Á að hætta að segja sannleikann til að hlífa viðkvæmum sálum sem vilja ekki sjá hann?

Þegar ég kveikti á tölvunni í morgun biðu mín áhugaverð skilaboð frá Facebook vini sem við skulum kalla Jón, sem urðu mér tilefni til þessara skrifa.

Hann er einn af "álhöttunum" eins og ég, flottur baráttumaður sem styður okkur hin 100% í okkar sameiginlegu baráttu, og er mjög duglegur sjálfur að setja inn fræðandi efni á Facebook síðu sína.

Hann sagðist hafa sent skeptískum (vel menntuðum) vini sínum bloggið mitt um drottningarviðtölin á RÚV, og sá hefði brugðist illa við og hreinlega fríkað út yfir þessari fullyrðingu minni:

Sannleikurinn um þessi "bóluefni" er að þau skaða og drepa, punktur. Enda var leikurinn til þess gerður. Verið er að fækka mannkyninu núna niður í "ásættanlegan fjölda", samkvæmt aðgerð viti firrtra auðkýfinga sem ætla sér að ná alræði yfir heimsbyggðinni.

Jón segist alveg geta skilið hans afstöðu, um að þessi fullyrðing fæli frá og dragi úr trúverðugleika okkar.

Ég skil vel að fyrir suma geti þetta verið sjokkerandi, en er ekki sammála því að þetta dragi úr trúverðugleika okkar.

Hvernig getur það að segja fólki sannleikann um eitursprauturnar og þessar aðgerðir gegn mannkyninu sem eru í gangi núna gert það?

Og ekki hvað síst um það að íslensk stjórnvöld, landlæknir, núverandi og fyrrverandi sóttvarnalæknar og fleiri séu séu fullir þátttakendur í þessum glæpum gegn okkur.

Fólki væri nær að gera sínar eigin rannsóknir ef það trúir ekki neinu af þessu, í stað þess að kalla okkur jafnvel vitleysinga og geðsjúklinga.

Og koma þá með sannanir fyrir því að þessar "samsæriskenningar" okkar séu bara samsæriskenningar.

Við Jón áttum fínar samræður í framhaldi af þessu, þar sem ég útskýrði afstöðu mína fyrir honum, og að þetta væri staðreynd en ekki fullyrðing, enda hef ég í ótal bloggum sett fram staðreyndir og sannanir máli mínu til stuðnings.

Svo spurði ég hann hvort vinurinn hefði lesið allt bloggið og smellt á hlekkina sem ég setti inn, en hann hélt að þarna hefði hann stoppað og ekki lesið lengra.

Einmitt, eins og mig grunaði svosem.

Ég sagði Jóni að ég væri fjúkandi reið yfir þessum "fréttaflutningi" og drottningarviðtölum á RÚV, sem eru einungis til þess að halda fólki áfram í þessum tilhæfulausa ótta, og að þess vegna hefði ég kannski verið aðeins beinskeyttari en venjulega.

Ég sagði líka við hann að þótt ég breytti þessari setningu þá myndi það ekki skipta neinu máli, því vinurinn vill ekki sjá sannleikann hvort eð er.

Nú hef ég ekki hugmynd um hvort þessi einstaklingur sé sprautaður eða ekki, en þykir það ekki ólíklegt miðað við viðbrögðin.

En ef svo er, er þá ekki tími kominn til þess að hann vakni upp við þá nöturlegu staðreynd að hann hafi verið stórkostlega blekktur eins og meiri hluti þjóðarinnar, og verði alveg brjálaður - og þá út í rétta aðila?

Jón sagði að fólk kaupi einfaldlega ekki rök okkar sem segi sannleikann, afgreiði okkur sem vitleysinga, og að við hefðum næg verkefni til að einbeita okkur að sem færu ekki svona þvert í mannskapinn og gæfi óþarfa höggstað á okkur.

Ég var ekki alveg sammála honum, mitt svar var að staðreyndir eyðileggi engan málstað, en lygar og falsfréttir geri það, og að meðvirkni með sofandi fólki hjálpi engum.

Og ég stend við það, það hjálpar engum að fara kringum hlutina, köllum skóflu bara skóflu.

Ég vil þó taka fram að þetta voru fínar samræður okkar á milli þar sem bara var skipst á skoðunum. Við vorum ekki endilega sammála um allt, en það er bara í góðu lagi.

RÚV í hnotskurn

 

Athugasemdir

[Kristín Inga Þormar, 4.3.2023 kl. 21:17]

Sæll Guðmundur,

Ég held að við séum bæði sammála um að sannleikurinn sé sagna bestur.

[Ásgrímur Hartmannsson, 4.3.2023 kl. 22:04]

Svona er þetta bara: https://www.youtube.com/watch?v=NR6oE27DJQE

[Kristín Inga Þormar, 4.3.2023 kl. 22:41]

Sæll Ásgrímur,

Takk fyrir þetta vídeó, það er svolítið langt svo ég ætla að geyma til morguns að horfa á það.

Ég er búin að horfa á allra fyrstu mínúturnar, og þegar ég heyrði þulinn segja "it was a pack of lies", þá gat ég séð fyrir mér mér að þetta væri gott efni.

