Er víst að við getum örugglega treyst læknum og vísindamönnum fyrir heilsu okkar og lífum?

Það mætti halda að sóttvarnarlæknir okkar fylgist lítið með tíðindum utan úr heimi um skelfilegar afleiðingar þessara svokölluðu "bólusetninga".

Stöðva notkun bóluefnis Moderna hér á landi í ljósi nýrra gagna

"Sóttvarnalæknir hefur ákveðið að bóluefni Moderna gegn Covid-19 verði ekki notað hér á landi á meðan frekari upplýsinga er aflað um öryggi bóluefnisins við örvunarbólusetningar.

Í tilkynningu segir að undanfarna daga hafi komið fram gögn frá Norðurlöndum um aukna tíðni hjartabólgu og gollurshússbólgu eftir bólusetningu með bóluefni Moderna umfram bóluefni Pfizer/BioNTech."

Really? Undanfarna DAGA??

Þessi nýju gögn sem hann er að vísa í, eru í rauninni nokkurra mánaða gömul, eins og má til dæmis sjá hér frá 24. júní s.l.

Fréttin sjálf.

Skyggna konan með kristalskúluna, þegar tilkynntar 3.254 aukaverkanir hér á landi, og eitt af þúsundum fórnarlamba Moderna

 

Er þessi kona trúverðug, þótt hún sé vísindamaður?

 

 

 

 

Bóluefnið ekki notað meðan nóg er til af Pfizer

"Kamilla S. Jós­efs­dótt­ir, staðgeng­ill sótt­varna­lækn­is, seg­ir í sam­tali við mbl.is að með því að taka bólu­efni Moderna úr notk­un höf­um við „engu að tapa“ en ef við mynd­um halda því áfram gæt­um við „kallað yfir okk­ur vanda­mál“ og séð eft­ir því.

Hún seg­ir að þar sem nóg sé til af bólu­efni Pfizer hér á landi sé rétt­ast að nota það til örvun­ar­bólu­setn­ing­ar á meðan ekki liggi fyr­ir gögn um um hvernig hægt sé að nota bólu­efni Moderna á sem ábyrg­ast­an hátt."

Og Moderna-þegar þurfa ekki að óttast aftur í tímann segir hún!

Fréttin sjálf.

Mikið er gott að það er nóg til af Pfizer!

 

Áhugasamir um þúsundir frásagna fólks um afleiðingar þessara svokölluðu "bólusetninga" sem eru ekkert annað en inngjafir á genabreytandi líftæknilyfjum sem eru í tilraunafasa til 2023 ættu að skrá sig inn á Telegram og ganga í hópinn Covid vaccine victimes and families.

Lygastofnun

Lyfjastofnun hefur í þessari viku svikist um að birta vikulegar tölur um sundurliðun tilkynninga vegna aukaverkana, en þetta eru tölur vegna Pfizer frá 28. september, sjá hér. Þess má geta að fjöldi alvarlegra tilkynninga er kominn upp í 211!

Sundurliðun tilkynninga

Til dagsins í dag hafa 207 tilkynningar vegna gruns um alvarlega aukaverkun* borist Lyfjastofnun. Skiptast þær svo milli bóluefnanna:

Comirnaty (BioNTech/Pfizer):

93 alvarlegar tilkynningar hafa borist.

• 23 þeirra varða andlát. 18 andlát vörðuðu aldraða** einstaklinga, 15 þeirra með staðfesta undirliggjandi sjúkdóma. Fjögur andlát vörðuðu eldri* einstaklinga, þrír þeirra með staðfesta undirliggjandi sjúkdóma. Eitt andlátið varðaði einstakling á aldursbilinu 60-64 ára með staðfestan undirliggjandi sjúkdóm.
• 47 tilkynningar varða sjúkrahúsvist (þar af níu lífshættulegt ástand).
• 16 tilkynningar teljast klínískt mikilvægar og þar með flokkaðar sem alvarlegar**.
• Fjórar tilkynningar teljast alvarlegar, þar sem beðið er eftir viðbótar upplýsingum.
• Þrjár tilkynningar varða fósturmiska.

Já, Pfizer sprautan mun algjörlega redda þessum fyrsta "nauðsynlega örvunarskammti (af mörgum?) gegn drápsveirunni"!

Og munið öll elskurnar að fara líka í flensubólusetninguna núna þegar flensan sem tók sér eins og hálfs árs frí til að leyfa drápsveirunni að njóta sín ákvað að að fara að hrella okkur aftur!

Sprautur lyfjarisanna sem hafa gulltryggt sig gegn öllum skaðabótum vegna hugsanlegra aukaverkana, eru svo sannarlega það eina sem heldur okkur heilbrigðum.

Eitthvað þvaður um meðfætt ónæmiskerfi okkar eru bara einhverjar falsfréttir, auðvitað er það eina sem heldur okkur heilbrigðum er að láta sprauta okkur í drasl með efnum sem við höfum ekki hugmynd um hvað innihalda.

Auðvitað treystum við "vísindunum" og núverandi sóttvarnarlækni okkar sem hvatti alla til að láta sprauta sig gegn svínaflensunni á sínum tíma, og sagði í byrjun núverandi "heimsfaraldurs" að það þyrfti að tryggja að nýtt bóluefni valdi ekki skaða.

Og hvað með það þótt Alma hafi forðað aldraðri tengdamóður sinni frá sprautunni? Stærsti glæpurinn þarna var að þetta lak út, og það endaði í þriðju gráðu yfirheyrslum yfir starfsfólkinu til að finna lekann og lögreglurannsókn, sem ég veit ekki hvort hafi borið árangur.

Í vikunni birtust niðurstöður "óháðra" aðila á fúsk rannsókn á aukaverkunum þúsunda íslenskra kvenna í æxlunarfærum sínum eftir sprauturnar, þar sem einn höfunda er maður sem er beggja vegna borðsins.

