Sagan endalausa - þetta stoppar ekkert fyrr en við segjum hingað og ekki lengra!

Bretar eru núna brjálaðir út í heilbrigðisráðherra sinn sem er á leiðinni í enn eina sprautuherferðina.

Það er komið enn eitt "afbrigði", svo nú á eina ferðina enn að taka sama hringinn sem hefur þó mislukkast í hvert einasta sinn hingað til.

Lausnin felst víst alltaf í sprautunum....

Sajid Javid

Bretar voru búnir að plana 6 milljón búst á næstu vikum, en nú er víst komið bakslag út af þessu nýja afbrigði, svo þeir ætla að ganga enn lengra í þetta skipti, og hraðar.

Sajid Javid ætlar að fylgja eftirfarandi ráðleggingum "sérfræðinga" sem hann hefur fengið:

1. Að stytta bilið milli sprautu númer tvö og bústsins úr sex mánuðum í þrjá.
2. Til viðbótar á að útvíkka búst prógrammið núna að ná til allra fullorðinna sem eftir eru, frá 18 ára aldri.
3. Bjóða á upp á skotin í aldursröð, frá þeim elstu og þeim yfir 16 ára sem eru viðkvæmastir og útsettastir fyrir veirunni, til hinna yngstu.
4. 16 ára og eldra og alvarlega ónæmisbældu fólki sem þegar er búið að fá þrjár sprautur skal nú boðið upp á extra búst.
5. Og að lokum, 12-15 ára börn eiga að fá sprautu númer tvö, tólf vikum frá þeirri fyrstu.

Hvað gerist þegar næsta "afbrigði" kemur fram? Slá í klárinn og sprauta meira?

En ég er ekki viss um að Bretar láti lengur gabbast, enda hundskömmuðu þeir forsætisráðherra sinn á dögunum (áður en nýja afbrigðið sem kallast Moronic, nei afsakið, Omricon kom fram), og einn sagði:

"Why did perfectly fit Healthy people queue up to find out if they were ill with the world’s most deadly virus? They fell for this hoax left right and centre, and played right into the hands of our corrupt government with a PM who wouldn’t know TRUTH if he fell over it."

Þetta er bara mjög góð spurning, og hvernig í ósköpunum stendur á því að fólk láti endalaust blekkja sig svona, og hleypur í nýjar sprautur þegar þeim er sagt að fara, og láti líka sprauta börnin sín?

En Bretar eru ljósárum á undan sofandi Íslendingum, og sjá í gegnum plottið.

Hér má sjá hinn breska Hugo sem hefur glöggt auga og góða yfirsýn yfir heimsmálin fara yfir viðbrögð lesenda Daily Mail við þessum nýjustu plönum breska heilbrigðisráðherrans.

Hann byrjar með flottum formála, og allt sem hann segir þar er bara sannleikur og heilbrigð skynsemi. Allir ættu að horfa á þetta vídeó, sem líka má finna hér.

Hér á Íslandi

Síðan "örvunar"bólusetningarnar byrjuðu þann 15. nóvember síðastliðinn, hafa samkvæmt fréttum tæplega 140.000 þegið boðið, ótrúlegt en satt.

Tilkynntum aukaverkunum fjölgaði um rétt tæplega 200 á þessum tveim vikum, og það sem verra er 10 sem flokkast sem alvarlegar.

Á sama tíma segir freki kallinn:

„Mér finnst persónulega eins og það sé drullusokksháttur að láta ekki bólusetja sig. Ekki vegna hagsmuna okkar sem einstaklinga heldur vegna hagsmuna samfélagsins,“ segir Kári Stefánsson.

Og önnur tilvitnun í hann:

„Það kom út vísindagrein í New England Journal of Medicine í dag eða í gær sem að lýsir því að bólusetning barna frá 5-12 ára sé hættulítil og hafi mikil áhrif. Þannig að nú þurfum við bara að gefa í hvað bólusetningu snertir. Bólusetja börnin.

Bólusetja aukaskammt í alla fullorðna. Við þurfum að herða takmarkanir á landamærum eða að minnsta kosti sjá til þess að það sé ekki stöðugt streymi á veirunni inn í landið.“ (Áherslubreytingin er mín)

Eins og þið sjáið á myndinni neðst, þá heldur hann (og Þórólfur) þjóðinni í greipum óttans, með dyggri aðstoð fólks eins og þessa hér.

Og það stendur ekkert til að enda þetta, það munu endalaust koma fram einhver ný og ný "afbrigði" sem munu "réttlæta" sífellt meiri og verri hömlur á okkur. Sjáið til dæmis hvað er búið að gerast í Austurríki!

Sannið til, það sem er að gerast þar og í fleiri löndum kemur líka hingað, það er spilað eftir sama handritinu hér og annars staðar, með mismunandi blæbrigðum þó.

