Enn meiri sönnun um að þessi svokallaði "heimsfaraldur" sé byggður á lygum

Það eru margir fílar í herberginu með tilliti til opinberrar umræðu um þennan meinta heimsfaraldur. Kannski er óvissan í kringum hvort þessi "drápsveira" sé yfirhöfuð til, stærsti fíllinn.

Margir vísindamenn vita um þetta, en þora ekki að minnast á það af ótta við rógsherferðir gegn sér, eins og allir þeir sem hafa dirfst það hingað til hafa orðið fyrir.

Hér er frábært viðtal við Dr. Kevin P. Corbett sem er sérhæfður hjúkrunarfræðingur, heilbrigðissérfræðingur, og kennari fólks í heilbrigðisstéttum.

Hann hefur rannsakað reynslu fólks af læknisfræðilegri greiningu og meðferð við langvinnum heilsufarssjúkdómum, þar á meðal HIV og alnæmi. Hann hefur starfað við sjúkrahús, samfélags- og réttarlæknisþjónustu síðan 1983, og við rannsóknir í heilbrigðisvísindum síðan 1987.

Í þessu einstaka viðtali hans við Dr. Kevin Corbett ræðir hann um meinta einangrun og hreinsun "drápsveirunnar", virkni PCR prófanna, sögulegar hliðstæður Covid-19 við HIV/Alnæmi, aðrar farsóttir og svo margt fleira.

Þegar maður horfir og hlustar á Kevin, þá veit maður að hann er að segja sannleikann, og honum er slétt sama hvort hann verði opinberlega rægður fyrir það sem hann segir, það þarf bara að segja sannleikann segir hann.

Þú veist að eitthvað mikið er að þegar vísindin eru ritskoðuð.

Vírusinn hefur aldrei verið einangraður, vísindamenn höfðu einhverja búta úr erfðafræðilegum kóða veiru sem þeir notuðu til að gera tölvulíkan af því sem okkur er sagt að sé þessi drápsveira.

Á grunni þessa tölvulíkans er PCR prófið notað eins og það er gert í dag.

Og hér er það viðurkennt af Maria Zambon hjá The Imperial College of London.

Einhver tiltekinn vírus er sagður valda tilteknum veikindum, niðurstaða úr jákvæðu PCR prófi plús mínus nokkur einkenni sem eiga við alls konar aðrar veirusýkingar er úrskurðað sem smit af völdum "drápsvírussins".

Jafnvel án nokkurra einkenna er niðurstaða úr jákvæðu prófi skilgreint sem "smit". Semsagt, þótt maður sé einkennalaus og fullfrískur, þá telst maður samt "með smit".

Það er fáránlegt að þetta sé látið viðgangast segir hann, en læknum hefur verið sagt að fara eftir þessum skilgreiningum.

Þessi kafli viðtalsins er mjög áhugaverður, og þar kemur meðal annars fram að heilbrigðismálum í Bretlandi sé í raun stjórnað af Alþjóðaheilbrigðismálastofnuninni (WHO).

Það má líka velta fyrir sér hvort það sama eigi sér stað hér á landi, Þórólfur hefur oftar en einu sinni sagt að hann fylgi tilmælum þessarar stofnunar, samanber þegar hann sagði í fyrra að grímur gerðu ekkert gagn, en svo komu víst einhver ný "vísindi" fram þar sem sögðu að þær gerðu mikið gagn.

Greining á "smiti" skuli ekki byggjast á einangrun veirunnar. Tilmæli til ríkisstjórna heimsins, ekki hafa fyrir því að einangra hann, treystið okkur bara.

22 virtir vísindamenn birtu vandaða grein sem fjallar um galla þessara PCR prófa, sem geta framkallað falskar jákvæðar niðurstöður.

Þessari grein var hafnað af Eurosurveillance (auðvitað!), því stofnanir gera allt sem þær geta til að varðveita orðstír sinn.

Hann segir líka að hefðu niðurstöður þessarar rannsóknar verið samþykktar, þá hefði það þýtt mikið tekjutap fyrir þá sem eru þegar búnir að græða milljarða á þessum prófum.

Þetta snýst ekki um vísindi, heldur peninga og völd.

Svona er farið að þessu

Þú byggir upp hræðslu í samfélaginu við einhvern vírus, sjúkdóm og hræðslu við dauða, og þú viðheldur honum með áróðri sem er búinn til af atferlisfræðingum sem búa til allar myndrænu auglýsingarnar sem kynda undir óttann (hér talar hann um Bretland).

Allt er tengt dauðanum, um að þú getir náð þér í eitthvað sem getur drepið þig, allt gert að skapa og viðhalda hræðslu, við verðum að vernda ömmu gömlu og svo framvegis, þetta þekkjum við líka hér á landi.

Þetta hefur verið gert áður segir hann, og nefnir SMON faraldurinn sem gekk yfir Japan á áttunda áratugnum, þar sem hundruðir manns létust.

En það sem raunverulega gerðist var, að fólk lést af afleiðingum niðurgangslyfs, ekki neinnar veiru.

