Þrjátíu og eitt tilkynnt andlát eftir bólusetningarnar, þar af fjögur í ágúst! Nú þarf að fara að stöðva þetta!

Ég verð að viðurkenna að mér hefur ofboðið mismunurinn á fréttaflutningi á hvort einhver hafi látist eftir Covid, eða eftir sprauturnar.

Ég fann þessa mynd hér til vinstri á erlendri síðu, sem sýnir að fréttaflutningurinn er ekki bara skakkur hér á landi.

Frétt í gær

Ég rakst á þessa frétt í gær: Hafa fengið hátt í 70 til­kynningar um blóð­tappa eða hjarta­vanda­mál í Fréttablaðinu í gær, og þar sá ég að sagt var að 31 andlát hafi verið tilkynnt í kjölfar bólusetningar.

Áður var "aðeins" búið að tilkynna um 30 andlát svo ég sendi fyrirspurn til Lyfjastofnunar um þetta í morgun. Hún hefur enn ekki svarað mér, en stuttu síðar sá ég þessa frétt hérna á mbl.is.

Hér staðfestir Lyfjastofnun 31 andlát

"Alls hef­ur 31 til­kynn­ing um and­lát í kjöl­far bólu­setn­ing­ar gegn Covid-19 borist Lyfja­stofn­un. All­ar til­kynn­ing­arn­ar varða fólk sem hef­ur náð 60 ára aldri og voru flestir þeirra sem létust með staðfesta undirliggjandi sjúkdóma og/eða aldraðir. Að svo komnu bend­ir ekk­ert til or­saka­sam­heng­is milli til­kynntra and­láta og bólu­setn­inga gegn Covid-19." (Áherslubreytingin er mín)

Fjórir létust í ágúst eftir sprauturnar!

Hvert einasta andlát vegna Covid fær sérstaka tilkynningu í fjölmiðlunum, hvar eru tilkynningarnar vegna þeirra sem létust eftir sprauturnar?

Var þessi aðili með undirliggjandi sjúkdóma?

"Sjúk­ling­ur á sex­tugs­aldri lést á Land­spít­al­an­um í gær vegna Covid-19.Þetta kem­ur fram á vef Land­spít­al­ans.Þetta er annað and­látið hér­lend­is á skömm­um tíma vegna sjúk­dóms­ins."

Fréttin sjálf

En þessi? Hann fékk kerti og samúðarkveðjur frá Landspítalanum

 

Einn sjúklingur lést af völdum Covid-19 á gjörgæsludeild Landspítala í dag. Greint er frá þessu á vef Landspítalans.

„Einn sjúklingur lést á Landspítala 25. ágúst 2021 vegna COVID-19. Aðstandendum er vottuð samúð,“ segir þar. Vísir segir að um sé að ræða karlmann á sjötugsaldri sem hafði dvalið í einhvern tíma á deildinni. Þetta er fyrsta andlátið af völdum kórónuveirunnar hér á landi frá því í maí, alls hafa nú 31 látist af völdum Covid á Íslandi.

Fréttin sjálf

En þessi?

"Einn lést á Landspítalanum vegna COVID-19 sýkingar laugardaginn 22. maí. Frá þessu er greint á vef spítalans og aðstandendum vottuð samúð. Samkvæmt heimildum fréttastofu bjó hinn látni á Íslandi og var á sextugsaldri. Hann lá í lengri tíma á sjúkrahúsi með COVID-19."

Fréttin sjálf

Í sömu frétt segir:

"Samkvæmt upplýsingum á vefnum COVID.is hafa flestir sem látist hafa af völdum kórónuveirunnar verið á níræðisaldri eða 14 alls. Sex hafa verið eldri en 90 ára, fimm á áttræðisaldri, þrír á sjötugsaldri og einn á sextugsaldri. Sá yngsti sem látist hefur af völdum COVID-19 á Íslandi var á fertugsaldri." (Áherslubreytingin er mín)

Ég ætla að biðja ykkur að lesa þetta nokkrum sinnum og melta það sem ég feitletraði.

Skiljiði þetta? Meðalaldur þeirra látnu var örugglega um eða yfir 80 ár! Ég tek Ástralann sem lést fyrst ekki með, enda var hann dauðvona fyrir.

