Smá upprifjun um Víði sem við áttum öll að hlýða: "Ef þú ert með niðurgang farðu í sýnatöku, ef þú ert með óvenjulega þreytu farðu í sýnatöku", og sitthvað fleira.

Einhverra hluta vegna rifjaðist upp fyrir mér frétt á RÚV frá 19. apríl sem bar yfirskriftina "Það er mikil hræðsla og fólk er bara í áfalli".

Efni fréttarinnar var um hópsýkingar sem tengdust sóttkvíarbrotum. Ungur drengur á leikskólanum Jörfa greindist "smitaður", væntanlega með 40 snúninga PCR prófinu (sem löngu er búið að dæma ómarktækt í siðuðum löndum).

Á þessum tíma var hann sem betur fer einkennalítill, en fjölskyldan ákvað að skipta sér upp þarna, drengurinn og móðir hans dvöldu í sóttkvíargúlaginu við Þórunnartún, en faðirinn og lítil systir heima.

Aðspurður sagði litli drengurinn að það væri vegna þess að hann gæti smitað foreldra sína og systur.

Blessað barnið, hugsið ykkur ábyrgðina sem lögð er á hann þarna, eins og tugmilljónir annarra barna um heim allan.

Hvernig ætli honum hefði liðið ef fjölskyldan hefði líka "greinst"?

Ætli fólk geri sér einhverja grein fyrir því hversu skaðlegar allar þessar fáránlegu og tilefnislausu sóttvarnaraðgerðir eru börnunum? Og hvað þá þessar viðurstyggilegu "bólusetningar" sem þegar eru búnar að valda alvarlegum skaða hjá að minnsta kosti 6 börnum hér á landi?

Og sjáið skilaboðin frá Víði þennan dag á hræðslufundinum:

"Skilaboð dagsins til almennings voru skýr: „Farið í sýnatöku ef minnstu einkenna verður vart.“ 

„Ef þú ert með beinverki farðu í sýnatöku, ef lyktar og bragðskyn breytist farðu í sýnatöku, ef þú ert með niðurgang farðu í sýnatöku ef þú ert með óvenjulega þreytu farðu í sýnatöku,“ sagði Víðir Reynisson á upplýsingafundinum og hélt áfram upptalningunni, nefndi hósta, hálssærindi, hálsþurrk, hita og höfuðverk. 

Svo virðist sem fólk hafi tekið Víði á orðinu því langar raðir mynduðust í skimun við Suðurlandsbraut í Reykjavík. 2800 létu reka pinna upp í nefið á sér - Ragnheiður Ósk Erlendsdóttir, framkvæmdastjóri hjúkrunar hjá heilsugæslu höfuðborgarsvæðisins, segir að sjaldan hafi fleiri mætt í skimun."

Hvað varð um heilbrigða skynsemi fólks og rökhugsun?

Einhverra hluta vegna hef ég aldrei gleymt þessari gölnu upptalningu hans, og hvað þá viðbrögðunum við henni!

Hvað ætli margir þessara 2.800 hafi "greinst með smit" og þurft að fara í einangrun?

Ég sá skjáskot um daginn af Facebook þræði þar sem íslensk móðir var að spyrja ráða.

Ungt barn hennar var með smá hor, og hún vissi ekki hvort hún ætti að þora að fara með það í leikskólann!

Æ æ hugsaði ég með mér, svona hefur hræðsluáróðurinn svínvirkað! Það hefur aldrei þótt neitt sérstakt hingað til að leikskólabörn fái hor og smá kvef, þau eru jú ennþá að byggja upp ónæmiskerfin sín.

Að halda þeim heima við, leyfa þeim ekki að hitta aðra krakka eða afa og ömmu, og spritta allt í drasl gerir ekkert nema gera þau viðkvæmari gagnvart öllum veirum og bakteríum sem eru allt í kringum okkur!

Þetta getið þið þakkað þríeykinu, Svandísi og co fyrir:

 

Hvar er þríeykið sem "er búið að leiða okkur svo farsællega í gegnum þennan hræðilega drápsfaraldur"?

Landlæknir okkar og Víðir virðast horfin af yfirborði jarðar, það er helst að sóttvarnarlæknir okkar tjái sig í fjölmiðlum, og nú um daginn að maður geti hafa smitast af veirunni án þess að veikjast og jafnvel ekki vita af því!

Glæpirnir í boði íslenskra stjórnvalda

Við þurfum að gera okkur grein fyrir því að aðgerðirnar í heiminum síðastliðna 19 mánuði eru furðulega mikið samræmdar, allt niður í frasana hans Víðis um að við séum öll í þessu saman og við berum öll ábyrgð.

Eða þá jóla- og páskakúlurnar sem við áttum öll skríða inn í, nákvæmlega þessir frasar voru notaðir í löndunum í kringum okkur. Er það bara tilviljun?

