Öllum ætti að vera löngu orðið ljóst að grímur gera ekkert gagn!

Það er með ólíkindum að lögregla sé kölluð til vegna þess einhver geti ekki, eða vilji ekki nota þessar bakteríublautu súrefnisheftandi tuskur.

Sú var tíðin að löggan hefði verið kölluð til ef einhver hefði vogað sér grímuklæddur inn í búð eða banka, en í dag er það akkúrat á hinn veginn.

Veiruhræddir fasískir starfsmenn eða öryggisverðir sem eru kannski sjálfir orðnir sljóir í hausnum eftir margra tíma súrefnisskort, hika ekki við að sýna vald sitt ef viðskiptavinur vill einfaldlega njóta þeirra sjálfsögðu mannréttinda að anda að sér súrefni.

Einu sinni sagði Þórólfur að grímur gerðu ekkert gagn, en svo skipti hann um skoðun á núll einni eftir að einhver ný "vísindi" (sem hann er nota bene aldrei beðinn um að sýna fram á) komu víst fram.

Ekkert frekar en í öll hin skiptin sem hann réttlætir einhverjar nýjar eða áframhaldandi skerðingar á frelsi okkar og mannréttindum.

Segir grímur gera lítið gagn fyrir almenning

„Að almenningur gangi með grímur er mjög vafasamt. Það er engin stofnun eða ábyrgur aðili sem mælir með því. Ég veit að í Bandaríkjunum hafa þeir verið að tala um þetta en ég alla vega set spurningamerki við þetta,“ svaraði Þórólfur.

Viðtal við hann 03.04.2020

Þórólfur mælir ekki með notkun á andlitsgrímum

Engin ástæða er fyrir íslensk yfirvöld að fylgja ráðleggingum Alþjóðaheilbrigðisstofnunnarinnar (WHO) um að fólk noti andlitsgrímur í fjölmenni til að draga úr kórónaveirusmiti. Þetta segir Þórólfur Guðnason sóttvarnarlæknir í samtali við fréttastofu. Rök skorti fyrir ákvörðuninni.

Viðtal við hann 07.06.2020

Raunveruleikinn í dag

Þrátt fyrir að búið sé að tví- eða þrísprauta 90% Íslendinga, og allir hafi þurft að nota munnbleyjurnar í marga mánuði, þá er mikið um smit og veikindi, og þar eru þeir sprautuðu ekkert undanskildir!

Þórólfur sagði í viðtali í fyrra að það væru bara tveir kostir í boði, annað hvort að fá Covid eða fara í bólusetningu.

90% þjóðarinnar hlýddi og er búin að láta sprauta sig - til að fá ekki Covid, en hefur samt fengið Covid!

Finnst fólki ekkert að það hafi verið blekkt? Okkur var sagt að sprauturnar væru eina leiðin út úr faraldrinum. Okkur var sagt að við værum öll í þessu saman og við bærum öll ábyrgð.

Margir fóru í sprauturnar til að geta ferðast, en hafa samt veikst og sitja kannski uppi með aukaverkanir í þokkabót.

Hver er ábyrgð þessa fólks sem lofaði okkur öllu fögru?

Myndir

Geðslegt, er það ekki?

Finnst fólki í lagi að gera börnunum þetta, fyrir utan það að sprauta þau með einhverjum tilraunaefnum sem foreldrarnir hafa enga hugmynd um hvað innihalda?

En við skiljum víst ekki vísindin....

 

Ef þetta er ekki klikkun, þá veit ég ekki hvað er!

Prófið að henda lúku af sandi á fótboltanet og gáið svo hvað mörg sandkorn sluppu í gegn. Þið munuð komast að því að nánast öll gerðu það.

Alveg eins og með grímurnar, möskvar þeirra eru "risastórir" miðað við veirur, sem smjúga auðveldlega í gegn.