Það skal enginn segja mér að aldrað fólk sé ekki flest með einhverja aldurstengda undirliggjandi sjúkdóma, og með fyllstu virðingu fyrir fólki á ní- og tíræðisaldri, þá er það búið að ná meðalaldri og vel það.

Og nú er FULLBÓLUSETT fólk að veikjast og deyja, hvað er eiginlega í þessum sprautum?

Ég sagði þetta í bloggi fyrr í vikunni:

"Hættið að trúa því að allt sé betra en að fá veiruna, því það er algjör blekking. Öndunarfærapestir koma á hverju ári, því miður deyja einhverjir, og aðrir eiga í langvinnum eftirköstum eftir þær.

Hlutfall látinna úr sjúkdómum í öndunarfærum eru á hverju einasta ári milli 7 og 8%, og eru þeir fjórða algengasta dánarorsökin!"

Glæpsamlegur óttaáróður

Það er búið að halda fólki í heljargreipum óttans við veirupest sem fáa leggur að velli aðra en gamalt fólk og/eða fólk með undirliggjandi sjúkdóma!

Það var aldrei réttlætanlegt að setja þessa sprautuherferð í gang, sem búin er sannanlega að skaða og drepa fólk, og meira að segja stúlkur allt niður í 12-15 ára eru komnar með aukaverkanir í móðurlífinu út af þeim.

Tilkynntum aukaverkunum fjölgar dag frá degi, líka þeim alvarlegu, sem eru nú orðnar 196.

"Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum."

Tilkynntar aukaverkanir í dag

Þessi læknir hér segir ykkur á nokkrum mínútum að þetta sé heimsfaraldur hræðslu sem var af ásettu ráði settur af stað.

Fréttaflutningur bæði hér á landi og úti í heimi er gjörsamlega óboðlegur, skakkur, og hreinlega hættulegur eins og berlega hefur komið í ljós í þessum meinta drápsfaraldri.

Hver er tilgangurinn með því að birta "smit"tölur á hverjum einasta degi, nema til þess að minna okkur stöðugt á "ógnina" og halda okkur hræddum?

Farið að átta ykkur á því kæra fólk áður en þið farið í einhverjar "örvunar"sprautur, því þær verða ekki bara ein, heldur ný og ný gegn "nýjum afbrigðum".

33 tilkynntar aukaverkanir hjá börnum!

Og í guðanna bænum hleypið þessu fólki alls ekki með nálarnar í börnin ykkar, það er þegar búið að tilkynna um 33 aukaverkanir, þar af 4 alvarlegar!

"Lyfjastofnun hefur borist 33 tilkynningar um grun um aukaverkanir eftir bólusetningu við covid-19 hjá 12 til 17 ára börnum. Fjórar þeirra teljast alvarlegar, að því er fram kemur í skriflegu svari Lyfjastofnunar við fyrirspurn fréttastofu."

Það er þó smá ljós í myrkrinu, Krónan reið á vaðið í gær með að gera grímunotkun valkvæða, vonandi eru þau þó hætt að styðja UNESCO að safna peningum fyrir bólusetningum á fátækum börnum úti í heimi!

 

 

 

 

Ein tilkynning um andlát bætist við

Athugasemdir

[Ásgrímur Hartmannsson, 1.9.2021 kl. 17:16]

"Og nú er FULLBÓLUSETT fólk að veikjast og deyja, hvað er eiginlega í þessum sprautum?"

Ég veit, get útskýrt.

Þetta er mRNA bóluefni.  Staðreynd.
Það veldur augljóslega ADE - Antibodi Dependent Enhancement (https://www.chop.edu/centers-programs/vaccine-education-center/vaccine-safety/antibody-dependent-enhancement-and-vaccines)

Þetta gerist ekki alltaf, bóluefnið verandi sú hrákasmíð sem það er, en þegar þetta gerist þá hefur fólk ENGA mótstöðu fyrir neinum kvef-veirum, og það sem meira er, það fær þær VERR.

Taktu eftir hvað gerist í næstu bylgju: það verður ekkert vandamál fyrir óbólusetta, en bólusettir verða meira og minna á gjörgæzlu út af KVEFI.

