Bresk móðir furðar sig á því hversu auðtrúa og hlýðið fólk hafi verið í þessum faraldri!

Í hreinskilni sagt á ég erfitt með að trúa hversu auðtrúa og hlýðið fólk um allan heim er, segir bresk kona að nafni Christina England.

Ég sver, að ef ríkisstjórnin tilkynnti á morgun að þú gætir smitast af veirunni ef þú hoppaðir ekki hundrað sinnum á dag, myndu framleiðendur ekki bara hanna "app" til að kenna fólki bestu aðferðirnar til að hoppa, heldur líka annað til að fylgjast með hvort fólk væri ekki örugglega að hlýða.

Kæra fólk, farið nú að vakna, hvað ætlið eiginlega að umbera það lengi að vera sagt hvað þið eigið að gera, og hvernig þið eigið að gera það?

Henni þykir það líka óbærilega sorglegt að meirihluti Englendinga sé ennþá að hlýða hverri einustu reglugerð sem Mr. Johnson og hans kónar setji á. Þeir virðist núorðið ekki sjá neitt óeðlilegt við það að þurfa að bera grímur alls staðar, og forðist ennþá nálægð við annað fólk, sama hversu óþægilegt það geti verið.

Í rauninni séu margir orðnir svo hræddir við veiruna að þeir hafi gripið til örþrifaráða sér til varnar. (Sjá myndir hér).

Svo eru það foringjarnir og fyrirmennin!

Á nýlega yfirstöðnum leiðtogafundi G7 ríkjanna mátti sjá viðstadda í hnapp í innilegum samræðum, enda alltaf gaman að hitta gamla og góða vini.

Svo var komið að myndatökum, þá mátti sjá viðstadda stilla sér upp fyrir  með lögboðnu bili á milli sín og grímur.

Þvílíkt leikrit!

Og hugsið ykkur, þetta er SAMA fólkið og er búið að setja lönd sín á hliðina með öllum sínum skelfilegu aðgerðum undanfarið tæpt eitt og hálft ár.

Hún segir líka að það sé ófyrirgefanlegt hvað verið sé að gera börnunum. Nú hafi áhyggjulaus barnæskan vikið fyrir reglum og reglugerðum, þau megi ekki lengur sitja hjá vinum í skólastofunni, og mörg finni fyrir einangrun og vanlíðan.

Þeim sé kennt að það sé gott að bera grímur, að nauðsynlegt sé að spritta hendur og það þurfi stanslaust að þvo hendurnar.

Er það svona sem við viljum að börnin okkar alist upp spyr hún? Viljum við foreldrarnir að þetta verið "normið" fyrir þau, og geti foreldrar ekki séð hvaða skelfilegu áhrif þetta hafi á sálarlíf þeirra, þannig að börn allt niður í fimm ára gömul séu orðin veik á geði?

Þetta er mjög góð grein, og þessi kona talar fyrir munn margra. Lesið hana endilega alla til enda.

Þessir þjóðarleiðtogar eru búnir að sýna í þessum "faraldri" að þeir sjálfir margbrjóta allar reglur sem þeir ætlast til að aðrir fari eftir. "One rule for thee and one for me".

Og hér á Íslandi

Við erum líka búin að sjá að þau sem ætla sér að láta sprauta alla íslensku þjóðina með þessum tilraunaefnum, hverju sem tautar og raular, bera svo sannarlega ekki hag þjóðar sinnar sér fyrir brjósti.

Í þessu bloggi vísa ég beint í orð Þórólfs og Ragnheiðar:

„Það geta verið aukaverkanir með þessum bóluefnum, þær eru mjög sjaldgæfar og miklu sjaldgæfari heldur en af Covid-sýkingu,“ útskýrir Þórólfur. „Og það eru bara tveir kostir í boði, annaðhvort að fá Covid eða að fá bólusetningu,“ bætir hann við.

Þannig að ungar konur ættu ekki að hræðast bólusetningu með Janssen?

„Nei, nei,“ segir Þórólfur.

Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins, tekur í sama streng og Þórólfur. „Öll bóluefnin eru góð,“ segir Ragnheiður. „Við erum að tala um aukaverkanir sem eru svo örlitlar að það er örugglega meiri hætta af því að bara fara út í búð,“ bætir hún við. (áherslubreyting mín).

Nú eru tilkynntar aukaverkanir komnar upp í 1.754, þar af 25 andlát og 95 aðrar lífsógnandi. Kallast það örlitlar aukaverkanir?

Og þessi kona lýgur því blákalt að það sé örugglega meiri hætta af því að fara út í búð heldur en að láta sprauta sig!

Er fólk virkilega enn að trúa því að það þurfi að sprauta okkur öll gegn veiru sem fáa leggur aðra að velli en háaldrað fólk?

Og nú er sóttvarnarlæknir að ráðleggja óbólusettum frá "ónauðsynlegum" ferðalögum. Er það til að fá þessa "þrjósku" í sprauturnar?

Hvenær ætlar fólk að fara að sjá í gegnum þennan blekkingarleik sem er í gangi í heiminum í dag?