Hefur einhver prófað að taka smók af sígarettu eða veipi og andað honum út í gegnum grímu? Fráblásturinn fer út um grímuna, upp í augun og út til hliðanna. Þetta er nú öll vörnin í grímunum gott fólk.

Það er búið að teyma ykkur á asnaeyrum í tæp tvö ár núna, og þið hafið leyft því að gerast athugasemdalaust og af fúsum og frjálsum vilja, í blindri trú á þríeykið og yfirvöld.

Farið að vakna, annars mun enn eitt "afbrigðið" skjóta upp kollinum sem mun kalla á enn fleiri test, enn meiri sóttkvíar og einangranir - og enn fleiri sprautur.

Prófið líka að hugsa um hvaða skelfilegu afleiðingar aðgerðir tveggja undanfarinna ára hafa haft á okkur.

Gjaldþrot, atvinnuleysi, heimilisofbeldi, þunglyndi og sjálfsvíg, svo fátt eitt sé nefnt.

Eitthvað sem lítið er fjallað um í fjölmiðlunum, allt snýst bara um smitfjölda gærdagsins til að halda okkur áfram í ótta.

Pælið í því! Vaknið!

Ítarefni:

• Hann sagði hlæjandi fyrir rúmum tveim árum síðan að grímur gerðu ekkert gagn!
• Grímur í máli og myndum
• Fauskurinn, grímurnar og vísindin
• Þetta stemmir ekki við opinber bresk gögn sem sýna fram á neikvæða virkni "bóluefnanna".  

 

 

Sagðist undanþeginn grímuskyldu að læknisráði

Athugasemdir

[Geir Ágústsson, 10.1.2022 kl. 11:59]

Ég held að allir geri sér grein fyrir gagnsleysi grímunnar en setji hana upp til að sýna hlýðni sína og undirgefni nú eða forðast rifrildi við unglinga sem vilja bara fá útborgað.

Best er að hafa alltaf á takteinum ferska afsökun sem gerir starfsmanni kleift að hætta afskiptaseminni og sinna þess í stað vinnu sinni. Nokkrar hugmyndir:

"Fyrirgefðu, gleymdi grímunni í hinum jakkanum / úti í bíl."

"Nei takk samt, ég nota mjög sérstaka grímu til að losna við skelfileg útbrot sem ég fæ af þessum algengustu tegundum. Mun ekki gleyma aftur!"

"Það líður oft yfir mig þegar ég geng með grímu, en gerir það auðvitað gjarnan. Getur þú útvegað mér starfsmann sem fylgist með mér á meðan ég versla og lífgar mig við ef ég fell í yfirlit?"

"Ég var að koma út rótarfyllingu og tannlæknirinn harðbannaði mér að nota grímu næstu 2 daga til að fá ekki sýkingu. Ég gleymdi því miður að fá þetta uppáskrifað."

"Ég vil ekki hræða litlu börnin með andlitsleysinu. Ég vona að þú sýnir því skilning."

"Hafðu ekki áhyggjur, kæri unglingur. Ég skal anda með nefinu sem er mjög góð sía á óhreinindi og pestir."

Eða setja á sig grímuna og taka strax niður. Komi einhver, setja hana aftur upp, taka strax niður. Sjá hver gefst upp á undan.

[Kristín Inga Þormar, 10.1.2022 kl. 14:57]

Sæll Geir,

Haha, kærar þakkir fyrir þessar fínu afsakanir!

Ég sá bíl á ferðinni um jólin, og allir innanborðs voru með N95 grímur kyrfilega fastar á andlitinu - í akstri, en ég vona að svona fólki fari ört fækkandi.

[Loncexter, 11.1.2022 kl. 16:39]

Var í strætó um daginn og þar voru Þorgrímur, Ásgrímur og Grímur og allir með grímur. En bílstjórinn var frá pólandi og hét Mariuzs Mazk 

[Kristín Inga Þormar, 11.1.2022 kl. 19:13]

Sæll Loncexter,

Haha, um að gera að gera sem mest grín að þessu fáránlega grímubulli!