Við verðum sem þjóð að stoppa þessa aðför að lífi okkar og frelsi!

Þið verðið að fara að gera ykkur grein fyrir því að þetta hefur aldrei nokkur tímann snúist um að vernda líf (og gamla fólkið), eða baráttu við einhvern "heimsfaraldur".

Hættið að fara í þessar sprautur áður en skaðinn verður miklu meiri en orðinn er og hættið að vera með þessar súrefnisheftandi tuskur fyrir vitunum.

Hættið að skrifa nöfnin ykkar á blöð á viðburðum, hættið að leyfa löggunni að njósna um ykkur, neitið að taka þessi fölsku PCR próf, hættið að taka einhver tilgangslaus próf til að komast í jarðarfarir og leikhús, og ekki hleypa þessu liði með sprauturnar í börnin!

Hættið að hlýða þessum fáránlegu reglum! Ef við munum missa allt sem verið er að svipta okkur núna, þá verður sökin öll ykkar sem leyfa því að gerast.

VAKNIÐ áður en það verður orðið of seint!

 

 

Athugasemdir

[Magnús Sigurðsson, 1.12.2021 kl. 19:24]

Þú átt heiður skilinn fyrir eljuna Kristín, það er vonandi að herhvatningin  virki á endanum og fólk sjái að það mun engin stoppa þetta endaleysis fikt í ónæmiskerfi þess nema það sjálft. Það er ekki flóknara en að sleppa því að mæta í höllina. 

[Kristín Inga Þormar, 1.12.2021 kl. 19:54]

Sæll Magnús,

Þakka þér kærlega fyrir, ég fylgist náið með því sem er aldrei í fréttunum hér á landi, og sé hryllinginn annars staðar nálgast okkur óðum.

Íslendingar eru því miður upp til hópa undir álögum sem erfitt virðist að losa þá úr. Það er nóg að hræða fólk nógu mikið til að fá það til að trúa og hlýða hverju sem er, það eru nægar sannanir til um það í sögunni.

Og það sem átti aldrei að fá að endurtaka sig er því miður samt að gerast, en núna á miklu stærri og skelfilegri skala.

Ef Íslendingar fara ekki að vakna og rísa upp og mótmæla eins og verið er að gera í öðrum löndum, þá er voðinn vís, því miður.

[Magnús Sigurðsson, 1.12.2021 kl. 20:29]

Ég fékk sent ágætis myndband frá Ástralíu þar sem smábissness kona kom í viðtalsþátt til sannrar konu og skýrði út á mannamáli hvað væri vændum.

Hún vildi meina að það væri engin leið lengur til baka, en fólk yrði að vakna og átta sig á að þetta snérist hvorki um heilsu né samsæriskenningar. Þetta snérist um nýtt peningakerfi.

Í videoinu kom fram hvað fólk gæti samt gert áður en allt verður um seinan þrátt fyrir að hafa tekið þátt í þegnskyldunni.

Ég ætlaði að setja vidoið á bloggið, en eins og svo mörg sem skýra málin vel þá var það fljótlega horfið af youtube.

Flestir sem ég þekki líta á bólusetningar sem nokkurskonar þegnskyldu, lið í að enda þessa pest, og fara því í þær af góðum hug án þess að fjandskapast út í þá sem velja að gera það ekki.

Síðan þín er með mikið af góðum upplýsingum, enda sýnist mér margir heimsækja hana að staðaldri, svo kannski verða einhverir sem vakna áður en allt verður í tómu tjóni.

[Kristín Inga Þormar, 1.12.2021 kl. 21:08]

Sæll aftur Magnús,

Að sjálfsögðu er allt fjarlægt af YouTube og bannað á samfélagsmiðlunum sem talar gegn þessum eina leyfða málstað. Hefurðu athugað hvort það hafi líka verið sett t.d. á Rumble eða BrandNewtube? Ég væri mjög til í að sjá þetta.

Það er búið að innprenta í okkur að við séum öll í þessu saman og berum öll ábyrgð, sem fyrir einhverja furðulega "tilviljun" eru nákvæmlega sömu frasarnir og notaðir eru í öðrum löndum. Líka að á meðan Víðir talaði um jóla- og páskakúlur, þá var talað um Christmas- og Easter bubbles í enskumælandi löndum.

Svo margir hafa örugglega hlýtt kallinu (og Víði) til að sýna samfélagslega ábyrgð, enda var leikurinn til þess gerður.

Ég ver gríðarlega miklum prívat tíma í þessi skrif mín, einmitt til að reyna að vekja fólk, því ég sjálf var svo heppin að "vakna" nógu snemma.

