Er samanburður við Ísrael besta leiðin til að sannfæra okkur um ágæti og árangur "bólusetninganna"?

Sóttvarnarlæknir okkar heldur áfram að reyna að hræða okkur með þessum áhyggjum sínum af "faraldrinum", og hvetur þá enn ósprautuðu að drífa sig í þær, og hina sprautuðu að fá sér "örvun".

Örvunarbólusetning dregur verulega úr líkum á alvarlegum veikindum að mati sóttvarnarlæknis

"Sóttvarnalæknir mælir með örvunarbólusetningu fyrir alla 60 ára og eldri, heilbrigðisstarfsfólk, íbúa á hjúkrunarheimilum og tiltekna viðkvæma hópa, sbr. nánari skilgreining á vef embættis landlæknis.

Rannsókn sem gerð var í Ísrael og birt í The New England Journal of Medicine, sýnir umtalsverðan árangur af örvunarbólusetningu einstaklinga 60 ára og eldri sem voru fullbólusettir með tveimur skömmtum af bóluefni Pfizer og fengu örvunarskammt þegar a.m.k. 5 mánuðir voru liðnir frá seinni sprautunni.

Að liðnum 12 dögum frá örvunarbólusetningu voru líkur á smiti rúmlega 11 sinnum minni en hjá sambærilegum hópi sem ekki hafði fengið örvunarskammt og líkur á því að þeir veiktust alvarlega af Covid-19 voru nærri 20 sinnum minni."

Heimild.

Þarna vísar hann í rannsókn frá Ísrael, sem er eitt bólusettasta land í heimi, og "umtalsverðan árangur" af "örvunar"skotunum þar í landi.

Á vefsíðunni Ourworldindata.com er meðal annars hægt að kalla fram tölulegar upplýsingar um gengi "heimsfaraldursins", og á þessu línuriti má sjá allt aðrar upplýsingar en sóttvarnarlæknir setur fram.

 

Þetta skjáskot tók ég áðan, og þar má sjá samanburð milli nokkurra landa. Fjöldi smita og dauðsfalla hefur sem betur farið hríðlækkandi síðan "örvunin" hófst hjá Ísraelum, en það breytir ekki því að þessar tölur eru skelfilega háar.

Í ljósi þessa má velta fyrir sér hvað sóttvarnarlæknir hefur fyrir sér, þegar hann bendir á þennan "umtalsverða árangur", annað en þessa rannsókn - sem að sjálfsögðu er birt á síðu breska heilbrigðismálaráðuneytisins, sem er jafn "óspillt" og það íslenska!

Ísraelsk fórnarlömb

Hér má sjá rúmlega klukkustundar langa mynd með Ísraelum sem glíma enn við alvarlegar aukaverkanir eftir sprauturnar, og aðstandendur þeirra sem létust eftir þær.

Það var ísraelsk kona sem kallar sig Avital sem lagði gríðarlega vinnu í gerð þessarar myndar, og hérna má lesa meira um viðtöl hennar við fórnarlömbin.

Og hér er umfjöllun um ísraelskan stærðfræðing sem segir sprauturnar hafa valdið flóðbylgju í dauða ísraelskra ungmenna. Meira hér.

Svo ég svari fyrirsögninni sjálf, þá er svarið nei, heldur þveröfugt.

Athugasemdir

[Guðjón E. Hreinberg, 27.10.2021 kl. 13:33]

Öll elítan fer í afplánun. Dómur er framborinn.

Það verður aldrei bakkað.

[Kristín Inga Þormar, 27.10.2021 kl. 15:23]

Sæll Guðjón,

Já, elítan á skilið langa afplánun, öll með tölu.

[Ásgrímur Hartmannsson, 27.10.2021 kl. 17:31]

"What almost every government told their people was an absurd set of statements, most of them easily disproven by reference to published literature & often simply by thinking."

Dr. Yeadon.  Ég sé að fólk hefur oftast trassað þetta seinasta, og um leið það auðveldasta.

Eins og ég hef oft sag áður, við hin ýmsu tækifæri: Darwin mun sjá um sína.

[Kristín Inga Þormar, 27.10.2021 kl. 17:56]

Sæll Ásgrímur,

Já, fólk þyrfti einmitt að hætta að lepja allt hrátt upp eftir "sérfræðingunum", því það er oft mjög einfalt að hrekja það sem þeir segja.

Og ég er oft búin að sýna fram á ósannindin hjá Þórólfi varðandi þessi svokölluðu "bóluefni".