Viljum við fulltrúa WEF og Davos klíkunnar á Bessastaði?

Ég óttast að fólk sé grunlaust um hættuna af því að fá fólk sem er tengt WEF og Davos klíkunni inn á Bessastaði, enda hafa fæstir líklega heyrt um hana.

En hvað er þessi Davos klíka?

Í örstuttu máli sagt, þá er þetta hópur forríkra elítuglóbalista úr fjármála-, viðskipta- og fjárfestingageiranum, sem hittast í janúar á hverju ári í Davos í Sviss, og þangað kemur líka fólk úr ríkisstjórnum og stórfyrirtækjum víðsvegar að úr heiminum, ásamt frægum poppstjörnum, leikurum, og jafnvel kóngafólki.

Greta Thunberg er þar líka tíður gestur, eins og "mannvinurinn mikli", Bill Gates, og þar hefur sést til forstjóra lyfjafyrirtækjanna sem bjuggu Covid "bóluefnin" til á undraverðum hraða, og að sjálfsögðu mæta þangað líka fulltrúar Alþjóðaheilbrigðismálastofnuninnar (WHO), Sameinuðu þjóðanna (SÞ), Nato og sjálfsagt fleiri.

Og ekki má gleyma Al Gore, sem er búinn að reyna að hræða úr okkur líftóruna með alls kyns dómsdagsspádómum um bráðnun íss og jökla, útdauða ísbjarna, að hafið sé að suðu komið og fleira í þeim dúr.

Þrátt fyrir stjarnfræðilegar greiðslur til hans hafa engir spádómar hans ræst, og hér má sjá 50 ára yfirlit yfir dómsdagsspár sem hafa að sjálfsögðu ekki ræst heldur.

Þessar Davos ráðstefnur eru haldnar að undirlagi Alþjóðaefnahagsráðsins/The World Economic Forum (WEF), sem var stofnað árið 1971 af Klaus Schwab, en lærimeistari hans var Henry Kissinger (horfið á þetta!)

Þar tekur þetta fólk ákvarðanir um framtíð mannkynsins, ræðir næstu "heimsfaraldra", og hefur sagt að Covid hafi veitt (þeim) einstakt tækifæri til að endurræsa heiminn (The Great Reset), og vinna að því að koma á einni alheimsstjórn, að sjálfsögðu til að "bjarga heiminum".

Bak við tjöldin er endatakmarkið þó að fækka mannkyninu niður í "ásættanlegan fjölda".

Þetta fólk flýgur til Davos í einkaþotum sínum, á meðan það prédikar um hamfarahlýnun af völdum okkar hinna, og að við verðum að fara að venja okkur á að éta pöddur.

Ég er búin að skrifa 20 blogg síðan árið 2021 þar sem WEF kemur við sögu, yfirlit yfir þau má finna hér.

Ógnin af "The Great Reset"

Hér er frábær yfirferð yfir hrollvekjandi plön þeirra um örlög okkar hinna, og hvernig Kína er mikil fyrirmynd þeirra.

Það er líka fróðlegt að lesa ummælin undir vídeóinu.

Forsetakosningarnar

Eins og staðan er í dag, þá eru þrjár konur í framboði til embættis forseta Íslands sem hafa tengingar við, og/eða eru að vinna fyrir WEF, Katrín Jakobsdóttir, Halla Tómasdóttir og Halla Hrund Logadóttir.

Ég hef nýlega skrifað tvær færslur um Katrínu Jakobsdóttur, þá fyrri um störf hennar "í þágu" Íslands fyrir WEF, WHO og SÞ, og í þeirri síðari spyr ég hvort forseti Íslands eigi að verja hagsmuni Íslendinga, eða ókjörinna erlendra alþjóðastofnana.

Hallur Hallsson skrifaði nýlega beinskeytta grein um kolsvart elítu-framboð Höllu Tómasdóttur, sem lesa má hér.

Halla Hrund Logadóttir er "Agenda Contributor" hjá WEF, og ég var að komast að því að hún var tilnefnd Young Global Leader hjá þeim árið 2019!

Nái einhver þessara þriggja kvenna kjöri, sérstaklega Katrín, þá óttast ég að það muni hafa skelfilegar afleiðingar fyrir þjóðina, miðað við hversu mikið hún hefur þjónað þessum erlendu glóbalista öflum í forsætisráðherratíð sinni, í stað þjóðar sinnar.

