Svínaflensan 2009, og "heimsfaraldurinn" sem er byggður á tómum lygum!

Það mætti halda að aldrei hafi gengið yfir pestarfaraldrar fyrr en undanfarin tæp tvö ár, en við erum svo fljót að gleyma. Sannleikurinn er samt sá að við fáum pestir yfir okkur á hverju einasta ári, og stundum mjög skæðar þar sem fólk getur átt í langvinnum veikindum og eftirköstum eftir þær, og jafnvel látist.

En reyndar ákvað gamla góða flensan af stakri kurteisi að taka sér frí í fyrra og hætti að greinast eftir að "drápsveiran mikla" kom upp.

Ég rakst á frábæra grein í gær, þar sem meðal annars er farið yfir þennan "yfirstandandi heimsfaraldur", fölsku PCR prófin, og að svínaflensufaraldurinn 2009 hefði bara verið flensa (kannski þó í skæðari kantinum).

"One thing we now know for certain, there never was a pandemic. There was the illusion of a pandemic created by the PCR testing fraud. The mass testing of millions of healthy people which produced millions of false positives. In unison with a campaign of fear promoted by governments through the media."

Ég sendi fyrirspurn til Landlæknisembættisins fyrr á þessu ári og spurði meðal annars um hversu margir snúningar væru notaðir á PCR prófum hér á landi, og svarið var 40 snúningar.

Þetta þýðir bara að Þórólfur hefur, eins og margir kollegar hans í öðrum löndum viðhaldið fölskum faraldri hér á landi á grunni þessara prófa.

Og látið það síast inn í kollinn á ykkur! Það er búið að halda fólki bæði hér á landi og annars staðar í skefjalausum ótta við einhverja veiru, með prófum sem gefa allt að 97% falskar jákvæðar niðurstöður eins og þau eru notuð!

 

Samtíminn

Berið gömlu fréttirnar hér fyrir neðan saman við fréttaflutninginn í dag, og þessar endalausu fréttir um "ný smit" og annan hræðsluáróður.

Og nú er verið að hræða foreldra ungra barna, enda stendur til að byrja að sprauta börn á aldrinum 5-11 ára á næstunni.

En eins og sjá má af þessum gömlu fréttum, þá voru börn niður í 0 ára líka að veikjast þá.

Þórólfur er farinn að blogga, og segir í dag meðal annars: "Ákvörðun um bólusetningu barna yngri en 12 ára hefur ekki verið tekin enda hafa engin bóluefni verið samþykkt hér á landi fyrir börn á þeim aldri. Bóluefni frá Pfizer er nú umsóknarferli hjá Lyfjastofnun Evrópu og er von á niðurstöðu í desember 2021."

Hann vill semsagt sprauta 5-11 ára börn með eiturglundrinu sem hefur valdið samtals 2.234 aukaverkunum hér á landi, sem skiptast svona:

Comirnaty (BioNTech/Pfizer):

105 alvarlegar tilkynningar hafa borist.

• 24 þeirra varða andlát. 18 andlát vörðuðu aldraða** einstaklinga, 15 þeirra með staðfesta undirliggjandi sjúkdóma. Fimm andlát vörðuðu eldri*** einstaklinga, fjórir þeirra með staðfesta undirliggjandi sjúkdóma. Eitt andlátið varðaði einstakling á aldursbilinu 60-64 ára með staðfestan undirliggjandi sjúkdóm.
• 56 tilkynningar varða sjúkrahúsvist (þar af níu lífshættulegt ástand).
• 16 tilkynningar teljast klínískt mikilvægar og þar með flokkaðar sem alvarlegar****.
• Fjórar tilkynningar teljast alvarlegar, þar sem beðið er eftir viðbótar upplýsingum.
• Fimm tilkynningar varða fósturmiska.

Þetta vill hann gera þrátt fyrir að búið sé að tilkynna um 68 aukaverkanir hjá 12-17 ára börnum hér á landi, þar af 8 alvarlegar!

Alvarlegar aukaverkanir á sænskum börnum og ungmennum eru farnar að koma fram, eitt barn er látið og 101 með lífshættulegan skaða.

Uppfærsla: Ný frétt á Fréttin.is sem ber yfirskriftina "Leiðrétting eða lygaáróður fyrir frekari bólusetningum barna?".

Er þessi maður bara samviskulaus þrjótur?

