Lygarnar um aukaverkanir eftir bólusetningarnar eru sláandi!

Ég var að skoða opinbera síðu á vegum Evrópusambandsins, European Medicines Agency þar sem verið er að fjalla um "ágæti" þess bóluefnis sem tengist að minnsta kosti 18 dauðsföllum hér á landi, eða Pfizer.

Þar segir meðal annars að þetta sé bóluefni sem komi í veg fyrir veikindi af völdum kóróna veirunnar hjá fólki 12 ára og eldri.

Svo eru þarna spurningar og svör um bóluefnið, og það verður að segjast eins og er, þeirra útskýringar á hugsanlegum áhættum tengdum efninu eru vægast sagt blekkjandi, og beinlínis hreinar lygar!

Þær eru eins langt frá sannleikanum og hugsast getur. Hér fyrir neðan sjáið þið samantekt á tilkynningum sem voru unnar upp úr gögnum yfir tilkynntar aukaverkanir til og með 8. maí 2021.

Sjá líka eldri umfjöllun mína hér um 10.570 látna og 405.259 tilkynntar aukaverkanir í Evrópu.

Tilkynnt andlát eftir Pfizer eru hvorki meira né minna en 5.368 og 170.528 aukaverkanir. Þetta eru tæplega mánaðar gamlar tölur svo að öllum líkindum eru þær töluvert hærri í dag.

Þetta eru upplýsingar sem við eigum ekki að fá að sjá, og virðast ekkert koma okkur við, við eigum bara að mæta þegar skipunin kemur.

Einn stærsti skammtur af efninu sem borist hefur á að koma núna í vikunni, eða 20.000 skammtar! Dugar það ekki fyrir 10.000 manns? Og alls eiga 81.900 skammtar að koma til landsins það sem eftir lifir júní.

Er ekki nóg að nú þegar sé búið að tilkynna 1.446 aukaverkanir hér á okkar litla landi?