Svo þetta er ekki í fyrsta tilfelli misráðinna vísinda segir hann.

Í dag sé heilsufarssaga fólks ekki könnuð, hvort það hafi alvarlega undirliggjandi sjúkdóma, heldur sé nóg að fólk hafi almenn einkenni eins og kvef, hita og hósta, til að það sé úrskurðað með veiruna í sér.

Hann fjallar líka um HIV/Alnæmis faraldurinn á sínum tíma, sem skapaði mörgum mikil auðævi, og ber hann saman við núverandi "heimsfaraldur", mjög merkileg frásögn!

Hann fer líka í gegnum ferlið sem leiddi til þess að þessi próf fóru á hraðferð í gegnum kerfið, í stað margra ára prófana (eins og við þekkjum með þessi svokölluðu "bóluefni"), og var veitt neyðarleyfi.

Og, eins og ég hef oft bloggað um, þá hefur einhverjum faraldri verið viðhaldið með fölskum jákvæðum niðurstöðum sem hefur sent börn og fullorðna í lengri eða skemmri einangranir og/eða sóttkvíar.

Þetta er falskur faraldur, vírusinn hefur aldrei verið einangraður, og búinn var til sjúkdómur sem er skilgreindur út frá svo almennum einkennum að hann geti í raun verið hvað sem er, segir hann.

Þetta frábæra viðtal við hann er gott framhald af blogginu mínu í gær, þar sem ég fjalla um að þessi svokallaði heimsfaraldur sé byggður á lygum.

 

Athugasemdir

[Guðmundur Ásgeirsson, 30.10.2021 kl. 18:10]

Þetta með að veiran hafi ekki verið einangruð eru gamlar og úreltar upplýsingar frá því snemma í faraldrinum. Síðan þá hefur hún verið eingangruð í fjölda rannsókna víða um heim.

[Kristín Inga Þormar, 30.10.2021 kl. 18:41]

Sæll Guðmundur,

Það eru fréttir! Ertu með trúverðugar heimildir fyrir því? Og ætli einhver sé búinn að sækja verðlaunin upp á 1.2 milljón Evra fyrir að færa sönnun fyrir einangrun vírussins?

[Guðmundur Ásgeirsson, 30.10.2021 kl. 20:41]

Ég veit ekki hvers vegna enginn hefur innheimt þessar milljón evrur, kannski er Samuel Eckert bara ekki borgunarmaður fyrir þeim.

Töframaðurinn James Randi hefur í áratugi boðið milljón dollara verðlaun hverjum sem getur sýnt fram á yfirskilvitlega hæfileika. Undir aðstæðum sem er stjórnað af Randi með skilyrðum sem útiloka að hægt sé að sýna fram á neitt yfirskilvitlegt því ef hægt væri að sýna fram á það væri það ekki yfirskilvitlegt. Eðli máls samkvæmt hefur enginn staðist það próf og því hefur Randi aldrei þurft að greiða verðlaunin.

Hér eru nokkrar rannsóknir þar sem veiran hefur verið einangruð:

Isolation and characterization of SARS-CoV-2 from the first US COVID-19 patient

https://www.ncbi.nlm.nih.gov/pmc/articles/PMC7239045/

 

Virus Isolation from the First Patient with SARS-CoV-2 in Korea

https://www.ncbi.nlm.nih.gov/pmc/articles/PMC7036342/

 

Isolation and Full-Length Genome Characterization of SARS-CoV-2 from COVID-19 Cases in Northern Italy

https://jvi.asm.org/content/94/11/e00543-20

 

Isolation and characterization of severe acute respiratory syndrome coronavirus 2 in Turkey

https://journals.plos.org/plosone/article?id=10.1371/journal.pone.0238614

 

Svo veit ég ekki betur en að Íslensk erfðagreining hafi raðgreint hvert einasta smit sem hefur greinst á Íslandi. Nema Kári sitji með kaffibolla á sunnudagskvöldum og skáldi upp setraðirnar...

[Geir Ágústsson, 30.10.2021 kl. 21:11]

Kristín og Guðmundur,

Persónulega finnst mér það ekki skipta máli hvort veira hafi verið einangruð eða ekki og hvað hún heitir. Eitthvað er alltaf í umferð og læknar hafa það hlutverk að lækna fólk. Á meðan við erum ekki beinlínis að tala um ebólu sem stráfellir fólk, heldur veiru sem minnir helst af öllu á flensu en með öfuga áhættuhópa (flensa hættulegri fyrir krakka en eldri, nýja veiran hættulegri eldri en yngri). Og þar með ætti að vera galopið samfélagið, landamæri, allt, og gamla góða reglan: Ertu lasinn? Vertu heima. Ertu lasburða? Forðastu tónleika og takstu bætiefnin þín.

Sem sagt, óháð því hvað veiran heitir.

[Ásgrímur Hartmannsson, 30.10.2021 kl. 21:30]

Vírusinn er og var alltaf ekta.

