Þið sem eruð að íhuga að fara í bólusetningu eða "örvunarbólusetningu" núna, vinsamlega skoðið þetta!

Það sem ég skrifa um hér um fjölda aukaverkana er byggt á opinberum tölum, svo það sé á hreinu, hér eru engar samsæriskenningar í gangi.

Mig langar til að biðja ykkur sem eruð að spá í að skella ykkur í sprautu á Suðurlandsbrautina í vikunni að skoða þessar upplýsingar og meta svo hvort það sé þess virði heilsu ykkar vegna eða ekki.

Tilkynntar aukaverkanir 31. ágúst

Tilkynntar aukaverkanir 24. ágúst

Fjölgun tilkynninga aukaverkana 24. ágúst - 31. ágúst

Í dag, miðvikudaginn 31. ágúst eru tilkynntar aukaverkanir komnar upp í 3.064, voru 2.982 þann 24. ágúst, svo þetta er fjölgun um 82, þrátt fyrir að bólusetningarvertíðinni svokölluðu sé lokið.

Pfizer var með 1.308 tilkynningar, þar af 22 andlát og 63 aðrar alvarlegar.
Nú eru þær orðnar 1.342. Fjölgun um 34.

AstraZeneka var með 733, þar af 6 andlát og 62 aðrar alvarlegar.
Nú eru þær orðnar 744. Fjölgun um 11.

Janssen var með 429, þar af 1 andlát og 12 aðrar alvarlegar.
Nú eru þær orðnar 445. Fjölgun um 16.

Moderna var með 512, þar af 1 andlát og 28 aðrar alvarlegar.
Nú eru þær orðnar 533. Fjölgun um 21.

Tilkynningum um alvarlegar aukaverkanir fjölgaði um 8 á einni viku!

Hvað er alvarleg aukaverkun?

"Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum."

Staðfest andlát

Nú er Lyfjastofnun búin að staðfesta 30 andlát eftir sprauturnar, að sjálfsögðu með hefðbundnu fyrirvörunum:

"Að svo komnu er ekkert sem bendir til orsakasamhengis milli tilkynntra andláta og bólusetninga gegn COVID-19."

• Átta tilkynningar um andlát í kjölfar bólusetningar bárust í janúar 2021.
• Tvær tilkynningar um andlát í kjölfar bólusetningar bárust í febrúar 2021.
• Fimm tilkynningar um andlát í kjölfar bólusetningar bárust í mars 2021.
• Ein tilkynning um andlát í kjölfar bólusetningar barst í apríl 2021.
• Fjórar tilkynningar um andlát í kjölfar bólusetningar bárust í maí 2021.
• Sex tilkynningar um andlát í kjölfar bólusetningar hafa borist í júní 2021.
• Ein tilkynning um andlát í kjölfar bólusetningar barst í júlí 2021.
• Þrjár tilkynningar um andlát í kjölfar bólusetningar hafa borist í ágúst 2021.

Meðal tilkynntra aukaverkana eru hjartavöðvabólga og gollurhúsbólga, ég er ekki alveg með fjöldann á hreinu, en hún er algengust hjá ungum karlmönnum.

3 konur eru nú lamaðar eftir "Mix & Match" örvunarbólusetningar tveggja bóluefna.

8 manneskjur eru búnar að sækja um skaðabætur vegna aukaverkana, og allar líkur eru á að sú tala hækki á næstu vikum og mánuðum.

Gríðarlegur fjöldi kvenna hefur orðið fyrir röskun á tíðahring sínum eftir bólusetningarnar og Rebekka Ósk Sváfnisdóttir sem fyrst vakti athygli á þessu í fjölmiðlum hefur stofnað FB hóp kvenna sem hafa orðið fyrir röskun.

Nú er þessi hópur orðinn tæplega 2.100, og allt niður í 12-15 ára stúlkur komnar í hópinn líka!