Fyrst var ég alveg skíthrædd og trúði öllum óttaáróðrinum sem buldi stanslaust á manni alla daga, passaði að horfa á alla "hræðslufundina" og horfði og hlustaði á allar fréttir.

Þess vegna get ég skilið ótta fólks upp að vissu marki, en þykir þó undarlegt ef fólk er ekki farið að spyrja spurninga og leita sér staðreynda sjálft eftir allan þennan tíma, sem er bráðum orðinn tvö ár núna.

Og já ég er svo heppin að fá margar heimsóknir, og ef mér hefur tekist að vekja einhverja, sem vekja þá aðra, þá er kannski einhver smá von enn. Við megum aldrei missa hana, því þá er baráttan töpuð.

[Magnús Sigurðsson, 1.12.2021 kl. 21:51]

Nei eg finn ekki þetta video hvernig sem ég leita, því miður.

Ég var svo heppinn að sjá samantektina hjá Amazing Polly á Event 201 áður en hún hvarf af youtube, þannig að ég ánetjaðist aldrei seiðhjallinum og hef ekki horft eða heyrt einn einasta upplýsingafund og aldrei trúað á pestina nema sem slæma flensu sem góður d-vitamin búskapur ræður við.

Ef fólk nennir að horfa á tveggja daga ráðstefnu Event 201 frá því í október 2019 og halda athygli, eða lesa efni frá World Econmic Forum þá er þar ekkert legið á því hvað er að gerast samhliða bólusetningunum. Það er því miður bara full vinna að kynna sér þetta og þess vegna bagalegt að allir sem geta skýrt þetta út á stuttu mannamáli skuli ver fjarlægðir af netinu.

Þetta viðtal var um hvað upplýsingar eru verðmætar og hvers vegna svo mikilvægt er að börn og fullorðnir láti bólusetjast og fái í staðin ID (green pass)sem komið verður í miðlægan gagnagrunn heimsins. Þátttakan verði að vera undantekningalaus annars verði ekki hægt að koma á nýju fjármálakerfi í stað þess sem byggir á skuldum og komið er á endastöð líkt og það varð næstum 2008, nema nú á miklu stærri skala.

Það er snúið að skýra þetta á mannamáli svo vel sé, þessi kona gerði það á einstaklega auðskilin hátt með fáum orðum. Sem gengu fyrst og fremst út á hvernig hún mun verja sjálfa sig án þess að vera upp á aðra kominn með árangurinn. Því eins og staðan er, þá er engin leið til baka. En það er einmitt það sem flestir halda, að þeir fái gömlu tilveruna aftur, ef þeir láta bólusetja sig samviskulega. Þetta snýst þvert á móti um að halda í frelsið, -eða eiga ekkert og ráða engu en halda að maður sé samt ánægður.

[Kristín Inga Þormar, 1.12.2021 kl. 22:31]

Sæll aftur Magnús,

Við eigum virkilega skemmtilegar samræður hér!

Þú ert heppinn að hafa sloppið alveg, ég var sem betur fer vakin fljótlega af góðri vinkonu sem sá strax í gegnum þetta og sem betur fer var ég móttækileg fyrir því sem hún hafði að segja.

Ég hef sem betur fer alltaf verið heilsuhraust, hef aldrei fengið mér flensusprautur og fæ aldrei flensur, bara einstöku sinni smá kvef.

Ég byrjaði að veita D-vítamíni athygli í fyrra, hef þó alltaf tekið lýsi. Nú tek ég líka C og D3 vítamín, sink og magnesíum og hef ekki einu sinni fengið vott af kvefi í vel á annað ár núna þótt ég hafi með einbeittum brotavilja hunsað allar þessar fáránlegu sóttvarnarreglur og meira að segja margknúsað "covid" sjúkling.

Það kostulega er, að það er ekkert mál að finna á netinu hvaða ætlanir eru í gangi fyrir mannkynið núna því vitfirringarnir sem þessu stjórna eru ekkert að fara leynt með það.

Þetta með fjármálakerfið er hárrétt hjá þér, og þess vegna liggur svo á að sprauta blessuð börnin núna, sem eru ekki í nokkurri einustu hættu.

Og þessir bólusetningarpassar hafa ekkert með heilsu að gera, þetta snýst um að ná algjörri rafrænni stjórn á okkur og setja á okkur svona "social credit system" eins og er í Kína.

Fyrir utan það að það á að gera okkur sem eftir lifa að einhverjum vélmennum, gera okkur "transhuman" eins og hann Klaus Schwab stofnandi WEF lýsir svo fjálglega í vídeói.

Nú svo á auðvitað líka til að "berjast gegn loftslagsvánni" að útrýma neyslu dýraafurða og láta okkur éta pöddur til að fá próteinin. Ég er búin að horfa á vægast sagt ógeðfelld vídeó gerð af WEF sem dásama pödduátið.

