Tilkynningum um aukaverkanir fjölgaði um 49 um helgina, þar af 3 alvarlegum, og glænýtt viðtal við Eric Clapton

Í dag, mánudaginn 14. júní eru tilkynntar aukaverkanir komnar upp í 1.621, voru 1.572 á föstudaginn, svo þetta er fjölgun um 49.

Pfizer var með 590 tilkynningar, þar af 20 andlát og 30 aðrar alvarlegar.
Nú eru þær orðnar 611. Fjölgun um 21.

Moderna var með 285, þar af 12 alvarlegar.
Nú eru þær orðnar 293. Fjölgun um 8.

AstraZeneka var með 595, þar af 3 andlát og 42 aðrar alvarlegar.
Nú eru þær orðnar 603. Fjölgun um 8.

Janssen var með 102, þar af 2 alvarlegar.
Nú eru þær orðnar 114. Fjölgun um 12.

Alvarlegar aukaverkanir eru nú 109, fjölgun um 3 síðan á föstudaginn, þar af 23 tilkynnt andlát, og alvarlegum aukaverkunum fjölgaði um 68 frá 30. apríl. (30. apríl voru þær 41), og heildarfjölgun tilkynninga er 808 á aðeins þessum tæplega eina og hálfa mánuði.

Ég get ekki hlaðið inn myndum lengur, er víst búin með leyfilegt gagnamagn hérna, og það breyttist ekkert þótt ég færi inn í eldri færslur og eyddi út myndum.

En þessi súlurit með nýjustu tölunum má sjá inni á vef Lyfjastofnunar. Mig langar að benda ykkur á nýjung hjá stofnuninni, ef þið flettið niður síðuna, þá sjáið þið nýjan lið, Tilkynningar sendar í EudraVigilance, sem eru uppfærðar alla mánudaga.

Þar má sjá tvenns konar flokkanir, eftir líffærakerfi, og eftir MedDRA kjörheitum, hvað sem það nú er.

Heitin eru öll á ensku en það er hægt að þýða þau í Google translate. Þegar maður rennir yfir þessar upplýsingar, þá blasir það við að forstjóri Lyfjastofnunar, sóttvarnarlæknir og aðrir læknar sem opinberlega hafa afneitað alvarlegum aukaverkunum eru hreinlega að segja ósatt!

Eric Clapton

Einhverjir muna kannski að Eric Clapton steig fram á sjónarsviðið nýlega og sagði frá skelfilegri reynslu sinni af AstraZeneka sprautunum. Þar sagði hann meðal annars að hann hefði aldrei átt að fá þessar bólusetningar út af taugasjúkdómi sem hann hefur.

Í glænýju og einlægu einkaviðtali segir hann meðal annars frá því hvernig hann féll fyrir áróðrinum, og áhyggjunum sem hann hefur af börnunum sínum, og hann vonist til þess að með því að veita þetta viðtal geti hann opnað augu fólks gagnvart öllum blekkingunum sem eru í gangi núna.

Athugasemdir

[Jón Þórhallsson, 14.6.2021 kl. 18:28]

Forseti Íslands

(Hirðirinn sem að á að gæta hjarðarinnar)

hleypur beint í gin ljónsins sjálfviljugur. 

(Aftökusprautur frá New World Order):

https://www.mbl.is/frettir/innlent/2021/05/06/forsetinn_fekk_boluefni/

[Kristín Inga Þormar, 14.6.2021 kl. 21:23]

Skyldu hann, Alma, Þórólfur eða Kári hafa fengið aukaverkanir eins og vel á annað þúsund manns hér á landi?

Mitt gisk er nei. Ætli þau hafi fengið alvöru bóluefni eða saltvatn? Það er spurning sem margir hafa velt fyrir sér!

[Jón Þórhallsson, 14.6.2021 kl. 21:55]

Er það ekki bara meira þannig að þau stökkva á vagninn í sinni fáfræði

heldur en að þau séu hægri hönd illu aflanna (New World Order)?:

[Kristín Inga Þormar, 14.6.2021 kl. 22:46]

Ég ætla að leyfa mér að hafa efasemdir um það. Ég get reyndar ekki sagt til um forsetann, en Alma og Þórólfur eru búin að fá sent til sín gríðarlega mikið efni um skaðsemi þessara svokölluðu bóluefna, sem og allir alþingismenn okkar, og Kári er beinn hagsmunaaðili í gegnum fyrirtækið sem hann rekur.

Það virðist enginn bilbugur vera á þessu fólki, og áfram skal haldið með að bólusetja fólk eins og enginn sé morgundagurinn. Hvers vegna í ósköpunum liggur svona svakalega á að bólusetja alla núna með þessum tilraunalyfjum sem enginn veit hvað innihalda?

Ef raunverulegur heimsfaraldur væri í gangi, þá myndum við heyra sírenuvæl allan sólarhringinn og við myndum öll þekkja fólk, jafnvel heilu fjölskyldurnar sem hefðu orðið pestinni að bráð.