Viðbrögðin voru og eru alltaf hysterísk.  Til skammar gervöllu mannkyni að eilífu.

[Kristín Inga Þormar, 30.10.2021 kl. 21:41]

Sælir báðir tveir Guðmundur og Geir,

Ég verð að taka undir það sem Geir segir, hvort þessi tiltekna veira hafi verið einangruð eða ekki skiptir minnstu máli í stóra samhenginu, heldur hvernig búinn var til faraldur sem var byggður á og viðhaldið með þessum fölsku PCR prófum.

Flensan kemur á hverju ári, nema í fyrra, sem ætti öllum að vera íhugunarefni. Ég er búin að sjá og lesa ótal viðtöl við fræga, virta og óháða vísindamenn sem hafa óflekkað mannorð, sem eru að sjálfsögðu ritskoðaðir út af öllum helstu samfélagsmiðlum og Google og fá aldrei birtar greinar í meginstraumsfjölmiðlunum.

Og ég er líka búin að sjá þúsundir umfjallana um og viðtöl við fórnarlömb þessara svokölluðu "bóluefna", og ástvini þeirra sem létust.

Svo hvort þessi veira hafi verið einangruð eða ekki, skiptir minnstu máli í þessum stærsta glæp gagnvart mannkyninu sem verið er að fremja núna.

[Kristín Inga Þormar, 30.10.2021 kl. 21:56]

Sæll Ásgrímur,

Ég efast ekkert um að það sé til einhver vírus sem hefur gert fólk veikt og jafnvel drepið, en það gerist jú hvort eð er á hverju ári.

En ég er líka búin að sjá margar sannanir fyrir því að ekki er allt sem sýnist í þessum "heimsfaraldri". Sumt hef ég bloggað um, en annað held ég að sé of stór biti fyrir fólk til að kyngja enn sem komið er.

Allavegana hér á Íslandi, þar sem veiruhrætt fólk, sem er jafnvel tví- og þrísprautað, flykkist enn í skimanir eins og sjá mátti í fréttum í dag.

Fyrst er búið til "vandamál" og fólki haldið stöðugt upplýstu um hættuna, síðan er boðað að lausnin sé í vændum, og þegar hin langþráða lausn er loksins komin, þá eru allir orðnir svo þreyttir á ástandinu að þeir hlaupa til og þiggja hana.

Nú er það sprautan sem lofað var að átti að bjarga öllu, en þeir sem nenna að leita sér upplýsinga víðar en frá sóttvarnalækni og RÚV hafa forðast sprautuna eins og heitan eldinn.

Enda er löngu orðið ljóst að þessi svokölluðu "bóluefni" eru allt annað en það, og hafa skaðað og/eða drepið milljónir manns hingað til, enda var það ásetningurinn.

[Guðjón E. Hreinberg, 31.10.2021 kl. 10:44]

Nei, Guðmundur - sá sem eingangrar og sannar veiruna væri nefndur í annarri hverri faraldursfrétt. Bandaríska CDC viðurkenndi sumarið 2020 að geta hvorki einangrað hana né sannað hana sem áhrifavald (Catalyst) vegna Covid 19. Ef þeir gætu tekið þá staðreynd til baka væri því slegið upp úti um allt. Allt sem Dr. Kevin Corbett ræðir hér um er rekjanlegt.

[Kristín Inga Þormar, 31.10.2021 kl. 11:24]

Sæll Guðjón,

Kjartan Hreinn aðstoðarmaður landlæknis staðfesti í tölvupósti, líklega fyrir c.a. ári síðan að þau hefðu engin frumgögn varðandi Sars-CoV-2 t.d. þau gögn er varða einangrun veirunnar og þá lífeðlisfræðilegu og sameindalíffræðilegu ástæður sem tengja veiruna við veirusjúkdóminn Covid-19.

Ég á skjáskot af þessu en það er of óskýrt til að birta hér, en þetta eru hans orð.

Stærsta málið er auðvitað það að búið er að blekkja fólk á fölskum forsendum í þessar genabreytandi sprautur sem eru sannanlega búnar að skaða og/eða drepa milljónir manns um allan heim.

[Guðmundur Ásgeirsson, 31.10.2021 kl. 15:05]

Þó að einhver, svo sem landlæknir, búi ekki yfir frumgögnum varðandi einangrun veirunnar þýðir það ekki að hún geti ekki hafa verið einangruð af einhverjum öðrum annars staðar. Einföld rökfræði.

Ég bý til dæmis ekki yfir neinum frumgögnum varðandi uppgötvun stjörnufræðinga á plánetuni Venusi. Engu að síður er ljóst að hún var uppgötvuð, eins og má sannreyna með stjörnusjónauka.

[Kristín Inga Þormar, 31.10.2021 kl. 15:31]

Sæll Guðmundur,

Er mikilvægara fyrir þig að þessi veira hafi verið einangruð heldur en hvað verið er að gera heimsbyggðinni núna?

Mér er bara alveg slétt sama hvort einhver hafi einangrað hana eða ekki, það skiptir bara engu máli í stóra samhenginu.