klifað á því að öryggið sé meiri en áhættan. Hvernig er hægt að lofa fyrirfram öryggi einhverra lítt prófaðra líftækniefna sem tilraunum lýkur ekki á fyrr en eftir tvö ár?

Og þessu er haldið fram þrátt fyrir að tilkynntum aukaverkunum fjölgi á hverjum einasta degi.

Hefurðu séð tilkynntar aukaverkanir og andlát í öðrum löndum? Þær eru alveg skelfilega margar og ljótar!