Þau ætla að ríghalda í grímuskylduna eins lengi og þau geta.

Einhverjar tilslakanir voru gerðar á sóttvörnum í dag, en eins og búast mátti við þá var grímuskyldan ekki afnumin.

Það er með ólíkindum að fólk skuli ennþá eftir allan þennan tíma trúa að þessar grímur geri nokkuð skapað gagn gegn örsmáum veirum.

Þær virðast vekja einhverja öryggiskennd hjá fólki, enda er búið að trylla sumt fólk svo úr hræðslu að það þolir ekki lengur að sjá grímulaus "nakin" andlit.

Að horfa á fólk úti að ganga, úti að vinna, og jafnvel aleitt í bílnum með þetta fyrir öndunarfærunum er bara sorglegt.

Grímur veita falskt öryggi og gera heilbrigðu fólki ekkert gagn

Horfið á þetta á YouTube og lesið svo athugasemdirnar undir.

Meira að segja sagði Dr. Fauci það áður en "vísindin" breyttust, nú telur hann að það verði "nauðsynlegt" að nota grímur um ófyrirsjáanlega framtíð.

"Blessaðar" grímurnar

Þær virka jafn vel og þorskanet sem maður reynir að veiða hornsíli í. Gúgglið bara mismuninn á stærð vírusa og möskva grímna.

Prófið líka að standa úti í frosti með grímu og athugið hvert fráblásturinn ykkar fer. Út með öllum hliðum og beint í gegn.

Kynnið ykkur líka heilsuspillandi "partýið" sem myndast í grímunum ykkar eftir tiltölulega stutta notkun.

Veiruhrædda fólkið

Athugasemdir

[Sigurður Kristján Hjaltested, 11.2.2022 kl. 23:58]

Grímuskyldan er ekkert annað en próf

hversu langt er hægt að teyma/stjórna

almenning. Sorglegt en satt.

[Ásgrímur Hartmannsson, 12.2.2022 kl. 00:06]

"Þær virðast vekja einhverja öryggiskennd hjá fólki"

Nákvæmlega.  Fólk er upp til hópa ekki rökhugsandi skepnur, sem ætti að vera flestum ljóst, jafnvel fyrir kóvitleysuna.

Fólk hefur reynst jafnvel vitlausara en ég helt (og ég hafði lágar hugmyndir), og Íslenska þjóðin áberandi undir meðallagi á heimsmælikvarða.

Þegar Suður-Afríkumenn standa okkur framar, á er tími til að örvænta.

[Kristín Inga Þormar, 12.2.2022 kl. 10:00]

Sæll Sigurður,

Þetta er einmitt málið, þær eru bara vel sýnilegt mælitæki á hversu auðvelt er að stjórna fólki og fá það til að hlýða.

Það sorglega er hversu auðvelt það er.

[Kristín Inga Þormar, 12.2.2022 kl. 10:00]

Sæll Ásgrímur,

Sammála, og hjarðhugsunin, eða hjarðheimskan eins og einhver hefur kallað þetta er alveg skelfileg hér á landi.

Íslendingar hafa upp til hópa ekki hugmynd um hvað er að eiga sér stað í heiminum í dag, og trúa öllu í blindni sem Þórólfur og þau sem þessu stjórna hér á landi segja.

Það er mjög sorglegt að horfa upp á þetta, og því miður stöndum við Suður-Afríkumönnum og mörgum öðrum þjóðum langt að baki.

[Tómas Ibsen Halldórsson, 12.2.2022 kl. 17:55]

Myndbandið er frábært, segir allt sem segja þarf.  Takk fyrir þetta Kristín.

[Geir Ágústsson, 12.2.2022 kl. 21:28]

Yndislegt myndband. Var það nokkuð sett saman úr 50 ára gömlum myndskeiðum?

Annars gerir ekkert til að láta skamma sig aðeins og hafa á takteinum langa röð afsakana til að sleppa unglingum í verslunum við að gera meira en launastig þeirra réttlætir, og veita um leið börnum andlit á ókunnugri manneskju til að virða fyrir sér, rannsaka og nota til að þjálfa félagsfærni sína. Kross sem ég ber gjarnan.

[Kristín Inga Þormar, 12.2.2022 kl. 22:25]

Sæll Tómas,

Ekket að þakka, mín er ánægjan! Ég rakst á þetta frábæra vídeó sem ég bara varð að leyfa fleirum að njóta með mér!

[Kristín Inga Þormar, 12.2.2022 kl. 22:26]

Sæll Geir,

Haha, það var líklega a.m.k. unnið úr gömlum myndskeiðum sem tekin voru áður en "vísindin" breyttust.

Já blessaður vertu, maður ber þennan kross með glöðu geði. Það er þó ánægjulegt að einhverjar verslanir eru byrjaðar að fella niður grímuskylduna hjá sér núna, vonandi fylgja allar hinar í kjölfarið.

Ég átti erindi á bensínstöð í dag til að kaupa ákveðna vöru og hringdi á undan mér í Olís stöðina í hverfinu til að athuga hvort hún væri til.

Spurði í leiðinni hvort þau væru enn með grímuskyldu hjá sér og viðmælandinn sagðist hafa heyrt af einhverjum Olís stöðvum sem væru búnar að leggja hana af, en þangað til fyrirmæli um annað bærust þeim, þá væri grímuskylda þar.

Ég sagðist ekki nota grímur svo hann var svo almennilegur að bjóða mér grímu þegar ég kæmi að versla, en ég afþakkaði gott boð.