Er nýja bylgjan faraldur þeirra "fullbólusettu", sem kallast núna "grunnbólusettir"?

Í þessu stutta breska vídeói er farið yfir opinber gögn yfir fjölda smitaðra í Bretlandi, og ég er sjálf búin að hala niður þeim gögnum sem vitnað er í, og get staðfest að þau eru rétt.

Þarna kemur fram svart á hvítu að smit hafa verið staðfest í miklu hærra hlutfalli hjá þeim bólusettu en óbólusettu í aldurshópnum 30 ára og eldri.

Hvers vegna greindust svona mörg smit hér á landi í sumar eftir þessar massa "bólusetningar"?

Setur fólk engin spurningarmerki við það?

Sjálfstæðisflokkurinn lofaði að öllum takmörkunum yrði aflétt þegar stærstur hluti þjóðarinnar hefði fengi fyrri skammt bóluefnis (man reyndar ekki alveg hvenær þeir komu með þetta loforð).

Unga fólkinu var sagt að með öllum þessum "bólusetningum" yrði hægt að halda upp á verslunarmannahelgina, en svo kom skellurinn.

Það var víst einhver smitbylgja í uppsiglingu, og hætt var við flestar, ef ekki allar hátíðir.

Alveg eins og í fyrra þegar helstu hátíðir þar sem fólk kemur saman og gleðst, voru blásnar af. 

Eins og stefnir í núna fyrir jólin.

Umræðan

Umræðan um allt varðandi þennan faraldur hefur verið einstaklega einsleit og villandi, og sjaldnast neinum hleypt að borðinu nema þeim sem mæra þessi tilraunaefni. Eini fjölmiðillinn sem hefur gert það er Útvarp Saga (sem er án ríkisstyrkja) sem á heiður skilinn fyrir það.

Það er aldrei talað um hinar hliðarnar og aukaverkanirnar sem eru núna komnar upp í 5.516, þar af 195 lífsógnandi, og 32 andlát, og aldrei eru landlæknir og sóttvarnalæknir krafin svara vegna þeirra. Allt er þaggað niður eins og hægt er.

Það vill svo skemmtilega til að félagar mínir, þeir Jóhannes Leifsson og Helgi Örn Viggósson eru byrjaðir með podcast, og voru akkúrat að birta nýjan þátt þar sem þeir tala meðal annars um efni þessa bloggs.

Frelsi og Ábyrgð, 2. þáttur: Leikhús fáranleikans

"Þær lokanir sem eru nú að skella á voru algjörlega fyrirsjánlegar. Í þessum 2. þætti fara þáttastjórnendur, Jóhannes og Helgi yfir hins ýmsu mál sem tengjast komandi lokunum og nýjustu upplýsingar um hvað koma skal.

Farið er yfir sóttvarnarreglugerðina og ýmsar þverstæður dregnar fram. Eins og að 2000 manna fjöldatakmörkun var sett á strætó, skipulagðir viðburður utanhúss eftir klukkan 1 bannaðir (sama hversu margir kæmu), bann við dansi án grímu og margt í þessum stíl.

Ljóst er af lestri reglugerðarinnar að það stefnir í aðra jólakúlu í ár. Farið er yfir nýjar rannsóknir (m.a. frá CDC) sem sýnir að þrefalt meiri líkur eru á að einkennalausir bólusettir smiti en óbólusettir. Mismunun óbólusettra stenst því enga skoðin.

Núverandi smitbylgja er einkum smitbylgja þeirra bólusettu. Eins er sýnt hvernig nýleg yfirlýsing sóttvarnarlæknis um inflúensu og RS-vírus stenst ekki skoðun. Eins er farið yfir nýlega grein um að spítalar í Bandaríkjunum væru að yfirfyllast af mjög veiku fólki, sem væri ekki með covid.

Framundan gætu verið hættulegri tímar með stökkbreyttri veiru, og vaxandi ADE áhrifum. Hætt er við að bólusetning með bóluefni sem þróað var við vírusafbrigði sem var til í fyrra hafi lítið að segja nema hitt þó kannski heldur. Þetta og margt annað er komið inn á í spjallinu."