En þetta eru ekki einu aukaverkanirnar. Hér má sjá súlulrit sem Lyfjastofnun sendir vikulega í EudraVigilance.

Sundurliðun aukaverkana eftir líffærakerfum

Sundurliðun aukaverkana eftir MedDRA kjörheitum

Ég skrifaði blogg með ítarlegri upplýsingum í gær sem ég kafa ennþá dýpra í þessar bólusetningar og hvet ég ykkur til að lesa það líka.

Þar eru líka hlekkir á erlendar síður um fólk sem hefði alls ekki farið í þessar bólusetningar ef það hefði vitað betur, og fólk sem lifði þær ekki af.

Athugið, að þessum upplýsingum er ekkert flaggað í fjölmiðlunum, heldur hefur þessum efnum verið hampað sem einu leiðinni út úr fárinu.

En er það rétt? Og eruð þið tilbúin að leika rússneska rúllettu með líf ykkar og/eða barnanna ykkar með því að láta sprauta þessum tilraunaefnum í líkama ykkar?

 

Óbólusett fólk velkomið

Athugasemdir

[Sigurður Kristján Hjaltested, 31.8.2021 kl. 18:41]

Takk fyrir að nenna þessari vinnu sem þú leggur í þessi blogg þín.

Ég bara skil ekki hvað er í gangi og af hverju læknar steinþegja

yfir þessu öllu. Maður hefði haldið að minna þyrfti til svo

einhverjir stjórnmálamenn/læknar og fleiri myndu rísa upp gegn

þessari geðveiki sem mér finnst þetta orðið.

Svo virðist að eftir Þórólfur fékk sprautuna, þá gerbreyttist hann

sem ábyrgðarfullur læknir og staðfastur gegn svona tilraunum.

Hvað sem veldur, þá er það ekkert eðlilegt að menn geta breyst í

Ragnar Reykás á svona stuttum tíma.

Þríeykið, eru það aparnir sem hvorki vilj tala, heyra eða hlusta.??

Þá á ég við að tala um þær aukaverkanir sem þetta sull er að gera fólki.

Fá svo fálkaorðu fyrir að steinþegja og hlusta ekki..!!!

Hvernig er hægt að skilja þetta öðruvísi..??

[Guðjón E. Hreinberg, 31.8.2021 kl. 19:18]

Erlendis er farið að bera á umræðum á jaðarmiðlum að fjöldi lækna og hjúkrunarfólks hafi hreinlega sagt upp störfum og það í svo stórum stíl að margar heilsugæslur og sjúkrahús séu stórlega undirmönnuð. Það væri gaman að vita hvort eitthvað sambærilegt sé að gerast hérlendis.

Einnig er áhugaverð staðhæfing sem nýlega kom fram á Íslenskum samfélagsmiðlum, að Ríkið sé ekki að skrásetja dauðsföll né fæðingar síðan í mars/apríl 2021, og þar með gefið í skyn að verið sé að fela eitthvað.

Við vitum í rauninni ekki hversu lítið eða mikið við vitum þó flest okkar í jaðarsamfélaginu séum önnum kafin við rannsóknir af ýmsu tagi.

[Kristín Inga Þormar, 31.8.2021 kl. 19:27]

Sæll Sigurður og þakka þér fyrir.

Það ætti öllum að vera orðið ljóst að þetta snýst ekkert um að kveða niður einhvern faraldur.

Ef þú hefur lesið eldri blogg sem ég hef skrifað, þá hef ég oft fjallað um þessa þöggun hér á landi, og búin að sýna fram á með dæmum hvernig allt þetta fólk lýgur að þjóðinni.

Við fáum ekki að sjá bóluefnasamninginn, og miðað við alla þöggunina og brjálsemina við að sprauta alla með þessum efnum þrátt fyrir að þau séu ekki að virka eins og lofað var, og allar hryllilegu aukaverkanirnar af þeim, þá mætti halda að það liggi á að uppfylla einhver skilyrði samningsins.

