Kristín Þormar

7.6.2021 | 11:42

Nýjustu tölur um aukaverkanir, þöggunin, og eiginmaður sem vill rannsókn á andláti konu sinnar daginn eftir bólusetningu!

Í dag, mánudaginn 7. júní eru tilkynntar aukaverkanir komnar upp í 1.497, voru 1.467 á föstudaginn, svo þetta er fjölgun um 30.

Þið sjáið efst á myndinni tilkynningu frá þeim dags. 4. júní um uppfærðar tölur kl. 14:16, en ekki veit ég hver uppfærslan var.

Það virðist vera eitthvað hringl á tölunum þessa dagana, sem gerir samanburð milli daga svolítið flóknari.

Pfizer var með 538 tilkynningar, þar af 18 andlát og 26 aðrar alvarlegar.
Nú eru þær orðnar 555. Fjölgun um 17.

Moderna var með 273, þar af 11 alvarlegar.
Óbreytt staða.

AstraZeneka var með 565, þar af 2 andlát og 39 aðrar alvarlegar.
Nú eru þær orðnar 576. Fjölgun um 11.

Janssen var með 91, þar af 1 alvarleg.
Nú eru þær orðnar 93. Fjölgun um 2.

Alvarlegar aukaverkanir eru nú 97, þar af 20 tilkynnt andlát, og alvarlegum aukaverkunum fjölgaði um 56 frá 30. apríl. (30. apríl voru þær 41), og heildarfjölgun tilkynninga er 684 á aðeins þessum rúmlega eina mánuði.

Kona lést degi eftir AstraZeneka sprautuna og fjölskyldan vill rannsókn

Ég hef áður bloggað um þöggunina í kringum aukaverkanir og andlát eftir þessar sprautur.

Birt var viðtal við Trausta Leósson í fréttatíma RÚV í gær sunnudaginn 6. júní þar sem hann sagði sögu sína varðandi andlát konu sinnar sem hét Þyri Kap Árnadóttir, sem var hress og spræk 72 ára kona.

Þetta var mjög sorgleg frásögn, en það sem vakti sérstaklega athygli mína var þetta:

"Trausti og fjölskylda reyndu að vekja athygli fjölmiðla á dauðsfallinu án árangurs og segist Trausti bara hafa heyrt fréttir um dauðsföll í Noregi."

Hann sagði líka að hann hefði fengið boð í seinni sprautuna og viti menn, látin eiginkona hans fékk líka boð um að mæta!

Allt virðist gert til að koma fólki í þessar sprautur, og afskráningar af bólusetningarlistum eru gjörsamlega hunsaðar.

Trausti vísar líka í viðtal við sóttvarnarlækni frá 12. maí:

"Danir og Norðmenn ákváðu eins og kunnugt er að hætta að nota AstraZeneca. Í sjónvarpsfrétt 12. maí sagðist Þórólfur Guðnason sóttvarnalæknir vera algerlega ósammála dönskum læknum en sagðist ekki vita hvort rétt væri eftir þeim haft. Hann sagði að einn á móti 100 þúsund fengi aukaverkun".

Kíkið á tölur dagsins hér efst og spyrjið ykkur sjálf, er Þórólfur að segja satt eða ósatt?

Og teljast þetta hér ekki aukaverkanir?

Hvað ætli mörg andlát hafi orðið hér frá áramótum sem ættingjar hafa hugsanlega ekki tengt við nýlega bólusetningu ástvinar, heldur skrifað á aldur viðkomandi eða undirliggjandi sjúkdóma?

Ég veit um að minnsta kosti eitt slíkt, staðfest af dóttur viðkomandi manneskju við mig.

Hvað skyldu þau vera mörg til viðbótar?

Flokkur: Bloggar | Breytt s.d. kl. 21:23 | Facebook