Tilkynntum aukaverkunum fjölgaði um 29 síðan í gær - og uppljóstrari sem flettir ofan af WHO!

 

Í dag, föstudaginn 11. júní eru tilkynntar aukaverkanir komnar upp í 1.572, voru 1.543 í gær, svo þetta er fjölgun um 29.

Pfizer var með 578 tilkynningar, þar af 20 andlát og 28 aðrar alvarlegar.
Nú eru þær orðnar 590. Fjölgun um 12.

Moderna var með 282, þar af 12 alvarlegar.
Nú eru þær orðnar 285. Fjölgun um 3.

AstraZeneka var með 588, þar af 3 andlát og 41 önnur alvarleg.
Nú eru þær orðnar 595. Fjölgun um 7.

Janssen var með 95, þar af 2 alvarlegar.
Nú eru þær orðnar 102. Fjölgun um 7.

Alvarlegar aukaverkanir eru nú 106, fjölgun um 3 síðan í gær, þar af 23 tilkynnt andlát, og alvarlegum aukaverkunum fjölgaði um 65 frá 30. apríl. (30. apríl voru þær 41), og heildarfjölgun tilkynninga er 759 á aðeins þessum rúmlega eina mánuði.

Endalaus hræðsluáróður!

"WHO segir að deltaafbrigði kórónuveirunnar sé í sókn í Evrópu og ekki hægt að slaka á", er fyrirsögn nýrrar fréttar á DV.is.

"Alþjóðaheilbrigðismálastofnunin WHO segir að ástæða sé til að hafa áhyggjur af sókn deltaafbrigðis kórónuveirunnar í Evrópu. Þetta er afbrigðið sem áður var kallað indverska afbrigðið."

Hvað erum við búin að sjá margar álíka fréttir undanfarið ár? Það eru víst endalaust að skjóta upp kollinum ný og hættuleg afbrigði, stundum tví- eða þríklofin, hvað sem það nú þýðir. Og munið eftir H&M afbrigðinu sem spratt upp í lok maí á Hafnartorginu? Uppáhaldið mitt er tvíklofna Yorkshire Pudding afbrigðið.

Muniði ekki eftir breska afbrigðinu sem þríeykið hafði svo miklar áhyggjur af í mars? Þá átti kaðallinn í brekkunni við eldstöðvarnar að geta verið alveg stórhættulegur smitberi, og allir áttu helst að vera með grímur og forðast nálægð við aðra þarna á leiðinni.

Þetta var eiginlega bara alveg bráðfyndið, enda hlógu margir, og ekki minnist ég þess að það hafi gosið upp nein hópsmit sem hægt væri að tengja við blessaðan kaðalinn.

Þeir sem hafa kynnt sér allt varðandi þennan meinta heimsfaraldur vita að WHO er glæpastofnun, að miklu leyti fjármögnuð af Bill Gates, og stýrt af manni sem er ekki læknismenntaður frekar en Bill, og situr undir ákærum um þjóðarmorð í eigin landi. Og sóttvarnarlæknir okkar hefur margsagt að hann fylgi tilmælum þessarar stofnunar!

Niðurlag fréttarinnar á DV.is er:

"Þrátt fyrir að við séum langt komin þá erum við ekki komin nægilega langt. Verndin sem bólusetning veitir er víðs fjarri því að vera nægilega mikil til að vernda álfuna gegn því að faraldurinn blossi upp á nýjan leik. Það er enn langt í land með að 80% fullorðinna séu bólusettir eða hafi myndað ónæmi,“ sagði Kruge."

Uppljóstrari sem flettir ofan af WHO

Astrid Stickelberger er hámenntaður vísindamaður sem hefur starfað fyrir WHO, fletti nýlega ofan af þeim og þeim sem hafa verið meðal stærstu "leikenda" í þessum meinta faraldri.

Allir ættu að horfa á viðtalið við hana sem finna má hér!

Það er alltaf að verða augljósara að það sem er búið að ganga á í heiminum í rúmt ár núna hefur aldrei nokkurn tímann snúist um baráttu gegn einhverri veiru.