Þórólfur sagði á sínum tíma að það væru bara tveir kostir í boði, að láta bólusetja sig, eða fá pestina

Og ekki nóg með það, þá sagði hann í júní 2021 að samfélagslegt ónæmi væri að nást með bólusetningum.

Það er alltaf að koma betur og betur í ljós hversu herfilega misráðnar þessar "bólusetningar" eru, þrátt fyrir allar yfirlýsingar og loforð sóttvarnalæknis í tvö ár núna.

Eftir því sem ég sé og heyri í mínum hópi virðist sprautaða fólkið í kringum hann hafa litla vörn gegn veirunni, og er að smitast í stórum stíl, alveg eins og þeir ósprautuðu.

Handboltamennirnir okkar

Mörgum til hrellingar hafa tví- og þrísprautaðir landsliðsmenn í handbolta greinst með veiruna núna, en sýna sem betur fer lítil einkenni og eru við góða heilsu.

Þeir eru búnir að vera í einangrun frá vinum og fjölskyldu nánast frá ársbyrjun, - en smituðust samt!

„Við erum búin að vera með liðið í einangrun síðan 2. janúar. Og strákarnir búnir að leggja mikið á sig til að haldast hreinir. Þeir eru búnir að fórna félagsskap fjölskyldu og vina til að leggja allt undir í þetta.“

Það var skylda að fara í sprauturnar

„Yfirgnæfandi meirihluti er kominn með annað hvort tvær eða þrjár sprautur. Ég held það séu nánast allir með tvær og stór hluti með þrjár. Það eru þeir sem voru heima og höfðu aðgang að því,“ segir Róbert í samtali við fréttastofu.

„Það var skylda að allir ættu að vera bólusettir og þegar fréttir komu um að biðja menn að fara í boozter óskuðum við eftir því við drengina sem tóku því mjög vel.“

Tilgangslítið sóttvarnabrjálæði

„Sóttvarnir á mótinu eru ekki nægilega góðar. Hótelin er ekki nægilega góð þegar kemur að sóttvörnum. Þú sérð þegar kemur að riðlakeppninni þá vorum við öðrum gestum á hóteli.“

Mikill samgangur var í flestum rýmum hótelsins að sögn Róberts, í lyftum, matsölum og á göngum. Talsvert hefur verið um smit í öðrum liðum enda hafi þröng verið á þingi á hótelinu og mikill samgangur milli gesta. Það séu mikil vonbrigði að smit hafi komið upp. 

Með slökkt á heilbrigðri skynsemi

Það sem fæstir virðast enn tilbúnir að viðurkenna fyrir sjálfum sér og öðrum er að ekkert af ekkert af þessum aðgerðum undanfarin tvö ár hefur virkað, þrátt fyrir að vera skellt á okkur aftur og aftur.

Grímurnar virka ekki, sprittið gerir lítið gagn, hvað þá þessar endalausu sóttkvíar og einangranir og glórulausu sýnatökur sem eru búnar að kosta þjóðfélagið milljarða króna.

Sagði ekki einhver einhvern tímann að það að endurtaka sama hlutinn aftur og aftur og búast alltaf við nýrri útkomu, væri merki um geðveiki? 

Það er kannski ennþá meiri "geðveiki" að trúa öllu í blindni og leggja allt sitt traust á örfáa einstaklinga og gera ekki sínar eigin rannsóknir.

En hvað handboltamennina okkar varðar, þá ættu hraustir menn í góðri líkamlegri þjálfun að hrista þetta af sér eins og hverju öðru kvefi.

Enda er ungt fólk hreint ekkert að deyja úr veirunni, þetta er bara hystería sem búið er að heilaþvo þjóðina með.

Þjóðin mun í fyllingu tímans minnast Þórólfs sem mannsins sem lofaði betri tíð með blóm í haga - ef allir létu sprauta sig.

Með tilraunaefnum sem eru búin að valda andlátum að allra minnsta kosti 35 manneskja, skaða 240 aðra hugsanlega fyrir lífstíð, og valda hátt í 6.000 öðrum alls kyns heilsuskaða sem sumir hverjir munu kannski aldrei ná sér af.

Þegar - og ef hún loksins vaknar.

Hættum þessu!

Hættum að taka þátt í öllu þessu rugli, hendum grímunum og förum að lifa aftur eins og eðlilegt fólk. Man einhver lengur hvernig það var? Við munum aldrei lifa í veirufríu samfélagi, enda væri það bara útópía.

Gerum það sem okkur hefur aldrei verið ráðlagt af þeim sem þessu stjórna, og það er að byggja upp og efla okkar dásamlega meðfædda ónæmiskerfi, því það veitir okkur heilbrigða vörn gegn utanaðkomandi hættum, ekki einhver hraðsoðin efni sem eru búin til á tilraunastofum, sem þarf að sprauta okkur með á nokkurra mánaða fresti.

