Á að fara að skella öllu í lás eina ferðina enn?

Sóttvarnalæknir er farinn að skrifa reglulega hræðslupistla á covid.is

"Þróun faraldursins hér er því enn versnandi og faraldurinn í veldisvexti. Líklegt er að þessi þróun  hvað varðar heildarfjölda smita haldi áfram sem mun leiða til versnandi ástands á Landsspítalanum."

"Hollt er hins vegar að hafa í huga þá reynslu okkar að samfélagslegum smitum fækkar ekki fyrr en gripið er til takmarkandi aðgerða í samfélaginu."

Hvers vegna endurtaka það sem ekki virkar?

Grímur virka ekki gegn örsmáum veirum, samt hefur grímuskyldu verið skellt á okkur í tvígang.

Það sem áður var sagt vera full bólusetning virkaði ekki heldur þegar upp var staðið, og fólk hvatt til að fá sér fleiri sprautur, og að sjálfsögðu flensusprautu líka. Og samt er sprautaða fólkið líka að greinast "með smit" og veikjast!

Svo hver er staðan núna?

11 af 13 Covid sjúklingum á Landspítalanum 27. október voru bólusettir, segir hér.

7 fullbólusettir starfsmenn Lögreglunnar á höfuðborgarsvæðinu eru komnir í einangrun og 10 til viðbótar í sóttkví eftir að smit greindist hjá embættinu, segir hér.

Þessu fólki hefur líklegast verið boðin "örvunar"sprautan, eins og öllu framlínustarfsfólki. Semsagt, tvær eða jafnvel þrjár sprautur virkuðu ekki betur en þetta.

Hvað ætli sé langt í fjórðu sprautuna og svo þá fimmtu og .....

Hversu lengi ætlar fólk að láta blekkja sig?

Verið áfram hrædd!

"Við getum forðast hópamyndanir með ókunnugum, viðhaft eins metra nándarreglu, notað andlitsgrímur í aðstæðum þar sem nánd við ókunnuga er undir einum metra og gætt að góðri sótthreinsun handa.

Ef við finnum fyrir einkennum sem bent geta til COVID-19 þá ættum við að halda okkur til hlés, forðast margmenni og umgengni við viðkvæma einstaklinga og fara í sýnatöku."

Merkilegt, þetta var líka sagt í fyrra áður en stærsti hluti þjóðarinnar var orðinn fullsprautaður!

Ætli þetta fólk á myndinni hér fyrir neðan sé í þeim hópi?

Það sem aldrei er sagt

Hvernig við getum eflt okkar dásamlega meðfædda ónæmiskerfi með réttum vítamínum og steinefnum, og ekki má gleyma lýsinu góða. Þetta svínvirkar!

Ótti og streita hefur slæm áhrif á ónæmiskerfið, það eiga allir að vita, líka læknar. Þessi endalausi hræðsluáróður Þórólfs, Kára og fleiri aðila gerir ekkert annað en að hafa lamandi áhrif á andlega og líkamlega heilsu fólks.

Tveir ósprautaðir og ellefu sprautaðir á bráðadeildum núna!

Þetta ætti að koma manni á óvart en gerir alls ekki. Dökkbláa súlan er yfir þá sprautuðu og sú gráa þá sem hafa afþakkað glundrið, og eins og sjá má er sú bláa í langflestum tilfellum hærri. Sjá meira hér.

 

Öllum ætti að vera löngu orðið ljóst að það er enginn drápsfaraldur vegna einhverrar veiru í gangi.

Þetta er eini faraldurinn sem er í gangi!

Í gær var fjöldi tilkynninga um aukaverkanir kominn upp í hvorki fleiri né færri en 5.486, þar af eru 193 alvarlegar plús 32 andlát, en síðan hefur ekki verið uppfærð í dag.

Fréttin.is birtir þetta á síðunni sinni í morgun:

"Til viðbótar þessum upplýsingum og frekari sundurliðun á grunuðum alvarlegum aukaverkunum hefur stofnunin svarað nokkrum frekari fyrirspurnum um aukaverkanir: 57 tilkynningar hafa borist vegna blóðtappa, 18 vegna hjartavöðvabólgu og/eða gollurshússbólgu. 

Eins hafa 68 aukaverkanir verið tilkynntar í hópnum 12-17 ára barna, þar af átta alvarlegar og 65 tilkynningar hafa borist vegna örvunarskammta."

Hér má bæta við 10 tilkynningum um fósturskaða!

Ef engin af þessum 5.486 manneskjum hefðu verið sprautaðar með þessum skelfilegu líftæknilyfjum sem eru ekki einu sinni bóluefni eins og við höfum þekkt þau hingað til, þá hefði aldrei þurft að tilkynna um þessar 5.486 aukaverkanir.

Og stóra spurningin er, hvers vegna er Þórólfur aldrei tekinn á teppið í fjölmiðlunum og spurður út í þetta?

Og hvers vegna er enn verið að þrýsta á fólk að láta sprauta sig, þegar augljóst er að þetta glundur virkar ekki, og veldur jafnvel óafturkræfum skaða og/eða andlátum hjá fólki?

Næsta mál á dagskrá hjá þessu liði er að fara að sprauta 5-11 ára börn, ætla íslenskir foreldrar að leyfa því að gerast?