Ég hef ekki nokkra trú á að Þórólfur eða nokkur annar af þessu liði hafi látið sprauta sig með einhverju þessara efna, sbr. að Alma kom tengdamömmu sinni á Sóltúni undan sprautunni snemma á árinu. Þau hafa örugglega öll fengið placebo, til að blekkja okkur hin.

Það mætti t.d. einhver blaðamaður skoða tengsl fyrirtækis Kára við bóluefnasalana, og hverjir aðrir hafa fjárhagslegan ávinning af því að sprauta hvert mannsbarn hérna, en það verður aldrei gert.

Fólk þyrfti að fara að skoða það sem er að gerast í vestrænum löndunum, og það er alveg skelfilegt. Verið er að svipta fólk frelsi og mannréttindum, neyða það í sprautur, og innleiða þessa bóluefnapassa sem hafa ekkert með heilsu að gera, heldur til að hægt sé að fylgjast með hverri hreyfingu fólks.

Þetta hefur EKKERT að gera með ná stjórn á einhverjum faraldri, það ætti öllum að geta verið ljóst.

Sjáðu t.d. hvað er að gerast í Ástralíu núna, það er verið að koma á fasistastjórn að hætti Kínverja þar.

Ástralir (og miklu fleiri þjóðir) eru farnir að rísa upp og berjast gegn þessum fasisma, á meðan Íslendingar sofa.

[Ásgrímur Hartmannsson, 31.8.2021 kl. 19:51]

"...þetta er fjölgun um 82, þrátt fyrir að bólusetningarvertíðinni svokölluðu sé lokið."

Þrátt fyrir...

Það er tíma-töf á þessu.  Þekktasta dauðsfallið varð 3 mánuðum eftir inntöku þessa efnis.  (Einhver Brezk sjónvarpsstjarna.)

Þeir vita ekki hvort þetta veldur ADE, en það mun þá vitrast okkur fljótlega.  Í næstu bylgu.  að virkar annig að þeir bólusettu fá covid, aðrir ekki.

Flott shit, ekki satt?

En það er hypotesa eins og er.

Blóðtapparnir eru alvöru.  Og algengir. Og enginn veit hver langtímaáhrif þeirra verða fyrr en "einhverntíma seinna."  Eftir mánuð?  Á næsta ári?  Tvö ár?

Verður búið eftir 10-15 ár.  Ekkert endist lengur en það.  Eftir 15 ár kemur síðasta krabbameinið fram.

"12-15 ára stúlkur komnar í hópinn líka!"

Hehe... https://www.imdb.com/title/tt0206634/?ref_=nv_sr_srsg_0

Darwin sér um sína.

[Kristín Inga Þormar, 31.8.2021 kl. 19:52]

Sæll Guðjón,

Ég hef heyrt í kringum mig að íslenskir læknar hafi sagt skjólstæðingum sínum að þeir væru algjörlega á móti þessum svokölluðu bólusetningum, en það mætti bara alls ekki hafa það eftir þeim!

Ég stórefa að hópur heilbrigðisstarfsmanna taki sig saman og segi upp hér á landi þótt þeir viti sannleikann um þessi tilraunaefni.

Hjarðhegðunin er alveg yfirgengileg hér á landi, kannski vegna smæðar samfélagsins, og það hefur aldrei sýnt sig betur en nú í þessum meinta drápsfaraldri þar sem búið er að blekkja stærsta hluta landsmanna í sprauturnar.

Miðað við hvað búið er reyna að þagga niður og fela upplýsingar um afleiðingar sprautanna, þá kæmi það mér hreint ekkert á óvart að eitthvað sé verið að fikta með þessar tölur.

