Skrítið, ef tvær sprautur virkuðu ekki, hver er þá tilgangurinn með þeirri þriðju, og það af annarri tegund?

Ætli starfsfólkið sé þegar búið að fá sína árlegu flensusprautu? Það verður þá gangandi efnakokteill eftir "örvunar"sprautuna, búið að fá fjórar í kroppinn á örfáum mánuðum!

Það setur bara hroll að mér við tilhugsunina um það.

"Starfs­menn Land­spít­al­ans munu fá örvun­ar­bólu­setn­ingu, þriðju spraut­una gegn Covid-19, með bólu­efni frá Pfizer dag­ana 18.-21. októ­ber, að sögn Andra Ólafs­son­ar, upp­lýs­inga­full­trúa Land­spít­al­ans.

Örvun­ar­bólu­setn­ingu um 1.600 starfs­manna Land­spít­al­ans sem boðaðir voru í bólu­setn­ingu í gær og í dag var frestað. Nota átti bólu­efnið Spike­vax (Moderna) við þessa bólu­setn­ingu."

Hvað gerist svo eftir einhverja mánuði ef þriðja sprautan virkar ekki, verður fólkið þá boðað í meiri "örvun", og svo aftur og aftur....?

Það er búið að tryggja okkur nægt bóluefni fyrir næsta (og þarnæsta?) ár, svo það vekur upp spurningar um hvort alltaf hafi verið gert ráð fyrir reglulegum "örvunar"sprautum.

Að minnsta kosti virðist það vera raunin í öðrum löndum sem hafa tekið í notkun þessa skelfilegu bólusetningapassa, þar er gert ráð fyrir átta bólusetningarstimplum!

Boðaðir

Var starfsmönnunum ekki boðið, voru þeir boðaðir? Það er talsverður munur þarna á. Almenningur var á einkar ógeðfelldan hátt boðaður í sprautur með SMS skilaboðum um að hann ætti að mæta á tilteknum degi og tíma í þetta eða hitt efnið, og stundum voru boðin látin hljóma spennandi, eins og fyrstur kemur, fyrstur fær.

Heilbrigðisstarfsfólk virðist vera lítið spennt fyrir þriðja skammtinum, og aumingja Þórólfur áttar sig ekki almennilega á því hvers vegna það er, en hann ætlar ekkert að gefast upp!

Til stóð að sprauta mannskapinn með Moderna, en í ljósi "nýrra" upplýsinga, sem reyndar eru ekkert svo nýjar, er búið að ákveða nota það ekki í bili, heldur bara gamla góða Pfizer sem er bara búið að valda að minnsta kosti 23 andlátum og 76 öðrum alvarlegum aukaverkunum, fyrir utan allar smotterís tilkynningarnar sem komnar eru upp í 1.371.

Það verður að vernda þetta fólk og bjarga lífum þess, við erum jú enn í miðjum faraldri!

Hann hefur viðurkennt að Íslendingar séu tilraunadýr!

"Þórólfur Guðnason sóttvarnarlæknir viðurkenndi í seinni fréttum á RÚV í gærkvöldi að engar rannsóknar hafi verið gerðar með blöndun bóluefna, svokallaða "mix&match" aðferð og hann viti ekki til þess að hafi verið gert annars staðar.

Með öðrum orðum er hann að segja að Íslendingar hafi verið notaðir sem tilraunadýr með þessa blöndu tveggja ólíkra bóluefna. Hann sagði einnig að slíkar rannsóknir verði sennilega ekki framkvæmdar."

Lesið alla fréttina hér. Pælið í þessu, hann hefur látið sprauta fólk með mismunandi efnum þrátt fyrir að rannsóknir um öryggi þess hafi ekki farið fram!

Tilkynntum aukaverkunum snarfjölgar, og FIMM alvarlegar bættust við frá í gær!!

Tilkynntar aukaverkanir í gær voru 3.270, og eru komnar upp í 3.284 í dag, og það skelfilega er að fimm þeirra eru alvarlegar!

