Þvingaðar bólusetningar viðgangast hér á landi, það er því miður bláköld staðreynd!

Í byrjun maí fékk ég senda hljóðupptöku sem ég fjallaði um á Facebook veggnum mínum, og þessi færsla fékk gríðarleg viðbrögð, enda efnið skelfilegt.

Hún kom upp í hugann eftir að ég fjallaði í vikunni um átakanlega sögu aldraðra íslenskra hjóna sem bæði þjást af Alzheimers.

Undir eðlilegum kringumstæðum hefðu þau aldrei leyft því að sprautað væri einhverjum tilraunaefnum í þau, en vegna veikinda sinna höfðu þau ekkert val, og voru bara sprautuð.

Andlega veik kona þvinguð til að láta sprauta sig á geðdeildinni

Facebook færslan mín:

"Ég var beðin um að hlusta á stutta hljóðupptöku í dag, en þar var 44 ára íslensk kona að segja frá hræðilegri reynslu sinni.

Hún þurfti að leggjast inn á geðdeild þar sem hún var andlega gjaldþrota, og á þriðja degi er henni boðin bólusetning. Hún segist aldrei hafa hugsað sér að láta sprauta sig, svo hún afþakkaði boðið.

Við skulum hafa það í huga að þetta var veik manneskja sem var gjörsamlega niðurbrotin andlega, og var þarna til að fá hjálp.

Það var svo komið fimm sinnum inn til hennar og hún spurð hvort hún vildi ekki sprautuna, en hún neitaði alltaf. Eftir hópþrýsting frá læknum og hjúkrunarfræðingum þá lét hún undan, og var sprautuð með J&J, og varð mjög lasin í kjölfarið.

Daginn eftir féll hún fimm sinnum í yfirlið, alvarlega í eitt skiptið, og er búið að líða illa síðan. Fyrst núna eftir fimm daga er hún aðeins að hressast.

Ég var alveg miður mín að heyra þetta, og finnst við vera komin á skelfilegan stað ef veikt fólk er beitt svona þvingun og hreinlega ofbeldi á stað þar sem það á að njóta verndar og fá hjálp við veikindum sínum!

Hvað finnst ykkur, eruð þið ekki sammála mér?"

Hvað ætli margir hafi verið (hálf?) þvingaðir í sprauturnar hér á landi?

Ég veit um marga sem hafa látið sprauta sig eftir hótun um brottrekstur úr vinnu ef þeir gerðu það ekki, og annað eins af fólki sem hefur látið undan hópþrýstingi frá nærumhverfi sínu.

Þórdís Björk Sigurþórsdóttir fjallaði nýlega í bloggi sínu um reynslu tveggja kvenna eftir sprauturnar: "Ef ég sé eftir einhverju í þessu lífi er það að hafa látið sprauta í mig þessum viðbjóði!"

"Hún sagðist hafa upplifað mikla pressu í þjóðfélaginu, hlustað á umfjöllun lækna og sóttvarnarlæknis, og hafi trúað því að hún myndi ekki fá neinar aukaverkanir."

Rónarnir sprautaðir

Vinkona mín átti spjall við nokkra róna á Austurvellinum í gær og spurði þá hvort þeir væru búnir að fá sprautuna.

Finnst einhverjum þetta eðlilegt og í lagi?

Sögurnar sem aldrei er fjallað um í fjölmiðlum

Ég veit ekki hvað við sáum margar fréttir í fyrra um fólk sem hafði veikst af veirunni og átt í eftirköstum um skeið eftir veikindin.

En hvar eru viðtölin við eitthvað af því fólki sem þegar er búið að tilkynna um 2.100 aukaverkanir?  Þetta er fólkið sem sannanlega glímir núna við aukaverkanir eftir sprauturnar eins og t.d. einhverjar af þessum hér á myndinni.

Ef fólk er ekki enn búið að átta sig á því, þá er skelfileg þöggun hér á landi varðandi hugsanlegar, og jafnvel óafturkræfar aukaverkanir vegna þessa tilraunalyfjagjafa.

Ég er mjög þakklát manninum sem leyfði mér að birta frásögnina af öldruðum foreldrum sínum sem voru þvinguð í sprautur, því við verðum að fá að heyra hinar hliðarnar á þessum "bólusetningum" líka.

Ef þið þekkið þið einhverja bólusetta sem hafa látist skyndidauða öllum að óvörum, eða þjáist sjálf af aukaverkunum eftir sprauturnar, þá megið þið gjarnan senda mér einkaskilaboð á Facebook síðunni minni ef þið viljið tjá ykkur um það og leyfa mér að birta hér.

Að sjálfsögðu heiti ég fullum trúnaði og myndi ekki birta neinar persónugreinanlegar upplýsingar ef fólk vill það ekki.

 

 

Athugasemdir

[Geir Ágústsson, 11.7.2021 kl. 18:23]

Þekki eina sem fékk mikil þreytuköst og varð óstjórnlega svefnþurfi í nokkra daga eftir Pfizer 2. Henni datt ekki í hug að tilkynna þetta sem aukaverkun enda bara "viðbúið" eftir sprautuna. Sennilega er verið að undirskrá aukaverkefnir alveg svakalega því það er búið að telja fólki í trú um að ef það bara lifir sprautuna af þá sé allt annað "viðbúið".

[Kristín Inga Þormar, 11.7.2021 kl. 19:18]

Sæll Geir,

Því slappari sem þú verður eftir sprautuna, því meiri og betri virkni er í efnunum, er það ekki?

Ég hef séð nokkra segja það í FB grúppum, og aðrir hafa talið að einhverra hluta vegna hafi þeir náð sér í einhverja flensu (sem hefur reyndar ekki greinst hér á landi í meira en ár!) strax á eftir.

Það er alveg klárt mál að aukaverkanirnar eru stórlega undirskráðar hér á landi, og andlátin líka, enda ekki víst að fólk tengi skyndidauða ástvina við þessar "bólusetningar".