Og höfum í huga, að deyja ekki, er ekki það sama og lifa.

Athugasemdir

[Ásgrímur Hartmannsson, 20.1.2022 kl. 22:15]

Mig grunar að fólk sé orðið andlega skaddað fyrir lífstíð.

Hitti einn á förnum vegi sem tók veruleikanum sem samsæriskenningu.  Skynjanlegum staðreyndum, sem hann gat séð.  Ég átti ekki til orð.

Fólk er stropað.

[Kristín Inga Þormar, 20.1.2022 kl. 22:44]

Sæll Ásgrímur,

Já, og þá sérstaklega börnin sem búið er að fara skelfilega með í tæp tvö ár núna. Þessi frétt á RÚV í dag er lýsandi dæmi um það: https://www.ruv.is/frett/2022/01/20/born-innilokud-alein-i-herbergi-i-sottkvi-eda-einangrun

Það verður örugglega erfitt að vinda ofan af heilaþvottinum hjá þeim fullorðnu sem dýrka og dá Þórólf, en pældu í einu, flestar "samsæriskenningar" undanfarinna tveggja ára eru að rætast núna og sýna sig að vera sannar!
                       
En það kæmi mér hreint ekkert á óvart að margt fólk muni ekki þora að sleppa bakteríumettuðu munnbleyjunum sínum svo glatt, og margir munu skíthræddir áfram sjá veirur í hverju horni.   

Maður sér það svo vel á þeim tví- og þrísprautuðu, sem eru hræddastir af öllum.

[Rúnar Már Bragason, 21.1.2022 kl. 00:08]

Bóluefnunum má þakka eitt að þjóðfélög opnuðu aftur og leyfði fleiri smit sem leiddi af sér veikari veiru. Nákvæmlega sem mjög fljótlega var talað um að þyrfti að gera. Að öðru leyti er allt í kringum bólufnin algert kjaftæði þar með talið að minnki veikindi.

[Kristín Inga Þormar, 21.1.2022 kl. 15:23]

Sæll Rúnar,

Pældu í því að ef ekki hefði verið tilkynnt um að heimsfaraldur væri skollinn á í ársbyrjun 2020, engum lokunum skellt á, engin mannréttindi tekin trekk í trekk af fólki og enginn sprautaður með þessu eiturbrasi, þá hefði þessi faraldur líklega gengið yfir eins og hver önnur flensupest, kannski þó eitthvað í skæðari kantinum.

Það er alltaf að verða augljósara og augljósara að þetta hefur aldrei snúist um að vernda líf fólks og heilbrigðiskerfi heimsins, heldur ræna okkur öllu, og stór hluti mannkynsins mun sitja stórlaskaður eftir þegar þessu lýkur.

[Loncexter, 21.1.2022 kl. 16:42]

Hvað gera bændur þegar riða kemur upp í sýslunni þeirra ?

[Kristín Inga Þormar, 21.1.2022 kl. 23:23]

Sæll Loncexter,

Ertu að meina að þeir fargi þeim, eins og planið er að gera núna með stóran hluta óþörfu mennsku súrefnisþjófana?

[Loncexter, 22.1.2022 kl. 18:39]

Einangra þeir ekki smitaða frá því ósmitaða ? 

Af hverju er ekki fylgst betur með þeim smituðu, t,d með ökklabandi. Alltaf að koma fréttir af smituðu fólki sem fer leyfislaust úr einangrun. Svo á bara að gera stóra grýlu úr þeim óbólusettu sí og æ.

[Kristín Inga Þormar, 23.1.2022 kl. 10:05]

Sæll aftur Loncexter,

Ég held að allt fé á bænum sé skorið niður ef riða kemur upp. Alls staðar í heiminum er búið að reyna að kenna ósprautuðum um að þessi svokölluðu bóluefni virki ekki betur en þau gera, eins öfugsnúið og það er, en bara í takt við allt hitt bullið í þessu "plandemic".

[Þorsteinn Siglaugsson, 23.1.2022 kl. 17:57]

Kostirnir eru tveir:

1. Að láta ekki sprauta sig, en fá pestina.

2. Að láta sprauta sig og fá líka pestina.

[Loncexter, 23.1.2022 kl. 19:32]

Að mínu mati eru þeir sem eru að stelast úr sóttkví helstu sökudólgarnir. Óbólusettir eru yfirleitt þeir sem hugsa skynsamlega um heilsuna og taka duglega D vítamín sem virðist allan tímann hafa verið besta ,,bóluefnið"

En þar sem D vítamín framleiðendur eru heiðarlegir, fóru þeir ekki að bera fé á fréttaveitur og pólitíkusa, og þess vegna varð engin ofursala á þeim í þettað skiptið.