Og nú virðist vera byrjað að kynda undir hömlur og lokanir eina ferðina enn, þetta er orðið sagan endalausa.

 

Athugasemdir

[Ásgrímur Hartmannsson, 28.10.2021 kl. 19:01]

Fólkið sem var sprautað þarf lýsi.  Það þarf allt lýsið.  Blóðþynnandi, sko...

Annars, ef maður tekur mið af Hagstofunni, þá er líklegt að tala l´+atinna vegna bóluefnis sé ekki 32, heldur meira í lýkingu við 90+.

Það er auðvelt að færa rök fyrir því.

Og við erum ekkert ein í heiminum, og það er ekki eins og við höfum ekki internet.  En yfirvöld eru föst á 19. öld.  au halda að það besta sem við höfum sé ritsími.  ...---... osfrv.

[Kristín Inga Þormar, 28.10.2021 kl. 20:16]

Sæll Ásgrímur,

Lýsið er margra meina bót, eftir að ég fór að taka það að staðaldri fyrir mörgum árum síðan hætti ég að verða lasin, og fékk sárasjaldan kvef og aldrei flensur.

Síðan ég byrjaði líka að taka D3 vítamín, C vítamín, sink, og magnesíum, hef ég ekki einu sinni fengið vott af kvefi, né smitast af drápsveirunni miklu þótt ég hafi umgengist manneskju sem greindist með hana.

Reyndar voru þau veikindi bara örlítið kvef og stíflaðar kinnholur, það var nú öll pestin!

Og já blessaður vertu, við vitum fullkomlega að andlátin eru miklu fleiri en gefið er upp, en ég er ekki viss um að allir tengi t.d. skyndileg andlát ástvina við sprauturnar.

Yfirvöld, Þórólfur, Kári og allir þeir sem ætla að sprauta okkur öll, komast því miður enn allt of mikið upp með bullið í sér, maður sér það á því hvað sótthræddi sprautaði hópurinn galar enn mikið undir í athugasemdakerfunum. Loka, loka, loka....

Þetta blessaða fólk er undir svo mikilli dáleiðslu, að það hvarflar ekki að því að leita sér upplýsinga annars staðar frá, heldur bara trúir öllu sem því er sagt.

[Geir Ágústsson, 29.10.2021 kl. 10:03]

Nú er æðstipresturinn byrjaður að kalla sig ýmsum skáldlegum nöfnum:

„En ég hef verið að reyna að and­mæla þessu og þess vegna hef ég upp­lifað mig sem svona hróp­and­ann í eyðimörk­inni að tala um þetta.“

Hrópandinn í eyðimörkinni já, sem hefur aðgang að öllum fjölmiðlum, búinn að koma sér upp bloggsíðu á besta stað, búinn að fá öllu sínu framgengt í 18 mánuði og komist upp með að "réttlæta" takmarkandi aðgerðir með hreyfanleg markmið án þess að fá eina einustu óþægilegu spurningu.

Hrópandi í eyðimörkinni! Eru það ekki miklu frekar fossblæðandi konur, lömuð börn og hjartveik ungmenni? Fórnarlömb sprautuvitleysunnar.

Eða börn sem eru að dragast aftur úr í náminu, búinn að gefast upp á að stunda tómstundir og fá sig ekki til að einbeita sér á fjarfundum í tíundu sóttkvínni á einu og hálfu ári.

Þessi maður kann ekki að skammast sín.

[Kristín Inga Þormar, 29.10.2021 kl. 10:35]

Sæll Geir,

Það er ótrúlegt hvað þessi maður er búinn að komast upp með að ljúga að þjóðinni, og nú þykist hann vera orðinn fórnarlamb vaxandi pirrings og þreytu almennings sem er sem betur fer orðinn þónokkur.

Hann hefur aldrei - eða ekki oft svo ég viti til tjáð sig um fórnarlömb sprautanna, og ég hef nokkrum sinnum í bloggunum mínum haft eftir það sem hann sagði í viðtali, að það væri bara tveir kostir, annað hvort að láta "bólusetja" sig, eða fá Covid.

Og nei, hann kann ekki að skammast sín, og hefur enga siðferðiskennd.

[Halldór Björgvin Jóhannsson, 29.10.2021 kl. 15:27]

En ég hef verið að reyna að and­mæla þessu og þess vegna hef ég upp­lifað mig sem svona hróp­and­ann í eyðimörk­inni að tala um þetta.

Úff, ætli hann haldi að guð hafi sent hann til jarðar til að bjarga mannkyninu!

Þessum manni veitir ekki af því að fara í mjög langt frí og ekki koma aftur til vinnu, er ekki hægt að senda manninn á eftirlaun?

[Kristín Inga Þormar, 29.10.2021 kl. 16:35]

Sæll Halldór,

Hann virðist hafa einhverjar stórkostlegar hugmyndir um sjálfan sig, en virðist ekki fatta að það er til fólk sem kann að leita frétta á netinu alls staðar annars staðar en í þessum spilltu meginstraumsfjölmiðlum.

Kíktu endilega á nýjasta bloggið mitt, þar rek ég eitt og annað ofan í hann!