[Rúnar Már Bragason, 4.3.2023 kl. 23:23]

Vitleysan í kringum covid og bóluefnin er ótrúleg og hvernig reynt er að fegra söguna í fjölmiðlum er ljótt að sjá. Sjálfur tók ég tvær sprautur og mat það út frá vinnustað með einstaklingum sem væru með veikarar ofnæmiskerfi. Það kom sér svo sem vel þegar fór til Holland um jólin 2021 þar sem allt var lokaoð (aldrei séð annan eins fáránleikahátt). Þessi réttlæting mín að taka sprauturnar reyndist auðvitað röng og ég þarf að lifa með því. Hins vegar sat ég á síðasta ári í heimsókn hjá manni sem veikstist og í heimaprófi sagði það covid. Hann eldaði fyrir mig og við sátum saman í sófa en samt veiktist ég ekki.

Það er gott hjá þér að fjalla um þetta og hvet þig til að halda áfram því allt í kringum covid og bóluefnin var alger sleypa frá a-ö.

[Kristín Inga Þormar, 5.3.2023 kl. 09:38]

Sæll Rúnar,

Þakka þér kærlega fyrir þetta og þinn stuðning við mig til að segja sannleikann, hafandi sjálfur verið blekktur í þessar sprautur.

Ósprautuð stalst ég til að umgangast og knúsa ósprautaðan náinn ættingja árið 2021 sem var í einangrun og hafði fengið greininguna ógurlegu. Ekki smitaðist ég í það skiptið frekar en önnur þegar ég hef óhrædd umgengist lasið fólk.

Þessi heimapróf eru jafn mikil blekking og þessi PCR próf eins og margbúið er að sýna fram á, og hafa sýnt "jákvæðar" niðurstöður eftir að hafa verið prófuð með vatni, kóki, smurolíu, rauðvíni, ávöxtum, munnvatni úr dýrum og guð má vita hverju öðru.

Þau eru jafn mikil blekking og allt í kringum Covid, grímunotkunina og "bóluefnin".

Ég vildi að það væru til fleiri íslenskar hetjur eins og þú sem geta sagt það opinberlega að þær hafi verið blekktar, eða að minnsta kosti viðurkennt það fyrir sjálfum sér.

[Loncexter, 5.3.2023 kl. 12:08]

Þegar myrkraöflin sjá hvaða fjölmiðla menn horfa mest á, er að sjálfsögðu reynt að kaupa þá eða stjórna. 

Síðan er lyginni dælt þaðann út, og heilaþvotturinn er fullkomnaður.

[Kristín Inga Þormar, 5.3.2023 kl. 13:10]

Sæll Loncexter,

Þetta glóbalista RÚV hefur tekið þátt í þessum blekkingum frá fyrsta degi, og því miður held ég að flestir landsmenn treysti og trúi öllu sem þaðan kemur, kannski af gömlum vana.

Haustið 2020 þegar hræðsluáróðurinn og heilaþvotturinn var sem mestur sýndi RÚV þátt þar sem Þórólfur átti að svara spurningum almennings.

Tugir eða hundruðir krefjandi spurninga voru sendar inn en engin þeirra valin, bara samskonar bla bla "spurningar" og hann fékk á þessum daglegu hræðslufundum þeirra.

Þá slökkti ég á RÚV og hef ekki kveikt á því síðan.

[Loncexter, 5.3.2023 kl. 14:34]

Sama hér. Varla horfandi á þetta rúv.

Kannski kikji ég til að sjá lottóið.

Og líka ef ég frétti að Katrín ætli að segja af sér í beinni.

[Kristín Inga Þormar, 5.3.2023 kl. 15:19]

Sæll aftur Loncexter,

Já, það yrði meira að segja tilefni til hátíðahalda að sjá þessa WEF drós segja af sér í beinni!

[Geir Ágústsson, 6.3.2023 kl. 22:20]

Er að lesa og hlusta á bókina Pandemia, sem kom út í nóvember 2021 þegar allir voru ennþá lamaðir af hræðslu þrátt fyrir vísindalega þekkingu á veirunni ógurlegu. Þetta er svakaleg frásögn. Strax í april 2020 hefði átt að vera ljóst að hérna var um að ræða faraldur í ætt við árlega flensu.

Það er mögulega óþægilegt að rifja upp blekkingarnar en auðvelt að halda áfram í framtíðinni með marga farma af sönnunargögnun a bakinu. 

Sem betur fer sluppu yngstu börnin á Íslandi við sprautur, svona meira og minna. 

[Kristín Inga Þormar, 7.3.2023 kl. 08:03]

Sæll Geir,

Já það eru til ókjörin öll af sönnunargögnum um þessar skelfilegu blekkingar, fyrir tæpum tveim árum síðan birti ég grein sem sannaði að strax í mars 2020 færði breska heilbrigðisráðuneytið þessa blessuðu veiru af hættustigi niður í venjulega flensu, sjá hér.

Samt var heiminumm skellt í lás og milljarðar sprautaðir með þessum bölvuðu eitursprautum, og sumir margoft.