Tilkynningarnar um aukaverkanir komnar upp í 2.016 núna, og hann Sölvi sem gerir bara eins og honum er sagt og hefur engar sérstakar skoðanir á þessu.

Í dag, föstudaginn 2. júlí eru tilkynntar aukaverkanir komnar upp í 2.016, voru 1.998 í gær, svo þetta er fjölgun um 18.

Pfizer var með 792 tilkynningar, þar af 21 andlát og 36 aðrar alvarlegar.
Nú eru þær orðnar 802. Fjölgun um 10.

AstraZeneka var með 643, þar af 4 andlát og 49 aðrar alvarlegar.
Nú eru þær orðnar 647. Fjölgun um 4.

Janssen var með 210, þar af 1 andlát og 3 alvarlegar.
Nú eru þær orðnar 213. Fjölgun um 3.

Moderna var með 353, þar af 14 alvarlegar.
Nú eru þær orðnar 354. Fjölgun um 1.

Alvarlegar aukaverkanir eru nú 128, þar af 26 tilkynnt andlát, og alvarlegum aukaverkunum fjölgaði um 87 frá 30. apríl. (30. apríl voru þær 41), og heildarfjölgun tilkynninga er 1.080 síðan þá.

Svo er það fréttin á vísir.is í gær.

Sölva þykir pínu töff að vera bæði með Pfizer og Astra

„Ég geri bara eins og mér er sagt og hef engar sérstakar skoðanir á þessu. Bara pínu töff að vera með bæði, Astra og Pfizer,“ sagði Sölvi Snær Magnússon sem beið eftir sínum skammti í heillangri röð fyrir utan Laugardalshöll í dag."

Sjáið fyrstu setninguna hjá honum og staldrið aðeins við. Þessi maður er samnefnari fyrir megin þorra þjóðarinnar, sem er væntanlega búinn að lifa í meira en ár í ótta við einhverja veiru sem nánast engan leggur að velli nema háaldrað og veikt fólk.

Hann er hræddur við veiru því búið er að segja honum að hann eigi að vera það, rétt eins og stór hluti mannkyns sem trúir öllu sem yfirvöld segja og það sér, heyrir og les í meginstraumsfjölmiðlunum.

Þessi breska kona furðar sig á hversu auðtrúa og hlýðið fólk er.

Ekkert bendir til þess að hann hafi kynnt sér efnin sem búið er að sprauta í hann, eða hvort óhætt væri að blanda þessum tveim tilraunaefnum saman. Hann gerir bara eins og honum er sagt.

Veit hann að þegar eru að minnsta kosti 26 manneskjur látnar eftir þær, rúmlega 100 sem fengu alvarlegar og lífsógnandi aukaverkanir, og hátt í 2.000 aðrar sem tilkynntu einhverjar aukaverkanir?

Sigríður Dóra Magnúsdóttir framkvæmdastjóri Lækninga

„Það er að komast reynsla á þessa samsetningu úti í heimi líkt og annað og hún hefur gefið góða raun og gefur mjög góða vörn,“ segir hún.

"Sigríður Dóra segir að þegar skammtarnir kláruðust hafi ekkert annað verið í stöðunni en að setja í næsta gír og sækja Pfizer skammtana, en að meðan það var gert þurfti að tæma Laugardalshöllina og nokkrar tafir urðu á bólusetningunni, þannig að langar raðir mynduðust um tíma."

"Hún segir samsetningu bóluefnanna tveggja, Astra Zeneca og Pfizer, fullkomlega hættulausa.

Hefur hún sannanir fyrir því? Nei auðvitað ekki, hún lýgur bara eins og allir þeir sem vilja sprauta alla þjóðina.

Svo var það hann Páll Magnússon þingmaður, sem beið með eftirvæntingu eftir að verða fullbólusettur!

„Ég kom hingað til að fá Astra eins og ég fékk í fyrri sprautunni en fæ Pfizer. Mér finnst ég hafa unnið í happdrætti bara. Þetta er fín blanda.“

Eftirvænting, kampa kátur, besta mál, sló á létta strengi, enginn munur - piece of cake, fín blanda, unnið í happdrætti.....

