Ekkert neyðarástand í gangi, bara sýndarmennska og þráhyggja!

„Ekkert neyðar­á­stand í gangi sem rétt­lætir nú­verandi reglu­gerð“ segir Sigríður Á. Andersen fráfarandi þingmaður, og engar lagalegar eða læknisfræðilegar ástæður renna stoðum undir núverandi sóttvarnarráðstafanir.

En Þórólfur og Svandís þráast við

.... og hún samþykkti tillögu hans um að framlengja gildandi sótt­varna­ráð­stafanir vegna far­aldurs!! co­vid-19 til 20. októ­ber.

Hvar í ósköpunum er þessi faraldur? Ég er hjartanlega sammála Sigríði um að þessar aðgerðir séu ekkert annað en sýndarmennska! Og þá er það spurningin um hvað liggi þarna að baki.

Það eina sem mér dettur í hug er að verið sé að viðhalda þessum tilgangslausa og óþarfa ótta fólks svo hægt sé að narra það í sprauturnar - og svo "örvunar"sprauturnar. Það er jú búin að skuldbinda þjóðina til að kaupa að minnsta kosti 1.4 milljónir skammta!

Eins og við vitum, þá er Þórólfur enn að hvetja fólk til þess að láta "bólusetja" sig, þótt hann viti ofurvel hvaða skaða þau geta, og sannanlega hafa valdið.

Heilbrigðisstarfsfólk er eitthvað tregt að fá sér viðbótarskammtinn (fyrsta af mörgum?), og hann skilur ekkert í áhugaleysi þess! Hann er bara svo "heppinn" að fá aldrei gagnrýnar spurningar frá þessum svokölluðu fréttamönnum sem eru margir hverjir búnir að fá ótal upplýsingar sendar um "hina hliðina" á þessum meinta faraldri.

 

 

Svo sendu þrír starfsmenn Lyfjastofnunar fordæmalausa grein í Morgunblaðið í vikunni, sem gekk gjörsamlega fram af mér og fleirum!

"Verða að láta af þessari þráhyggju"

„Það nýjasta er að fara senda þúsundir barna í ein­hver hrað­próf og skimanir til að fá að komast á skóla­böll. Menn bara verða að fara komast út úr þessu. Þeir verða að láta af þessari þrá­hyggju. Þetta er bara þrá­hyggja,“ segir Sig­ríður og bætir við að sótt­kví og skimun séu í­þyngjandi læknis­fræði­leg inn­grip.

Stutt skilgreining Merriam-Webster á faraldri (epidemic):

"an outbreak of disease that spreads quickly and affects many individuals at the same time : an outbreak of epidemic disease"

Er þetta eitthvað sem þið hafið upplifað síðan í ársbyrjun í fyrra? Ég sjálf kannast ekkert við þetta í minni fjölskyldu og vinahópi!

Casedemic

Staðreyndin er bara sú að þessum meinta faraldri hefur verið haldið uppi með sýnatökum á fullfrísku fólki með þessum PCR pinnum sem búið er að dæma óhæfa til að greina veikindi í einhverjum löndum.

Á grunni niðurstaðna úr þessum prófum sem eru í langflestum tilfellum falskar, hafa tugþúsundir manns verið skikkaðir í sóttkvíar og einangranir.

Allt of margir eru enn skíthræddir við hversu margir "greindust" deginum áður, enda birtast fréttir um það daglega í fjölmiðlunum.

Þetta hefur verið kallað Casedemic, eða faraldur "greindra (falskra) smita", sem hefur verið notaður til að réttlæta þessar fáránlegu sóttvarnarreglur og sviptingu fólks á mannréttindum sínum.

Og hvað gerir Kári við sýnin úr öllum pinnunum? Hann er búinn að tífalda hagnað Íslenskrar erfðagreiningar eins og kom fram í Viðskiptablaðinu um daginn, ætli hann sé að selja lífsýnin sem fólk er búið að gefa honum í stríðum straumum núna?

Hárrétt hjá Sigríði!

„Það er bara ekki hægt að senda 1500 manns í sótt­kví því það fundust sex börn smituð á Akur­eyri sem eru ekki einu sinni veik.“

Segir Sigríður í viðtali við Fréttablaðið í dag.