80-100% allra dauðsfalla héreftir verða bólusettir einstaklingar.

Alltaf að læra hluti sem ég hef engan áhuga á.  Fucking brilljant.

[Geir Ágústsson, 1.9.2021 kl. 17:45]

Enn ein bomban Kristín. Nú hljóta einhverjir blaðamenn að hugsa: "Úff, fæ full laun til að vinna, lesa, rannsaka og skrifa allan daginn og mitt besta efni er bara hrákasmíði miðað við hvað þessi kona út í bæ framleiðir, nánast daglega."

Hér bendir Russel Brand á skort á umræðu um vísindalega nálgun á veiru:

https://www.youtube.com/watch?v=jwo_JGLfTsk

[Kristín Inga Þormar, 1.9.2021 kl. 17:49]

Sæll Ásgrímur,

Það sem ég hef kynnt mér um innihald þessara efna og hvað þau geta gert fólki er miður geðslegt, og við skulum ekki gleyma því að þetta eru EKKI bóluefni eins og við höfum þekkt hingað til.

Svona lyfjatilraunir á mannfólki áttu aldrei að geta átt sér stað aftur!

Það er búið að fremja gróft brot á Alþingislögum um Vísindarannsóknir á heilbrigðissviði sbr. 44/2004, einnig gróft brot á alþjóðlega Helsinki læknasáttmálanum og á Mannréttindasáttmála Sameinuðu þjóðanna sem og Nuremberg kóðanum með þessum svokölluðu bólusetningum.

Ég óttast að við eigum eftir að horfa upp á veikindi hjá fullbólusetta fólkinu, og hvað þá því sem búið er að fá aukabúst, og þá verður einhverju "nýju og hættulegu" afbrigði kennt um það.

[Kristín Inga Þormar, 1.9.2021 kl. 18:33]

Sæll Geir og þakka þér fyrir.

Ekki fæ ég krónu fyrir þessa vinnu mína, ég er bara miður mín yfir því sem búið er að gera okkur í vel á annað ár núna, og er að reyna af veikum mætti til að fá fólk a.m.k. til að hugsa út fyrir RÚV og Þórólf, sem ég er áður búin að sýna fram á að lýgur að okkur.

Og ekki bara hann, heldur öll þau sem eru búin að pressa á fólk að láta sprauta sig með þessum tilraunaefnum með þessum þvílíkt "góða" árangri!

Russel er flottur og það er fróðlegt að lesa kommentin undir, eins og til dæmis þessi:

"You've got to have some serious cognitive dissonance going on to believe that everything authorities have done in response to Covid is based on 100% truth, integrity, moral value, and wanting the best wellbeing for the people."

"This was Never about an illness, truly. Especially one with a 98.9% recovery rate. It has always been about CONTROL. Hence  the silly contradictory mandates which those in charge don't bother to adhere to; but are strictly required for the masses."

"Myself, my friends and my partners mental health has taken a massive dive since we have been pushed into lockdowns, and since there has beeen such a divide alone people and their opinions, if you don’t want to get vaccinated you are demonised. And myself and others close to me are scared for our futures, it’s hard to see a future, because of personal beliefs we are going to lose sooo many freedoms. This is terrifying."

[Þórdís Björk Sigurþórsdóttir, 1.9.2021 kl. 23:26]

19 ára stelpan sem ,,varð tímabundið lömuð" eftir mix&match er enn í hjólastól og á Reykjalundi. Það þyrfti að spyrja Lyfjastofnun hvenær hún mun jafna sig.

[Kristín Inga Þormar, 2.9.2021 kl. 00:12]

Já segðu, og hvernig ætli hinum tveim konunum líða sem lömuðust líka?

En auðvitað eru þetta tómar tilviljanir, hver getur ekki lent í því bara að lamast upp úr þurru?

Ég sendi fyrirspurn til þeirra í morgun um nýjasta andlátið og þau eru ekki enn búin að svara, heldur sendu fréttatilkynningar í blöðin, eins og þau hafa oft gert þegar þú hefur sent inn svoleiðis fyrirspurnir.