Þórólfur segir ákvörðun sína um örvunarskammt réttlætanlega

Engar rannsóknir eru til um að gefa þeim sem fengu af Janssens örvunarskammt með öðru bóluefni segir Þórólfur, né heldur um það að hafa gefið ungum konum sem í vor fengu fyrri skammtinn af Astra Zeneka, seinni skammtinn með Pfizer.

Við erum Í MIÐJUM FARALDRI!! (sic) og mjög margt af því sem við erum að gera byggir ekki á skotheldum vísindalegum rannsóknum, það er hreinlega oft á tíðum ekki tími til að bíða eftir stórum rannsóknum og fullnægjandi rannsóknum, þá er maður búinn að missa af lestinni.

Klínískar rannsóknir séu þannig ekki forsenda þess að heilbrigðisyfirvöld geti tekið ákvörðun um að blanda saman ólíkum bóluefnum.

Semsagt, í þessum ægilega faraldri sem við erum víst enn í miðjunni á, þá er réttlætanlegt að gera tilraunir á fólki!

Og að beita hörðum og jafnframt fáránlegum sóttvarnaraðgerðum og svipta fólk frelsi sínu og mannréttindum.

Til að vernda okkur? Hvað sögðu nasistarnir á sínum tíma?

Sagan sem mátti aldrei endurtaka sig er akkúrat að gera það núna.

Við verðum bara að horfast í augu við það að litla krúttlega og góða samfélagið okkar sem svo sannarlega sameinast oft þegar einhverjir eiga um sárt að binda, er stjórnað af öflum sem í rauninni gefa algjöran skít í okkur.

Ég er löngu hætt að treysta nokkru sem okkur er sagt hér á landi, og þakka almættinu fyrir mitt góða ónæmiskerfi sem hefur unnið á öllum utanaðkomandi ógnum, enda fæ ég mér aldrei flensusprautur og fæ aldrei flensur.

Og ég er líka hætt að treysta læknastéttinni, þótt auðvitað séu sem betur fer til góðir læknar inn á milli. En þessir læknar sem hafa hvatt okkur í þessar sprautur eru búnir að koma óorði á alla læknastéttina, því miður.

 

 

 

Ennþá meiri hvítþvottur, og nú vegna rannsóknar á röskun á tíðahring í kjölfar bólusetninganna!

"Óháð" nefnd í okkar litla landi hefur skilað niðurstöðum rannsóknar um tilkynnt tilfelli röskunar á tíðahring kvenna í kjölfar bólusetninga gegn COVID-19.

"Nefndin telur að ekki sé með óyggjandi hætti hægt að útiloka tengsl nokkurra tilfella sem áttu sér stað í kringum tíðahvörf og hluta tilfella sem vörðuðu óreglulegar og langvarandi blæðingar við bólusetningar. Hins vegar telur nefndin tengsl á milli bólusetningar og fósturláta hér á landi ólíkleg."

Þetta með fósturlátin þykir mér sérstakt, því samkvæmt Lyfjastofnun sjálfri er þegar búið að tilkynna um átta fósturskaða.

Ég skal viðurkenna að ég þekki ekkert til kvennanna tveggja sem stóðu að rannsókninni, en ég set stórt spurningamerki við Dr. Med. Björn Rúnar Lúðvíksson.

Þau sem stóðu að rannsókninni eru eftirtalin:

Aðalbjörg Björgvinsdóttir læknir. Sérfræðingur í fæðinga- og kvensjúkdómalækningum. Sérfræðilæknir, Klíníkin, Reykjavík.

Dr. Med. Björn Rúnar Lúðvíksson læknir. Sérfræðingur í almennum lyflækningum og klínískri ónæmisfræði. Prófessor í ónæmisfræði, læknadeild Háskóla Íslands. Yfirlæknir ónæmisfræðideildar, Landspítala.

Dr. Med. Signý Vala Sveinsdóttir læknir. Sérfræðingur í almennum lyflækningum og blóðlækningum. Yfirlæknir blóðlækninga, Landspítala.

Heimild.

Þessi maður

"Björn Rúnar Lúðvíksson er prófessor í ónæmisfræði og yfirlæknir ónæmislækninga á Landspítalanum. Á námsárum hans í Bandaríkjunum var Anthony Fauci, sóttvarnalækni Bandaríkjanna, hans helsti leiðbeinandi."

Við ættum öll að þekkja núna aðkomu Dr. Fauci að "heimsfaraldrinum" og "bólusetningunum"! Eru þeir enn í samstarfi?

Þau sem þróuðu þessi svokölluðu "bóluefni" hljóta að búa yfir tækni eða tímavél sem við hin höfum ekki aðgang að.

Þeim tókst á einhvern undraverðan hátt að þjappa þróun þessa "bóluefnis" sem yfirleitt tekur 7-20 ár niður í einhverja mánuði, sem er svolítið sérstakt i ljósi þess að hugsanlegar aukaverkanir geta komið fram einhverjum árum síðar. Það gefur bara augaleið.

Eins og finna má í viðtölum við þennan mann í fjölmiðlum undanfarið ár eða svo, þá hefur hann lofað og prísað þessi efni og hvatt alla í sprauturnar.

Gögn úr VAERS yfir tilkynntar aukaverkanir eftir þessar "bólusetningar"

 

Ég er búin að sjá viðbrögð Rebekku Óskar Sváfnisdóttur við þessum "niðurstöðum", en hún stofnaði FB hóp fyrir konur sem fengu raskanir á tíðahring eftur sprauturnar, og eru þegar komnar á þriðja þúsund konur í hann, allt niður í 12-15 ára stúlkur.

Hún segir að engin kona hafi verið tekin í rannsókn, að þetta hafi allt farið fram í gegnum síma, og að því virðist að hringt hafi verið í undir 20 konur.

Ég er líka búin að sjá viðbrögð nokkurra þessara kvenna, en birti þau ekki því þau eru sögð í lokuðum hópi. Þær eru allar rasandi yfir þessu og eðlilega mjög ósáttar.