Hvernig er hægt að líta á þessa skelfilegu bólusetningarmaníu í manninum annað en einbeittan brotavilja? Hvað annað getur legið þarna að baki?

Væri hann heill í sínu starfi, þá væri hann búinn að stöðva þessar "bólusetningar" fyrir lifandis löngu.

Og stæði Lyfjastofnun sem vinnur undir mottóinu "Gæði - Traust - Þjónusta" undir því, þá myndi hún ekki reyna að þagga niður aukaverkanirnar, og/eða gera lítið úr þeim eins og hún er búin að gera tvisvar bara í þessum mánuði, og ég er búin að fjalla um.

Í alvöru, hvenær ætla Íslendingar að opna hug sinn fyrir því að eitthvað allt annað geti verið í gangi en einhver "heimsfaraldur"?

 

 

Örvunarbólusetningu á Landspítala seinkar

Athugasemdir

[Jón Þórhallsson, 12.10.2021 kl. 11:57]

Þú ert með þetta allt á hreinu.

Ráðherrarnir í ríkisstjórn íslands þurfa ekki að fara eftir minnisblöðum sóttvarnarlæknisins frekar en þeir vilja.

Eru þeir ekki allir orðnir samsekir Þórólfi ef  að þeir "kóa með" honum?

[Þröstur R., 12.10.2021 kl. 12:03]

Sæl Kristín,

Það vill svo til að ég er að fylgjast með honum Dr Mike Yeadon á Telegram og þar deildi hann ákvörðun sóttvarnarlæknis Íslands að hætta að nota Moderna vegna aukna tíðni hjartabólgu og gollurshúossbólgu. 

Hann sagði:  "Iceland’s government halts ALL use of the Moderna covid19 vaccine, noted obvious excess of myocarditis.

This is strange. The Pfizer product is associated with higher incidence of myocarditis." 

Best wishes 

Dr Mike Yeadon

[Kristín Inga Þormar, 12.10.2021 kl. 12:51]

Sæll Jón,

Jú auðvitað eru þau öll samsek með honum, alveg klárlega! Annars væru þau löngu búin að stöðva þennan farsa.

[Kristín Inga Þormar, 12.10.2021 kl. 12:57]

Sæll Þröstur,

Jahá, það var nefnilega það! Reyndar kemur þetta mér ekkert á óvart, ef allt væri eðlilegt væri löngu búið að taka þetta efni úr umferð, og í raun löngu búið að stöðva þessar "bólusetningar" allar!

[Geir Ágústsson, 12.10.2021 kl. 13:39]

Á meðan læknar og hjúkrunarfræðingar þegja yfir þeim fjölmörgu úrræðum sem þeir hafa til að meðhöndla þá fáu sem þurfa læknisaðstoð þá er ábyrgð þeirra mikil í að viðhalda óttanum og tryggja raðamyndum við pinnafæriböndin og handleggi í sprautuverksmiðjurnar. Það má raunar engan tíma missa að stöðva geðveikina því nú er verið að hita okkur upp fyrir sprautur niður í 5 ára krakka. Og síðan niður í 6 mánaða ungabörn.

[Kristín Inga Þormar, 12.10.2021 kl. 13:56]

Sæll Geir,

Já það er verið að brjóta alla sáttmála og lög sem áttu akkúrat að koma í veg fyrir að svona tilraunir væru gerðar á fólki.

Og maður má bara ekki til þess hugsa að hleypa þessu fólki í börnin, það má bara aldrei verða af því!

[Helga Kristjánsdóttir, 12.10.2021 kl. 15:03]

Í veit af þessum "kvillum"  allt í kringum mig sem eru ekki tilkynnt.

[Kristín Inga Þormar, 12.10.2021 kl. 15:24]

Sæl Helga,

Já því trúi ég vel, það eru örugglega ekki allir sem tengja ný veikindi eða kvilla við sprauturnar, einhverjir sem vita ekki að þeir geti tilkynnt, og svo einhverjir sem nenna ekki að standa í einhverju "veseni".