Þöggunin er slík að þau liggja á upplýsingunum þangað til þau eru nauðbeygð að upplýsa um andlátin, ekki senda þau tilkynningar í blöðin þegar einhver deyr af völdum þessara svokölluðu bóluefna, eins og þegar einhver deyr víst úr Covid.

[Helga Kristjánsdóttir, 2.9.2021 kl. 00:25]

Kristín Inga þú átt miklar þakkir skyldar fyrir allt sem þú hefur frætt okkur um.Mér hefur reynst afar illa að sannfæra vini mína um að hafna bóluefni sóttvarnalæknis &co. Þangað til í kvöld að vinkona í nágranna sveitafélagi á sama aldri og ég sagðist hafa orðið fárveik og á nú eftir eina sprautu samkvæmt valdastéttinni. Það hefði verið henni mikil upplyfting að þyggja boð frænda síns í Köben sem bauð öllu frændfólki hér til veislu,fríu flugi gistingu og uppihaldi; en var svo illa haldin akkurat á þeim tíma.-- Einhversstaðar eru snillingar að finna upp aðferð til að eyða veirufjandanum. 
  

[Kristín Inga Þormar, 2.9.2021 kl. 01:26]

Sæl Helga og þakka þér kærlega fyrir.

Ég bara get ekki setið heima og þagað, þar sem ég hef varið örugglega vel á þriðja þúsund klukkutímum undanfarið ár í að rannsaka hvað er í gangi varðandi þennan meinta heimsfaraldur, og það er eitthvað allt annað og verra en við fáum að sjá hér í fjölmiðlunum. Og þá er ég ekki að tala um einhvern vírus.

Það er leitt að heyra þetta með vinkonu þína og vonandi þiggur hún hvorki seinni sprautuna né þær "örvunar"sprautur sem henni munu örugglega bjóðast síðar.

Sagan hennar er því miður hreint ekkert einsdæmi, ég er bæði búin að heyra af Íslendingum sem hafa veikst, og jafnvel orðið öryrkjar fyrir lífstíð eftir sprauturnar, fyrir utan þá sem hreinlega dóu í kjölfar þeirra.

Skaðinn er því miður skeður, stærstur hluti landsmanna er þegar búinn að láta sprauta í sig einhverjum efnum sem þeir hafa ekki hugmynd um hvað innihalda, og margir eru því miður að súpa seyðið af því þessa dagana.

Ég hef meiri áhyggjur af því að drepast í umferðarslysi sem einhver dópisti veldur heldur en að smitast af einhverri veiru sem mér er sagt að vera hrædd við, enda er mitt meðfædda ónæmiskerfi alveg ótrúlega öflugt og hefur varið mig vel hingað til gagnvart öllum þessum veirupestum, end verð ég aldrei veik.

En mikið skelfilega er máttur fjölmiðla mikill, ég hætti að horfa og hlusta á fréttir í fyrra þegar ég gerði mér grein fyrir hversu hlutdrægir þeir eru í fréttaflutningi af þessum meinta drápsfaraldri.

[Agný, 2.9.2021 kl. 01:50]

 Rökfræðin hjá þessu liði er algjörlega úti í túni! Og hvað með að það voru ekki svona dæmi í gangi fyrir ári síðan áður en " skothríðin" hófst! Og vá hvað margir " kvöddu brátt" = bráðkvaddir á unga aldri er með ólíkindum! En ég er farin að halda að það sé efni í kóf skotunum sem gerir liðið að zombies no djók..Þættirnir Walking Dead - will become life! Og án gríns það ástand átti að eiga uppruna sinn af veiru á rannsóknarstofu... Er ekki að grínast með þetta!!! 

[Geir Ágústsson, 2.9.2021 kl. 10:21]

'I Feel Good': Joe Rogan Contracts Covid, Bounces Back Within Days Using Drug Cocktail Including Ivermectin

Joe Rogan er vel lesinn maður sem gerir gjarnan tilraunir á sjálfum sér. Nú seinast að útvega sér nokkur lyf og lækna sig af COVID-19 á þremur dögum.

Meðferðir sem valkostur við bóluefni eru auðvitað til og hafa verið lengi.