Þvílík vanvirðing sem þetta er gagnvart þessum konum sem margar hafa upplifað miklar aukaverkanir og einhverjar jafnvel misst fóstrin sín!

Er þetta ekki bara einhver móðursýki í þessum kvensum?

"Nýlegar niðurstöður rannsóknar gefa vísbendingu um möguleg tengsl séu á milli álags tengdum heimsfaraldri COVID-19 og blæðingaóreglu kvenna. Er þetta í samræmi við eldri rannsóknir sem sýna sterkari fylgni við kvíða, aukið álag og þunglyndi meðal kvenna á tímum heimsfaraldra, sem eru allt áhættuþættir fyrir blæðingaóreglu meðal kvenna."

Semsagt, hefur líklega ekkert með sprauturnar að gera, en kannski mögulega!

Nánast allar "óháðar" rannsóknir á hugsanlegum tengingum milli "bólusetninganna" og aukaverkana og/eða andláta komast að þeim niðurstöðum að lítið eða ekkert bendi til þess að svo sé.

Maður sér sama hvítþvottinn og lygarnar í öllum löndum, allt er gert til að fela aukaverkanirnar og andlátin, enda á að sprauta helst allt mannkynið.

Vitiði hvernig hægt er að stöðva þetta áður en skaðinn verður ennþá meiri? Þegar við öll segjum nei, hingað og ekki lengra!

Á meðan fullfrískir grímuberandi Akureyringar fara í hundraðavís í skimanir til að athuga hvort þeir séu með einkennalaus veikindi, þá er ég hrædd um að það sé ansi langt í það, ólíkt því sem hefur gerst í löndunum í kringum okkur.

Óregla mögulega vegna bólusetningar

Ruglið heldur áfram á Akureyri, 4 börn þurfa aftur í 7 daga sóttkví eftir einn dag í skólanum!

Veiruskrattinn heldur áfram að hrella Akureyringa, því í gær kom í ljós að starfsmaður Brekkuskóla er SMIIIITAÐUR! Hann var í smitgát og einkennalaus, en smitið kom fram í seinna hraðprófi.

Hann hafði farið reglulega í hraðpróf á síðustu vikum, sem reyndust alltaf neikvæð þangað til í gær.

"Alls eru 127 í einangrun á Norðurlandi eystra og 1.269 í sóttkví, flestir á Akureyri í tengslum við hópsmit sem komið hefur upp í bænum. Flestir þeirra sem eru í einangrun eru krakkar á grunnskólaaldri."

Fréttin er hér.

Verið áfram hrædd, ekki gleyma því að við erum í miðjum heimsfaraldri!

 

Ljóta dellan, eru Akureyringar svona sturlaðir af hræðslu?

"Mörg hundruð manns hafa mætt í sýnatöku vegna Covid-19 á Akureyri í morgun. Heilbrigðisstofnun Norðurlands sér um sýnatökuna á starfsstöð við Strandgötu og þar hefur verið löng röð síðan laust fyrir klukkan níu. Allan þann tíma hafa 250 til 300 manns beðið í röð hverju sinni og ekkert lát er á fólki á staðinn."

Fréttin er hér.

Hvað ætli margir séu á sjúkrahúsi á Akureyri núna, fárveikir úr pestinni? Hefur það einhvers staðar komið fram? Það eina sem maður sér í fréttunum er fjöldi þessara "smita", hvað svo sem það nú þýðir.

Er þjóðin endanlega búin að tapa glórunni?

 

 

 

Ekkert neyðarástand í gangi, bara sýndarmennska og þráhyggja!

„Ekkert neyðar­á­stand í gangi sem rétt­lætir nú­verandi reglu­gerð“ segir Sigríður Á. Andersen fráfarandi þingmaður, og engar lagalegar eða læknisfræðilegar ástæður renna stoðum undir núverandi sóttvarnarráðstafanir.

En Þórólfur og Svandís þráast við

.... og hún samþykkti tillögu hans um að framlengja gildandi sótt­varna­ráð­stafanir vegna far­aldurs!! co­vid-19 til 20. októ­ber.

Hvar í ósköpunum er þessi faraldur? Ég er hjartanlega sammála Sigríði um að þessar aðgerðir séu ekkert annað en sýndarmennska! Og þá er það spurningin um hvað liggi þarna að baki.

Það eina sem mér dettur í hug er að verið sé að viðhalda þessum tilgangslausa og óþarfa ótta fólks svo hægt sé að narra það í sprauturnar - og svo "örvunar"sprauturnar. Það er jú búin að skuldbinda þjóðina til að kaupa að minnsta kosti 1.4 milljónir skammta!

Eins og við vitum, þá er Þórólfur enn að hvetja fólk til þess að láta "bólusetja" sig, þótt hann viti ofurvel hvaða skaða þau geta, og sannanlega hafa valdið.

Heilbrigðisstarfsfólk er eitthvað tregt að fá sér viðbótarskammtinn (fyrsta af mörgum?), og hann skilur ekkert í áhugaleysi þess! Hann er bara svo "heppinn" að fá aldrei gagnrýnar spurningar frá þessum svokölluðu fréttamönnum sem eru margir hverjir búnir að fá ótal upplýsingar sendar um "hina hliðina" á þessum meinta faraldri.

 

 

Svo sendu þrír starfsmenn Lyfjastofnunar fordæmalausa grein í Morgunblaðið í vikunni, sem gekk gjörsamlega fram af mér og fleirum!

"Verða að láta af þessari þráhyggju"

„Það nýjasta er að fara senda þúsundir barna í ein­hver hrað­próf og skimanir til að fá að komast á skóla­böll. Menn bara verða að fara komast út úr þessu. Þeir verða að láta af þessari þrá­hyggju. Þetta er bara þrá­hyggja,“ segir Sig­ríður og bætir við að sótt­kví og skimun séu í­þyngjandi læknis­fræði­leg inn­grip.

