Hvað ætlar fólk að láta blekkja sig lengi, eru Íslendingar bara sofandi sauðir?

Nú er víst enn ein bylgjan á hraðri uppleið hjá einni mest sprautuðu þjóð í heimi. Fáir virðast setja spurningamerki við hvernig á því geti staðið, og flykkjast í sýnatökur í þúsundavís eins og enginn sé morgundagurinn, þar með talið fólk, hvers aðgöngumiði í afmæli er neikvætt próf.

"Á heilsugæsluna við Suðurlandsbraut hefur verið stríður straumur fólks á leið í hraðpróf alla helgina. Í kringum þrjú þúsund manns hafa fengið svona pinna upp í nefið og það venst seint. „Ég er að fara í fimmtugsafmæli í kvöld. Það var ætlast til þess að allir færu í próf,“ segir Auður Gunnarsdóttir."

Verkefnastjóri farsóttarnefndar Landspítala segir til skoðunar að færa spítalann aftur á hættustig og kallar eftir hertum sóttvarnaaðgerðum, að minnsta kosti grímuskyldu.

Hún ætti kannski að spyrja Macron og Merkel hvort grímur geri eitthvað gagn? Þau myndu skella uppúr og segja nei auðvitað ekki, þær eru bara tákn um undirgefni og hlýðni við yfirvaldið.

Við setjum þær bara á okkur fyrir myndavélarnar.

 

Allar smittölur á uppleið - 96 greindust í gær

Víðir er mættur aftur til leiks:

„Við erum búin að gera þetta svo oft. Slaka á og þurfa að herða. Ég veit ekki hvað við ætlum að gera þetta oft áður en við finnum einhverja leið sem verður þess valdandi að við getum haldið fjölda smita þannig við ráðum við það. Þegar við vorum með 40-50 smit þá gekk þetta ágætlega ég held að það sé lína sem við þurfum að horfa til.“

Það er eftirtektarvert (en kemur samt ekki á óvart) að fréttakonan Hólmfríður Dagný Friðjónsdóttir spyr hann ekki einnar einustu krefjandi spurningar, eins og til dæmis hvernig staðið geti á þessu þrátt fyrir að stærsti hluti þjóðarinnar er þegar tví- eða þrísprautaður og ætti því að vera búinn að fá vernd eins og lofað var.

Hann ætti að geta svarað þessu þótt hann sé ekki læknismenntaður, enda er hann innanbúðarmaður sem hefur hingað til haft nægilega mikla "þekkingu" til að geta skammað okkur og hrætt okkur upp úr skónum "þegar þörf hefur verið á".

Treystið vísindunum, er okkur sagt

"Vísindin" eru búin að taka ansi mörg heljarstökk síðan "heimsfaraldurinn" byrjaði, og þá alltaf í þá átt að réttlæta þessar svokölluðu "bólusetningar", skella öllu í lás og setja á grímuskyldu.

Mér datt í hug að renna í gegn um færslulistann minn og finna nokkrar færslur um tengd efni, svona ef einhver hefur áhuga á að lesa.

• Þann 19. mars 2020 var Covid-19 skilgreint sem flensa í Bretlandi, en ekki hættulegur smitsjúkdómur
• Hvers vegna er WHO alltaf að breyta skilgreiningunni á hjarðónæmi?
• Bresk heilbrigðisyfirvöld breyta allt í einu núna skilgreiningunni á hvað teljast Covid tilfelli
• Fauskurinn, grímurnar og vísindin.
• Þórólfur og "vísindin", þið getið hafa fengið pestina án þess að veikjast, og jafnvel vitið ekki af því
• Hvernig bóluefnin voru samþykkt með sviksamlegum hætti, að mati Dr. Michael Yeadon
• Þetta er bara pólitík í læknisleik, trúðu engu af því sem búið er að segja þér

Við lifum nú á tímum stórkostlegra blekkinga og hræsni. Okkur almúganum eru settar reglur og skorður sem elítan og glóbalistarnir eru undanþegin.

Loftslagsráðstefnugestir í Glasgow eru undanþegnir reglum um bólusetningarvottorð, og við Íslendingar erum að sjálfsögðu "stórasta land í heimi" og þurfum að senda 50 manns á þessa ráðstefnu.

Boris og frú setja upp smá leikrit og skella grímunni á sig á leið upp í einkaþotu á ráðstefnu í Róm um loftslagsmálin, og Kalli prins fer á sinni einkaþotu til Rómar, og þaðan til Glasgow í sömu þotu.

Hann hefur víst mjög miklar áhyggjur af seinaganginum í loftslagsmálunum.....

Svo trúa Íslendingar enn að við séum í miðjum heimsfaraldri, finnst ekkert óeðlilegt að þurfa að fara í sýnatökur til að mega fara í afmæli, og eru farnir að nota þessar súrefnisheftandi munnbleyjur aftur.

Þetta eru að öllum líkindum þeir sem eru þegar búnir að láta tví- eða þrísprauta sig en eru enn skíthræddir við einhverja veiru, því þeim er sagt að vera það.

Við hreykjum okkur af því að vera vel menntuð og vel lesin þjóð, en erum þvert á móti sofandi sauðir upp til hópa, og það er því miður bara sorgleg staðreynd.

 

 

Athugasemdir

[Ásgrímur Hartmannsson, 31.10.2021 kl. 14:14]

50 manna loftslasssendinefndin er svons "double whammy," því ekki bara eru þau að ferðast þvert á eigin sóttvarnarrráðleggingar, heldur eru þau á leið á "loftslagsráðstefnu" til þess að fárast yfir útblæstri flugvélanna sem þau ferðuðust með.

Það að nokkur lifandi maður taki mark á þessu liði segir mér vonda hluti um fólk, almennt.

[Guðjón E. Hreinberg, 31.10.2021 kl. 14:15]

Verkefnastjóri farsóttarnefndar Covidríkjanna hefur greinilega ekki lesið nein vísindi um grímur (https://pubmed.ncbi.nlm.nih.gov/25903751/).

Stundum er maður á barmi örvæntingar yfir sturluninni.

[Kristín Inga Þormar, 31.10.2021 kl. 14:27]

Sæll Ásgrímur,

Já þetta er svo galið að maður á bara varla til orð, er þetta ekki bara bein staðfesting á öllum blekkingunum og lygunum sem eru í gangi í dag?

Og ég skil ekkert frekar en þú að nokkur maður taki mark á þessu liði.

[Kristín Inga Þormar, 31.10.2021 kl. 14:32]

Sæll Guðjón,

Eins og ég segi, þá eru "vísindin" búin að taka ansi mörg heljarstökk undanfarið. Við munum nú þegar Þórólfur sagði í fyrrasumar að þær gerðu ekkert gagn, en stuttu seinna komu fram "ný vísindi" sem hann vísaði í um að þær gerðu mikið gagn.

Sturlunin er orðin algjör, og nú er verið að kynda undir "nauðsyn" þess að sprauta litlu krakkana, og pottþétt líka að búa okkur undir að þurfa að skríða aftur inn í jólakúluna hans Víðis.

[Geir Ágústsson, 1.11.2021 kl. 14:15]

Ég hélt að allir vissu að myndavélablossar dæla orku í veiru og gera hana bæði meira smitandi og skæðari. Þess vegna er mikilvægt að hafa grímu í myndatökum en ekki annars.

[Kristín Inga Þormar, 1.11.2021 kl. 15:06]

Sæll Geir,

Já auðvitað, mikið get ég verið eitthvað fattlaus, það mætti bara halda að ég sé ljóska!

Takk fyrir að segja mér sannleikann!