Stórtíðindi úr miðbænum, það greindist smit í tískuvöruverslun!

Forsíðufrétt á mbl.is segir frá einu staðfestu smiti í verslun H&M á Hafnartorgi.

Að sjálfsögðu var henni skellt í lás meðan hún var sótthreinsuð, og allt starfsfólkið sent í skimun. (Með fölsku 40 snúninga PCR prófunum?)

Ég leitaði og leitaði, en fann enga forsíðufrétt um hinar 18 tilkynntu aukaverkanir í gær. Smá djók auðvitað, það telst ekki fréttaefni að á annað þúsund Íslendinga séu nú þegar búnir að tilkynna aukaverkanir eftir þessar bólusetningar!

Það er sko miklu meiri frétt að starfsmaður eða viðskiptavinur verslunar hafi greinst með smit!

Ákaflega einhliða fréttaflutningur

Fréttamiðlarnir eru sífellt að birta nýjar tölur um staðfest smit og Covid flutninga gærdagsins ef einhverjir voru. Fyrir utan þessa reglulegu "hræðslufundi" eins og ég kalla þá núorðið.

En hvers vegna birtast ekki líka fréttir um hvað margir greindust með kvef eða aðrar pestir? Við vitum jú að flensan tók sér frí í ár svo hún greinist ekki lengur. Þar sem öndunarfærasjúkdómar (eins og Covid) er, eru orsök 8,00% andláta hér á landi hljóta ansi margir að veikjast af slíkum sjúkdómum árlega þótt sem betur fer deyi ekki allir.

Það mætti nánast halda að það hafi aldrei áður gengið neinar pestir hér á landi, miðað við þennan einhliða og sífellda fréttaflutning, sem margir vilja meina að sé hreinn óttaáróður.

Við eigum sko ekki að fá að gleyma því að það sé heimsfaraldur í gangi! Sem út af fyrir sig er frekar furðulegt, ef það væri raunveruleg drápspest í gangi, þyrftum við að vera stöðugt áminnt um það?

Það myndi varla hafa farið framhjá neinum, við myndum heyra sírenuvæl allan sólarhringinn og myndum öll þekkja jafnvel heilu fjölskyldurnar allt niður í ungabörn sem hefðu dáið úr henni.

Deyja 120 Íslendingar á ári úr mengun?

Ég rakst fyrir tilviljun áðan á frétt frá 2017 þar sem segir að 120 Íslendingar deyi vegna mengunar á hverju ári. Hvers vegna er þá ekki löngu búið að skella öllu í lás hérna, setja samfélagið á hliðina, skikka alla til að bera grímur og banna bíla- og flugumferð og mengandi iðnað?

Er það kannski vegna þess að ekki er búið að finna upp "bóluefni" gegn mengun?

Smit í H&M á Hafnartorgi