Það er svo margt fáránlegt sem okkur er sagt varðandi heimsfaraldurinn, hvers vegna trúir fólk öllu því sem fjölmiðlar segja og gerir ekki sínar eigin sjálfstæðu rannsóknir?

Alveg er það merkilegt hvað margir sem "greinast" með veiruna eru bara furðulega hressir og finna ekki til neinna einkenna, miðað við hvað þetta er víst svakalega mikil drápspest.

Við munum jú eftir öllum hryllilegu fréttunum í byrjun faraldursins frá Kína þar sem við sáum fólk detta niður steindautt úti á götu eftir að veira gaus upp á einhverjum blautmarkaði í Wuhan.

Og líka aumingja sýkta fólkinu sem var dregið nauðugt út af heimilum sínum, og væntanlega flutt inn á sjúkrahús eða sóttkvíar, fyrir utan allar dyrnar sem voru logsoðnar aftur til að þeir smituðu færu ekki út og smituðu aðra.

En það er eitt sem ég velti fyrir mér, Kínverjar eru ekki þekktir fyrir að birta hörmungarfréttir frá sínu landi, svo hvers vegna leyfðu þeir að þessar fréttir næðu til alls heimsins?

Sem betur fer virðist Kínverjum hafa tekist að útrýma pestinni að mestu leyti í sínu stóra og mannmarga landi, og einhverra hluta vegna virðist indverska afbrigðið sem blossaði víst upp nýlega hafa kosið að sleppa nágrannalöndunum og farið beint yfir til Evrópu.

Miðað við hvað þessi veira er víst svakalega smitandi og breiðist hratt yfir, þá er það frábært að hún virði landamæri þeirra landa sem hún má alls ekki fara til.

Þessi drápsveira er greinilega déskoti sveigjanleg í samningaviðræðum um hvenær hún má smita og hvenær ekki.

Áður en þessari tilgangslausu grímuskyldu var aflétt um daginn, þá var t.d. búið að semja við veiruna að hún mætti smita fólk á leiðinni inn á veitingastað, en ekki þegar það væri sest niður til að njóta veitinganna.

Nú má fólk fara grímulaust í Bónus, Krónuna, Kringluna og þessa helstu staði, og engin ákvæði eru um hversu þétt fólk má vera saman á þessum stöðum.

Hvað ætli miklu af veirum fólk hósti eða frussi út úr sér grímulaust þarna? Er kannski búið að semja við veiruna og alla afkomendur hennar að hemja sig á þessum stöðum?

En farirðu t.d. í klippingu eða bíó, þá verðurðu að vera með eitthvað fyrir vitunum svo þú smitir ekki aðra.

Er enginn að fatta hversu fáránlegt þetta er?

 

 

 

 

 

Árný og Daði vonandi laus úr einangrun á mánudag

Athugasemdir

[Jón Þórhallsson, 5.6.2021 kl. 07:50]

Það er rétt að minna á það að 5G-SÍMTURNA-KERFIР

var fyrst sett upp í nákvæmlega sama samfélagi 

og covid-einkennin koma fyrst fram; 

það getur varla verið tilviljun.

Ef að eitthvert fólk með Dr.gráðu gæti nú sannað samspilið á milli þessaara tveggja þátta að þá gæti lausnin / sökudólgurinn verið fundinn.

Ég mæli hérna sérstaklega með súlutitinu á mínútu 20:30: 

https://www.youtube.com/watch?v=yNBYF2ry6lc

[Kristín Inga Þormar, 5.6.2021 kl. 09:50]

Ég hef ekki sett mig mikið inn í 5G enn sem komið er, en er þó löngu búin að sjá að allt sem er í gangi núna eru engar tilviljanir.

[Eggert Guðmundsson, 5.6.2021 kl. 18:16]

Sæl Kristín

Hér er áhugaverðar upplýsingar um meðferð við Covid19. Þetta hefur áður komið fram í umræðunni en enginn vill hlusta.

https://www.youtube.com/watch?v=NJSUKDng_Ww

[Kristín Inga Þormar, 5.6.2021 kl. 20:23]

Sæll Eggert,

Takk fyrir þetta, einn íslenskur læknir er einmitt búinn að vera að berjast fyrir því að þetta lyf sé leyft hér á landi, án mikils árangurs.

Sagt er að það séu ekki nægilega miklar rannsóknir til um það þótt þetta sé áratuga gamalt lyf sem hefur að minnsta kosti litlar sem engar aukaverkanir, eitthvað annað en þessi skelfilegu líftæknilyf sem eru þegar farin að stórskaða og drepa fólk um heim allan.

Það er verið að keyra í gegn þessar bólusetningar á grunni neyðarleyfis, því það "séu engar aðrar lækningar" til. Ef þetta lyf væri viðurkennt sem gagnlegt, þá ætti þetta neyðarleyfi ekki rétt á sér, en það virðist ekki mega gerast undir nokkrum kringumstæðum.

Ég þori ekki einu sinni að nefna þetta lyf á nafn á Facebook, því þá fara þessir "sjálfstæðu" ritskoðarar af stað og merkja færsluna sem falskar upplýsingar, rétt eins og alla umræðu gegn þessum svokölluðu "bólusetningum".