Þess má líka geta að sökum starfa sinna hefur hún hitt og fundað með mörgum þjóðarleiðtogum sem hafa útskrifast úr "The Young Global Leaders" skóla Klaus Schwab, t.d. Emmanuel Macron, Jacinda Ardern, Angela Merkel og Justin Trudeau.

Það hefur ekki farið framhjá neinum að hún, og ríkisstjórn hennar hafa sent háar fjárhæðir (milljarða!) til Úkraínu, og nú síðast til vopnakaupa í vonlausu stríði þar, svo hægt sé að drepa fleira fólk.

Heimurinn stendur á stórhættulegum tímamótum núna, við virðumst vera á barmi heimsstyrjaldar, og þessi illu öfl eru á góðri leið með að koma á einni alheimsstjórn, WHO reynir lævíst valdarán í 194 aðildarlöndum sínum (líka á Íslandi), og SÞ vinnur að innleiðingu þessara skelfilegu 17 heimsmarkmiða sinna (líka á Íslandi).

Ég er búin að skrifa mörg blogg síðan árið 2021 þar sem WHO kemur við sögu, yfirlit yfir þau má finna hér.

Aldrei í fréttum á RÚV "okkar allra" né öðrum meginstraumsfjölmiðlum:

• The Dark Origins of the Davos’ Great Reset
• An Open Letter To The Davos Crowd
• Technocratic globalists plotted our subjection at the 2024 WEF meetings in Davos
• Globalist elites at Davos 2024 made it clear that censorship is one of their top priorities
• Davos 2024 EXPOSED
• Davos Leaders Sing Praises of GMO Soil Microbes, But Critics Warn of ‘Irreparable Consequences’
• Davos billionaires like George Soros are pulling the strings of globalist ‘green’ policies
• Davos WEF is Promoting Impossible Zero Carbon Green Agenda
• Bill Gates Touts New Vaccines At Davos
• WSJ Editor-in-Chief tells Davos Elites ‘We No Longer Own The News’
• Davos 2024: Queen Maxima advocates global digital ID for financial services, vaccine verification
• How to Wrap up Davos 2024
• A history of Davos meetings in context of events at the time
• WEF – Davos 2024. The World Is Falling Apart But the Show Must Go On…
• Archbishop Viganò: Bergoglio supports the efforts of Davos elites to establish the New World Order
• Pope Francis praises Klaus Schwab, World Economic Forum in message sent to 2024 Davos summit
• WHO’s Dr. Tedros says new global pandemic is matter of ‘when’ not ‘if’ at 2024 Davos summit
• WHO’s Dr. Tedros Confronted at Davos on ‘Disease X’, COVID Lockdowns and Vaccines (Video)
• Zelensky calls for direct military intervention of European nations in Ukraine at WEF Davos meeting

Svo hvað segir íslenska þjóðin?

Er hún sátt við að fulltrúi WEF og Davos klíkunnar verði næsti forseti Íslands, eða ætlar hún að hafna því?

Það kemur í ljós 1. júní 2024.

 

Athugasemdir

[Loncexter, 14.4.2024 kl. 14:50]

Mér finnst áhugavert hvað fólk spáir lítið í friðinn, og þá helst konur. Frekar einkennilegt verð ég að segja.

[Kristín Inga Þormar, 14.4.2024 kl. 16:10]

Sæll Loncexter,

Já það segi ég með þér, og mér þykir það vægast sagt sorglegt.

[Sigurður Kristján Hjaltested, 14.4.2024 kl. 16:37]

Sæl Kristín. Þetta er allt svo rétt hjá þér og sorglega satt.

Það er hreint alveg ótrúlegt að sjá hvað við eigum illa gefna þjóð,

illa upplýsta og hreint út sagt heimska. Þetta segi ég vegna þeirra

skoðanakannana sem birta fylgi við forseta frambjóðendur.

Katrín, svíkur allt sem hægt er og skilur svo við sig sem forsetisráðherra

með allt í rjúkandi rúst. Manneskja sem styður fóstureyðingar fram að

fæðingu er ekki manneskja sem virðir líf. Ekkert við þannig manneskju að gera

á Bessastaði fyrir utan það að hún myndi aldrei leyfa þjóðaratkvæðagreiðslu.

Einnig er hún stórhættulegur fulltrúi WEF og Davos.

Baldur, ICESAFE elskandi og evrópusleikja og myndi

aldrei leyfa þjóðaratkvæðagreiðslu og sagði það sjálfur.

Kæri mig ekki um þannig bessa á Bessastaði og alls ekki treystandi.