Frábær útvarpsþáttur á Útvarpi Sögu í dag!

Stöllur mínar, þær Sigurlaug Ragnarsdóttir og Guðrún Bergmann voru gestir í síðdegisþætti Hauks Haukssonar í dag.

"Það vantar mjög mikið upp á að fólk sé upplýst um að það sé að taka þátt í lyfjatilraun þegar það lætur bólusetja sig og við leggjum mikla áherslu á að fólk verði upplýst um það.

Þetta var meðal þess sem fram kom í máli Guðrúnar Bergmann rithöfundar og heilsufrömuðar og Sigurlaugar Ragnarsdóttur listfræðings og menningarmiðlara sem standa að samtökunum Mín leið, mitt val en þær voru gestir Hauks Haukssonar í síðdegisútvarpinu í dag."

Þær hafa lagt á sig óhemju mikla rannsóknarvinnu um allt sem varðar faraldurinn og bóluefnin, það fer svo sannarlega ekkert framhjá manni þegar maður hlustar á þáttinn, sem þið finnið hér. Látið hann ekki fram hjá ykkur fara!

Athugasemdir

[Jón Þórhallsson, 7.10.2021 kl. 07:52]

"Ekkert neyðar­á­stand í gangi sem rétt­lætir nú­verandi reglu­gerð“ segir Sigríður Á. Andersen fráfarandi þingmaður, og engar lagalegar eða læknisfræðilegar ástæður renna stoðum undir núverandi sóttvarnarráðstafanir.

En Þórólfur og Svandís þráast við

.... og hún samþykkti tillögu hans um að framlengja gildandi sótt­varna­ráð­stafanir vegna far­aldurs!! co­vid-19 til 20. októ­ber".

-----------------------------------------------------------------------------------

Mér finndist að það ætti bara eitt HÖFUР

að tala fyri hönd ríkisstjórnarinnar

Er það ekki forsætisráðherra íslands  Katrín sem að þiggur 3 milljónir á mánuði fyrir  að vera í hlutverki "SKIPSTJÓRANS Á RÍKISSKÚTUNNI"

Hver er stefna ríkisstjórnarinnar í þessu máli inn í framtíðina? 

[Kristín Inga Þormar, 7.10.2021 kl. 08:40]

Sæll Jón,

Já maður hefði haldið að Katrín ætti sem forsætisráðherra hefði átt að vera sýnilegri í þessum ægilega "heimsfaraldri".

Það var ekki að sjá að einn stærsti atburður samtímasögunnar væri í gangi í kosningabaráttunni, heldur bara gamla ræpan um hvað þau sjálf væru æðisleg.

Þetta er kannski einhver hernaðartaktík, að láta ekki hafa neitt eftir sér opinberlega sem hægt er að hanka þau á þegar allt verður komið upp á yfirborðið?

[Geir Ágústsson, 7.10.2021 kl. 10:26]

Sigríður Andersen ætlar greinilega að labba út af þingi með flugeldasýningu, sem er gott. Covid-hópar á fjésbókinni sem hafa efasemdir um guðspjall Sótta stækka og stækka. Gagnrýnar raddir verða sífellt háværari og fá meira og meira rými. En ennþá er múgurinn enn upp til hópa skíthræddur og fólk að lokast inni í stofufangelsum, að jafnaði 2500 Íslendingar á sérhverjum degi í slíku. 

[Kristín Inga Þormar, 7.10.2021 kl. 10:43]

Sæll Geir,

Já þetta er bara frábært hjá henni, það eru ekki margir þingmenn sem hafa tjáð sig um "heimsfaraldurinn" hingað til, og vonandi heldur hún bara áfram að tjá sig þegar hún er farin af þingi.

Gott að landinn sé loksins farinn að opna rifu að minnsta kosti á annað augað, enda löngu kominn tími til, samt eru ótrúlega enn margir skíthræddir, og kannski ekki síst þeir fullbólusettu.

Og það er bara algjör bilun að vera loka fullfrískt fólk inni dögum saman!