Stutt skilgreining Merriam-Webster á faraldri (epidemic):

"an outbreak of disease that spreads quickly and affects many individuals at the same time : an outbreak of epidemic disease"

Er þetta eitthvað sem þið hafið upplifað síðan í ársbyrjun í fyrra? Ég sjálf kannast ekkert við þetta í minni fjölskyldu og vinahópi!

Casedemic

Staðreyndin er bara sú að þessum meinta faraldri hefur verið haldið uppi með sýnatökum á fullfrísku fólki með þessum PCR pinnum sem búið er að dæma óhæfa til að greina veikindi í einhverjum löndum.

Á grunni niðurstaðna úr þessum prófum sem eru í langflestum tilfellum falskar, hafa tugþúsundir manns verið skikkaðir í sóttkvíar og einangranir.

Allt of margir eru enn skíthræddir við hversu margir "greindust" deginum áður, enda birtast fréttir um það daglega í fjölmiðlunum.

Þetta hefur verið kallað Casedemic, eða faraldur "greindra (falskra) smita", sem hefur verið notaður til að réttlæta þessar fáránlegu sóttvarnarreglur og sviptingu fólks á mannréttindum sínum.

Og hvað gerir Kári við sýnin úr öllum pinnunum? Hann er búinn að tífalda hagnað Íslenskrar erfðagreiningar eins og kom fram í Viðskiptablaðinu um daginn, ætli hann sé að selja lífsýnin sem fólk er búið að gefa honum í stríðum straumum núna?

Hárrétt hjá Sigríði!

„Það er bara ekki hægt að senda 1500 manns í sótt­kví því það fundust sex börn smituð á Akur­eyri sem eru ekki einu sinni veik.“

Segir Sigríður í viðtali við Fréttablaðið í dag.

Frábær útvarpsþáttur á Útvarpi Sögu í dag!

Stöllur mínar, þær Sigurlaug Ragnarsdóttir og Guðrún Bergmann voru gestir í síðdegisþætti Hauks Haukssonar í dag.

"Það vantar mjög mikið upp á að fólk sé upplýst um að það sé að taka þátt í lyfjatilraun þegar það lætur bólusetja sig og við leggjum mikla áherslu á að fólk verði upplýst um það.

Þetta var meðal þess sem fram kom í máli Guðrúnar Bergmann rithöfundar og heilsufrömuðar og Sigurlaugar Ragnarsdóttur listfræðings og menningarmiðlara sem standa að samtökunum Mín leið, mitt val en þær voru gestir Hauks Haukssonar í síðdegisútvarpinu í dag."

Þær hafa lagt á sig óhemju mikla rannsóknarvinnu um allt sem varðar faraldurinn og bóluefnin, það fer svo sannarlega ekkert framhjá manni þegar maður hlustar á þáttinn, sem þið finnið hér. Látið hann ekki fram hjá ykkur fara!

Vissuð þið að veiran getur sótt í sig veðrið í vetur? Þórólfur hefur miklar áhyggjur af kæruleysi landsmanna!

Haldið bara áfram að vera skíthrædd krakkar mínir, og ef þið eruð ekki þegar búin að því, drífið ykkur sem fyrst í "örvunar"sprautu númer eitt, og svo tvö, þrjú, og fjögur.

Nú hefur gamla góða flensan ákveðið að koma tilbaka eftir langþráð frí, svo ekki klikka á að fara í flensusprautuna nálapúðarnir ykkar!

Úr viðtali við Þórólf:

„Að­spurður um það hvort að mikil­vægara sé nú, vegna Co­vid, að fólk fari í flensu­sprautu segir hann það hugsan­legt og hvetur alla sem það geta að fara í bólu­setningu við in­flúensu.

Við hvetjum alla til að fara í bólu­setningu. Við höfum verið með á­kveðnar á­bendingar fyrir inflúensu­bólu­setningu og sér­stak­lega verið að leggja á­herslu á bólu­setningu eldri ein­stak­linga 60 ára og eldri og ein­stak­linga með undir­liggjandi sjúk­dóma.

Það verður meira fram­boð á bólu­efni núna en verið hefur áður. Ég hvet alla til að fara í bólu­setningu sem hafa á því tök. Það er ein af þeim leiðum sem við höfum til að minnka út­breiðsluna og koma í veg fyrir al­var­lega veikindi.“

Já svona eins og með "bóluefnið" gegn drápsveirunni?

Ég skal segja ykkur svarið við því!

"Álag á heilsu­gæslu­stöðvum borg­ar­inn­ar hef­ur auk­ist til muna að sögn Óskars Reyk­dals­son­ar, for­stjóra Heilsu­gæslu höfuðborg­ar­svæðis­ins. „Það er óvenju­lega mikið að gera á vökt­um miðað við árs­tíma en það er erfitt að segja hvað veld­ur því,“ seg­ir Óskar."

Viðtal við Óskar um að tími haustpesta sé runninn upp.

Það er vegna þess að þið eruð búin að trylla fólk úr hræðslu í vel á annað ár núna, og hafið passað upp á viðhalda henni dyggilega.

Ég veit um fólk sem fékk smá kverkaskít og þorði ekki öðru en að fara í sýnatöku, og fólk sem þorði ekki öðru en að láta reka pinna nánast upp í heilann á börnunum sínum ef þau fengu hor í nös.

Er nema von að mikið sé að gera?

"Ef þú ert með beinverki farðu í sýnatöku, ef lyktar og bragðskyn breytist farðu í sýnatöku, ef þú ert með niðurgang farðu í sýnatöku ef þú ert með óvenjulega þreytu farðu í sýnatöku,“ sagði Víðir Reynisson á upplýsingafundinum og hélt áfram upptalningunni, nefndi hósta, hálssærindi, hálsþurrk, hita og höfuðverk."

