Já er það Kári, til hvers var þá bólusetningin, og viltu setja á grímuskyldu innanhúss núna?

"Bólusettir muni líklega veikjast alvarlega hér eins og annars staðar"

Þetta er fyrirsögn á frétt sem var að birtast á visir.is.

"Forstjóri Íslenskrar erfðagreiningar telur að grípa eigi strax til aðgerða innanlands svo stemma megi stigu við útbreiðslu kórónuveirunnar. Reikna megi með að bólusettir veikist alvarlega hér á landi eins og í öðrum Evrópulöndum.

96 hafa greinst með kórónuveiruna innanlands frá mánudeginum í síðustu viku. Stærsta stökkið var milli daganna 18. og 19. júlí en í gær greindust 38. Um 80 prósent þeirra sem greinst hafa þessa síðustu átta daga eru að minnsta kosti hálfbólusett, langflestir fullbólusettir. Þá hafa einnig langflestir sem greinst hafa undanfarið verið utan sóttkvíar; af 38 smituðum í gær voru níu í sóttkví."

Voðalegar áhyggjur af börnunum sem enn er ekki búið að sprauta

"Hann bendir á að börn, sem flest eru óbólusett, mæti aftur í skólann eftir mánuð. Það stefni í óefni verði ekki gripið í taumana nú.

„Þá sitjum við uppi með mjög, mjög flókið vandamál. Hvernig ætlarðu að koma í veg fyrir hópsmit meðal barnanna? Hvernig ætlarðu að koma í veg fyrir að þau hópsmit breiðist út í samfélagið?“

Nú sé tími til kominn að stíga til baka.

„Ég held við verðum að byrja núna að grípa til ýmissa aðgerða, kannski fjöldatakmarkanir, kannski grímuskylda innanhúss og svo framvegis,“ segir Kári.

„Nú er þetta bara spurning um að hafa kjark til að grípa inn í núna og segja jú, það er búið að vera gott að eiga þetta frelsi undanfarnar vikur en við verðum að stíga skref aftur á bak.“

Fjölmiðlastjarnan Kári

Þessi maður fer nú með himinskautum í fjölmiðlum, í hverju drottningarviðtalinu á fætur öðru, þar sem hann lýsir "áhyggjum sínum" af ástandinu.

Ætlar bólusett fólk hér á landi virkilega að sætta sig við að bóluefnin sem búið er að ljúga inn í mestalla þjóðina séu kannski gagnslaus eftir allt saman? Og að það þurfi að fara aftur í þessar sprautur eins og verið er að tala um?

Og nú hefur hann voðalegar áhyggjur af óþekka fólkinu sem hefur engan áhuga á þessu tilraunaglundri og vill helst leita það uppi og setja á afvikinn stað ef það þiggur ekki "boðið". Þetta sagði hann í viðtali á RÚV í fyrradag.

Og hvað með þessa 2.330 sem eru þegar búnir að tilkynna um afleiðingar vegna þeirra?

Þjóðir undir dáleiðsluvaldi

Í bloggi í gær birti ég vídeó sem gamalreyndur dávaldur gerði og sýndi hversu auðvelt er að dáleiða fólk með ákveðnum aðferðum og fá það til að gera það nánast hvað sem er, og hann fékk áfall þegar hann sá að nákvæmlega sömu aðferðum er búið að beita heimsbyggðina í þessum "heimsfaraldri".

Kári hefur aldrei verið kjörinn til embættisverka fyrir þjóðina, en samt hefur hann óhugnanleg völd núna. Gleymum því aldrei að Íslensk erfðagreining fór á hausinn undir hans stjórn og margir misstu aleiguna sína.

Nú rekur hann fyrirtæki sem er í eigu Amgen, sem svo "skemmtilega" vill til að er í samstarfi við AstraZeneka um framleiðslu bóluefna!

Hann hefur gríðarlegra fjárhagslegra hagsmuna að gæta núna, svo við verðum að skoða allt sem hann lætur út úr sér í því ljósi, þessi maður er hreint ekki allur þar sem hann er séður. Og margir vita það.

Follow the money segir einhvers staðar.....

 

 

 

Athugasemdir

[Þorsteinn Siglaugsson, 20.7.2021 kl. 22:23]

Hver í ósköpunum er ástæða þess að engum fréttamanni kemur til hugar að spyrja þeirrar einföldu spurningar, til hvers var bólusetningin, sem fyrir lá að hindraði ekki smit heldur alvarleg veikindi? Og hvers vegna hélt hann því sjálfur fram að bólusetningin væri lausn vandans? Og að lokum, hversu marga ætlar hann að drepa með því að leggja efnahagslífið í rúst til að þjóna eigin fjárhagslegu hagsmunum?

[Kristín Inga Þormar, 20.7.2021 kl. 22:31]

Sæll Þorsteinn,

Þetta er einmitt spurning sem við mörg erum búin að velta fyrir okkur. Þessi maður sem svo sannarlega er ekki hlutlaus aðili fær athugasemdalaust að þvaðra í fjölmiðlunum sem lepja allt upp eftir honum gagnrýnislaust.

Hann hefur lengi verið í guðatölu hjá mörgum sem trúa honum og treysta í einu og öllu, eins og ættingi minn sem sagðist bara trúa Kára og ætlaði sko ekki að láta þetta helvítis covid drepa sig.

Þessi ættingi minn fékk sprautuna og var látinn fjórum dögum seinna.

[Þorsteinn Siglaugsson, 20.7.2021 kl. 22:56]

Ég votta þér samúð mína, Kristín. Var andlátið tilkynnt sem afleiðing bólusetningar?

[Kristín Inga Þormar, 20.7.2021 kl. 23:07]

Takk Þorsteinn, ættinginn var vissulega aldraður og með undirliggjandi sjúkdóma eins og þeir öldruðu sem dóu víst úr covid.

Einhverra hluta vegna var aldrei lögð áhersla á það þegar gamla fólkið, flest á níræðisaldri dó í fyrra, en mikil áhersla lögð á það núna þegar fólk hefur látist í kjölfar sprautanna.

En nei, andlátið var úrskurðað sem hjartaáfall af "óháðum aðilum".

[Guðmundur Ásgeirsson, 20.7.2021 kl. 23:37]

Það er engin lagastoð fyrir grímuskyldu.

[Kristín Inga Þormar, 21.7.2021 kl. 08:40]

Sæll Guðmundur,

Nei það er hvorki lagastoð né ástæða til grímunotkunar, en þessi maður hefur komist ansi langt á frekjunni og skapofsanum í gegnum tíðina.

Það er meira að segja ekki langt síðan hann sagði í viðtali að grímur væru táknrænar.

Grímur verja fólk ekki gegn örsmáum veirum sem komast auðveldlega í gegnum möskvana, fyrir utan það að það getur ekki verið hollt að anda sífellt að sér úrganginum sem lungun eru að skila frá sér.