Það er löngu orðið ljóst að réttar og sannar upplýsingar fást ekki í þessum ritskoðuðu og spilltu fjölmiðlum, leitarvélum og samfélagsmiðlum, þær finnur maður bara á jaðrinum hjá heiðarlegum vísindamönnum sem eru ekki búnir að selja sálu sína fyrir gróða af bóluefnasölunni.

[Kristín Inga Þormar, 31.8.2021 kl. 20:05]

Sæll Ásgrímur,

Ertu að tala um þessa bresku 44 ára sjónvarpskonu sem dó eftir bólusetninguna? Hún er bara ein af mörgum sem hafa dáið þar í landi eins og annars staðar í kjölfarið.

Það var frétt í Fréttablaðinu í dag þar sem segir að búið sé að tilkynna um hátt í 70 blóðtappa eða hjartavandamál í kjölfar bólusetninganna, og ég hjó eftir því að sagt er að andlátin séu orðin 31, svo fjórða manneskjan í ágúst hlýtur þá að hafa látist allra síðustu daga.

Ég man reyndar ekki eftir að hafa séð sérstaka kertum skreytta tilkynningu um það í blöðunum eins og þeir fá sem látast víst "úr covid."

Óþverraskapurinn í kringum þessar bólusetningar er allur að komast upp á yfirborðið núna, og nú þarf fólk að fara að spyrja krefjandi spurninga um hvers vegna það sé svona veikt eftir sprauturnar, eða hvers vegna ástvinur hafi látist í kjölfarið.

Og ekki sætta sig við svörin um að engin samasemmerki séu þarna á milli!

[Geir Ágústsson, 31.8.2021 kl. 21:03]

Vegna placebo þá er athyglisvert að bera saman leitarniðurstöður tveggja frekar ólíkra leitarvéla á leitarstrengnum: 

saline vaccine covid-19

Á Google kemur fyrst og fremst fram ein frétt um þýska hjúkku sem sprautaði saltvatni í skjólstæðinga sína til að hlíf þeim við tilraunaefnunum:

https://www.google.com/search?q=saline+vaccine+covid-19

Já, gott og vel, það er vissulega fréttnæmt. 

Önnur leitarvél, Duckduckgo, gengur út á að rekja engan og vera frekar hlutlaus í sinni nálgun:

https://duckduckgo.com/?q=saline+vaccine+covid-19

Niðurstöðurnar þarna vísa í fjölda frétta frá mörgum heimshornum um að fólk hafi fengið saltvatn í stað tilraunaefna. Voðalega eru þessi glös illa merkt! Eða var eitthvað í ólagi með hver fengi saltvatnið og hverjir fengju tilraunaefnin? 

[Kristín Inga Þormar, 31.8.2021 kl. 21:54]

Sæll Geir,

Það er mjög fróðlegt að bera saman niðurstöðurnar á þessum tveim leitarvélum. Á Google kemur að sjálfsögðu upp kostuð leit í fyrsta sæti um bóluefnin frá glæpastofnuninni WHO.

Svo sér maður "fréttir" um þýskan hjúkrunarfræðing sem gaf víst skjólstæðingum sínum saltvatn, með fyrirsögnum sem innihalda orð eins og "fears", "nurse suspected", "allegedly", "accused".

Á hinni leitarvélinni koma líka fram fréttir um þennan sama hjúkrunarfræðing, en þær fyrirsagnir innihalda orð og setningar eins og "German nurse speaks out", "Anti-vax nurse".

Aðrir munu kannski fá allt aðrar niðurstöður en ég, en þetta er bara enn eitt dæmið um að maður eigi að treysta niðurstöðum leitarvéla mjög varlega, sérstaklega hinu ritskoðaða Google.

Ég nota alltaf Duckduckgo ef ég er að leita að upplýsingum sem ég veit að ég muni líklega ekki finna á Google.

Já og er einhver óreiða á skipulaginu hjá þessu liði? Það væri alveg agalegt ef maður "missti af því" að fá alvöru stöffið!