"Dag­legt líf fær­ist í eðli­legt horf

Bresk­ir miðlar hafa fjallað um svo­kallað of­urkvef (e. supercold) sem hef­ur gert vart við sig þar í landi. Seg­ir í grein Tel­egraph að eft­ir átján mánaða tíma­bil tak­mark­ana hafi lands­menn ekki kom­ist í tæri við sama magn sýkla og vant er, sem valdi því að kvefpest­ir leggj­ast harðar á ónæmis­kerfið.

Sig­ríður seg­ist ekki kann­ast við að of­urkvefpest­ir gangi manna á milli hér á landi, hins veg­ar sé lík­legra að menn smit­ist af pest­um nú þegar dag­legt líf er að fær­ast í eðli­legt horf eft­ir far­ald­ur­inn og létt er á sam­komutak­mörk­un­um."

Viðtalið er hér.

Kemur það fólki eitthvað á óvart að ónæmiskerfi fólks hrynji eftir allar þessar takmarkanir, og svo ekki sé minnst á bölvaða grímunotkunina?

Margir heiðarlegir læknar og vísindamenn hafa varað við þessu, en er samstundis refsað fyrir það eins og allt fólk sem fylgist með raunveruleikanum veit.

Og Þórólfur hefur áhyggjur - eina ferðina enn

"Í samtali við RUV fyrr í dag sagðist Þórólfur hafa áhyggjur af þróuninni og vændi landa sína um að taka faraldrinum af aukinni léttúð undanfarið. „Mér sýnist það bara almennt séð að fólk sé farið að taka flest af því sem er verið að gera minna alvarlega."

Viðtalið, og frábært innslag um mann sem er kominn með upp í kok af þessu bulli.

Er sannleikurinn ekki bara sá að fólk er orðið dauðþreytt á þessari leiksýningu, enda enginn að drepast úr drápsveirunni?

Mér finnst ég vera að upplifa Groundhog Day alla daga, eins og í myndinni forðum. "A jaded Pittsburgh weatherman finds himself inexplicably trapped in a small town as he lives the same day over and over again."

Og þessu mun ekkert linna fyrr en fólk fer að rísa upp og mótmæla, eins og gert er í löndunum í kringum okkur, því allar þessar aðgerðir hafa aldrei snúist um að vernda líf og heilsu.

Eruð þið virkilega ekki enn farin að fatta það?

 

 

Nei nú er mér gjörsamlega ofboðið, hvílíkur hvítþvottur!

Í Morgunblaðinu í dag birtist ótrúleg grein eftir þrjár konur sem eru starfsmenn Lyfjastofnunar, þar sem þær gera lítið úr tilkynningum aukaverkana eftir þessar svokölluðu "bólusetningar"!

Þær segja meðal annars: "Stakar aukaverkanatilkynningar segja lítið um möguleg orsakatengsl við tiltekið lyf".

OK, hvað þýðir stök aukaverkanatilkynning um möguleg orsakatengsl við tiltekið lyf?

Myndu til dæmis 1.042 tilkynningar um truflanir í taugakerfi teljast stök tilkynning?

Eða 891 tilkynning um aukaverkanir í æxlunarfærum og brjóstum kvenna teljast stök?

Eða 152 tilkynningar um blindu eða aðrar aukaverkanir í augum?

Að bera þessar lygar og froðu á borð fyrir okkur er gjörsamlega óboðlegt, og sýnir bara kristaltært blekkingarnar um þessi genabreytandi líftæknilyf, sem sannanlega eru að stórskaða og/eða drepa fólk í milljónavís um allan heim.

Ísraelar segja "It is a disaster, an international disaster. We are lab rats. That is the truth."

Smellið á myndina til að sjá hana í upprunalegri stærð.

 

Mér finnst þetta blaður í þessum konum sýna fullkomið virðingarleysi gagnvart þeim þúsundum hér á landi sem hafa tilkynnt um aukaverkanir, sem sumar eru óafturkræfar!

"Flestir hafa fundið fyrir einhverjum einkennum eftir bólusetningu gegn Covid-19, yfirleitt vægum sem ganga til baka á 1-2 dögum. Geri hins vegar óvænt vanlíðan vart við sig að lokinni bólusetningu, er skiljanlegt að fólk tengi þetta tvennt saman.

Varasamt getur þó verið að hrapa að ályktunum. Skýringar á líkamlegum kvillum geta verið ótalmargar og vart á færi annarra en heilbrigðisstarfsfólks að meta orsök.

Hugsanlega gætu slík einkenni tengst heilsubresti sem þarfnast nánari rannsókna og er án tengsla við bóluefnið. Lyfjastofnun vill engu að síður leggja áherslu á að allir tilkynni grun um nýja eða alvarlega aukaverkun eftir notkun lyfs eða bóluefnis".

Já er það, eins og hjá þessum rúmlega 2.000 konum sem hafa fengið fossandi blæðingar, jafnvel í tugi daga, og meira að segja konur sem eru löngu búnar á breytingarskeiðinu.

Aðrar hafa ekki fengið blæðingar mánuðum saman eftir þær, og einhverjar engin egglos!

Eru þetta bara tómar tilviljanir, eins og konurnar þrjár sem lömuðust nýlega í kjölfar sprautanna, ekkert bendir víst til tenginga þarna á milli frekar en venjulega!

Hvað gengur þessum konum eiginlega til?

Þarna skrifar yfirlæknir sem sór eiðinn "Fyrst, ekki skaða" þegar hún útskrifaðist sem læknir, en þar sem þær eru allar starfsmenn Lyfjastofnunar, sem hefur ítrekað beitt þöggun og falið upplýsingar þegar leitað er eftir þeim, þá ætti þetta ekki að koma á óvart.

Það skal enginn segja mér að þær, sem starfa hjá stofnuninni sem tekur á móti öllum tilkynningunum um aukaverkanir viti ekki upp á hár hversu stórhættuleg þessi efni eru!