Svarið er eitt stórt NEI, og því fyrr sem þjóðin gerir sér grein fyrir því að verið sé að fremja stærstu glæpi sem framdir hafa verið gagnvart mannkyninu núna, því fyrr fer fólk að rísa upp og mótmæla.

Þjóðirnar í kringum okkur eru löngu risnar upp og flykkjast hundruðum þúsundum saman í mótmælagöngur gegn alræðinu og fasismanum sem verið er að innleiða í heiminum í dag.

En að sjálfsögðu þykir það ekki fréttaefni í innlendum fjölmiðlum! Ef þið eruð ekki enn búin að því, horfið þá núna á vídeóið sem sannar hvað raunverulega er í gangi í dag.

Kusuð þið í dag flokkana sem leyfðu þessu að gerast, og hafa að ég held lítið sem ekkert talað um þetta stærsta mál samtímans í kosningabaráttu sinni?

Það kemur í ljós á morgun þegar endanlegar niðurstöður liggja fyrir.

 

Athugasemdir

[Geir Ágústsson, 25.9.2021 kl. 19:18]

Þá eru Norðmenn búnir að opna svo til upp á gátt (innanlands a.m.k.) eins og Danir og Svíar á undan þeim. Það eru forsætisráðherrarnir sem standa fyrir svörum á blaðamannafundum og þurfa að taka afstöðu eftir að hafa hlustað á hina ýmsu sérfræðinga, ekki bara einn mann. Ábyrgðin á að liggja hjá kjörnum fulltrúum. Í dag var kosið um það hver tekur næst við minnisblöðum ókjörins embættismanns og innleiðir í regluverkið.

[Kristín Inga Þormar, 25.9.2021 kl. 19:46]

Sæll Geir,

Já það var ansi sniðugt hjá þeim að láta "sérfræðingana" að Kára nokkrum meðtöldum ráða ferðinni hér á landi. Ég veit ekki til þess að sá maður hafi verið kjörinn til nokkurra embætta hér á landi heldur.

Svo þegar skíturinn verður allur kominn upp á yfirborðið, þá munu þau örugglega þykjast alveg grandalaus, að þau hafi bara verið að fylgja ráðum sóttvarnarlæknis!

[Helga Kristjánsdóttir, 27.9.2021 kl. 01:12]

Í viðtali a kosningaótt kallaði hann Sigmund Davíp sprellikarl,Andstyggilega donalegt,enda hefur Sigmundur alltaf verið fyrir ei.

[Kristín Inga Þormar, 27.9.2021 kl. 08:17]

Sæl Helga,

Í alvöru? Það er algjörlega óþarfur dónaskapur.

[Helga Kristjánsdóttir, 27.9.2021 kl. 23:14]

Já það er engin misheyrn ég veit ekki hvort ég næ viðtalinu á tímaflakkinu,en margia hljóta að hafa geyrt það. Þegar ég skripla á stöfunum hér.þá er ég að flýta mér áður en eftirlitið sýnir mér puttann og ljosdepillinn á mælaborðinu segir að ég sé vöktuð. Takk fyrir allt sem þú færir okkur um þennan óskapnað.H.K:

[Kristín Inga Þormar, 27.9.2021 kl. 23:27]

Sæl Helga, og kærar þakkir fyrir að lesa bloggin mín.

Ég hætti að horfa á íslenskt sjónvarp og hlusta á íslenskar fréttir í fyrra þegar ég hafði gert mér grein fyrir því að þeir væru bara áróðursöfl sem hefðu engan áhuga á að fjalla um hina hliðina á þessum meinta "heimsfaraldri".

Þess vegna fylgdist ég ekki með þessum kosningaútsendingum. Gæti verið að kosningasvindl séu í gangi á okkar kæra landi? Ég hélt að það gerðist bara í útlöndum!

Í minum augum eru þessar endurtalningar furðulegar, og hvers vegna má bara merkja sitt atkvæði með blýanti en ekki penna? Gæti það virkilega verið að landið okkar sé spilltara en við höfum gert okkur grein fyrir hingað til?

[Helga Kristjánsdóttir, 28.9.2021 kl. 00:50]

Allavega var ég gáttuð þegar eg uppgötvaði að R-sagði svo einkennilegar fréttir,en margir bentu á að þeir slepptu atriðum,til að vinaþjóðir litu vel út í vigafréttum. Eg horfi ekki á það dögum saman og er farin að greina þá sem leita aðeins í auð og völd. Að elska landið sitt nei,allt of fáir.Mb.Kv.  

[Kristín Inga Þormar, 28.9.2021 kl. 08:57]

Sæl aftur Helga,

Það eru sem betur fer til aðrir heiðarlegir miðlar og sérfræðingar sem segja sannleikann, og það er alveg nóg að fylgjast með hvað þeir segja.

Þessir meginstraumsfjölmiðlar eru rusl, og í rauninni stórhættulegir allir sem einn.