Þarf ég að bólusetja mig til að vernda þig?

Ég var inni á einhverjum spjallþræði á Facebook fyrr í sumar þar sem verið var að ræða þessar bólusetningar, og þar voru fjörugar umræður eins og gefur að skilja.

Þar benti ein fullbólusett kona mér á að það væri "samfélagsleg skylda" mín að láta sprauta mig líka, til að vernda hana og aðra.

Þetta eru kannski ekkert skrítin viðbrögð hjá henni, því hún er búin að sitja undir linnulausum hræðsluáróðri í fjölmiðlum þar sem hún er stöðugt minnt á "ógnina".

Smit, smit, smit, svona mörg "smit" greindust í gær, svona margir eru í sóttkví og svona margir í einangrun.

Stöðugur hræðsluáróður á hverjum einasta degi í fjölmiðlunum!

"Við stöndum öll í þessu saman, við erum öll ábyrg" voru stundum lokaorð Víðis á hræðslufundunum eins og ég kalla þá. Og auðvitað trúði fólk og treysti þessu indæla þríeyki sem fékk orður fyrir "vel unnin störf" í fyrra.

Við höfum lagt allt okkar traust á þetta fólk sem hefur gengið svo fullkomlega upp að stærstur hluti þjóðarinnar er núna fullbólusettur, og byrjað að sprauta börnin líka.

Þessi "góðu og öruggu" bóluefni þeirra eru samt ekki betri en það að þúsundir hafa tilkynnt um aukaverkanir vegna þeirra, en samt skal áfram haldið og nú gefa fólki "örvunar"sprautur sem eru búnar að valda lömun hjá að minnsta kosti þrem konum.

 

Að halda þessum svokölluðu bólusetningum áfram er ekkert annað en glæpsamlegt, að minnsta kosti 31 ein manneskja er látin og 165 hafa fengið aukaverkanir sem gerir þá jafnvel að öryrkjum fyrir lífstíð. Fyrir utan allar hinar aukaverkanirnar líka!

Hvernig gera á heilbrigða manneskju veika

Skoðið myndina hérna fyrir ofan. Ef þið hugsið c.a. eitt og hálft ár aftur í tímann, þá sjáið þið nákvæmlega hvað búið er að gera okkur, og nákvæmlega sömu aðferðum er beitt í öðrum löndum.

"Divide their communities through polarization"

Polarization þýðir "division into two sharply contrasting groups or sets of opinions or beliefs." Ég held ég þurfi ekkert að þýða þetta.

Það er verið að skipta þjóðinni upp í tvær andstæðar fylkingar, bólusettum á móti óbólusettum.

Bólusettir fá afslátt af veigum á veitingastað niðri í bæ.

Vinkonu minni var boðið í fermingarveislu, en hún þarf að skila vottorði um smitleysi til að fá að koma.

Maður auglýsti á Facebook eftir einhverjum til að aðstoða sig, en viðkomandi verður að vera bólusettur og geta sannað það. Engar undantekningar segir hann.

Fólki er hótað uppsögn úr starfi ef það fer ekki í sprauturnar.

Nú erum við sem höfum ekki nokkurn einasta áhuga á að vera tilraunarottur fyrir lyfjarisana allt í einu orðnir hættulegir óvinir hinna sprautuðu, sem eru samt að veikjast og jafnvel deyja.

Veistu, ég ætla ekkert að bólusetja mig til að "vernda" þig eða aðra, ég vil sjálf fá að bera ábyrgð á eigin heilsu. Minn líkami, mitt val!

 

 

 

Athugasemdir

[Geir Ágústsson, 2.9.2021 kl. 20:20]

Tek undir hvert orð.

Þeir eru hissa margir Danirnir þegar ég segist ekki vera sprautaður en láta mig yfirleitt í friði með það. Hérna er heilbrigðiskerfi á vakt og fólk að heilsast með handabandi og búið að fá nóg. Vissulega ennþá verið að senda krakka heim en það eru litlar innanlandsfréttir, ekki fyrirsagnir á stóru fjölmiðlunum. 

Eftir 8 daga opnar ALLT aftur. 

Vonandi stendur stjórnarandstaðan í lappirnar ÞEGAR smit meðal ungra rjúka upp en enginn mætir á spítalann. Svona eins og þegar fyrri haustveirur hafa farið af stað með kólnandi veðurfari, minna D-vítamín úr sólinni og meiri inniveru.

[Ásgrímur Hartmannsson, 2.9.2021 kl. 22:17]

Talandi um Facebook...

Það hlýtur að vera Monty Python-ísk stemming á FB grúppu þessara 2000+ kvenna með eilífar blæðingar eftir sprautuna, þegar FB setur undir hvert einasta komment: "Visit the COVID-19 information center for vaccine resources."
og "Fact Check..." bla bla bla...

Eitthvað sem þarf að screen-cappa og birta.

[Kristín Inga Þormar, 2.9.2021 kl. 22:48]

Sæll Geir,

Móðursýkin og veiruhræðslan hér á landi er alveg ótrúleg. Ég var rétt í þessu að labba úti og mætti tveim konum, önnur var með grímuna sína undir hökunni en hin með sína kyrfilega fyrir vitunum. Úti í hreina súrefninu.

Og fólk sem hefur farið í búðir í gær og dag segir að margir, eða flestir séu enn með grímur þar.

Ég hef enga trú á neinum einasta stjórnmálamanni hér á landi, þeir eru allir búnir að fá nægar upplýsingar um hvað raunverulega er í gangi, en þeir kjósa að líta í hina áttina og þegja nánast allir sem einn.

Svo þegar hin árvissa flensa fer að láta á sér kræla, þá verður okkur þessum óbólusettu kennt um.

[Kristín Inga Þormar, 2.9.2021 kl. 23:06]

Sæll Ásgrímur,

Ég hlæ bara þegar ég sé þessi "vinalegu" skilaboð á Facebook um hvað þessi bóluefni séu "vel rannsökuð og örugg".

Þegar ritskoðaða Fasistabókin birtir svona skilaboð, þá veit ég að fréttin sem verið er að birta sé rétt.