Bresk heilbrigðisyfirvöld breyta allt í einu núna skilgreiningunni á hvað teljast Covid tilfelli!

Allt frá byrjun þessa faraldurs hafa bresk heilbrigðisyfirvöld (NHS) alveg eins og aðrar þjóðir skilgreint alla "smitaða" sem greindust jákvæðir með þessum meingölluðu PCR prófum.

Ég tók þau fyrir í nýlegu bloggi, þar sem jafnvel Dr. Fauci viðurkennir að séu þau notuð á of mörgum snúningum, þá séu þau marklaus.

Nú allt í einu hefur NHS fengið ný fyrirmæli frá bresku ríkisstjórninni um hvernig eigi að skrá Covid tilfelli, og að nú eigi að aðgreina þá sem eru raunverulega veikir, frá þeim sem greinast "jákvæðir".

Hingað til hefur allt verið sett undir sama hatt, bæði þeir sem veikjast, og þeir sem "greinst jákvæðir" án þess að sýna nokkur einkenni, og þetta hefur valdið því að faraldurinn hefur verið blásinn upp úr öllu valdi.

"NHS England has instructed hospitals to make the change to the daily flow of data sent by NHS trusts […] Hospitals have been told to change the way they collect data on patients infected with coronavirus to differentiate between those actually sick with symptoms and those who test positive while seeking treatment for something else."

Margir sem hafa haft efasemdir um þennan faraldur allt frá byrjun hafa gagnrýnt þetta. Dánarorsakir voru í stórum stíl skráðar á Covid, hvort sem viðkomandi lést beint úr sjúkdómnum, eða hafði einhvern tímann áður verið "greindur jákvæður".

"One NHS source said the new data would be "more realistic" as not all patients were sick with the virus, adding: "But it will make figures look better as there have always been some, for example stroke [patients], who also had Covid as an incidental finding".

Spurningin er þá, hvers vegna eru þeir að breyta þessu núna? Þeir segja að það sé gert til að auðvelda greiningu á bólusetningaráætluninni, og hvort það hafi tekist að draga úr Covid veikindum með bólusetningunum.

Það má alveg velta fyrir sér hvort þetta sé raunverulega ástæðan, eða hvort þessar breytingar á skilgreiningunum verði til þess að greindum Covid tilfellum fækki, svo bólusetningarnar líti út fyrir að vera vel heppnaðar?

Þessi breyting tók gildi 7. júní s.l. og á aðeins að taka til nýrra tilfella.

Í þessari grein sem ég er að vitna í, segir meðal annars að hvaða góður vísindamaður sem er myndi segja að maður breyti ekki rannsóknaraðferðum í miðri tilraun, og ekki sé hægt að bera saman gögn sem safnað hefur verið saman á ákveðinn hátt, við gögn sem aflað er með öðrum aðferðum.

Þetta er bara í takt við annað í þessum faraldri, og "vísindin" hafa breyst ótal sinnum til þess að hægt væri að viðhalda þessu sífellda "hættuástandi".

Svo hvaða ástæður skyldu liggja að baki þessum sinnaskiptum allt í einu núna?

 

 

 

 

 

 

 

Athugasemdir

[Daníel Sigurðsson, 13.6.2021 kl. 23:05]

Mér sýnist að þessi breytingar-fyrirmæli bresku ríkisstjórnarinnar til NSH sé augljóslega gerð svo bólusetningarnar komi til með að líta skár út en ella.  Enda má búast við því að þessi breyting á skilgreiningunni ein og sér ætti að leiða til þess að greindum Covid-tilfellum fækki.  En líklega gerir breska ríkisstjórnin þetta með ólund því þessi breyting er um leið viðurkenning á því að ríkisstjórnin var með ranga skilgreiningu frá upphafi og það næsta örugglega vísvitandi.

[Kristín Inga Þormar, 13.6.2021 kl. 23:49]

Já minn skilningur er líka einmitt að breska ríkisstjórnin geri þetta með ólund.

Við erum oft búin að sjá "vísindin" taka margar stökkbreytingar á undanförnu ári, t.d. í upphafi þessa "faraldurs" var okkur sagt að grímur geri ekkert gagn gegn veirusýkingum (sem þær gera einmitt alls ekki!), en á núll einni urðu þær allt í einu "nauðsynlegar" skv. einhverjum nýjum "vísindum".

Ertu búinn að sjá myndirnar frá G7 fundinum þar sem þátttakendur stilla sér upp fyrir myndatökur með mikla fjarlægð á milli sín og heilsast með olnboganum, en þegar opinberum myndatökum var hætt, rifu allir af sér grímurnar og hegðuðu sér eins og fólk gerir undir eðlilegum kringumstæðum?

Ef það væri einhver svakalegur drápsfaraldur í gangi í raun og veru, þá hefðu þau ekki skipt svona gjörsamlega um ham eftir opinberu myndatökurnar. Það segir sig bara algjörlega sjálft.

Sem betur fer er sífellt verið að ljóstra upp um meiri lygar varðandi þennan faraldur, og allur sannleikurinn mun koma í ljós fyrr en varir.

[Agný, 14.6.2021 kl. 01:11]

Þetta bull var allt planað fyrir tugum ára..Agenda 21. Og svokölluð vísindi virðast vera söluvara ..Hver býður hæst er málið og niðurstöður verða eftir þvi sem " kaupandi" vildi að þær væru... 

[Kristín Inga Þormar, 14.6.2021 kl. 08:48]

Einmitt, þeir sem nenna að hafa fyrir því, geta fundið allar þessar upplýsingar á netinu!

[Daníel Sigurðsson, 14.6.2021 kl. 11:45]

Jú, Kristín, ég þefaði upp þessar myndir frá G7 fundinum. Skoplegt!

[Kristín Inga Þormar, 14.6.2021 kl. 12:37]

Já þetta er heldur betur skoplegt, maður fær bara kjánahroll við að sjá þetta.