Tilkynningum um aukaverkanir eftir bólusetningarnar fjölgaði um 40 síðan í gær, þar af 6 alvarlegum!

Í dag, miðvikudaginn 26. maí eru tilkynntar aukaverkanir komnar upp í 1.347, voru 1.307 í gær, svo þetta er fjölgun um 40 á aðeins einum degi.

Eitthvað var Lyfjastofnun sein að birta nýjustu tölurnar í dag, kannski hefur tekið tíma að taka saman allan þennan fjölda nýrra tilkynninga.

Pfizer var með 466 tilkynningar, þar af 15 andlát og 25 aðrar alvarlegar.
Nú eru þær orðnar 476. Fjölgun um 10.

Moderna var með 240, þar af 10 alvarlegar.
Nú eru þær orðnar 250. Fjölgun um 10.

AstraZeneka var með 521, þar af 1 andlát og 37 aðrar alvarlegar.
Nú eru þær orðnar 538. Fjölgun um 17.

Janssen var með 80, þar af 1 alvarleg.
Nú eru þær orðnar 83. Fjölgun um 3.

Alvarlegar aukaverkanir eru nú 89, (fjölgun um 6 frá í gær) þar af 20 tilkynnt andlát, og alvarlegum aukaverkunum fjölgaði um 48 frá 30. apríl. (30. apríl voru þær 41), og heildarfjölgun tilkynninga er 534 á aðeins þessum 25 dögum. Og nú er búið að tilkynna um fyrsta alvarlega tilvikið með Janssen!

Svona skilgreinir Lyfjastofnun alvarlegar aukaverkanir

"Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum og jafnframt aukaverkun eða óæskileg áhrif lyfs sem leiðir til dauða eða veldur ólæknandi eða langvarandi sjúkdómseinkennum hjá dýrum".

Samkvæmt þessu hafa 69 manneskjur hugsanlega orðið fyrir fyrir miklum og kannski varanlegum skaða, og 20 eru þegar látnar.

Skakkur og einhliða fréttaflutningur

Sú sorglega frétt að fyrsti einstaklingurinn á árinu væri látinn úr Covid, var birt í gær, og voru þessar fréttir fjölmiðlanna flestar ef ekki allar kertum skreyttar.

Það vekur furðu mína að hafa ekki séð sambærilegar tilkynningar um andlát þessara 20 þegar látnu í kjölfar bólusetninganna.

Þegar tekist hefur að kreista upplýsingar um andlát út úr Lyfjastofnun, þá er undantekningarlítið sagt að líklega séu engin tengsl á milli, viðkomandi hafi jú verið aldraðir og með undirliggjandi sjúkdóma.

Eitthvað sem ALDREI var gert þegar gamla fólkið dó í fyrra.

Bólusetningarfjörinu skal haldið áfram, og stefnt er að því að bólusetja 10.700 manns í vikunni!

Saga lyfjarisanna sem eru að framleiða þessi bóluefni er kolsvört, hvers vegna eigum við að trúa núna fyrirfram fullyrðingum og loforðum um virkni og öryggi einhverra efna sem verða í tilraunafasa til 2023?

Gerir fólk sér grein fyrir því að það sé í raun tilraunadýr fyrir þessi fyrirtæki? Og er fólk búið að gleyma svínaflensubólusetningunum árið 2009?