Eitthvað mikið að upplýsingagjöf hér á landi varðandi aukaverkanir og andlát eftir sprauturnar!

Leyndin hér á landi varðandi allt sem viðkemur þessum tilraunabólusetningum er svakaleg.

Það vantar ekkert upp á hátíðarblæinn sem hefur leikið um landið allt frá áramótum yfir þessum tilraunum.

Fólk fær boð (skipun) í símann sinn um að mæta í stuttermabol, stundum var kominn aukaskammtur af efni sem önnur lönd eru hætt að nota út af aukaverkunum, og þá endar skipunin gjarnan á "fyrstur kemur, fyrstur fær", svona til að láta þetta hljóma voðalega spennandi.

Gleði, stuð og tónlist í Höllinni undir taktföstum stungum hjúkrunarfræðinganna, og skipulag og fagmennska dásömuð í hástert af sprautuþegunum.

Og að sjálfsögðu eru birtar margar fréttir um hvað þetta gangi afskaplega vel allt saman.

En hvar eru fréttirnar af aukaverkununum og andlátunum? Þær eru aldrei (eða sjaldnast) birtar nema þegar ítrekað hefur verið gengið á eftir þeim. Enda hefur þessi skortur á upplýsingagjöf verið kærður til umboðsmanns Alþingis!

Sjá má upplýsingar úr evrópskum gagnagrunni um tilkynntar aukaverkanir vegna Pfeizer hér.

Berið það svo saman við ræfilslegu súluritin sem Lyfjastofnun birtir alla virka daga og segir manni nánast ekki neitt.

Hvað er eiginlega verið að fela hér á landi er þetta upplýsingar sem koma okkur ekkert við, og það sem verra er, fær fólk engar upplýsingar um hugsanlegar aukaverkanir eða innihald efnanna?