Helgi og Jóhannes eru báðir afskaplega fróðir um báðar - eða allar hliðar faraldursins, og Helgi hefur birt marga frábæra og rökstudda pistla á Facebook vegg sínum.

Þetta eru menn sem vert er að hlusta á.

 

 

Athugasemdir

[Guðjón E. Hreinberg, 8.11.2021 kl. 18:53]

Var ég búinn að segja dáin menning og hrunin siðmenning eða Lygaraplága og Eiturvopnahernaður? Man það ekki. Kannski það komist ekki til skila ennþá.

Bestu kveðjur.

[Kristín Inga Þormar, 8.11.2021 kl. 19:22]

Sæll Guðjón,

Já þú hefur nefnt það nokkrum sinnum. Það er erfitt að koma svona nokkru til skila, ef það hentar ekki þessum eina leyfða málstað.

[Rúnar Már Bragason, 8.11.2021 kl. 22:32]

Nauðsynlegt að aðrar raddir heyrist en bergmálshellir fjölmiðla. Hins vegar finnst mér þeir í myndbandinu detta í fullyrðingar sem erfitt er að sanna eins og t.d. superspreader. Eða Delta afbrigðið verði veikari vegna bólusetningar rímar illa við raunveruleikann (Már sagði að fólk væri styttra á spítala að jafnaði). Annað efni var gott umhugsunarefni og vert að hugsa betur um. Hefðu líka mátt tala um grímur og ónotagildi þeirra eins og t.d. að þú þarft grímu í klippingu en sá sem klippir þig þarf þess ekki. Síðast varð það til þess að ég klippti ekki hár mitt í eitt ár því mér dettur ekki í hug að fara í klippingu með grímu. Ætli ég þurfi að bíða jafnlengi aftur?

[Kristín Inga Þormar, 8.11.2021 kl. 23:25]

Sæll Rúnar,

Já það er svo sannarlega nauðsynlegt að aðrar hliðar fái að heyrast, en þetta er þeirra þáttur og þeirra efnisval, og þetta var bara annað podcastið af mörgum. En sorrí, ég treysti ekki Má, sem vill sprauta alla eins og Þórólfur og co.

Ég bloggaði sjálf um grímubullið um daginn, og eins og þú hef ég ekki farið í klippingu í meira en ár núna. Ekki séns að ég leyfi heft súrefnisflæði mitt þar frekar en annars staðar. Ég mun nota gömlu góðu skærin þangað til ég get farið ómúlbundin á hárgreiðslustofu og setið þar í tvo tíma í klippingu og litun.

[Þröstur R., 9.11.2021 kl. 01:32]

Sæl Kristín,

Gott fólk er að vekja almenning en manni þykir það virka illa og fólk virðist vera haldin álögum um að tilraunalyfið mRNA bjargi þeim frá einhverju sem þeirra eigin ónæmiskerfi myndi gera.

Mér datt þetta myndband í hug hvað framhaldið verður:

https://www.youtube.com/watch?v=0ttGgIQpAUc

[Kristín Inga Þormar, 9.11.2021 kl. 08:37]

Sæll Þröstur,

Já það virðist ekki ætla að ganga nógu vel, og allt of margir því miður enn undir álögum og munu halda áfram að hlaupa í hringi (fleiri sprautur?) að skipan "töfralæknisins" eins og í vídeóinu.

[Helga Kristjánsdóttir, 9.11.2021 kl. 09:15]

 Var ég gróf í gær/nótt? Politíkin byrjaði hjá mér i hruninu sumir þola hana ekki,hún virkar enn.

[Kristín Inga Þormar, 9.11.2021 kl. 10:52]

Sæl Helga,

Ja, nú veit ég ekki hvort þú varst gróf í gær eða nótt!

[Helga Kristjánsdóttir, 9.11.2021 kl. 19:56]

Það þýðir að færslan mín var þurrkuð út eftir áminningu..Takk Kristín Inga Þormar.

[Kristín Inga Þormar, 9.11.2021 kl. 20:13]

Sæl aftur Helga,

Ég er engu nær, veit ekkert hvað þú ert að tala um.