Viljiði fá sannanir fyrir skaðsemi þessara svokölluðu "bóluefna"?

Hér eru örfá dæmi:

VAERS Covid Vax Records

We want to be heard

1000 Covid Stories

Covid shots are killing teens

Ég er búin að sjá þúsundir frásagna fólks undanfarna mánuði sem hafa skaðast eftir sprauturnar, og ótal tilkynningar um skyndileg andlát fólks, allt niður í ungabörn.

Hvað finnst ykkur, hafið þið á tilfinningunni að þessar konur séu að segja satt?

 

 

 

 

 

 

 

 

Heilbrigðisstarfsfólk lítið spennt fyrir þriðja skammti, og Þórólfur skilur ekkert í því!

Þórólfur skilur ekkert í áhugaleysi heilbrigðisstarfsfólks hér á landi á því að fá sér þriðja skammtinn af "bóluefninu"!

Ætli hann hafi ekkert frétt af því að á fjórða þúsund manns hafi tilkynnt um aukaverkanir eftir sprauturnar? Heilbrigðisstarfsfólki hlýtur að vera vel kunnugt um þær því það hefur þurft að sinna skaðaða fólkinu eftir þær. Það útskýrir kannski tregðuna.

"„Nei, það hefur ekki verið mikill áhugi á því, án þess að ég viti almennilega af hverju. En það er óþarfi að bólusetja of mikið, bæði fyrir einstaklingana sjálfa og svo er líka gott að geta dreift bóluefninu víðar þangað sem fáir hafa verið bólusettir. (Áherslubreytingin er mín.)

Við höfum alltaf lagt á það áherslu að fullbólusetja innan skynsamlegra marka okkar samfélag. Og ég held að við séum að ná því. Það er ágæt þátttaka líka hjá unglingum, þannig að ég held að við eigum að sjá hverju það skilar okkur,“ segir Þórólfur."

Fréttin sjálf.

Sjáiði þetta, "Nei, það hefur ekki verið mikill áhugi á því, án þess að ég viti almennilega af hverju".

Hvernig í ósköpunum er hægt að ljúga svona upp í opið geðið á þjóðinni án þess að depla auga?

Hann kemst upp með það því hann fær aldrei gagnrýnar spurningar, og hann veit að stór hluti þjóðarinnar trúir honum og treystir ennþá, því miður.

"Faraldurinn" ekki genginn niður

Í annarri frétt í dag segir hann að sýna þurfi varkárni og hópsýking á Norðurlandi sé áminning um að "faraldurinn" sé ekki genginn niður.

Og ekki hvarflar að fréttakonunni að spyrja hvernig geti staðið á því miðað hvað hvað búið er að sprauta marga, heldur spyr hún hann svona óttalegra máttlausra spurninga:

"Sérðu fyrir þér rými til þess að aflétta frekar aðgerðum núna?

„Það verður að koma í ljós en ég hef alltaf sagt að við verðum að fara mjög varlega í þetta og sennilega þurfum við að hafa einhverjar takmarkanir um sinn,“ segir Þórólfur.

Þannig að það er afskaplega ólíklegt að öllu verði aflétt þá?

„Já, frá mínum bæjardyrum er það frekar ólíklegt já. Ég held að við eigum að fara okkur aðeins hægt áfram,“ segir Þórólfur."

Hann er að vinna að nýju minnisblaði og gefur þarna til kynna að ekki megi búast við neinum tilslökunum.

EINA FERÐINA ENN!

Hann mun þurfa að svara til saka ásamt mörgum öðrum, en fyrst verður þjóðin að fara að hrista af sér slenið, rísa upp og mótmæla. Annars mun þetta ekkert hætta, og hann mun alltaf finna ástæður til þess að halda þessum "heimsfaraldurs" lygum áfram.

Danmörk og Noregur eru búin að létta hömlunum hjá sér því fólk lét ekki bjóða sér þetta lengur!

Og lífið hefur gengið meira og minna sinn vanagang í Svíþjóð allan tímann, og litlar eða engar lokanir, boð eða bönn.

Hvers vegna í ósköpunum eru Íslendingar alltaf svona hlýðnir?

 

Hvaða rugl er þetta, er gamla fólkið ekki löngu komið með vernd?

... og starfsfólkið líka, flestir eða allir tví- eða þrísprautaðir?

Þetta segir í nýrri frétt á RÚV:

"Íbúar á hjúkrunarheimilinu Hlíð á Akureyri eru komnir ýmist í sóttkví eða smitgát, vegna starfsmanns á heimilinu sem greindist smitaður af COVID-19 í gær. Að auki þurfa nokkrir starfsmenn að fara í sóttkví vegna smitsins. Um er að ræða heimilin Víði- og Furuhlíð. Lokað verður fyrir allar heimsóknir á þau heimili til og með 4. október, en þá er gert ráð fyrir niðurstöðum úr sýnatökum þeirra sem urðu útsettir fyrir smiti.

Þetta kemur fram í tilkynningu á vef hjúkrunarheimilisins. Viðbragðsáætlun var virkjuð í gærkvöld og segja stjórnendur að fyrirmælum rakningarteymis sé fylgt í hvívetna."

Og meira að segja búið að virkja viðbragðsáætlun! Sóttkví, smitgát, smitrakning, og heimsóknir bannaðar. Varúð það er mikil hætta á ferðum, pestin lævísa laumaði sér inn á elliheimili fyrir norðan hjá líklega mest sprautaða fólkinu á landinu, blessuðu gamla fólkinu.

Þetta er nákvæmlega eins frétt og maður sá í fjölmiðlunum fyrir ári síðan, áður en "bólusetningarhátíðin" byrjaði!

Hver var eiginlega tilgangurinn með þessari stærstu lyfjatilraun sem gerð hefur verið hér á landi og í heiminum öllum?

Það er löngu komið í ljós í Ísrael að þessi tilraun mistókst herfilega, og hér má sjá vitnisburði tuga skaðaðra Ísraela eftir sprauturnar.

