Bóluefnin versus gölluð ný bílategund sem ylli gríðarlegum skaða!

Ímyndum okkur að glæný bílategund kæmi á markaðinn sem þúsundir keyptu sér eftir gríðarlega öflugar auglýsingaherferðir um bíllinn væri svaka öruggur og neyslugrannur.

Hann hefði samt sem áður marga framleiðslugalla sem væru ekki komnir í ljós, enda lyki öryggisprófunum ekki fyrr en 2023.

Ökumenn þessara bíla væru því að taka þátt í þessum öryggisprófunum án þess að hafa hugmynd um það. Á fjórum mánuðum yrðu mörg umferðarslys hjá ökumönnum þessara bíla sem yllu dauða 20 manns, og sköðuðu tæplega hundrað manns kannski varanlega.

Yrði bílunum ekki snarlega kippt úr umferð og þeir kallaðir inn af framleiðanda? Og værum við ekki alveg skríthrædd og brjáluð ef við sæjum enn svona bíla á götunum?

Rúnu Hauksdóttur Hvannberg forstjóra Lyfjastofnunar er ekki skemmt yfir nýrri auglýsingu Vilborgar Hjaltested sem birtist í Mogganum í dag sem er opinber áskorun til sóttvarnalæknis um að upplýsa um í hverjar þessar tilkynntu og alvarlegu aukaverkanir felast, sjá meira hér.

"Partly false information" hjá Rúnu

„Við reynum að miðla sem mestum upp­lýsingum, við upp­færum til dæmis töfluna um til­kynningar sem við höfum fengið um mögu­legar auka­verkanir á hverjum degi,“ segir Rúna og bætir við að þau vilji hafa sem mestar upp­lýsingar að­gengi­legar. „Þá veit fólk alla vega að þarna eru upp­lýsingar sem má treysta.“

Aumlega súluritamyndin sem þau birta daglega er grátlegur brandari.

Hér sjáið þið alvöru sundurliðun á tilkynntum aukaverkunum vegna AstraZeneka og þetta eru upplýsingar sem við fáum aldrei hér á landi, þótt margsinnis hafi verið kallað eftir þeim!

Hér á landi er allt þaggað niður sem er gegn bólusetningarmálstaðnum.

Innlendir hagsmunaaðilar fá drottningarviðtöl í fjölmiðlunum á sama tíma og þeim sem vilja opna umræðuna er skipulega hent út af samfélagsmiðlum og/eða efni þeirra hent út.

Sagði ekki einhver einhvern tímann: Eitthvað er rotið í henni Kaupmannahöfn?

Þetta er kannski tóm vitleysa hjá mér, en samt  má alveg spyrja sig hvað sé rotið hér á landi varðandi þessar skelfilegu "bólusetningar" með efnum sem eru ekki eiginleg bóluefni eins og við höfum þekkt þau hingað til.