[Kristín Inga Þormar, 2.9.2021 kl. 11:56]

Sæl Agný,

Já rökræðan er svo sannarlega galin, og allt gengur út á að halda fólki í sífelldum ótta, og nú eiga víst að vera komin enn ein og miklu hættulegri afbrigði. Það er ótrúlegt ef fólk fer ekki aðeins að staldra við og hugsa núna hvort það sé ekki eitthvað skrítið í gangi.

En allt gengur út á að fá fólk í þessar sprautur sem eru greinilega ekki að virka betur en svo að fólk "þarf" að fara í þessar "örvunar"sprautur.

Ég veit líka um fullt af fólki á öllum aldri sem hefur orðið bráðkvatt eftir sprauturnar, en ég er ekkert viss um að það sé inni í þessum opinberu dánartölum, aðstandendur eru kannski ekkert að tengja þetta saman.

Við sem erum búin að leggja gríðarlega vinnu í að rannsaka þennan "faraldur" erum búin að finna óhrekjanlegar sannanir fyrir því að ekki er allt sem sýnist í þessum efnum. Þetta hefur aldrei nokkurn tímann snúist um baráttu gegn einhverri veiru, heldur eitthvað annað og miklu skelfilegra.

[Kristín Inga Þormar, 2.9.2021 kl. 12:07]

Sæll aftur Geir,

Einmitt, hvers vegna er áratuga gamalt lyf sem hefur fengið Nóbelsverðlaun bannað, hvers vegna er ekki allt leyft til þess að lækna fólk?

Ivermectin er hræódýrt lyf sem glæpalyfjarisarnir græða ekkert á lengur, og ég held, án þess að geta fullyrt það að svo stöddu, að í þessum bóluefnasamningum sé tekið skýrt fram að það megi ekki nota það eða önnur lyf, bara þessi nýju (og baneitruðu) tilraunalyf þeirra!

[Guðjón E. Hreinberg, 2.9.2021 kl. 15:20]

Eins og ég sé hegðun "Sprautólfs" þá hóf hann nýlega að telja valin veikindi af völdum sprautunnar (uppnefnt delta afbrigði) með veikindum af völdum Lygaraplágunnar og þannig stroka yfir og stílfæra blekkinguna.

Man nokkur hve margir urðu veikir af völdum plágunnar samanborið við sprautuna áður en farið var að breyta veikindatölunni? Fylgjast fleiri en við með tölunum hjá Lyfjastofnun, sem eru margfalt hærri.

Nú þegar dauðsföllum af völdum sprautunnar hefur að lágmarki fjölgað umfram dauðsföll af völdum plágunnar, hefur það einnig verið stílfært og hentugum covid (rangfærðum) dauðsfjöllum fjölgað.

Lýgin vex og siðrof hruninnar menningar fer veldisvaxandi. Gröfturinn er nú orðinn svo umfangsmikill að enginn ræður lengur við.

Guðlaun.

 

[Kristín Inga Þormar, 2.9.2021 kl. 16:20]

Sæll Guðjón,

Við sem fylgjumst vel með erum löngu búin að sjá allar lygarnar og þöggunina varðandi þessi svokölluðu bóluefni.

Það er bara skelfilegt að horfa upp á þetta, Íslendingar sofa enn værum svefni á meðan aðrar þjóðir eru löngu byrjaðar að berjast gegn þessum stærstu glæpum sem framdir hafa verið gegn mannkyninu!

[Guðmundur Ásgeirsson, 3.9.2021 kl. 21:00]

Fleiri hafa látist eftir sprauturnar heldur en veiruna sjálfa.

Að sjálfsögðu er ekki hægt að slá föstu orsakasambandi í öllum tilfellum, hvorki með sprauturnar né covid, því fólk er jú sífellt að deyja úr allskonar öðrum meinsemdum þó það fái veiruna eða sprautu.

En þetta ætti a.m.k. að vera umhugsunarefni.

[Kristín Inga Þormar, 3.9.2021 kl. 21:09]

Sæll Guðmundur,

Samkvæmt tölum sem Hagstofan var að birta, þá hafa 79 fleiri látist á fyrstu 32 vikum þessa árs en á sama tíma í fyrra (meðan heimsfaraldurinn geisaði), 1.381 þá á móti 1.460 núna. Það er verulegt umhugsunarefni.