Engar áhyggjur, þið eruð í öruggum höndum lyfjarisanna! Eða hvað?

Það er virkilega sorglegt að sjá það allt í kringum sig að fólk virðist hafa lítinn áhuga á því að kynna sér innihald þessara efna sem liggur svo á að sprauta mannkynið með núna.

Eða þá sögu fyrirtækjanna sem eru að framleiða þau, hún er allt annað en fögur.

Pfizer stendur nú í hundruðum málssókna vegna brjóstsviðalyfsins Zantac, og fékk líka hæstu sekt í sögu Bandaríkjanna, 2,3 milljarða dollara fyrir rangar upplýsingar um lyfin Bextra og Celebrex, og fyrir að umbuna mútuþægum læknum.

Listinn er lengri, eins og sjá má t.d. hér og hér.

Moderna hefur aldrei tekist að koma lyfi á markað, en samtök gegn spillingu hafa farið fram á rannsókn á fyrirtækinu vegna tilrauna þeirra til að hafa áhrif á hlutabréfamarkaðinn, eins og sjá má hér.

Johnson & Johnson, eitt stærsta lyfjafyrirtæki í heimi, m.a. og framleiðandi vinsæls barnapúðurs sem flestir þekkja, stendur frammi fyrir að minnsta kosti 14.000 málsóknum vegna krabbameina í eggjastokkum.

Í áratugi var neytendum sagt að barnapúðrið væri öruggt til notkunar og lögfræðingar fullyrða að fyrirtækið kunni að hafa vitað af vandamálum varðandi asbest mengun í þeim sem gæti verið hættuleg heilsunni og látið hjá líða að vara neytendur við, sjá hér.

AstraZeneka þurfti að greiða 520 milljón dollara sekt árið 2010 vegna ólöglegrar markaðssetningar á lyfinu Seroquel, sjá hér.

Kolsvört saga þessara fyrirtækja!

Og svona mætti lengi telja, sjá má lista yfir stærstu sektargreiðslur sögunnar hjá þessum og fleiri lyfjafyrirtækjum  hér.

Saga fyrirtækjanna sem eru að framleiða þessi bóluefni er kolsvört, svo hvers vegna eigum við að trúa núna fyrirfram loforðum um öryggi og virkni þeirra?

Búið er að tilkynna um skelfilegar aukaverkanir og þúsundir andláta vegna þeirra um heim allan, en áfram haldið með bólusetningarnar eins og enginn sé morgundagurinn.

4.000% fjölgun tilkynntra dauðsfalla í USA

Skv. VAERS gagnagrunninum voru 82 andlát tilkynnt allt árið 2020, en það sem af er þessu ári, hafa 3.317 andlát verið tilkynnt, svo aukningin er 4.000%!

Svo hvert er endatakmarkið með bólusetningunum og hverjir munu græða mest á þeim?

Og hvers vegna fáum við ekki að sjá innihald bóluefnasamninganna?

 

 

Athugasemdir

[Karl Löve, 25.5.2021 kl. 22:08]

Vel orðað Kristín. Ég gerði þessu skil fyrir nokkru í bloggi mínu https://kallinn57.blog.is/blog/kallinn57/ Ég hef það nú fyrir vana að þegar fólk (yfirvöld) hagar sér órökrétt og svo fáránlega að það stangast á við alla heilbrigða skynsemi að spyrja mig þessarar spurningar "Hver hagnast?". Vandamálið er bara að íslendingar lifa í gerviveröld í hausnum á sér og trúa því statt og stöðugt að við séum svo "sérstök" að mútuþægni, spilling og annað sem þrífst í öllum samfélögum geti ekki gerst hér. Eins og sést á þjóðhátíðarstemningu hjá þessu fólki þegar það hleypur til og þráir að gerast tilraunarottur gerspilltrar lyfjamafíu.

[Kristín Inga Þormar, 25.5.2021 kl. 22:39]

Sæll Karl og takk fyrir falleg orð í minn garð. Ég er búin að lesa greinina þína og sé að við erum alveg á sama máli.

Ég er í marga mánuði búin að pósta á FB um allt sem ég hef komist að varðandi þennan meinta heimsfaraldur, og núna undanfarið sérstaklega um þessi svokölluðu "bóluefni", því það skelfir mig hreinlega hvað margir fara hugsunarlaust í sprauturnar.

FB setti mig í 7 daga bann um daginn fyrir að reyna að pósta mynd af opinberum gögnum, svo mér datt í hug að stofna bara Moggablogg.

Við stærum okkur af því að vera vel menntuð og vel lesin þjóð á hátíðarstundum, en erum við það í raun?

Ég veit ekki hvað ég er oft búin að t.d. sýna löndum okkar staðreyndir um þessi svokölluðu bóluefni og hroðalegar aukaverkanir vegna þeirra, en fólk virðist vera orðið teflonhúðað gegn nokkru öðru en þvi sem þríeykið og Kári segja.

Ekkert nær lengur inn fyrir skelina hjá fólki, og það finnst mér mjög sorglegt. Skýrt dæmi um það er að stór hluti fólks er ekki reiðubúið að leggja niður grímunar sínar, það sá ég í verslunum í dag.

En miðað við allan óttaáróðurinn í rúmt ár núna, þá kom það mér ekkert á óvart.

Máttur heilaþvottar og óttaáróðurs er mikill, við þurfum ekki að leita lengur en til fjórða áratugar síðustu aldar til að sjá það.

Við virðumst hafa verið ansi fljót að gleyma sögunni.