‘It’s a disaster, an international disaster. We’re lab rats. That’s the truth.’

Nú er nóg komið!

Er ekki bara komið nóg af þessari veiruhræðslu, eða eigum við að þurfa að þola þetta út í það óendanlega? Einhver "greinist jákvæður" með fölsku 40 snúninga prófi og öllu er skellt í lás.

Ég og margir aðrir erum löngu komin með upp í kok af þessu öllu. Og eyðilögð yfir skaðanum sem milljónir manns, allt niður í kornabörn og ófædd börn hafa orðið fyrir um allan heim út af þessu eitursulli.

Maður er enn að sjá fólk með grímur og jafnvel hanska í búðum, fylgist það ekkert með því sem er að gerast í heiminum í kringum okkur?

Hvað haldiði, ætli Svandís sem skrifaði undir þessa leynilegu bóluefnasamninga haldi stólnum sínum?

Svo legg ég til að Þórólfur fari að láta sig hverfa, hann er búinn að valda nógu miklum skaða hérna!

 

Það mætti halda að það væri ekki búið að bólusetja einn einasta kjaft hér á landi!

Blessaður orðuhafinn hann Þórólfur hefur alltaf áhyggjur af framgangi "heimsfaraldursins". En hvað í ósköpunum er málið, er ekki búið að sprauta lungann af þjóðinni, ætti faraldurinn ekki að vera yfirstaðinn?

Hann bara getur ekki látið af þessum tilefnislausa hræðsluáróðri sínum! Eða má hann það kannski ekki?

Æi þú og þínar sóttvarnir!

"Þór­ólfur Guðna­son sótt­var­læknir telur lík­legt að smitum fjölgi eftir helgina þar sem að margir hafi ekki verið með hugann við sótt­varnarnir. Þá vísar hann í bæði kosninga­vökur Stjórn­mála­flokkana víða um landið og skemmtana­hald tengdum fót­bolta.

„Mér sýndist í sjón­varpinu að fólk hafi verið með hugann við annað en sótt­varnir um helgina,“ segir Þór­ólfur viðtali í Bítinu á Bylgjunni í morgun."

Margir ekki með hugann við sóttvarnir um helgina

Já, var þetta lið ekki meira og minna grímulaust þarna, skelfingar kæruleysi er þetta í fólki, heldur það bara að það megi fara að hitta annað fólk og gleðjast með því?

Hvers vegna gátu þau ekki bara haft stuðið á Zoom, það eru sko alvöru sóttvarnir!

Píratar

"Tveir er sóttu kosn­inga­vöku Pírata sem hald­in var í Brugg­hús­inu að Ægis­garði á laug­ar­dag hafa greinst smitaðir af kór­ónu­veirunni. Þá hef­ur smitrakn­ing­ar­t­eymi haft sam­band við alla þá er þurfa að fara í sótt­kví sök­um þessa."

Smit rakið til tveggja á kosningavöku Pírata

Framsóknarflokkurinn

"Gestur á kosningavöku Framsóknarflokksins um helgina hefur greinst með Covid-19 og hafa allir sem voru útsettir fyrir smiti verið settir í sóttkví."

Smit á kosningavöku Framsóknarflokksins

Sóttkvíar

Nú er búið að setja fullt af frísku fólki sem kennir sér einskis meins í sóttkvíar út af þessum "smitum".

Gera má ráð fyrir að flest af þessu fólki sé tvísprautað, og sumt þrísprautað, til að "örva" ónæmiskerfin þeirra.

Svo hvað er þá málið? Nú eiga allir að vera á tánum og fara í tafarlaust í sýnatöku ef þeir finni fyrir einkennum!

Og svona til upprifjunar fyrir þá sem muna ekki hver einkennin eru:

"Ef þú ert með beinverki farðu í sýnatöku, ef lyktar og bragðskyn breytist farðu í sýnatöku, ef þú ert með niðurgang farðu í sýnatöku ef þú ert með óvenjulega þreytu farðu í sýnatöku,“ sagði Víðir Reynisson á upplýsingafundinum og hélt áfram upptalningunni, nefndi hósta, hálssærindi, hálsþurrk, hita og höfuðverk."

Þótt þú sért með ör í gegnum hausinn á þér, farðu í sýnatöku, ef þú færð smá hor, farðu í sýnatöku, ef þú hnerrar, farðu í sýnatöku, ef þér er illt í litlu tánni, farðu í sýnatöku......

Umfram allt, ekki hætta að vera hrædd/ur við þessa drápsveiru, ef þú ferð ekki varlega getur faraldurinn blossað upp aftur.

Og þá verður það örugglega þessum óbólusettu að kenna!

Í alvöru, er fólk ekkert farið að sjá í gegnum þennan blekkingarleik? Hvað þýða þessi "smit" sem birtast alla daga í fjölmiðlunum?

Sýni tekin með PCR pinnum sem eru keyrð á 40 snúningum, þannig að þau geta fundið hvað sem er í hverjum sem er, eins og sjálfur hönnuður prófanna sagði?

Og er þetta fólk sem greinist "jákvætt" allt veikt, eða bara með "jákvætt" próf? Það fylgir sjaldnast eða aldrei sögunni.

Hvernig væri að fólk prófaði í nokkra daga að hætta að fylgjast með fjölmiðlunum, láta sem enginn "heimsfaraldur" sé í gangi, og hætti að spritta sig og vera með grímur. Það svínvirkar!

Hafi einhver "faraldur" verið í gangi, þá er hann löngu yfirstaðinn. En hvert fór flensan eiginlega?

 

Lygin um "bóluefnin", elítan, og skyggnst á bakvið tjöldin.

Ég hnaut um spurningu og svar við henni á netinu í gær, og gat ekki stillt mig um að taka skjámynd af þessu.