Og svo er "mannvinurinn mikli", Bill Gates sem elskar bóluefni til auðsöfnunar og fækkunar mannkyns að þróa kjötlíki úr guð má vita hvaða hráefnum, sem við eigum að gera okkur að góðu.

Ég veit um marga hópa fólks sem eru að undirbúa það að geta skapað sér sín eigin frjálsu samfélög utan þessa alræðisvalds sem á að koma á yfir okkur, og það fer bara að verða meira og meira aðlaðandi með hverjum deginum sem líður.

[Helga Kristjánsdóttir, 2.12.2021 kl. 01:55]

Sæl! Hvað ætla þessir burgeisar að lifa lengi? Enginn breytir auði sínum svo hann fái hans notið hinu megin,en ánafnað gætu þeir slatta afkomenda.

Gott/nei róandi að heyra að þið hafið þurft að horfa upp á útþurrkun skrifa ykkar (ekki útilokuð).Það sem hræddi mig var að ég fengi ekki aðgang lengur,en það kom fyrir einn kjaftforan sem hefur þó enn frelsi til að skrifa athugaemdir. 

[Geir Ágústsson, 2.12.2021 kl. 09:55]

Ég ætla að hrósa þeim sem ég umgengst hérna í Danmörku fyrir að taka öllu rólega þótt yfirvöld blási nú í herlúðrana þar til þau verða blá í framan án þess að það fjölgi nokkuð að ráði þeim sem fara í sína fyrstu sprautu. 

Núna er búið að finna upp á enn einu afbrigðinu og reynt að skapa ótta í kringum það þótt sumir segi að það sé í rauninni lykillinn að endalokum veirunnar: Smitast hraðar en veldur vægari einkennum. Hvar fær maður svoleiðis frábært afbrigði? Er einhver að selja notaðan snýtipappír á ebay?

[Kristín Inga Þormar, 2.12.2021 kl. 12:43]

Sæl Helga,

Flestir sem stýra þessum glæpum eru komnir á efri ár og eiga þegar meiri auð en þeir geta nokkurn tímann notað, samt vilja þeir meira.

Ritskoðunin er alveg skelfileg núna á þessum helstu samfélagsmiðlum, en Mogginn má þó eiga það að leyfa alla umræðu, að minnsta kosti ennþá.

[Kristín Inga Þormar, 2.12.2021 kl. 12:44]

Sæll Geir,

Gott hjá Dönunum, þeir eru miklu meira vakandi en þessir sofandi sauðir hér á landi sem trúa og hlýða öllu.

Og já, nú er "moronic" afbrigðið það allra nýjasta, og skv. frétt á RÚV núna í morgun eru fjórir þríbólusettir inniliggjandi með pestina, og þar af einn veikur af nýjasta afbrigðinu.

Þetta er farið að verða farsakennt bara.

[Magnús Sigurðsson, 5.12.2021 kl. 11:24]

Sæl Kristín ég sé að Inga Guðrún Halldórsdóttir er með viðtalið, sem ég var að tala um að hvarfi horfið af youtube, á sinni síðu í dag.

Melissa Ciummei is an independent financial investor from Northern Ireland

https://bluecat.media/melissa-ciummei-this-is-about-a-financial-reset/

[Kristín Inga Þormar, 5.12.2021 kl. 12:00]

Sæll aftur Magnús,

Kærar þakkir fyrir þetta, ég ætla að horfa á viðtalið núna.

[Jónas Gunnlaugsson, 6.12.2021 kl. 00:42]

Kjötið.  Stofnfrumur eru settar á petri disk, frumu ræktunar disk með ræktunarvökva. Þá verður stofnfruman að Kjöti kjötbita á þrem vikum. Það tekur tvö ár að rækta venjulegt kjöt með venjulegu aðferðinni. 

Einnig er kjöt sett í bygg og það svo malað og kjötinu safnað úr fræinu.

Ég vil fá stofnfrumum frá mér sprautað í hnén á mér og fá þannig nýtt brjósk í lið og nýtt bein fyrir slitin bein. Trúlega er þetta of einfalt, og fæst ekki gert.

Ég er bjartsýnn á að  þetta komi þegar RÚV verður aftur til fyrir Íslendinga.  

Þá verður gaman að fá sannar fréttir.

Egilsstaðir, 06.12.2021   Jónas Gunnlaugsson

[Kristín Inga Þormar, 6.12.2021 kl. 10:00]

Sæll Jónas,

Það þarf að framkvæma algjöra hreinsun á RÚV og fleiri stöðum til þess að það verði aftur RÚV allra landsmanna.

Það er gjörsamlega óboðlegt hvað málflutningurinn er einhliða og áróðurskenndur þarna.