Tilkynntar aukaverkanir eftir bólusetningarnar komnar upp í 1.307, hvers vegna er þetta ekki stoppað?

Í dag, þriðjudaginn 25. maí eru tilkynntar aukaverkanir komnar upp í 1.307, voru 1.276 á föstudaginn, svo þetta er fjölgun um 31.

Og í þessari viku verður enn meira fjör í bólusetningunum þar sem planið er að bólusetja 10.700 manns til viðbótar!

Pfizer var með 457 tilkynningar, þar af 15 andlát og 25 aðrar alvarlegar.
Nú eru þær orðnar 466. Fjölgun um 9.

Moderna var með 236, þar af 8 alvarlegar.
Nú eru þær orðnar 240. Fjölgun um 4.

AstraZeneka var með 510, þar af 1 andlát og 33 aðrar alvarlegar.
Nú eru þær orðnar 521. Fjölgun um 11.

Janssen var með 73, þar af 1 alvarlega.
Nú eru þær orðnar 80. Fjölgun um 7.

Alvarlegar aukaverkanir eru nú 83, (fjölgaði um 3 um helgina) þar af 20 tilkynnt andlát, og alvarlegum aukaverkunum fjölgaði um 42 frá 30. apríl. (30. apríl voru þær 41), og heildarfjölgun tilkynninga er 494 á aðeins þessum 24 dögum. Og nú er búið að tilkynna um fyrsta alvarlega tilvikið með Janssen!

Misskilningur meðal bólusettra

Það virðist vera mikill misskilningur í gangi meðal þeirra sem þegar eru bólusettir, enda kannski ekki skrítið miðað við hræðsluáróðurinn bæði hér á landi og í öðrum löndum.

Fólk virðist halda að um leið og búið sé að bólusetja það, þá sé það komið með vernd gegn veirunni og geti farið að ferðast aftur óhindrað.

Í opinni Facebook grúppu svaraði kona mér þessu í einum spjallþræði: "Þú ert þá að stóla á að við hin verndum þig með því að fara í bólusetningu. Finnst þér ekki að þú ættir að leggja þitt af mörkum eða viltu bara þiggja?"

Svar mitt var svona: "Ég þarf ekki vernd frá neinum, ég læt ónæmiskerfið mitt sjá alfarið um að verja mig.

Ég fer aldrei í flensusprautur og fæ aldrei flensur, og ekki hefur þessi veira náð að smita mig ennþá þrátt fyrir að ég hafi grímulaus umgengist fullt af fólki s.l. ár.

Ég sé ekki að ég leggi neitt af mörkum með því að vera tilraunadýr fyrir lyfjarisa, enda eru þessi efni í tilraunafasa til 2023, og eru þegar farin að valda ómældum skaða og dauðsföllum um allan heim."

Ég fékk ekkert mótsvar frá henni.

En sprautan virðist ekki vernda fólk gegn smiti, eins og við sáum í fréttum í gær, barnshafandi nýbólusett tónlistarkona greindist smituð. Af hvaða afbrigði? Kannski Eurovisionafbrigðinu?

Hvers vegna í ósköpunum er verið að bólusetja óléttar konur með tilraunaefnum, á sama tíma og þeim er t.d. ráðið frá því að reykja og drekka áfengi á meðgöngunni vegna þess að það getur skaðað fóstrið?

En þrátt fyrir allt er dagurinn í dag mikill gleðidagur - fyrir suma. Nú getum við farið GRÍMULAUS í búðir! Það verður fróðlegt að sjá hverjir þora að fella grímurnar, og hverjir ekki.

Athugasemdir

[Guðjón E. Hreinberg, 25.5.2021 kl. 12:31]

Já, það verður fróðlegt að fylgjast með næstu daga hversu hátt hlutfall fólks fellir grímuna. Áður en skyldan var sett á vorum við með hæsta hlutfall grímunotkunar, að mínu mati, en ég bar það saman við eigin talningu og að höggva eftir ýmsu sem fólk ræddi erlendis.

Við erum nottla best menntaða og hamingjusamasta þjóð í hemi.

[Kristín Inga Þormar, 25.5.2021 kl. 12:48]

Já við státum okkur af því á tyllidögum hvað við séum vel lesin og vel menntuð þjóð.

Mín tilfinning er sú að fólk sem er enn hrætt við þessa veiru jafnvel þótt bólusett sé, muni ekki fella þær niður svo glatt.

[Kristín Inga Þormar, 25.5.2021 kl. 17:03]

Ég er nýkomin úr Bónus, ca 50% kúnna voru enn með grímurnar sínar, en ekkert af starfsfólkinu á kössunum.