Risamótmæli í London í gær gegn bólusetningum og fyrir frelsi, en hvar voru fjölmiðlarnir?

Eru svona gríðarlega fjölmenn mótmæli gegn stórkostlegum mannréttindabrotum ekkert fréttnæm? Talið er að allt að milljón manns hafi tekið þátt í þeim!

Hér segir að þögnin hjá BBC News og Sky News sé þrúgandi, og að eini miðillinn sem hafi gert þessu einhver skil sé ITV News sem sagði mótmælendur vera einhverja hundruði "anti-vaxxers".

Fólk sem hefur aldrei mótmælt á ævi sinni fann sig knúið til að fara í þessa frelsisgöngu, því það er búið að sjá í gegnum lygarnar sem Bretar hafa verið beittir undanfarna 14 mánuði, enda mætti fólk hvaðanæva að úr Bretlandi.

Ríkisstjórnin lýgur, og fjölmiðlarnir ljúga!

.... segir fólkið. Við erum ekki tilraunadýr fyrir bóluefnin ykkar. Hættið að skaða fólk með þessum prófum, grímum og útgöngubönnum. Hættið að drepa fólk með þessum bólusetningum. Minn líkami, mitt val!

Hættið áróðrinum, við sjáum í gegnum ykkur, skammist ykkar! Við samþykkjum þetta ekki, krefjist frelsis ykkar tilbaka.

Hver er munurinn á samsæriskenningu og sannleikanum? Svar: U.þ.b. 6-12 mánuðir.

Lifið í ótta, þá er auðveldara að stjórna ykkur.

Er alræði rétta viðbragðið við veiru sem 99,7% fólks lifir veikindi af?

Þetta eru nokkur ummæli á skiltum mótmælenda, fréttina má finna hér.

Það er frábært að sjá fólk rísa upp gegn þessum skelfilegum aðförum gegn mannkyninu núna, og þetta eru hreint ekki einu mótmælin sem hafa verið haldin undanfarna mánuði víða um heim.

Hér má líka sjá vídeó sem var tekið úr frelsisgöngunni í gær 29. maí 2021.

Það er bara lítið sem ekkert fjallað um mótmæli í fjölmiðlunum, bæði hér innan lands og utan.

Hér á landi fáum við daglegar fréttir um nýjustu "smitin", en aldrei um hvaða aukaverkanir fólk tilkynnti þann daginn.

Það er búið að halda fólki í heljargreipum óttans í meira en eitt ár við veiru sem er líklega eitthvað skæðari en fyrri flensupestir (hvert fór flensan í ár?), en það ætti öllum að vera orðið löngu ljóst að þessar aðgerðir hafa aldrei snúist um einhverja veiru.

Við erum orðin svo lömuð af hræðslu, að við leyfum okkur ekki að lifa eðlilegu lífi lengur. Það sést t.d. hjá öllum þeim sem enn nota grímur þrátt fyrir afléttingu grímuskyldunnar.

Var það bara tilgangurinn með öllum þessum aðgerðum s.l. ár? Til að hægt væri smám saman að taka af okkur frelsið og sprauta einhverjum tilraunaefnum í allt mannkynið?

Það er allavegana búið að segja okkur að árið 2030 munum við ekkert eiga, og vera hamingjusöm!

Og já já, það er ekkert mál að finna þetta á netinu, enda margir þjóðarleiðtogar búnir að tjá sig um þetta opinberlega, m.a. undir slagorðinu "Build Back Better".

Og það eru til margar myndir af þessum þjóðarleiðtogum í kompaníi við Klaus Schwab, sem er búinn að boða þennan "fögnuð".

Það er stórkostlegt að sjá samhug fólks í öðrum löndum sem er farið að mótmæla af öllum kröftum, en á sama tíma sorglegt hvað við Íslendingar sem stærum okkur af því á hátíðarstundum hversu vel lesin og vel menntuð við erum látum auðveldlega blekkjast.

Hvenær ætlar íslenska þjóðin að vakna?

Viðbót: Sjáið þetta vídeó frá mótmælunum!

 

 

 

Athugasemdir

[Loncexter, 30.5.2021 kl. 14:27]

Ég held að Íslenska þjóðin nenni yfir höfuð ekkert að hugsa sjálfstætt. Henni finnst bara gott að slaka á yfir netflix og rúv, og treystir svo bara vinstra liðinu í blindni.

[Kristín Inga Þormar, 30.5.2021 kl. 14:56]

Já maður botnar að minnsta kosti ekkert í því hversu ómóttækilegt fólk virðist vera gegn öðru en þessum sífellda óttaáróðri hér.

Og nú á að byrja bólusetningaráróður í grunnskólum landsins!

Ætlar þjóðin ekki að vakna fyrr en það verður orðið allt of seint?

[Þórdís Björk Sigurþórsdóttir, 30.5.2021 kl. 17:15]

Þið getið ímyndað hvaða áhrif þetta hefði á íslenskan almenning ef það sæi fjöldann í rúv fréttum eða Stöð tvö. Vonandi líður svokölluðuðm fréttamönnum vel. 

[Kristín Inga Þormar, 30.5.2021 kl. 17:57]

Ég veit ekki hvort fréttamenn séu múlbundnir hér á landi, eða bara handónýtir.

Fréttaflutningur er skelfilega einhliða og lélegur hér á landi, og stéttinni hreinlega til skammar.

[Loncexter, 30.5.2021 kl. 19:47]

Það má nánast telja kraftaverk að útvarpsaga fái að útvarpa.

En ef hlustendur yrðu allt í einu 90 prósent af þjóðinni, yrði henni líklega lokað.

[Kristín Inga Þormar, 30.5.2021 kl. 21:30]

Já þetta er eini fréttamiðillinn sem fjallar um eitthvað annað en endalausar smittölur gærdagsins, covid "flutninga" ef einhverjir voru, og hverjir greindust innan og utan sóttkvíar.

Þau hafa verið mjög dugleg að hleypa sjónarmiðum að sem aðrir miðlar virðast engan áhuga hafa á, og eiga þau miklar þakkir skildar fyrir það.