Jón Gnarr. Sýndi það og sannaði sem borgarstjóri

að hann stendur ekki fyrir einu né neinu og lagði grunnin svo gott sem að 

gjaldþroti Reykjavíkur með því að gera ekki neitt og leyfa Degi að stjórna.

Sá ísbjarnarblús virkar ekki lengur og við þurfum mann sem heldur ekki að

allt sé bara grín og fyndið. Hann á bara að halda sig við leiklistina fyrir

sjálfan sig. Einnig var Halla ICESAFE lover en vonar eins og aðrir að það

sé gleymt og grafið.

Því miður er greinilegt að sprauturnar hafa eyðilagt ansi mikið í heila þeirra

sem tilbúnir eru að styðja þessa 3 efstu/verstu frambjóðendur sem í boði eru.

Það eru til betri frambjóðendur, en þeim er haldið viljandi frá sviðsljósinu

því þeir henta ekki RUV elítuni. Fólki er talið trú um það að það velji sér

forseta en staðreyndin er sú að það er búið að velja þann kandidat með

heilaþvotti í boði RUV. Svipað og gerðist fyrir 8 árum þegar Guðni,

álitsgjafi, var valinn og allt í einu settur í forseta framboð.

Fæstir vissu hver hann var en umfjöllunin og sviðljósið sem hann fékk

langt umfram aðra, virkaði. Hentaði elítuni. Því miður.

Takk fyrir frábæra pistla að venju.

[Ásgrímur Hartmannsson, 14.4.2024 kl. 16:45]

Fólk á það til að hafa sterkar skoðanir en lítið vit á hlutunum.

[Kristín Inga Þormar, 14.4.2024 kl. 17:44]

Sæll Sigurður,

Já því miður er þetta allt satt og rétt, og ég er hreinlega sorgmædd yfir því hversu mikið þjóðin lætur fjölmiðlana teyma sig áfram, það er eins og margir búi ekki lengur yfir sjálfstæðri hugsun.

Síst get ég skilið að fólk vilji Katrínu sem næsta forseta Íslands, það þarf ekki annað en að líta yfir það tímabil sem hún var forsætisráðherra, kosningaloforðin sem hún hefur svikið, og allan þennan hrylling erlendis frá sem hún hefur verið að innleiða hér á landi.

Fjölmiðlarnir, með RÚV í fararbroddi handvelja einhverja sem þeir hampa viðstöðulaust, eins og sjá má með fráfarandi forseta, og taka ekki einu sinni viðtöl við fólk sem er þó búið að ná lágmarksfjölda.

Það að örugglega búið að velja þann kandídat sem á að vinna, en látum ekki fjölmiðlana blekkja okkur eina ferðina enn!

[Kristín Inga Þormar, 14.4.2024 kl. 17:44]

Sæll Ásgrímur,

Já það segirðu satt, það sýndi sig best í Covid þegar við reyndum að vara fólk við eitursprautunum.

Heilaþvotturinn var þvílíkur gegn okkur að við vorum úthrópuð og kölluð öllum illum nöfnum.

Þær raddir eru þó flestar þagnaðar núna.

[Guðmundur Jónsson, 16.4.2024 kl. 14:14]

Góð samtekt hjá þér Kristín takk. Ég er að hitt fullt af fólki sem veit ekkert um hvað ég er að tala varðandi WEF. Þetta blogg er góð heimild fyrir fólk sem vill fræðast.

Það sem kannski vantar er að benda á að flestir sem eru með tengsl við WEF eru sjálf eða eiga maka sem tengjast fyrirtækjum í alþjóðlegum fjarmalviðskiptum og eru oft verulegar háð tekjum af þeim rekstri, það eru í reynd bara greiðslur fyrir að vera WEF.  Báðar höllurnar eru með skýr slík tengsl en Katrín virðist gera þetta meira af hugsjón.

[Kristín Inga Þormar, 16.4.2024 kl. 17:41]

Sæll Guðmundur og þakka þér kærlega fyrir.

Þetta er góður punktur, það væri í raun hægt að skrifa sérstaklega um allt sem rúmaðist ekki í svona stuttu bloggi, og svo ætti fólk líka sjálft að afla sér upplýsinga, því af nógu er að taka!

Best er þó að nota aðrar leitarvélar en hið ritskoðaða Google.

Ég veit að langfæstir hafa nokkra hugmynd um að WEF sé til, hvað þá hvað þau og allar þessar alþjóðastofnanir eru að plotta um örlög okkar hinna, og þess vegna er ég að skrifa um þetta á þessum vettvangi.

Svo það er um að gera að deila þessu sem víðast!