Sjáiði hvernig umræðunni um þessi tilraunabóluefni er stýrt? Gleði, stuð og hátíð í Höllinni alla sprautudaga, stundum undir peppandi gleðidiskói meðan nálunum er taktvisst þrykkt í handleggi.

En hvar eru fréttirnar um eða viðtölin við þá sem hafa fengið alvarlegar aukaverkanir sem þeir eru kannski enn að kljást við mánuðum eftir sprauturnar?

Þær sögur eru ótal margar get ég sagt ykkur, að minnsta kosti hundruðir Íslendinga hafa tjáð sig í ýmsum Facebook grúppum um miklar höfuðkvalir, doða, dofa, heilaþoku, útbrot, blindu á auga, og rugling á tíðahring, svo fátt eitt sé nefnt.

Eini maðurinn sem hefur fengið pláss í fjölmiðlum er Trausti Leósson sem vill láta rannsaka andlát konu sinnar daginn eftir sprautuna, og það fékk hann ekki baráttulaust.

Fólki hefur verið nánast SKIPAÐ að koma í sprauturnar með skilaboðum í símana sína, og stærstur hluti "Sölva" landsins hefur bara gert eins og þeim er sagt.

Þeir hafa ekki hugmynd um að þeir séu að taka þátt í stærstu lyfjatilraun sögunnar með lyf sem eru ekki eiginleg bóluefni, og hafa aldrei verið notuð á mannfólk áður.

Þeir kippa sér heldur ekkert upp við þær fáu fréttir sem birtast um andlát fólks eftir sprauturnar, enda er alltaf tekið fram að ekkert bendi til tenginga þarna á milli, og svo er jú nánast alltaf tekið fram að þetta hafi verið aldraðir einstaklingar og/eða með alls konar undirliggjandi sjúkdóma.

Einhverra hluta vegna var aldrei minnst á það þegar gamla fólkið dó "úr Covid" í fyrra, flest yfir áttræðu. Það þóttu harmafregnir sem fengu svo sannarlega sitt pláss í fjölmiðlunum!

En þetta bara nákvæmlega í takt við meira en árs langan óttaáróður sem gekk út á að hræða fólk nógu mikið og telja því trú um að ekkert ynni bug á þessum "drápsfaraldri" nema "bólusetningar".

Nú er farið að tala um að ein Janssen sprauta sé kannski ekki nóg, og að það muni að öllum líkindum "þurfa að" endurtaka bólusetningar út af "nýjum og hættulegum afbrigðum" í framtíðinni.

Er fólk í alvörunni ekki farið að átta sig á að ekki er allt sem sýnist og okkur hefur verið sagt í þessum "heimsfaraldri"?

 

 

 

 

 

 

Athugasemdir

[Þórdís Björk Sigurþórsdóttir, 2.7.2021 kl. 13:10]

skyldi Sölva hafa verið sagt að þessi nýja tilraun hafi aldrei verið rannsökuð, og að hann væri rannsóknin og eins það að búast mætti við meiri aukaverkunum miðað við stutta reynslu.

[Kristín Inga Þormar, 2.7.2021 kl. 13:18]

Nei örugglega ekki, enda hafði hann enga skoðun á neinu og mætti bara þegar skipunin kom.

[Þórdís Björk Sigurþórsdóttir, 2.7.2021 kl. 22:16]

Allir þessir sjúkrabílar á síðasta sólarhring, á sumarkvöldi í miðri viku, metfjöldi sagði stjórinn. Fór tilraunablanda kannski ekki vel í suma?

[Kristín Inga Þormar, 2.7.2021 kl. 22:32]

Ég tók einmitt eftir þessari frétt, hvað er eiginlega í gangi? Ekki getur það verið út af flensunni, enda hefur hún fyrir eitthvað guðdómlegt kraftaverk ekki greinst hér á landi síðan í viku 7 í fyrra hér á landi.

Það er spurning hvort Sölvi oeða aðrir töffarar hafi ekki þolað þetta mix&match dæmi frekar en aðrir úti í heimi?