Fyrir það fyrsta, þá eru þetta ekki bóluefni, og í öðru lagi er svarið argasta blekking og lygi.

Svo er vísað á heimasíðu WHO sem er sjálfseignarstofnun að stórum hluta til fjármögnuð af Bill nokkrum Gates, sem vill fækka mannkyninu og segir  bólusetningar vera ljómandi leið til þess. Þið getið lesið meira um hann hér.

Sóttvarnarlæknir okkar vísar gjarnan í það að hann sé að fylgja tilmælum þessarar (glæpa)stofnunar, eins og þegar hann sagði fyrst í fyrra að grímur gerðu lítið gagn, en svo bárust honum einhver ný "vísindi" þaðan sem "sannaði" að þær gerðu mikið gagn, og hann skellti á okkur grímuskyldu, og svo aftur.

Spurningin og svarið við henni:

 

Valda COVID-19 bóluefnin einhverjum aukaverkunum?

Eins og öll önnur bóluefni, geta COVID-19 bóluefnin valdið mildum aukaverkunum sem standa stutt yfir, eins og hitavellu eða verk eða roða á stungustað. Flest viðbrögð við bóluefnum eru mild og hverfa að sjálfu sér innan fárra daga. Alvarlegri eða langvarandi aukaverkanir eru mögulegar, en eru ákaflega sjaldgæfar.

Ef maður hefur ekki búið undir þúfu í vel á annað ár núna, þá veit maður að þetta er glæpsamleg haugalygi!

Biden Bandaríkjaforseti

Hér sjáum við furðufyrirbærið Biden sem á víst að vera forseti Bandaríkjanna, sem ætlar núna að neyða fyrirtæki sem hafa fleiri en 100 starfsmenn til að láta bólusetja þá.

Hér gengur hann fram með góðu fordæmi í örvunarsprautuna sína úr Hvíta húsinu eins og sjá má.

En bíddu, er þetta tekið í stúdíói og hann sprautaður með gervisprautu, getur það verið?

Ójá, og það er hægt að finna ótal myndir á netinu af fína fólkinu og elítunni að "þiggja bólusetninguna sína." Ég sá til dæmis fyrir nokkru síðan einhvern erlendan stjórnmálamann þykjast fá sér sprautu, gleiðbrosandi framan í myndavélarnar en hjúkrunarfræðingurinn lét innihaldið gusast út í loftið fyrir aftan hann.

Þau feiluðu á því, að einhver stóð á hæðinni fyrir ofan og tók vídeó af þessum gjörningi.

Elítan og fína fólkið

Hér sjáið þið sama fólkið og fór í gervisprauturnar skella á sig grímunni fyrir myndatökurnar, en semur svo við veiruna að gefa sér pásu svo það geti kjaftað saman á eftir.

Þarna má sjá fólk sem segir okkur að það sé hræðilegur heimsfaraldur í gangi sem við verðum öll að láta sprauta okkur gegn, og nota grímur.

Og já, það er líka hægt að finna ótal myndir af fyrirfólki sem "gleymir" sjálft að nota grímur, bæði hér á landi og úti í heimi. Við munum nú öll eftir forsætisráðherranum okkar sem fór grímulaus á fótboltaleik, og dómsmálaráðherranum grímulausum á hárgreiðslustofunni!

Ekki trúa öllu sem þú sérð í meginstraumsfjölmiðlunum eða á Google

Eitt af fyrstu bloggunum sem ég skrifaði bar fyrirsögnina Áróður, falsfréttir og krísuleikarar.

Þar sagði ég meðal annars:

Var þetta sviðsettur atburður?

Vinsæll bloggari sem heldur úti síðunni hugotalks.com gerir þetta að umtalsefni sínu í gær og velti upp spurningunni hvort þetta hafi verið sviðsettur atburður.

Hann bendir á að til séu fyrirtæki sem bjóða upp á úrval leikara (crisis actors/krísuleikara) til leigu ef það það þarf að sviðsetja atburði í fjölmiðlum, eins og t.d. fyrirtækið crisiscast.com sem vinnur m.a. með bresku ríkisstjórninni og lögreglunni!

Það er hreint sláandi að sjá hvers konar þjónustu þetta fyrirtæki býður upp á, og með tæknibrellum sínum getur það sviðsett nánast hvað sem er!

Án þess að Hugo sé að fullyrða nokkuð um að þetta hafi verið sviðsettur atburður, þá biður hann fólk að vera sérstaklega vel á varðbergi þessa dagana og skoða allar fréttir með mjög krítískum augum, því blekkingarnar séu alls staðar.

Þessi bloggfærsla sem ég skrifaði 17. maí síðastliðinn er enn í fullu gildi, því falsfréttunum um "heimsfaraldurinn" og "bóluefnin" fer svo sannarlega ekki fækkandi!

Umræðan sem aldrei er tekin á Íslandi

Við fáum aldrei að heyra af öllu fólkinu sem er skaddað eftir þessar sprautur, nánast bara lofgjörð um þessi genabreytandi líftæknilyf, og hversu mörg "smit" (með fölsku PCR prófunum) greindust deginum áður.

Ef ykkur langar að skyggnast bak við tjöldin og fræðast um bóluefnasamningana leynilegu, aukaverkanir og feril faraldursins frá upphafi, þá mæli ég með að þið hlustið á frábært viðtal á Útvarpi Sögu við Sigurlaugu Ragnarsdóttur og Guðrúnu Bergmann. Þær eru í stjórn mannréttindasamtaka sem heitir Mín leið - Mitt val, þar sem ég er gjaldkeri, svo því sé haldið til haga.

Þær tvær eru hvað fróðastar hér á landi um ofantalin málefni og báðar hafsjór af fróðleik um allt sem við eigum ekkert að fá að vita. Viðtalið má finna hér, og skylduhlustun fyrir þá sem enn trúa að það sé einhver heimsfaraldur í gangi sem ekkert virki gegn nema einhverjar sprautur!