Áróður, falsfréttir og krísuleikarar!

Ef grannt er skoðað, þá má sjá að fréttaflutningur í heimsfaraldrinum hefur verið ákaflega einhliða og áróðurskenndur - og nánast allur í sömu átt.

Oft er erfitt að sjá hvaða fréttir eru réttar og hverjar ekki, enda er fólk vant að treysta þessum helstu meginstraumsfjölmiðlum og ríkisfjölmiðlum, bæði hér á landi og annars staðar.

En að efni þessa pistils, þá hafa Bretar áhyggjur af því að ungt fólk hafni bólusetningunum í ríkjandi mæli skv. þessari frétt á BBC og verið er að hvetja það til að þiggja sprauturnar þessa dagana.

Ungt fólk í biðröð eftir bóluefnum eftir fjölgun smita af indverska afbrigði kórónaveirunnar

Þetta er titillinn á stuttu vídeói sem hið breska Evening Standard birti á YouTube rás sinni 15. maí s.l., sem sýndi fólk upp úr tvítugu bíða í langri röð eftir bólusetningu eftir að bólusetningarmiðstöð var opnuð í hverfinu.

Í bakgrunninum má heyra einhvern segja "action", sem getur táknað að tökur eigi að hefjast. Svo er birt viðtal við tvo kornunga menn sem segja miklar umræður hafi verið um að ungt fólk vilji ekki láta bólusetja sig og að um leið og þeir hafi frétt af þessu á Facebook, þá hafi þeir drifið sig á staðinn. Þeir vilji drífa þetta af til að vernda fólkið í kringum sig.

Var þetta sviðsettur atburður?

Vinsæll bloggari sem heldur úti síðunni hugotalks.com gerir þetta að umtalsefni sínu í gær og velti upp spurningunni hvort þetta hafi verið sviðsettur atburður.

Hann bendir á að til séu fyrirtæki sem bjóða upp á úrval leikara (crisis actors/krísuleikara) til leigu ef það það þarf að sviðsetja atburði í fjölmiðlum, eins og t.d. fyrirtækið crisiscast.com sem vinnur m.a. með bresku ríkisstjórninni og lögreglunni!

Það er hreint sláandi að sjá hvers konar þjónustu þetta fyrirtæki býður upp á, og með tæknibrellum sínum getur það sviðsett nánast hvað sem er!

Án þess að Hugo sé að fullyrða nokkuð um að þetta hafi verið sviðsettur atburður, þá biður hann fólk að vera sérstaklega vel á varðbergi þessa dagana og skoða allar fréttir með mjög krítískum augum, því blekkingarnar séu alls staðar.

Athugasemdir

[Tómas Ibsen Halldórsson, 17.5.2021 kl. 12:02]

Sæl Kristín.

Þáttastjórnandi vestur í Bandaríkjunum sagði eitt sinn eftir að Donald Trump hafði skrifað færslu á Twitterreikning sinn: Forsetinn á ekki að segja fólki hvernig það á að hugsa, það er okkar hlutverk.

Það er einmitt þetta sem fjölmiðlar eru að gera þ.e. að stjórna því hvernig fólk hugsar. Það er gert með því að flytja einhliða fréttir og á þann veg að það sé eins og þeir séu að flytja hinn eina rétta sannleika.

RÚV gengur þarna fremstir í fararbroddi hér á landi, enda er ég hættur að horfa á og hlusta á fréttaflutning þeirra. RÚV er á sama báti og BBC, CNN, MSNBC, ABC of fleiri meginstraumsfjölmiðlum., þeim er ekki treystandi.

Best er að hætta að hlusta á fréttir frá þessum fjölmiðlum. Fréttir er hægt að fá víða annarsstaðar fólk verður að velja vel, lesa og hlusta með gagnrýninni hugsun að leiðarljósi.

[Kristín Inga Þormar, 17.5.2021 kl. 21:09]

Sæll Tómas,

Alveg hárrétt, ég er algjörlega sammála þér. Ég er löngu hætt að horfa og hlusta á fréttir, enda er þessi endalausi fréttaflutningur um þennan blessaða faraldur nánast í algjörri einstefnu.

Ég vel frekar þær fréttir á vefmiðlunum sem ég vil lesa, og sæki mér fróðleik frá miðlum og vísindamönnum sem ég treysti miklu frekar.

[Guðjón E. Hreinberg, 17.5.2021 kl. 22:04]

... og ef ég má bæta við ofangreindar athugasemdir: Sumt fólk borgar fyrir sjónvarpstækin sín!

[Jónas Gunnlaugsson, 27.5.2021 kl. 01:13]

Hver var með dollara tölur um greiðslur vegna bólusetninga? 

Egilsstaðir, 26.05.2021   Jónas Gunnlaugsson

[Kristín Inga Þormar, 27.5.2021 kl. 02:01]

Það er hægt að benda á ótal aðila sem hagnast á þessum bólusetningum, og einföld leit á netinu ætti að upplýsa það.