[Kristín Inga Þormar, 23.1.2022 kl. 20:29]

Sæll Þorsteinn,

Þetta er bara enn ein lygin sem búið er að standa Þórólf að.

Enginn er óhultur gegn því að smitast, ekki þeir sprautuðu heldur, en sé maður ósprautaður veit maður 100% að maður mun aldrei fá neinar aukaverkanir, sem geta komið fram löngu síðar.

Svo valið er auðvelt, engar tilraunasprautur takk.

[Kristín Inga Þormar, 23.1.2022 kl. 20:30]

Sæll aftur Loncexter,

Ég veit dæmi þess að það er verið að skikka fullfrískt fólk í sóttkvíar alveg vinstri hægri með SMS sendingum, án þess að haft sé samband við það og það spurt út í heilsu þess, eða spurt hvort það hafi sjálft áður orðið lasið, og fólk er eðlilega bara orðið þreytt á þessu bulli.

Og það er grafalvarlegt að fólki hafi ekki verið leiðbeint um hvernig best sé að styrkja ónæmiskerfið með D vítamíni og fleiri góðum vítamínum, heldur bara haldið í stöðugum ótta - sem sannað er að veiki það.

[Helga Kristjánsdóttir, 24.1.2022 kl. 01:04]

Var það ekki Guðmundur Karl Snæbjörns sem mælti með D og sinki,sem er góð vörn við kóvid-kvefi.Ég næ ekki eyrnum míns fólks almennilega enda ekki vön að hlutast til um þeirra mál.þegar ég hef reynt að segja þeim það sem þið blessaðar dömurnar hafið frætt okkur á.-- það er svo margt sem mér sýndist ekki venjulega höndlað svona,hreint ekki heiðarlegt stæðist ekki og í þeim hópi höfðu menn svarið lækna eiðinn. Allt frá 2009 hefur allt verið á niður leið en okkar bestu eru að láta til sín taka . Þakka kærlega fyrir tryggð við landið okkar.

[Kristín Inga Þormar, 24.1.2022 kl. 09:36]

Sæl Helga,

Jú hann hefur örugglega gert það, enda eini læknirinn hér á landi sem hefur þorað að opna munninn, og já það er ömurlegt að horfa upp á alla læknana sem hafa svikið læknaeiðinn sinn.

Það getur verið erfitt að ná athygli fólks sem búið er að sitja undir stöðugum heilaþvotti og hræðsluáróðri í heil tvö ár, það á það til að bregðast illa við öllu sem passar ekki við hinn eina "leyfða" málstað.

Við viljum bara það sem er landi okkar og þjóð fyrir bestu, og það eru svo sannarlega ekki þessar eitursprautur.

[Geir Ágústsson, 24.1.2022 kl. 12:58]

Eru það bara íslensku leikmennirnir sem láta loka sig inni ef þeir "greinast" með "smit"?

https://www.mbl.is/sport/em_handbolta/2022/01/23/jakvaedur_i_skimun_en_spiladi_gegn_islandi/

"Ni­kola Kara­batic, einn fremsti hand­knatt­leiksmaður heims um ára­bil, fékk að spila gegn Íslandi á EM í Búdapest í gær þrátt fyr­ir að hafa greinst smitaður af kór­ónu­veirunni á föstu­dag­inn. ... Kara­batic hafi nefni­lega greinst með kór­ónu­veiruna í des­em­ber og þar með geti hann enn mælst já­kvæður í skimun­um, enda þótt hann smiti sjálf­ur ekki leng­ur. Hann hafi greinst með svo hátt CT-gildi í skimun­inni að smit­hætt­an sé ekki til staðar."

Hvað ætli margir áður-smitaðir ónæmir einstaklingar hafi lent í stofufangelsi vegna prófs sem "mældi" jákvætt smit á himinháu CT-gildi?

[Kristín Inga Þormar, 24.1.2022 kl. 16:00]

Sæll Geir,

Ég held að veiruhysterían sé hvergi í heiminum meiri en hér á landi, og við getum verið alveg viss um að ótal margir hafi þurft að húka heima í þessum "faraldri", án þess að nokkur skapaður hlutur hafi amað að þeim.

Hér er fólk líka sent í sóttkví með SMS sendingum án þess að nokkuð sé tékkað á því eða talað við það, vinkona mín fékk einmitt svona skipun á meðan ég stóð við hliðina á henni nýlega.

Þetta er löngu komið út í algjört rugl hér á landi!