Eru óbólusettir þungur baggi á kerfinu? Skoðum aðeins málið.

Áróðurinn gegn þeim sem hafa engan áhuga á því að vera tilraunadýr fyrir lyfjarisana er að ná nýjum hæðum þessa dagana, nú síðast með fordæmalausum leiðara Sigmundar Ernis Rúnarssonar í Fréttablaðinu um helgina.

Aðrir hafa gengið í sama kór og heimta núna aðskilnað ósprautaðra frá hinum "sem gerðu allt rétt og hlýddu".

Íþyngjandi fyrir heilbrigðiskerfið, segir Sigríður Dóra Magnúsdóttir

"Hún segir að óbólusettir séu þungur baggi á heilbrigðiskerfinu.  Um 10% landsmanna eru óbólusett, en um helmingur covid-innlagna  á sjúkrahús er vegna þeirra sem ekki hafa bólusett sig."

"Við myndum mjög gjarnan vilja ræða við þennan hóp til að útskýra fyrir honum forsendur, þannig að menn taki nú upplýsta ákvörðun um það að fara í bólusetninguna". (Áherslubreytingin er mín)

Ok, það eru 25 á sjúkrahúsi og 4 á gjörgæslu, er þetta allur þungi bagginn? Fer heilbrigðiskerfi 370.000 manna samfélags á hliðina út af þessu? Er vandinn þá ekki frekar skapaður innanhúss?

Skoðum nýjustu tölurnar yfir aukaverkanir sem birtar voru í dag

Þær eru komnar upp í hvorki fleiri né færri en 5.539, og það sem meira er 3 tilkynningar um alvarlegar aukaverkanir bættust við um helgina!

"Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum."

Sem þýðir hvað? Þrjár manneskjur til viðbótar hafa um helgina fengið svo alvarlegar aukaverkanir, að þær hafa þurft að leita á náðir heilbrigðiskerfisins! Og nota bene, þetta er allt fólk sem að líkindum er búið að fá "grunnbólusetninguna", og jafnvel "örvunina".

Þetta er ekki óbólusetta fólkið! Alls hefur verið tilkynnt um 231 alvarlega aukaverkun, þar af 32 andlát og 199 aðrar alvarlegar, síðar "bólusetningarnar" hófust.

Hefur þetta blessaða fólk ekki líka verið "þungur baggi á heilbrigðiskerfinu", fyrir utan hina 5.308 sem fengu ekki "eins alvarlegar" aukaverkanir, en þurftu þó að leita læknisaðstoðar?

Flokkun tilkynninga um grun um aukaverkun eftir líffærakerfi

Flokkun tilkynninga um grun um aukaverkun eftir MedDRA kjörheitum

Hafa allar þessar skelfilegu afleiðingar eftir sprauturnar ekki verið þungur baggi á heilbrigðiskerfinu?

Vitiði kæra fólk, það er bara komið nóg af lygum, hálfsögum, og þöggun varðandi þennan "heimsfaraldur", sem 98-99% fólks lifir veikindi af. Ef það væri einhver hræðilegur drápsfaraldur í gangi, þá væri fólk ekkert að rífast um það, því það færi ekki framhjá neinum.

Og við myndum öll þekkja fólk, jafnvel heilu fjölskyldurnar sem hefðu dáið úr pestinni, en sannleikurinn er sá að flestir þeirra sem dóu víst "úr pestinni" voru aldrað fólk með undirliggjandi sjúkdóma.

Ég benti Sigmundi Erni á að það væri akkúrat fólk eins og hann sem héldi samfélögunum í herkví, ekki þeir ósprautuðu.

Sem betur fer er okkur að fjölga sem erum löngu búin að sjá í gegnum hvað er raunverulega í gangi, og erum að verða miklu háværari í umræðunni.

En núna þegar krafan um að útskúfa okkur frá samfélaginu er að verða háværari hér á landi eins og verið er að gera í mörgum löndum, þá segi ég hingað og ekki lengra.

Bólusetta fólkið á ekki að varpa sökinni á misheppnuðu "bóluefni" yfir á óbólusetta! Ef það er að veikjast í hrönnum núna, þá er það þessum genabreytandi tilraunalyfjum að kenna, ekki okkur.

Hér eru flottar greinar á Fréttin.is, önnur um þessa nasísku aðskilnaðarstefnu sem er í uppsiglingu og hin um prófessor í veirufræðum sem segir mótefni horfin hjá bólusettum eftir fjóra og hálfan mánuð.

Uppfærsla: Austurrísk lógík

 

Athugasemdir

[Geir Ágústsson, 15.11.2021 kl. 23:08]

Skiptir ekki máli hvað hinir óæskilegu gera, segja eða eru. Þeir eru hinir óæskilegu.

[Kristín Inga Þormar, 15.11.2021 kl. 23:39]

Sæll Geir,

Þótt gjörgæsludeildir séu fyllri af sprautuðu fólki en ósprautuðu, þá er samt sökinni á misheppnuðum "bóluefnum" komið á þá.

Nú er talandinn þannig að allt sé þeim ósprautuðu" að kenna og að útskúfa verði þá frá samfélaginu.

Þetta sýnir bara hversu óttaáróðurinn og heilaþvotturinn hefur gengið fullkomlega upp, og það eru örugglega einhverjir sem hlæja dátt núna í reykfylltum bakherbergjum núna með digru vindlana sína.

Yfir heimsku og þrælslund mannkynsins.

[Sigurður Kristján Hjaltested, 16.11.2021 kl. 09:47]

Sæl Kristín.

Einn besti pistill um ástandið í pólitíkinni

birtis í dag á mbl.is eftir Arnar Þór Jónsson,

Á bak við grímu gervifrjálslyndis býr grimmdarstjórn

Segir allt sem segja þarf um Sigmunda Ernis þessa lands.

[Kristín Inga Þormar, 16.11.2021 kl. 10:03]

Sæll Sigurður,

Ég er þér algjörlega sammála, ég búin að lesa þennan pistil, hann er frábær eins og allt sem kemur frá Arnari Þór.