Það mætti halda að það væri ekki búið að bólusetja einn einasta kjaft hér á landi!

Blessaður orðuhafinn hann Þórólfur hefur alltaf áhyggjur af framgangi "heimsfaraldursins". En hvað í ósköpunum er málið, er ekki búið að sprauta lungann af þjóðinni, ætti faraldurinn ekki að vera yfirstaðinn?

Hann bara getur ekki látið af þessum tilefnislausa hræðsluáróðri sínum! Eða má hann það kannski ekki?

Æi þú og þínar sóttvarnir!

"Þór­ólfur Guðna­son sótt­var­læknir telur lík­legt að smitum fjölgi eftir helgina þar sem að margir hafi ekki verið með hugann við sótt­varnarnir. Þá vísar hann í bæði kosninga­vökur Stjórn­mála­flokkana víða um landið og skemmtana­hald tengdum fót­bolta.

„Mér sýndist í sjón­varpinu að fólk hafi verið með hugann við annað en sótt­varnir um helgina,“ segir Þór­ólfur viðtali í Bítinu á Bylgjunni í morgun."

Margir ekki með hugann við sóttvarnir um helgina

Já, var þetta lið ekki meira og minna grímulaust þarna, skelfingar kæruleysi er þetta í fólki, heldur það bara að það megi fara að hitta annað fólk og gleðjast með því?

Hvers vegna gátu þau ekki bara haft stuðið á Zoom, það eru sko alvöru sóttvarnir!

Píratar

"Tveir er sóttu kosn­inga­vöku Pírata sem hald­in var í Brugg­hús­inu að Ægis­garði á laug­ar­dag hafa greinst smitaðir af kór­ónu­veirunni. Þá hef­ur smitrakn­ing­ar­t­eymi haft sam­band við alla þá er þurfa að fara í sótt­kví sök­um þessa."

Smit rakið til tveggja á kosningavöku Pírata

Framsóknarflokkurinn

"Gestur á kosningavöku Framsóknarflokksins um helgina hefur greinst með Covid-19 og hafa allir sem voru útsettir fyrir smiti verið settir í sóttkví."

Smit á kosningavöku Framsóknarflokksins

Sóttkvíar

Nú er búið að setja fullt af frísku fólki sem kennir sér einskis meins í sóttkvíar út af þessum "smitum".

Gera má ráð fyrir að flest af þessu fólki sé tvísprautað, og sumt þrísprautað, til að "örva" ónæmiskerfin þeirra.

Svo hvað er þá málið? Nú eiga allir að vera á tánum og fara í tafarlaust í sýnatöku ef þeir finni fyrir einkennum!

Og svona til upprifjunar fyrir þá sem muna ekki hver einkennin eru:

"Ef þú ert með beinverki farðu í sýnatöku, ef lyktar og bragðskyn breytist farðu í sýnatöku, ef þú ert með niðurgang farðu í sýnatöku ef þú ert með óvenjulega þreytu farðu í sýnatöku,“ sagði Víðir Reynisson á upplýsingafundinum og hélt áfram upptalningunni, nefndi hósta, hálssærindi, hálsþurrk, hita og höfuðverk."

Þótt þú sért með ör í gegnum hausinn á þér, farðu í sýnatöku, ef þú færð smá hor, farðu í sýnatöku, ef þú hnerrar, farðu í sýnatöku, ef þér er illt í litlu tánni, farðu í sýnatöku......

Umfram allt, ekki hætta að vera hrædd/ur við þessa drápsveiru, ef þú ferð ekki varlega getur faraldurinn blossað upp aftur.

Og þá verður það örugglega þessum óbólusettu að kenna!

Í alvöru, er fólk ekkert farið að sjá í gegnum þennan blekkingarleik? Hvað þýða þessi "smit" sem birtast alla daga í fjölmiðlunum?

Sýni tekin með PCR pinnum sem eru keyrð á 40 snúningum, þannig að þau geta fundið hvað sem er í hverjum sem er, eins og sjálfur hönnuður prófanna sagði?

Og er þetta fólk sem greinist "jákvætt" allt veikt, eða bara með "jákvætt" próf? Það fylgir sjaldnast eða aldrei sögunni.

Hvernig væri að fólk prófaði í nokkra daga að hætta að fylgjast með fjölmiðlunum, láta sem enginn "heimsfaraldur" sé í gangi, og hætti að spritta sig og vera með grímur. Það svínvirkar!

Hafi einhver "faraldur" verið í gangi, þá er hann löngu yfirstaðinn. En hvert fór flensan eiginlega?

 

Athugasemdir

[Þröstur R., 1.10.2021 kl. 23:20]

já þessi vírus er alveg magnaður .. svo magnaður að hann tók sér bara nokkrar vikur í frí meðan kosningarnar fóru fram en svo vaknaði hann rosalega hress og byrjaði að veikja alla. Ætli Sóttólfur segir ekki á næsta fundi að ef þú ert einkennalaus farðu þá í sýnatöku það gæti leynst vírus í þér og hvorki þú né vírusinn vita af því.

[Kristín Inga Þormar, 1.10.2021 kl. 23:42]

Sæll Þröstur,

Heyrðu, já ég er löngu búin að uppgötva að þessi vírus er virkilega samvinnuþýður og smitar ekki fólk þegar hann má það ekki.

Hann er örugglega hundsvekktur yfir að mega ekki smita grímuklædda fólkið í rakarastólnum - eða rakarana sem verja sig stoltir gegn drápsveirunni 8 tíma á dag með grímunni sinni.

Það hefur greinilega hlakkað í honum þegar þetta kærulausa fólk hittist á kosningavökunum, og hann mátti smita nokkra og senda helling í sóttkvíar.

En svona til öryggis, ef Sóttólfur krefst þess ég láti reka pinna upp í heilann á mér til að finna hvort ég sé ekki örugglega smituð, þá mun ég að sjálfsögðu hlýða orðuhafanum, því auðvitað hlýði ég gagnrýnislaust öllu því sem mér er sagt að gera.

Ég hef enga þörf fyrir sjálfstæða hugsun þegar ég hef allt þetta góða fólk til að sjá um það fyrir mig.

[Geir Ágústsson, 2.10.2021 kl. 10:38]

Vonum að á bak við tjöldin sé verið að máta nýja manneskju í stól heilbrigðisráðherra og að sú manneskja kunni að standa í lappirnar. Skiljanlega er Sótti með sótt á heilanum en það þarf að loka hann inni á skrifstofunni sinni og gefa honum næði til að uppfæra þekkingu sína sem staðnaði vorið 2020. 

[Kristín Inga Þormar, 2.10.2021 kl. 12:19]

Sæll Geir,

Já við skulum rétt vona að einhver fær og heiðarleg manneskja taki við þessu mikilvæga embætti!

Er Sótti ekki að komast á ellilífeyrisaldur? Hann mætti gjarnan fara að láta sig hverfa, hann er búinn að valda nógu miklum skaða hér á landi, alveg eins og Svandís og fleiri.

[Þröstur R., 2.10.2021 kl. 13:55]

Það kom fram fyrir kosningar að xd gæti hugsað sér heilbrigðisráðaneytið og Guðlaugur Þór verði ráðherra þar á bæ. XD hefur alltaf haft mestu tenginguna við Globalista þannig ef þessi sýn verður að veruleika þá skulum við hafa verulegar áhyggjur af því.

[Kristín Inga Þormar, 2.10.2021 kl. 14:24]

Sæll aftur Þröstur,

Ef þetta verður raunin, þá er það já vissulega áhyggjuefni!