Fréttir í fjölmiðlum dagana 31. október - 2. nóvember 2009

Fjörutíu á Landspítalanum vegna svínaflensu

"Fjörutíu manns liggja á Landspítalanum vegna svínaflensunnar þar af tíu á gjörgæslu. Flestir sem eru á gjörgæslu eru um fimmtugt, yngsti sjúklingurinn er tveggja ára og sá elsti um áttrætt.

Sex nýir voru lagðir inn á spítalann í gær. Haraldur Briem sóttvarnarlæknir segist ekki sjá að flensan sé í rénun"

Aldrei fleiri flensusjúklingar á spítala

"Aldrei hafa fleiri legið inni á Landspítala af völdum svínaflensu en í gær. Þá höfðu átta nýir lagst inn en enginn verið útskrifaður. Samtals voru 43 inniliggjandi, þar af ellefu á gjörgæslu. Yngsti gjörgæslusjúklingurinn var tveggja ára en sá elsti rúmlega áttræður."

"Á Sjúkrahúsinu á Akureyri voru þrír inflúensusjúklingar í gær, enginn þeirra á gjörgæsludeild. Langflest inflúensutilfelli hérlendis, undanfarna daga og vikur, greinast hjá börnum á aldrinum 0 til 9 ára, að því er fram kemur í tilkynningu frá sóttvarnalækni og almannavarnadeild Ríkislögreglustjóra. Þetta er marktæk breyting frá því í júlí og ágúst þegar flestir sem veiktust voru á aldrinum 15 til 30 ára."

Aldrei fleiri á spítala með svínaflensu

"Aldrei hafa fleiri sjúklingar legið á Landspítalnum með svínaflensu en 45 sjúklingar liggja þar nú, þar af ellefu á gjörgæslu. Undanfarna daga hafa borist fréttir af því að flensan sé í rénun en í dag var tekin ákvörðun um að hafa spítalann áfram á svokölluðu virkjunarstigi."

Flensan gæti enn átt eftir að versna

"Aldrei hafa fleiri sjúklingar legið á Landspítalnum með svínaflensu. Þar liggja nú 45 sjúklingar með flesuna, þar af ellefu á gjörgæsludeild. Björn Zoëga, forstjóri Landspítalans, segir að hann eigi von á því að í vikunni komi í ljós hvort flensan eigi enn eftir að versna eða hvort nú muni loks fara draga úr henni.

Svo gæti farið að um 100 manns til viðbótar þyrftu að leggjast inn. Þar með gætu sjúklingar á gjörgæsludeild orðið allt að þrjátíu talsins en að jafnaði hefur fólk, þungt haldið af svínaflensu, þurft að dvelja þar í þrjá til fjórar vikur. Spítalann segir hann þó geta annað slíku álagi."

Tíu á gjörgæslu vegna svínaflensu

"Tíu sjúklingar liggja á gjörgæsludeild Landspítalans vegna svínaflensu eða H1N1 inflúensunnar. 39 eru inniliggjandi á spítalanum vegna flensunnar. Þetta kemur fram í tilkynningu frá farsóttarnefnd spítalans.

Þar kemur jafnframt fram að frá því í gær hafi einn sjúklingur verið útskrifaður af gjörgæslu en einn nýr lagst þar inn. Á hádegi í gær voru 45 sjúklingar inniliggjandi á spítalanum og þar af 11 á gjörgæslu."

Þessi heiðursorðuhafi er lengi búinn að ljúga að þjóðinni

Engu var á þessum tíma skellt í lás, engir settir í einangranir og sóttkvíar eða skipað að nota grímur, en allir hvattir til að láta sprauta sig gegn pestinni, og það gerði meðal annars núverandi sóttvarnalæknir.

Þarna árið 2009 sagði hann: Aukaverkanir af bólusetningu gegn svínaflensu eru mjög litlar miðað við hættuna af veirunni sjálfri. Ansi kunnugleg mantra!

Samt sem áður urðu að minnsta kosti þrjár ungar stúlkur öryrkjar fyrir lífstíð hér á landi, og hundruðir annarra ungmenna í öðrum löndum.

Svo sagði hann í viðtali í upphafi núverandi "heimsfaraldurs" að tryggja þurfi að nýtt bóluefni valdi ekki skaða.

Honum hefur tekist það svona líka ljómandi vel, finnst ykkur það ekki?

Inga Halldórsdóttir birti mjög góða bloggfærslu í dag um hvað liggur að baki þessum blekkingum, og ég er búin að horfa á mörg vídeó með þessum sérfræðingum sem hún vísar í.

Og hún hefur skrifað mörg góð blogg þar sem hún kafar djúpt ofan í það sem verið er að gera heimsbyggðinni núna, kíkið endilega á þau!