Heilbrigðisstarfsfólk lítið spennt fyrir þriðja skammti, og Þórólfur skilur ekkert í því!

Þórólfur skilur ekkert í áhugaleysi heilbrigðisstarfsfólks hér á landi á því að fá sér þriðja skammtinn af "bóluefninu"!

Ætli hann hafi ekkert frétt af því að á fjórða þúsund manns hafi tilkynnt um aukaverkanir eftir sprauturnar? Heilbrigðisstarfsfólki hlýtur að vera vel kunnugt um þær því það hefur þurft að sinna skaðaða fólkinu eftir þær. Það útskýrir kannski tregðuna.

"„Nei, það hefur ekki verið mikill áhugi á því, án þess að ég viti almennilega af hverju. En það er óþarfi að bólusetja of mikið, bæði fyrir einstaklingana sjálfa og svo er líka gott að geta dreift bóluefninu víðar þangað sem fáir hafa verið bólusettir. (Áherslubreytingin er mín.)

Við höfum alltaf lagt á það áherslu að fullbólusetja innan skynsamlegra marka okkar samfélag. Og ég held að við séum að ná því. Það er ágæt þátttaka líka hjá unglingum, þannig að ég held að við eigum að sjá hverju það skilar okkur,“ segir Þórólfur."

Fréttin sjálf.

Sjáiði þetta, "Nei, það hefur ekki verið mikill áhugi á því, án þess að ég viti almennilega af hverju".

Hvernig í ósköpunum er hægt að ljúga svona upp í opið geðið á þjóðinni án þess að depla auga?

Hann kemst upp með það því hann fær aldrei gagnrýnar spurningar, og hann veit að stór hluti þjóðarinnar trúir honum og treystir ennþá, því miður.

"Faraldurinn" ekki genginn niður

Í annarri frétt í dag segir hann að sýna þurfi varkárni og hópsýking á Norðurlandi sé áminning um að "faraldurinn" sé ekki genginn niður.

Og ekki hvarflar að fréttakonunni að spyrja hvernig geti staðið á því miðað hvað hvað búið er að sprauta marga, heldur spyr hún hann svona óttalegra máttlausra spurninga:

"Sérðu fyrir þér rými til þess að aflétta frekar aðgerðum núna?

„Það verður að koma í ljós en ég hef alltaf sagt að við verðum að fara mjög varlega í þetta og sennilega þurfum við að hafa einhverjar takmarkanir um sinn,“ segir Þórólfur.

Þannig að það er afskaplega ólíklegt að öllu verði aflétt þá?

„Já, frá mínum bæjardyrum er það frekar ólíklegt já. Ég held að við eigum að fara okkur aðeins hægt áfram,“ segir Þórólfur."

Hann er að vinna að nýju minnisblaði og gefur þarna til kynna að ekki megi búast við neinum tilslökunum.

EINA FERÐINA ENN!

Hann mun þurfa að svara til saka ásamt mörgum öðrum, en fyrst verður þjóðin að fara að hrista af sér slenið, rísa upp og mótmæla. Annars mun þetta ekkert hætta, og hann mun alltaf finna ástæður til þess að halda þessum "heimsfaraldurs" lygum áfram.

Danmörk og Noregur eru búin að létta hömlunum hjá sér því fólk lét ekki bjóða sér þetta lengur!

Og lífið hefur gengið meira og minna sinn vanagang í Svíþjóð allan tímann, og litlar eða engar lokanir, boð eða bönn.

Hvers vegna í ósköpunum eru Íslendingar alltaf svona hlýðnir?

 

Athugasemdir

[Lárus Gabríel Guðmundsson, 4.10.2021 kl. 07:10]

Heyr ! Heyr !

[Kristín Inga Þormar, 4.10.2021 kl. 08:19]

Sæll Lárus,

Takk fyrir innlitið, gott að sjá að þú ert sammála!

[Geir Ágústsson, 4.10.2021 kl. 11:50]

Meira að segja hörðustu klappstýrur Þórólfs hljóta að hugsa, þó ekki væri í nema augnablik: Mikið er skrýtið að hann sé ekki með á hreinu af hverju fáir handleggir eru að bjóða sig í þriðju sprautuna!

Annars er bara sama handritið að fara spilast aftur: Nú er haustið komið og árstíðarbundnar pestir munu rjúka upp, allar sem ein, og þá verður skellt í lás og talað um að hafa opnað of snemma. 

[Kristín Inga Þormar, 4.10.2021 kl. 12:29]

Sæll Geir,

Já ég ætla rétt að vona að fólkið doki aðeins við áður en það þiggur "örvunina", og já finnst þér það ekki undarlegt hvað hann er "grandalaus"? Það er alveg ótrúlegt hvað hann kemst athugasemdalaust upp með að blaðra og ljúga í fjölmiðlunum!

Og það kæmi hreint ekkert á óvart að pestarveikindin verði skráð sem útbreiðsla smita sem leiði til hópsýkinga og jarí jarí, og öllu verði skellt í lás eina ferðina enn.

Þau munu komast upp með þetta þangað til við segjum hingað og ekki lengra, leyfið okkur bara að snúa tilbaka til eðlilegs lífs!

[Sigurður Kristján Hjaltested, 4.10.2021 kl. 16:10]

Miðað við allt sem á undan er gengið, þori ég að veðja,

að hann fær að skoða fyrirfram spurningarnar sem fyrir

hann er lagt svo að jamm komist hjá sannleikanum.

Enda allir fjölmiðlar á Íslandi ríkisstyrktir nema

útvarp SAGA. Er nema von að frétta mennskan er engin.

Hugsa sér að titla sig sem blaðamann en vera í raun

bara "blaðursskjóða". Enginn metnaður eða stolt.

Svo er á hátíðisdögum talað um ritskoðanir í

Rússlandi eða Kína. Það bara gleymist alltaf að nefna

Ísland í þeirri umræðu einnig. Sorglegt en satt.

[Kristín Inga Þormar, 4.10.2021 kl. 17:28]

Sæll Sigurður,

Alveg sammála, fréttamennska er ekki til lengur hér á landi, og hann hefur aldrei fengið áleitnar og ágengar spurningar sem krafist er svara við.

Það er mikil skömm að þessu, og Útvarp Saga er nánast eini, ef ekki sá eini fjölmiðill sem hefur hefur fjallað um þennan "heimsfaraldur", bóluefnin, aukaverkanirnar, og bóluefnasamningana leynilegu sem ekki eru ætlaðir okkar augum.